BERODUAL eritma dlya ingalyasiy 20ml 0,25mg+0,5mg/ml

Farmakokinetika to'g'risidagi ma'lumotlar taqdim etilmagan

Eng tez-tez uchraydigan noxush ta'sirlar skelet mushaklarining mayda tremori, asabiylik, og'iz qurishi va ta'mning o'zgarishi; kamroq hollarda bosh og'rig'i, bosh aylanishi, taxikardiya va yurak urishini his qilish, ayniqsa og'irlashtiruvchi omillari bo'lgan bemorlarda kuzatiladi.

Nafas olish tizimi tomonidan: yo'tal, nafas yo'llarining ta'sirlanishi, faringit; kam hollarda - paradoksal bronxospazm.

Ovqat hazm qilish tizimi tomonidan: ko'ngil aynishi, qusish, diareya, OIT motorikasining buzilishi (ayniqsa mukovitsidoz bo'lgan bemorlarda)

Yurak-qon tomir tizimi tomonidan: kam hollarda - diastolik qon bosimining pasayishi, sistolik qon bosimining oshishi, aritmiyalar (yuqori dozalar qo'llanilganda), bo'lmachalar fibrillatsiyasi, supraventrikulyar taxikardiya.

Ko'rish a'zosi tomonidan: preparat ko'zga tushganda - midriaz, ko'z ichi bosimining oshishi, glaukoma, ko'z olmasida og'riq. Ko'z olmasida og'riq yoki noqulaylik, ko'rishning xiralashishi, ko'z oldida oreol yoki rangli dog'lar paydo bo'lishi hissi, kon'yunktiva giperemiyasi va korneal shish bilan birga o'tkir glaukoma simptomlari bo'lishi mumkin. Qorachiqni toraytiruvchi tomchilarni qo'llash va darhol okulistga murojaat qilish kerak.

Ba'zida akkomodatsiyaning qaytuvchan buzilishlari kuzatiladi.

Allergik reaksiyalar: kam hollarda - teri toshmasi, til, lab va yuzning angionevrotik shishi, eshakemi, bronxospazm, laringospazm va anafilaktik reaksiyalar.

Boshqalar: gipokaliemiya, terlashning kuchayishi, umumiy holsizlik hissi, mialgiyalar, mushak tirishishlari, ruhiy o'zgarishlar

Bemor hansirash kutilmaganda tez kuchaygan taqdirda darhol shifokorga murojaat qilish kerakligi haqida xabardor qilinishi kerak.

Shuni hisobga olish kerakki, bronxial astma yoki o'pkaning surunkali obstruktiv kasalligining yengil va o'rta og'ir shakllari bo'lgan bemorlarda simptomatik davolash muntazam qo'llashdan afzalroq bo'lishi mumkin.

Bronxial astma yoki o'pkaning surunkali obstruktiv kasalligining og'ir shakllari bo'lgan bemorlarda nafas yo'llarining yallig'lanish jarayoni va kasallik kechishini nazorat qilish uchun yallig'lanishga qarshi terapiyani o'tkazish yoki kuchaytirish zarurligini yodda tutish kerak.

Berodual® kabi beta2-adrenomimetiklarni saqlovchi preparatlarning ortib boruvchi dozalarini bronxial obstruksiyani bartaraf etish uchun muntazam ishlatish kasallik kechishining nazorat qilib bo'lmaydigan yomonlashuvini chaqirishi mumkin. Bronxial obstruksiya kuchaygan taqdirda beta2-adrenomimetiklar (shu jumladan Berodual) dozasini tavsiya etilgandan oshirib uzoq vaqt davomida oddiygina oshirish, nafaqat oqlanmagan, balki xavflidir. Kasallik kechishining hayot uchun xavf soluvchi yomonlashuvini oldini olish uchun bemorni davolash rejasini qayta ko'rib chiqish va ingalyatsion GKS bilan adekvat yallig'lanishga qarshi terapiya masalasini ko'rib chiqish kerak.

Boshqa simpatomimetik bronxodilatatorlarni Berodual bilan bir vaqtda faqat tibbiy kuzatuv ostida tayinlash kerak.

Bemorlarga Berodual ingalyatsion eritmasini to'g'ri qo'llash bo'yicha yo'riqnoma berilishi kerak. Eritmani ko'zga tushishini oldini olish uchun ehtiyotkorlik choralariga rioya qilish zarur.

Nebulayzer yordamida ishlatiladigan eritma mushtuk orqali nafas olinishi tavsiya etiladi. Mushtuk bo'lmaganda yuzga zich yopishadigan niqobdan foydalanish kerak. Glaukoma rivojlanishiga moyilligi bo'lgan bemorlar ko'zni himoya qilish haqida ayniqsa puxta g'amxo'rlik qilishlari kerak.

— gipertrofik obstruktiv kardiomiopatiya;

— taxiaritmiya;

— homiladorlikning I va III trimestrlari;

— fenoterol va preparatning boshqa komponentlariga yuqori sezuvchanlik;

— atropinsimon preparatlarga yuqori sezuvchanlik.

Ehtiyotkorlik bilan: yopiq burchakli glaukoma, arterial gipertenziya, qandli diabet, yaqinda o'tkazilgan miokard infarkti (so'nggi 3 oy ichida), yurak va qon tomir kasalliklari (yurak yetishmovchiligi, YuIK, yurak nuqsoni, aortal stenoz, serebral va periferik arteriyalarning yaqqol zararlanishi), gipertireoz, feoxromotsitoma, prostata bezi giperplaziyasi, qovuq bo'yni obstruksiyasi, mukovitsidoz, homiladorlikning II trimestri, emizish davrida

Beta-adrenomimetiklar va antixolinergik vositalar, ksantin hosilalari (shu jumladan teofillin) Berodualning bronx kengaytiruvchi ta'sirini kuchaytirishi mumkin.

Boshqa beta-adrenomimetiklar, tizimli ta'sirga ega antixolinergik vositalar, ksantin hosilalari (masalan, teofillin) bilan bir vaqtda qo'llanilganda nojo'ya samaralar kuchayishi mumkin.

Beta-adrenoblokatorlar bir vaqtda qo'llanilganda Berodualning bronx kengaytiruvchi ta'siri sezilarli susayishi mumkin.

Beta-adrenomimetiklarni qo'llash bilan bog'liq gipokaliemiya ksantin hosilalari, kortikosteroidlar va diuretiklar bir vaqtda qo'llanilganda kuchayishi mumkin. Bu faktga nafas yo'llari obstruktiv kasalliklarining og'ir shakllari bo'lgan bemorlarni davolashda alohida e'tibor qaratish kerak.

Gipokaliemiya digoksin qabul qilayotgan bemorlarda aritmiyalar yuzaga kelishi xavfini oshirishga olib kelishi mumkin. Bundan tashqari, gipoksiya gipokaliemiyaning yurak ritmiga salbiy ta'sirini kuchaytirishi mumkin.