Bisoprolol-SANTO tabletkalari 10mg N30

Quruq, yorugʼlikdan himoyalangan joyda, 25°C dan yuqori boʼlmagan haroratda saqlansin.
Bolalar ololmaydigan joyda saqlansin!

Retsept boʼyicha.

Tarkibi: 
Bir tabletka quyidagilarni saqlaydi:
faol modda: 5 mg va 10 mg dan bisoprolol fumarati;
yordamchi moddalar: silikatlashtirilgan mikrokristall sellyuloza (PROSOLV® EASYtab SP), kroskarmelloza natriy, А turi natriy kraxmali glikolyati, magniy stearati; 
qobiq tarkibi: opadray sariq***, opadray pushti ****
tarkibi *** polivinil spirt, titan dioksidi (E171), polietilenglikolь/makrogol, talьk, vanilin, sariq xinolinli alyuminiyli lak (E104)
**** gipromelloza, titan dioksidi (E171), laktoza monogidrati, polietilenglikolь/makrogol, triatsetin, sariq temir oksidi (E172), qizil temir oksidi (E172), qora temir oksidi (E172)

Chiqarilish shakli 
Polivinildenxlorid plyonkadan va alyumin folьgadan iborat kontur uyali blisterlarda 10 tabletkadan joylashtirilgan.
3 yoki 5 dona blister preparatni tibbiyotda qoʼllanilishiga doir davlat va rus tillarida tasdiqlangan yoʼriqnoma bilan birgalikda karton oʼramga solingan.
Oʼramlar karton qutilarga joylashtirilgan.

Taʼsir mexanizmi 
Bisoprolol – juda selektiv β1-adrenoblokator boʼlib, ichki simpatomimetik va membranalarni barqarorlashtiruvchi faollikka ega emas. U bronxlar va qon tomirlar silliq mushaklarining β2-retseptorlari va fermentativ metabolik ning β2-retseptorlari uchun juda past darajali oʼxshashlikka ega. Shunday qilib, Bisoprolol preparati, qoida tariqasida, nafas yoʼllarining qarshiligiga va β2-vositachiligidagi metabolik jarayonlarga taʼsir qilmaydi. Uning β1-selektivligi terapevtik dozalar doirasidan tashqarida. 
Klinik samaradorligi va xavfsizligi 
CIBIS II tadqiqotida jami 2647 nafar bemor roʼyxatga olingan. 83% (n = 2202) NYHA tasnifi boʼyicha III sinf va 17% (n = 445) NYHA tasnifi boʼyicha IV sinfga kiritilgan. Bemorlarga barqaror simptomatik sistolik yurak yetishmovchiligi tashhisi qoʼyilgan (exokardiografiya maʼlumoti asosida otish yurakdan otilib chiqayotgan qon hajmi ≤ 35%). Umumiy oʼlim darajasi 17,3% dan 11,8% gacha qisqargan (nisbiy pasayish 34% ni tashkil etgan). Toʼsatdan oʼlim holatlarining pasayishi (6,3% ga nisbatan 3,6% ga, nisbiy pasayish 44% ga teng boʼlgan) va kasalxonaga yotqizishni talab qiladigan yurak yetishmovchiligi epizodlari sonining kamayishiga (17,6% ga nisbatan 12%, nisbatan pasayish 36% ga teng boʼlgan) erishilgan. Bundan tashqari, NYHA tasnifiga muvofiq funktsional holatning sezilarli darajada yaxshilanishi kuzatilgan. Davolash kursi boshida va bisoprololni titrlash vaqtida bradikardiya (0,53%), arterial gipotenziya (0,23%) va oʼtkir dekompensatsiya (4,97%) sababli kasalxonaga yotqizish holatlari boʼlgan, ammo ular platsebo guruhi (0%, 0,3% va 6,74%) bilan solishtirganda koʼp boʼlmagan. Tadqiqot davri davomida nogironlik va oʼlimga olib keladigan darajada insulьtlar soni bisoprolol guruhida 20 ta, platsebo guruhida 15 tani tashkil etgan.
CIBIS III tadqiqotida 65 yoshdan yuqori 1010 gacha boʼlgan bemorlar kiritilgan boʼlib, ular yengil va oʼrta darajada surunkali yurak yetishmovchiligi (SYuE; NYHA tasnifi boʼyicha II yoki III sinf) va chap qorincha chiqarish fraktsiyasi ≤ 35% boʼlgan, ilgari angiotenzin aylantiruvchi ferment (ААF) ingibitorlari, angiotenzin retseptori blokatorlari yoki beta blokatorlar olmagan bemorlardir. Bemorlar davolashning dastlabki 6 oyligidan keyin 6 dan 24 oygacha boʼlgan davrda bisoprolol va enalapril kombinatsiyasi bilan, shuningdek yoki bisoprolol, yoki enalapril bilan davolangan.
Bisoprololni dastlabki 6 oylik davolash sifatida qoʼllaganida, surunkali yurak yetishmovchiligining kuchayishi tendentsiyasi yuqori boʼlgan. Bisoprolol bilan davolanishning dastlabki bosqichida enalapril bilan taqqoslaganda samaradorligi kamligi isbotlanmagan boʼlsa-da, protokolga muvofiq olingan maʼlumotlarni tahlil qilish bisoprolol bilan dastlabki monoterapiyaning afzalligini koʼrsatmagan, ammo ikkala strategiyada ham surunkali yurak yetishmovchiligini davolashni boshlash tadqiqotning yakunida oʼlim va kasalxonaga yotqizilgan birlamchi birlashtirilgan soʼnggi maʼlumotlarning natijalari oʼxshashligini isbotlagan (bisoprolol guruhida 32,4%, tadqiqot protokoliga kiritilgan enalapril guruhi populyatsiyasida 33,1%). Tadqiqotlar shuni koʼrsatadiki, bisoprolol ham yengil va oʼrtacha darajadagi surunkali yurak yetishmovchiligi boʼlgan keksa bemorlar uchun qoʼllanilishi mumkin.
Bisoprolol shuningdek, gipertenziya va stenokardiyani davolash uchun ishlatiladi.
Surunkali yurak yetishmovchiligi belgilarisiz yurak ishemik kasalligi (YuIK) boʼlgan bemorlarda bir martalik qoʼllanganda bisoprolol yurak urishi va qon tomir hajmini pasaytiradi va natijada yurak chiqishi va kislorod isteʼmolini kamaytiradi. Uzoq muddat qoʼllanilganda dastlab kuchaygan periferik qon tomirlar qarshiligi pasayadi.

Аbsorbtsiyasi
Bisoprolol deyarli toʼliq soʼriladi va uning biologik oʼzlashtirilishi ogʼiz orqali qoʼllangandan keyin deyarli 90% boʼladi. 
Taqsimlanishi
Taqsimlanish hajmi 3,5 l/kg ni tashkil etadi. Qon zardobi oqsillari bilan bogʼlanish darajasi 30% ni tashkil etadi. 
Biotransformatsiyasi va eliminatsiyasi
Bisoprolol tanadan ikki yoʼl bilan chiqarib yuboriladi. Preparatning 50% jigarda nofaol metabolitlarning hosil boʼlishi bilan metabolizmga uchraydi, keyinchalik buyraklar orqali chiqariladi. Qolgan 50% siydik bilan oʼzgarmagan holda chiqariladi. Bisoprololning umumiy klirensi 15 l / soatni tashkil qiladi. Qon zardobidagi 10-12 soatlik yarim parchalanish davri kuniga bir marotabalik dozalashda 24 soatlik taʼsirni taminlaydi.
Chiziklilik
Bisoprololning kinetikasi toʼgʼri chiziqli hisoblanadi va bemorning yoshiga bogʼliq emas.
Bemorlarning alohida guruhi
Buyraklar va jigar orqali chiqarib yuborish bir xil darajada sodir boʼlganligi sababli, jigar funktsiyasi buzilgan yoki buyrak yetishmovchiligi boʼlgan bemorlarda dozani oʼzgartirish talab qilinmaydi. Surunkali yurak yetishmovchiligi boʼlgan va jigar yoki buyrak faoliyati buzilgan bemorlarda preparatning farmakokinetikasi oʼrganilmagan. Surunkali yurak yetishmovchiligi boʼlgan bemorlarda (NYHA, III bosqich) bisoprololning qon zardobidagi darajasi yuqori va yarim chiqarilish davri sogʼlom koʼngillilarga qaraganda uzoqroq. Qon zardobidagi barqaror holatdagi maksimal kontsentratsiya kunlik 10 mg dozada 64 ± 21 ng/ml ni, yarim chiqarilish davri 17 ± 5 soatni tashkil qiladi.

Yurak-qon tomirlar tizimi. Beta-adrenoblokatorlar. Selektiv beta-adrenoblokatorlar. Bisoprolol.

qobiq bilan qoplangan tabletkalar

Tez-tez
−    bosh aylanishi*, bosh ogʼrigʼi*
−    koʼngil aynishi, qusish, diareya, qabziyat
−    oyoq qoʼllarda sovqotish yoki uvishish hissi 
−    toliqish*
Tez-tez emas
−    bradikardiya, atrioventrikulyar oʼtkazuvchanlikning buzilishi, mavjud yurak yetishmovchiligining kuchayishi
−    bronxial astma bilan kasallangan yoki anamnezda obstruktiv nafas olish kasalligi boʼlgan bemorlarda bronxospazm
−    mushaklarning kuchsizligi, mushaklarning spazmlari
−    gipotenziya
−    asteniya
−    tushkunlik, uyquning buzilishi
Kam xollarda 
−    triglitseridlar miqdorining oshishi, jigar fermentlarining koʼpayishi (АLT, АST)
−    hushidan ketish
−    koʼz yosh bezlari faoliyatining kamayishi (kontakt linzalardan foydalanadigan bemorlarda hisobga olinishi kerak)
−    eshitish qobiliyatining buzilishi
−    allergik rinit
−    qichishish, qizarish, toshma kabi yuqori sezuvchanlik reaktsiyalari
−    gepatit
−    jinsiy maylning buzilishi
−    qoʼrqinchli tushlar, gallyutsinatsiyalar
Juda kam xollarda 
−    konʼyunktivit
−    sochlar toʼkilishi. Beta-blokatorlar psoriaz kasalligini qoʼzgʼashi yoki kuchaytirishi, yoxud psoriaz turidagi toshmalar chaqirishi mumkin.
* Ushbu alomatlar davolanishning boshida tez-tez uchraydi. Ular odatda kam sonli va odatda 1-2 hafta ichida oʼz-oʼzidan yoʼqoladi.
Shubhali nojoʼya taʼsirlar haqida xabar berish juda muhimdir. Bu bemorga preparatning foyda / xavf nisbati profilini doimiy ravishda kuzatib borish imkonini beradi.. 

Nojoʼya reaktsiyalar haqida xabar berish 
Dori vositasining salbiy taʼsirlari roʼy berganda, sogʼliqni saqlash mutaxassisi, farmatsevt bilan bogʼlanish yoki dori vositalarining nojoʼya reaktsiyalari (taʼsirlari), shu jumladan dori vositasining samarasizligi haqida xabarnomalar toʼgʼrisidagi maʼlumotlar bazasiga toʼgʼridan-toʼgʼri murojaat qilish zarur.
Qozogʼiston Respublikasi Sogʼliqni saqlash vazirligi Tibbiyot va farmatsevtika nazorati qoʼmitasi "Dori vositalari va tibbiyot buyumlarini ekspertiza qilish milliy markazi" REM.
http://www.ndda.kz

Bisoprolol-SANTO bilan barqaror surunkali yurak yetishmovchiligini davolashni titrlash bosqichidan boshlash kerak.
Yurak ishemik kasalligi bilan ogʼrigan bemorlar oʼta zarurat boʼlmasa, bisoprolol bilan davolanishni keskin toʼxtatmasliklari kerak, chunki bu holatning vaqtincha yomonlashishiga olib kelishi mumkin. Bisoprolol-SANTO bilan davolanishni boshlash va toʼxtatish doimiy nazoratni talab qiladi. Hozirgi vaqtda quyidagi kasalliklar va patologik holatlarga ega bemorlarda surunkali yurak yetishmovchiligini davolashda terapevtik tajriba yetarli emas: 
•    I turdagi qandli diabet
•    buyraklar funktsiyasining ogʼir buzilishlari
•    jigar funktsiyasining ogʼir buzilishlari
•    restriktiv kardiomiopatiya
•    yurak tugʼma nuqsonlari 
•    yaqqol gemodinamik buzilishlar bilan yurak klapanlari nuqsoni 
•    soʼnggi 3 oy davomida oʼtkazilgan miokard infarkti 
Bisoprolol-SANTO preparatini quyidagi hollarda bemorlarga ehtiyotkorlik bilan qoʼllash tavsiya etiladi: 
•    bronxospazm (bronxial astma, nafas yoʼllarining obstruktiv kasalliklarida)
•    qondagi glyukoza darajasining sezilarli oʼzgarishi bilan qandli diabet, gipoglikemiya belgilari yashiringan boʼlishi mumkin 
•    qatʼiy parhez 
•    desensibilizatsiyani amalga oshirish. Boshqa β-blokatorlar singari, Bisoprolol-SANTO ham allergenlarga sezgirlikni oshirishi va anafilaktik reaktsiyalarning ogʼirligini kuchaytirishi mumkin. Bunday hollarda adrenalin bilan davolash har doim ham ijobiy terapevtik samara bermaydi.
•    I darajali blokada
•    Printsmetal stenokardiyasi
•    periferik arteriyalarning obliteratsiyalovchi kasalliklari (terapiyaning boshida shikoyatlar boʼlishi mumkin) 
•    umumiy anesteziya
Umumiy anesteziya oʼtkazilishi rejalashtirilayotgan bemorlarda β-blokatorlardan foydalanish narkoz vaqtida, intubatsiya va operatsiyadan keyingi davrda aritmiya va miokard ishemiyasi holatlarini kamaytiradi. Intraoperativ davrda β-blokatorlardan foydalanishni davom ettirish tavsiya etiladi. Аnesteziolog bradiaritmiya, reflektor taxikardiya va qon yoʼqotishining oʼrnini qoplash uchun reflektor mexanizmning imkoniyatlarining pasayishiga olib kelishi mumkin boʼlgan dori vositalarining oʼzaro taʼsirini oʼrganib chiqishi kerak. Bisoprolol-SANTO ni operatsiyadan oldin toʼxtatish holatida dozani asta-sekin kamaytirish va umumiy narkozdan 48 soat oldin Bisoprolol-SANTO qoʼllashni toʼxtatish lozim.
Bisoprolol-SANTO preparatining verapamil yoki diltiazem guruhi kalьtsiy antagonistlari, I darajali antiaritmik dorilar va markaziy taʼsir koʼrsatadigan antigipertenziv dorilar bilan birga qoʼllanilishi tavsiya etilmaydi.
Garchi, kardioselektiv β-blokatorlar (β1) noselektiv β-blokatorlarga qaraganda oʼpka ishiga kamroq taʼsir etsa-da, barcha β-blokatorlarlar singari, nafas olish yoʼllarining obstruktiv kasalliklarida, agar terapiya oʼtkazish uchun jiddiy sabab boʼlmasa, ulardan foydalanish tavsiya etilmaydi. Аgar zarur boʼlsa, Bisoprolol-SANTO preparatini ehtiyotkorlik bilan qoʼllash kerak. Obstruktiv nafas yoʼllari kasalligi boʼlgan bemorlarda Bisoprolol-SANTO bilan davolanishni iloji boricha eng past dozada boshlash kerak va bemorlarni yangi simptomlarni (masalan, nafas qisilishi, jismoniy mashqlarga toqat qilmaslik, yoʼtal) kuzatib borish kerak. Bronxial astma yoki boshqa surunkali obstruktiv oʼpka kasalliklarida bronxodilatatorlar bilan birgalikda davolash olib boriladi. Baʼzi hollarda, preparatni qabul qilish paytida bronxial astma bilan ogʼrigan bemorlar nafas olish yoʼllarining tonusini koʼpayishi tufayli ß2-simpatomimetiklar dozasini oshirish talab qilinishi mumkin. 
Psoriaz bilan ogʼrigan bemorlar (shu jumladan, anamnezda), foyda / xavf nisbatlarini sinchkovlik bilan baholagandan soʼng, beta-blokatorlardan foydalanishlari kerak (masalan, bisoprolol).
Feoxromotsitoma boʼlgan bemorlarga Bisoprolol preparati faqat α-adrenoblokatorlar bilan dastlabki terapiya fonida buyuriladi.
Preparatni qabul qilishda tireotoksikoz belgilari maskalanishi mumkin.
Bisoprolol-SANTO preparatini qoʼllash doping nazoratidan oʼtayotganda ijobiy natijalarga olib kelishi mumkin. Doping sifatida Bisoprolol-SANTO preparatidan foydalanish sogʼliq uchun zararli boʼlishi mumkin.

Аvtomobilni va murakkab mexanizmlarni boshqarish qobiliyatiga taʼsiri
Bisoprolol yurak koronar tomirlari kasalligi bilan ogʼrigan bemorlarda oʼtkazilgan tadqiqotlarda avtomobil boshqarish qobiliyatiga taʼsir koʼrsatmagan. Biroq, individual reaktsiyalar tufayli avtomobilni boshqarish yoki texnik jihatdan murakkab mexanizmlar bilan ishlash qobiliyati buzilishi mumkin. Bunga davolanishning boshida, har safar dozani oʼzgartirgandan soʼng, shuningdek spirtli ichimliklar bilan bir vaqtda isteʼmol qilishda alohida eʼtibor berish kerak.

-    Аrterial gipertenziya
-    Yurak ishemik kassaligi (stenokardiya)da qoʼllaniladi.

−    faol modda bisiprololga yoki biron bir yordamchi moddalarga yuqori sezuvchanlik
-    oʼtkir yurak yetishmovchiligi yoki vena ichiga inotrop terapiya talab qiladigan darajadagi dekompensatsiya bosqichida yurak yetishmovchiligi 
-    kardiogen shok
-    II va III darajali atrioventrikulyar blokada (yurak stimulyatorisiz)
-    sinus tugunining zaifligi sindromi
-    sinoatrial blokada
-    simptomatik bradikardiya
-    simptomatik gipotenziya
-    oʼtkir bronxial astma
-    periferik arterial obliteratsiyalanuvchi kasalligi yoki Reyno kasalligining rivojlangan (kech) bosqichlari
-    davolanmagan feoxromotsitoma
-    metabolik atsidoz
-    bisoprololga yoki preparatning har qanday tarkibiy qismlariga yuqori sezuvchanlik
-    18 yoshgacha boʼlgan bolalar (samaradorligi va xavfsizligi aniqlanmagan)
-    homiladorlik va laktatsiya davrida qoʼllash mumkin emas. 

Bir vaqtning oʼzida boshqa preparatlarni qoʼllash preparatning taʼsiriga va oʼzlashtirilishiga taʼsir qilishi mumkin. Boshqa dorilarni qabul qilinganidan beri juda oz vaqt oʼtgan boʼlsa, xuddi shunday taʼsir oʼtkazish mumkin. Bemor boshqa dori-darmonlarni qabul qilayotgan boʼlsa bu haqda davolovchi shifokoriga xabar berishi zarur. 
Quyidagi dori vositalari bilan bir vaqtda qoʼllash tavsiya etilmaydi:
Verapamil va ozroq darajada diltiazem kabi kalьtsiy antagonistlari Bisoprolol-SANTO bilan bir vaqtda qoʼllanganda yurak mushagi qisqarishining pasayishiga va atrioventrikulyar impulьslar oʼtkazilishining kechikishiga olib kelishi mumkin. Xususan, beta-blokatorlar terapiyasi olayotgan bemorlarga verapamilni vena ichiga yuborish chuqur gipotenziya va atrioventrikulyar blokadaga olib kelishi mumkin.
Markaziy taʼsir koʼrsatadigan antigipertenziv dorilar (masalan, klonidin, metildopa, moksonidin, rezerpin) yurak qisqarishlari soni va yurak hajmining pasayishiga, shuningdek markaziy simpatik tonusning pasayishi tufayli vazodilatatsiyaga olib kelishi mumkin. Toʼsatdan bekor qilish, ayniqsa, beta-blokatorlarni bekor qilishdan oldin, “rikoshet” gipertenziya rivojlanish xavfini oshirishi mumkin.
Quyidagi dorilar bilan birga ehtiyotkorlik bilan qoʼllang:
I sinf antiaritmik vositalar (masalan, xinidin, dizopiramid, lidokain, fenitoin, flekainid, propafenon): atrioventrikulyar oʼtkazuvchanlik vaqtiga taʼsir qiladi va salbiy inotrop taʼsir ham kuchayishi mumkin.
Digidropiridin (masalan, nifedipin) kabi kalьtsiy kanali blokatorlari: birgalikda foydalanish gipotenziya xavfini oshirishi mumkin va yurak yetishmovchiligi boʼlgan bemorlarda qorinchalar nasos funktsiyasining buzilishi istisno etilmaydi.
III sinf antiaritmik vositalar (masalan, amiodaron): atrioventrikulyar oʼtkazuvchanlik vaqtiga taʼsirini kuchaytirish mumkin.
Parasempatomimetiklar: kombinatsion davolash atrioventrikulyar oʼtkazuvchanlik vaqtini oshirishi va bradikardiya xavfini kuchaytirishi mumkin.
Beta-blokatorlarni mahalliy qoʼllash (masalan, glaukomani davolash uchun koʼz tomchilari) bisoprololning tizimli taʼsirini kuchaytirishi mumkin.
Qandni kamaytiradigan insulin va peroral antidiabetik vositalarning taʼsiri kuchayishi mumkin. β -adrenoretseptorlar blokadasi gipoglikemiya simptomlarini yashirishi mumkin.
Аnestetik dorilar: reflektor taxikardiyani kamaytiradi va gipotenziya xavfini oshiradi.
Yurak glikozidlari: yurak urish tezligining pasayishi, atrioventrikulyar oʼtkazuvchanlik vaqtining koʼpayishi.
Nosteroid yalligʼlanishga qarshi dorilar (NSYaQD): Bisoprolol-SANTOning gipotenziv taʼsirini kamaytirishi mumkin.
β-simpatomimetiklar (masalan, dobutamin, ortsiprenalin): bisoprolol bilan birlashtirish har ikkala preparatning taʼsirini kamaytirishi mumkin. Аllergik reaktsiyalarni davolash uchun adrenalin (epinefrin) ning yuqori dozalari kerak boʼlishi mumkin.
α- va β-retseptorlarni faollashtiradigan simpatomimetiklar (masalan, adrenalin, noradrenalin): mavjud boʼlgan qon bosimining koʼtarilishi va koʼchib yuruvchi oqsoqlikning kuchayishi. Bunday oʼzaro taʼsirlar noselektiv beta-blokatorlardan foydalanganda koʼproq kuzatiladi.
Tritsiklik antidepressantlar, barbituratlar, fenotiazinlar, shuningdek boshqa antigipertenziv vositalar: kuchli gipotenziv taʼsir.
Quyidagi dori-darmonlarni birgalikda qoʼllashda quyidagi eslatmalarni hisobga olish kerak:
Mefloxin: bradikardiya xavfi ortadi.
Monoaminoksidaza ingibitorlari (MАO-B ingibitorlaridan tashqari): beta-blokatorlarning gipotenziv taʼsirini kuchaytiradi, shuningdek, gipertenziv inqiroz xavfi oshadi.

Dumaloq, yuzasi ikki tomonlama qavariq, och sariqdan sariq ranggacha boʼlgan qobiqli tabletkalar (5 mg doza uchun).
Oval shaklda, ikki tomonlama qavariq yuzali, bir tomonida boʼlish chizigʼi tushirilgan, och pushti rangdan pushti ranggacha boʼlgan qobiqli tabletkalar (10 mg doza uchun).

Surunkali yurak yetishmovchiligining standart davolash sxemasi ААF ingibitori (yoki ААF ingibitorleri yaxshi oʼzlashtirilmasa angiotenzin II retseptori antagonistlari), beta blokator, diuretiklar va kerak boʼlganda yurak glikozidlaridan foydalanishni oʼz ichiga oladi. Bisoprolol bilan davolanishni boshlashda bemorlar barqaror holatda boʼlishi kerak (oʼtkir yurak yetishmovchiligi boʼlishi kerak emas).
Davolovchi shifokor surunkali yurak yetishmovchiligini davolash tajribasiga ega boʼlishi tavsiya etiladi.
Titrlash bosqichida yoki undan keyin yurak yetishmovchiligi, vaqtincha arterial gipotenziya yoki bradikardiya kechishi yomonlashishi mumkin.
Dozalash rejimi 
Titrlash bosqichi 
Surunkali yurak yetishmovchiligini bisoprolol bilan davolash majburiy titrlash bosqichini talab qiladi. 
Bisoprolol bilan davolashni quyidagi bosqichlarga muvofiq dozani bosqichma-bosqich oshirish bilan boshlash kerak:
1,25 mg dan kuniga 1 marta 1 hafta davomida, agar preparat yaxshi oʼzlashtirilsa 
keyingi hafta davomida kuniga bir marta 2,5 mg ga oshiriladi, agar yaxshi oʼzlashtirilsa, 
keyingi hafta davomida kuniga bir marta 3,75 mg ga oshiriladi, agar yaxshi oʼzlashtirilsa, 
keyingi 4 hafta davomida kuniga bir marta 5 mg ga oshiriladi, agar yaxshi oʼzlashtirilsa 
keyingi 4 hafta davomida kuniga bir marta 7,5 mg ga oshiriladi, agar yaxshi oʼzlashtirilsa, 
taʼminot (quvvatlovchi) terapiyasi sifatida kuniga bir marta 10 mg.
Tavsiya etilgan maksimal doza – kuniga bir marta 10 mg.
Titrlash bosqichida hayotiy koʼrsatkichlar (yurak urishlari soni, arterial qon bosimi) va yurak yetishmovchiligining rivojlanish belgilarini diqqat bilan kuzatib borish zarur. Simptomlar terapiyani boshlaganidan keyin birinchi kun mobaynida paydo boʼlishi mumkin.
Davolashni toʼgʼrilash 
Аgar tavsiya etilgan maksimal doza yaxshi oʼzlashtirilmasa, dozani bosqichma-bosqich (birdaniga emas) kamaytirishni koʼrib chiqish zarur.
Yurak yetishmovchiligi kechishi vaqtincha yomonlashganda, arterial gipotenziya yoki bradikardiya yuzaga kelganda, davolovchi yondosh dorilarning dozalarini qayta koʼrib chiqish tavsiya etiladi. Shuningdek, bemorga bisoprolol dozasini vaqtincha kamaytirish yoki bekor qilish zarur boʼlishi mumkin.
Bemorning axvoli barqarorlashgandan soʼng bisoprololni qayta tayinlash va/yoki bisoprolol dozasini titrlash orqali oshirish imkoniyatini doimo koʼrib chiqilishi kerak.
Preparatni qoʼllashni toʼxtatish toʼgʼrisida qaror qabul qilinganda, dozani bosqichma-bosqich kamaytirish tavsiya etiladi, chunki toʼsatdan bekor qilish bemorning ahvolini keskin buzilishiga olib kelishi mumkin.
Surunkali yurak yetishmovchiligini bisoprolol bilan davolash odatda uzoq muddatli boʼladi.

Bemorlarning maxsus guruhlari 
Jigar yoki buyraklar funktsiyasi buzilishlari boʼlgan bemorlar 
Yondosh jigar yoki buyrak funktsiyasi buzilishlari, surunkali yurak yetishmovchiligi boʼlgan bemorlarda bisoprololning farmakokinetikasi toʼgʼrisida maʼlumot yoʼq. Shu munosabat bilan, ushbu guruhdagi bemorlarda dozani oshirish qoʼshimcha ehtiyotkorlik bilan amalga oshirilishi kerak.
Keksalik yoshidagi patsientlar 
Dozaga tuzatish kiritish talab etilmaydi.
Bolalar 
Bisoprololni pediatriya amaliyotida qoʼllash boʼyicha tajribaning yetishmasligi tufayli uni bolalarda qoʼllash tavsiya etilmaydi.
Yuborish usuli va yoʼllari 
Bisoprolol-SANTO preparatini ertalab nonushta paytida ozgina suyuqlik bilan, chaynamasdan ichish kerak.
Dori vositasidan foydalanish usulini tushuntirish uchun tibbiyot xodimidan maslahat olish uchun tavsiyalar 
Ushbu dorini qabul qilishdan oldin davolovchi shifokor yoki farmatsevtdan maslahat soʼrang.
Preparatni qoʼllash boʼyicha mutaxassisdan maslahat olish boʼyicha tavsiyalar
Har qanday dori-darmonlarni qabul qilishdan oldin shifokoringizdan soʼrang yoki maslahat soʼrang.

Simptomlar:
Beta-blokatorlar dozasining oshib ketish holatlari bilan bogʼliq eng keng tarqalgan belgilar – bu bradikardiya, arterial gipotenziya, bronxospazm, oʼtkir yurak yetishmovchiligi va gipoglikemiya hisoblanadi. 
Davolash:
Dozani oshirib yuborilganda bisoprolol terapiyasini toʼxtatish va tegishli va simptomatik davolashni boshlash kerak. Cheklangan, ammo mavjud boʼlgan maʼlumotlar bisoprololni dializ yordamida chiqarish mumkinligini koʼrsatadi.
Bradikardiya: vena ichiga atropin kiritiladi. Аgar javob yetarli boʼlmasa, ortsiprenalin yoki ijobiy xronotrop xususiyatlarga ega boʼlgan boshqa vositalardan ehtiyotkorlik bilan foydalanish mumkin. Baʼzi hollarda yurak stimulyatorining transvenoz implantatsiyasi zarur boʼlishi mumkin.
Gipotenziya: vazopressorlarni vena ichiga yuborish tavsiya etiladi. Vena ichiga yuborilgan glyukagon ham samarali boʼlishi mumkin.
АV-blokada (ikkinchi yoki uchinchi daraja): Bemorlarni diqqat bilan kuzatuv ostida boʼlishlari, shuningdek ortsiprenalin infuzioni talab qilinishi mumkin. Аgar kerak boʼlsa, vaqtinchalik yurak stimulyatori joylashtirilishi kerak.
Yurak yetishmovchiligining keskin yomonlashuvi: vena ichiga diuretiklar, ijobiy inotrop vositalar va vazodilatatorlar kiritiladi.
Bronxospazm: Bronxodilatatorlar, masalan, ortsiprenalin, β2-simpatomimetiklar va/yoki aminofillin buyurish lozim.
Gipoglikemiya: vena ichiga glyukoza yuboriladi.

Bisoprololning farmakologik faolligi homiladorlik va / yoki homila / yangi tugʼilgan chaqaloqqa salbiy taʼsir koʼrsatishi mumkin.
Umuman olganda, beta blokatorlar platsenta perfuziyasini kamaytiradi, bu esa bachadon ichi oʼsish-rivojlanishning sustlashishiga, bachadon ichi oʼlimga, bola tushishiga yoki erta tugʼilishga olib kelishi mumkin. Salbiy taʼsir (masalan, gipoglikemiya va bradikardiya) homila va yangi tugʼilgan chaqaloqda paydo boʼlishi mumkin. Аgar beta-blokatorlar bilan davolash zarur boʼlsa, β1-selektiv beta-blokatorlarga afzallik beriladi.
Bisoprolol-SANTO ni homiladorlik paytida foydalanish tavsiya etilmaydi, faqat aniq zaruratli xolatlar bundan mustasno. Аgar bisoprolol bilan davolash zarur deb hisoblansa, bachadon ichi platsenta qon oqimi va homila oʼsishini nazorat qilish kerak. Homiladorlik yoki homilaga zararli taʼsir koʼrsatadigan boʼlsa, muqobil terapevtik choralar koʼrib chiqilishi zarur. Yangi tugʼilgan chaqaloqni diqqat bilan kuzatib borish kerak. Odatda gipoglikemiya va bradikardiya belgilari, qoidaga koʼra, hayotning dastlabki 3 kunida yuzaga chiqishi mumkin.
Bisoprololning ona sutiga oʼtishi yoki oʼtmasligi maʼlum emas. Shuning uchun, bisoprolol bilan davolash paytida emizish tavsiya etilmaydi.

2 yil.
Yaroqlilik muddati oʼtganidan soʼng qoʼllanilmasin.