BISOPROLOL 0,005 tabletkalari N60

So'rilishi - 80-90%, ovqat qabul qilish so'rilishga ta'sir qilmaydi.

Qon plazmasida Cmax ga 2-4 soatdan keyin erishiladi. Plazma oqsillari bilan bog'lanishi - 26-33%. Bisoprolol GEB va yo'ldosh to'sig'i orqali oz miqdorda o'tadi; ko'krak suti bilan ajralib chiqadi.

Jigarda metabolizmga uchraydi.

T1/2 - 9-12 soat. Buyraklar orqali - 50% o'zgarmagan holda, 2% dan kamrog'i - safro bilan chiqariladi.

MNS va periferik asab tizimi tomonidan: holsizlik, toliqish, bosh aylanishi, bosh og'rig'i, uyqu buzilishi, ruhiy buzilishlar (depressiya, kam hollarda - gallyutsinatsiyalar), oyoq-qo'llarda sovuqlik hissi va paresteziyalar.

Yurak-qon tomir tizimi tomonidan: ortostatik gipotenziya, bradikardiya, AV-o'tkazuvchanlikning buzilishi, yurak yetishmovchiligi simptomlarining paydo bo'lishi, oraliq oqsoqlikning va Reyno sindromidagi asosiy klinik simptomlarning kuchayishi.

Ko'rish a'zosi tomonidan: ko'z yoshi suyuqligi sekretsiyasining kamayishi, kon'yunktivit.

Ovqat hazm qilish tizimi tomonidan: diareya, qabziyat, ko'ngil aynishi, qorinda og'riqlar.

Suyak-mushak tizimi tomonidan: mushak kuchsizligi, mushak tirishishlari.

Dermatologik reaksiyalar: teri qichishishi; alohida hollarda - psoriaz ko'rinishlarining kuchayishi, psoriazsimon toshmalar paydo bo'lishi.

Nafas olish tizimi tomonidan: moyilligi bo'lgan bemorlarda bronxial obstruktsiya simptomlari paydo bo'lishi mumkin.

Boshqalar: terlash, qizib ketish hissi, potentsiyaning buzilishi, qandli diabeti bo'lgan bemorlarda glyukozaga tolerantlikning pasayishi, allergik reaksiyalar.

Psoriaz va oilaviy anamnezda psoriazga ko'rsatmalar bo'lganda, dekompensatsiya bosqichidagi qandli diabetda, allergik reaksiyalarga moyillik bo'lganda ehtiyotkorlik bilan qo'llaniladi. Feoxromotsitomada bisoprololni qo'llash faqat alfa-adrenoblokatorlar qabul qilingandan keyin mumkin. Bisoprololning to'satdan bekor qilinishiga yo'l qo'ymaslik kerak, davolash kursini asta-sekin dozani kamaytirish bilan tugatish kerak. Jarrohlik aralashuvidan oldin anesteziologni bisoprolol bilan davolash haqida xabardor qilish kerak.

Bisoprololni 10 mg/ dan ortiq dozada faqat istisno hollarda qo'llash kerak.

Buyrak yetishmovchiligi (KK 20 ml/daq dan kam) va og'ir jigar funksiyasi buzilishlarida ushbu dozani oshirmaslik kerak.

Bolalarda qo'llash tavsiya etilmaydi.

Davolash davrida spirtli ichimliklar iste'mol qilinishiga yo'l qo'ymaslik kerak.

Avtotransportni haydash va mexanizmlarni boshqarish qobiliyatiga ta'siri

Faoliyati diqqatni jamlashni va psixomotor reaksiyalar yuqori tezligini talab qiladigan bemorlarda ehtiyotkorlik bilan qo'llaniladi.

II B - III bosqichdagi surunkali yurak yetishmovchiligi, kardiogen shok, II va III darajali AV-blokada, SSSU, sinoatrial blokada, bradikardiya, arterial gipotenziya (sistolik bosim 90 mm sim. ust. dan kam); bronxospazmga moyillik (bronxial astma va bronxoobstruktiv sindrom bilan kechuvchi boshqa kasalliklar), periferik qon aylanishining yaqqol buzilishlari; MAO ingibitorlarini (MAO V turi ingibitorlari bundan mustasno) bir vaqtda qabul qilish, bisoprololga va boshqa beta-adrenoblokatorlarga yuqori sezuvchanlik.

Antatsid va diareyaga qarshi vositalar bir vaqtda qo'llanilganda beta-adrenoblokatorlar so'rilishi kamayishi mumkin.

Aritmiyaga qarshi vositalar bir vaqtda qo'llanilganda AB keskin kamayishi, YQS pasayishi, aritmiya va/yoki yurak yetishmovchiligi rivojlanishi mumkin.

Antigipertenziv vositalar bir vaqtda qo'llanilganda antigipertenziv ta'sir kuchayishi mumkin.

Yurak glikozidlari bir vaqtda qo'llanilganda o'tkazuvchanlik buzilishlari bo'lishi mumkin.

Simpatomimetiklar (shu jumladan yo'talga qarshi vositalar, burun tomchilari, ko'z tomchilari tarkibiga kiruvchi) bir vaqtda qo'llanilganda bisoprolol samaradorligi kamayadi.

Verapamil, diltiazem bir vaqtda qo'llanilganda AB keskin kamayishi, YQS pasayishi, aritmiya va/yoki yurak yetishmovchiligi rivojlanishi mumkin.

Guanfatsin bir vaqtda qo'llanilganda yaqqol bradikardiya, o'tkazuvchanlik buzilishlari bo'lishi mumkin.