×
×

Mahsulotning ko'rinishi saytdagi rasmdan farq qilishi mumkin.

Bisoprolol-SANTO tabletkalari 5mg N50

Kategoriya:

- Yurak-qon tomir
Ishlab chiqarilish joyi: - Qozog’iston
Faol modda: bisoprolola fumarat ko'proq ko'rsatish
Qadoqda soni: - 50
Ishlab chiqaruvchi: - АО «Химфарм»
Vakil: - Polpharma S. A.
ATX kodi: - C07AB07

Shifokor konsultatsiyasi:

- Kardiolog maslahati
Noaniqliq haqida habar berish
O'zbekiston Respublikasi dorilar reestri ro'yxatidan o'tgan
O'xshash dorilar
KARDIOMAGNIL tabletkalari 75 mg+15,2 mg N100
  • Daniya , Takeda Osteurope Holding GmbH
dan 36 800 so'm
Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
Polivinildenxlorid plyonkadan va alyumin folgadan iborat kontur uyali blisterlarda 10 tabletkadan joylashtirilgan.

3 yoki 5 dona blister preparatni tibbiyotda qo'llanilishiga doir davlat va rus tillarida tasdiqlangan yo'riqnoma bilan birgalikda karton o'ramga solingan.

O'ramlar karton qutilarga joylashtirilgan.

Bir tabletka quyidagilarni saqlaydi:

faol modda: 2,5 mg, 5 mg yoki 10 mg dan bisoprolol fumarat;

yordamchi moddalar: silikatlashtirilgan mikrokristall tsellyuloza (PROSOLV® EASYtab SP), kroskarmelloza natriy, A turi kraxmal glikolyat natriyli tuzi, magniy stearati;

qobiq tarkibi: juda maydalangan oq kukun **, juda maydalangan sariq kukun***, juda maydalangan pushti rangli kukun****

** gipromelloza, titan dioksidi (E171), polietilenglikol/makrogol

*** polivinil spirt, titan dioksidi (E171), polietilenglikol/makrogol, talk, vanilin, sariq xinolinli alyuminiyli lak (E104)

**** gipromelloza, titan dioksidi (E171), laktoza monogidrati, polietilenglikol/makrogol, triatsetin, sariq temir oksidi (E172), qizil temir oksidi (E172), qora temir oksidi (E172)

Ta'sir mexanizmi

Bisoprolol – juda selektiv β1-adrenoblokator bo'lib, ichki simpatomimetik va membranalarni barqarorlashtiruvchi faollikka ega emas. U bronxlar va qon tomirlar silliq mushaklarining β2-reseptorlari va fermentativ metabolik ning β2-reseptorlari uchun juda past darajali o'xshashlikka ega. Shunday qilib, bisoprolol preparati, qoida tariqasida, nafas yo'llarining qarshiligiga va β2-vositachiligidagi metabolik jarayonlarga ta'sir qilmaydi. Uning β1-selektivligi terapevtik dozalar doirasidan tashqarida.

Klinik samaradorligi va xavfsizligi

CIBIS II tadqiqotida jami 2647 nafar bemor ro'yxatga olingan. 83% (n = 2202) NYHA tasnifi bo'yicha III sinf va 17% (n = 445) NYHA tasnifi bo'yicha IV sinfga kiritilgan. Bemorlarga barqaror simptomatik sistolik yurak etishmovchiligi tashhisi qo'yilgan (exokardiografiya ma'lumoti asosida otish yurakdan otilib chiqayotgan qon hajmi ≤ 35%). Umumiy o'lim darajasi 17,3% dan 11,8% gacha qisqargan (nisbiy pasayish 34% ni tashkil etgan). To'satdan o'lim holatlarining pasayishi (6,3% ga nisbatan 3,6% ga, nisbiy pasayish 44% ga teng bo'lgan) va kasalxonaga yotqizishni talab qiladigan yurak etishmovchiligi epizodlari sonining kamayishiga (17,6% ga nisbatan 12%, nisbatan pasayish 36% ga teng bo'lgan) erishilgan. Bundan tashqari, NYHA tasnifiga muvofiq funktsional holatning sezilarli darajada yaxshilanishi kuzatilgan. Davolash kursi boshida va bisoprololni titrlash vaqtida bradikardiya (0,53%), arterial gipotenziya (0,23%) va o'tkir dekompensatsiya (4,97%) sababli kasalxonaga yotqizish holatlari bo'lgan, ammo ular PLAtsebo guruhi (0%, 0,3% va 6,74%) bilan solishtirganda ko'p bo'lmagan. Tadqiqot davri davomida nogironlik va o'limga olib keladigan darajada insultlar soni bisoprolol guruhida 20 ta, PLAtsebo guruhida 15 tani tashkil etgan.

CIBIS III tadqiqotida 65 yoshdan yuqori 1010 gacha bo'lgan bemorlar kiritilgan bo'lib, ular engil va o'rta darajada surunkali yurak etishmovchiligi (Syue; NYHA tasnifi bo'yicha II yoki III sinf) va chap qorincha chiqarish fraktsiyasi ≤ 35% bo'lgan, ilgari angiotenzin aylantiruvchi ferment (AAF) ingibitorlari, angiotenzin reseptori blokatorlari yoki beta blokatorlar olmagan bemorlardir. Bemorlar davolashning dastlabki 6 oyligidan keyin 6 dan 24 oygacha bo'lgan davrda bisoprolol va enalapril kombinasiyasi bilan, shuningdek yoki bisoprolol, yoki enalapril bilan davolangan.

Bisoprololni dastlabki 6 oylik davolash sifatida qo'llaganida, surunkali yurak etishmovchiligining kuchayishi tendentsiyasi yuqori bo'lgan. Bisoprolol bilan davolanishning dastlabki bosqichida enalapril bilan taqqoslaganda samaradorligi kamligi isbotlanmagan bo'lsa-da, protokolga muvofiq olingan ma'lumotlarni tahlil qilish bisoprolol bilan dastlabki monoterapiyaning afzalligini ko'rsatmagan, ammo ikkala strategiyada ham surunkali yurak etishmovchiligini davolashni boshlash tadqiqotning yakunida o'lim va kasalxonaga yotqizilgan birlamchi birlashtirilgan so'nggi ma'lumotlarning natijalari o'xshashligini isbotlagan (bisoprolol guruhida 32,4%, tadqiqot protokoliga kiritilgan enalapril guruhi populyasiyasida 33,1%). Tadqiqotlar shuni ko'rsatadiki, bisoprolol ham engil va o'rtacha darajadagi surunkali yurak etishmovchiligi bo'lgan keksa bemorlar uchun qo'llanilishi mumkin.

Bisoprolol shuningdek, gipertenziya va stenokardiyani davolash uchun ishlatiladi.

Surunkali yurak etishmovchiligi belgilarisiz yurak ishemik kasalligi (YUIK) bo'lgan bemorlarda bir martalik qo'llanganda bisoprolol yurak urishi va qon tomir hajmini pasaytiradi va natijada yurak chiqishi va kislorod iste'molini kamaytiradi. Uzoq muddat qo'llanilganda dastlab kuchaygan periferik qon tomirlar qarshiligi pasayadi.

Absorbtsiyasi

Bisoprolol deyarli to'liq so'riladi va uning biologik o'zlashtirilishi og'iz orqali qo'llangandan keyin deyarli 90% bo'ladi.

Taqsimlanishi

Taqsimlanish hajmi 3,5 l/kg ni tashkil etadi. Qon zardobi oqsillari bilan bog'lanish darajasi 30% ni tashkil etadi.

Biotransformasiyasi va eliminasiyasi

Bisoprolol tanadan ikki yo'l bilan chiqarib yuboriladi. Preparatning 50% jigarda nofaol metabolitlarning hosil bo'lishi bilan metabolizmga uchraydi, keyinchalik buyraklar orqali chiqariladi. Qolgan 50% siydik bilan o'zgarmagan holda chiqariladi. Bisoprololning umumiy klirensi 15 l / soatni tashkil qiladi. Qon zardobidagi 10-12 soatlik yarim parchalanish davri kuniga bir marotabalik dozalashda 24 soatlik ta'sirni taminlaydi.

Proportsionallik

Bisoprololning kinetikasi to'g'ri chiziqli hisoblanadi va bemorning yoshiga bog'liq emas.

Bemorlarning alohida guruhi

Buyraklar va jigar orqali chiqarib yuborish bir xil darajada sodir bo'lganligi sababli, jigar funktsiyasi buzilgan yoki buyrak etishmovchiligi bo'lgan bemorlarda dozani o'zgartirish talab qilinmaydi. Surunkali yurak etishmovchiligi bo'lgan va jigar yoki buyrak faoliyati buzilgan bemorlarda preparatning farmakokinetikasi o'rganilmagan. Surunkali yurak etishmovchiligi bo'lgan bemorlarda (NYHA, III bosqich) bisoprololning qon zardobidagi darajasi yuqori va yarim chiqarilish davri sog'lom ko'ngillilarga qaraganda uzoqroq. Qon zardobidagi barqaror holatdagi maksimal kontsentrasiya kunlik 10 mg dozada 64 ± 21 ng/ml ni, yarim chiqarilish davri 17 ± 5 soatni tashkil qiladi.

Tez-tez
  • bosh aylanishi*, bosh og'rig'i*

  • ko'ngil aynishi, qusish, diareya, qabziyat

  • oyoq qo'llarda sovqotish yoki uvishish hissi

  • toliqish*

Tez-tez emas

  • bradikardiya, atrioventrikulyar o'tkazuvchanlikning buzilishi, mavjud yurak etishmovchiligining kuchayishi

  • bronxial astma bilan kasallangan yoki anamnezda obstruktiv nafas olish kasalligi bo'lgan bemorlarda bronxospazm

  • mushaklarning kuchsizligi, mushaklarning spazmlari

  • gipotenziya

  • asteniya

  • tushkunlik, uyquning buzilishi

Ba'zan

  • trigliseridlar miqdorining oshishi, jigar fermentlarining ko'payishi (Alt, ast)

  • hushidan ketish

  • ko'z yosh bezlari faoliyatining kamayishi (kontakt linzalardan foydalanadigan bemorlarda hisobga olinishi kerak)

  • eshitish qobiliyatining buzilishi

  • allergik rinit

  • qichishish, qizarish, toshma kabi yuqori sezuvchanlik reaktsiyalari

  • gepatit

  • jinsiy maylning buzilishi

  • qo'rqinchli tushlar, gallyutsinatsiyalar

Juda kam xollarda

  • kon'yunktivit

  • sochlar to'kilishi. Beta-blokatorlar psoriaz kasalligini qo'zg'ashi yoki kuchaytirishi, yoxud psoriaz turidagi toshmalar chaqirishi mumkin.

* Ushbu alomatlar davolanishning boshida tez-tez uchraydi. Ular odatda kam sonli va odatda 1-2 hafta ichida o'z-o'zidan yo'qoladi.

Shubhali nojo'ya ta'sirlar haqida xabar berish juda muhimdir. Bu bemorga preparatning foyda / xavf nisbati profilini doimiy ravishda kuzatib borish imkonini beradi..


Nojo'ya reaktsiyalar haqida xabar berish

Dori vositasining salbiy ta'sirlari ro'y berganda, sog'liqni saqlash mutaxassisi, farmatsEVT bilan bog'lanish yoki dori vositalarining nojo'ya reaktsiyalari (ta'sirlari), shu jumladan dori vositasining samarasizligi haqida xabarnomalar to'g'risidagi ma'lumotlar bazasiga to'g'ridan-to'g'ri murojaat qilish zarur.

Qozog'iston Respublikasi Sog'liqni saqlash vazirligi tibbiyot va farmatsevtika nazorati qo'mitasi "dori vositalari va tibbiyot buyumlarini ekspertiza qilish milliy markazi" REM.

http://www.ndda.kz

Bisoprolol-SANTO bilan barqaror surunkali yurak etishmovchiligini davolashni titrlash bosqichidan boshlash kerak.

Yurak ishemik kasalligi bilan og'rigan bemorlar o'ta zarurat bo'lmasa, bisoprolol bilan davolanishni keskin to'xtatmasliklari kerak, chunki bu holatning vaqtincha yomonlashishiga olib kelishi mumkin. Bisoprolol-SANTO bilan davolanishni boshlash va to'xtatish doimiy nazoratni talab qiladi. Hozirgi vaqtda quyidagi kasalliklar va patologik holatlarga ega bemorlarda surunkali yurak etishmovchiligini davolashda terapevtik tajriba etarli emas:

  • I tUrdagi qandli diabet

  • buyraklar funktsiyasining og'ir buzilishlari

  • jigar funktsiyasining og'ir buzilishlari

  • restriktiv kardiomiopatiya

  • yurak tug'ma nuqsonlari

  • yaqqol gemodinamik buzilishlar bilan yurak klapanlari nuqsoni

  • so'nggi 3 oy davomida o'tkazilgan miokard infarkti

Bisoprolol-SANTO preparatini quyidagi hollarda bemorlarga ehtiyotkorlik bilan qo'llash tavsiya etiladi:

  • bronxospazm (bronxial astma, nafas yo'llarining obstruktiv kasalliklarida)

  • qondagi glyukoza darajasining sezilarli o'zgarishi bilan qandli diabet, gipoglikemiya belgilari yashiringan bo'lishi mumkin

  • qat'iy parhez

  • desensibilizasiyani amalga oshirish. Boshqa β-blokatorlar singari, Bisoprolol-SANTO ham allergenlarga sezgirlikni oshirishi va anafilaktik reaktsiyalarning og'irligini kuchaytirishi mumkin. Bunday hollarda adrenalin bilan davolash har doim ham ijobiy terapevtik samara bermaydi.

  • I darajali blokada

  • Printsmetal stenokardiyasi

  • periferik arteriyalarning obliterasiyalovchi kasalliklari (terapiyaning boshida shikoyatlar bo'lishi mumkin)

  • umumiy anesteziya

Umumiy anesteziya o'tkazilishi rejalashtirilayotgan bemorlarda β-blokatorlardan foydalanish narkoz vaqtida, intubasiya va operasiyadan keyingi davrda aritmiya va miokard ishemiyasi holatlarini kamaytiradi. Intraoperativ davrda β-blokatorlardan foydalanishni davom ettirish tavsiya etiladi. Anesteziolog bradiaritmiya, reflektor taxikardiya va qon yo'qotishining o'rnini qoplash uchun reflektor mexanizmning imkoniyatlarining pasayishiga olib kelishi mumkin bo'lgan dori vositalarining o'zaro ta'sirini o'rganib chiqishi kerak. Bisoprolol-SANTO ni operasiyadan oldin to'xtatish holatida dozani asta-sekin kamaytirish va umumiy narkozdan 48 soat oldin Bisoprolol-SANTO qo'llashni to'xtatish lozim.

Bisoprolol-SANTO preparatining verapamil yoki diltiazem guruhi kaltsiy antagonistlari, I darajali antiaritmik dorilar va Markaziy ta'sir ko'rsatadigan antigipertenziv dorilar bilan birga qo'llanilishi tavsiya etilmaydi.

Garchi, kardioselektiv β-blokatorlar (β1) noselektiv β-blokatorlarga qaraganda o'pka ishiga kamroq ta'sir etsa-da, barcha β-blokatorlarlar singari, nafas olish yo'llarining obstruktiv kasalliklarida, agar terapiya o'tkazish uchun jiddiy sabab bo'lmasa, ulardan foydalanish tavsiya etilmaydi. Agar zarur bo'lsa, Bisoprolol-SANTO preparatini ehtiyotkorlik bilan qo'llash kerak. Obstruktiv nafas yo'llari kasalligi bo'lgan bemorlarda Bisoprolol-SANTO bilan davolanishni iloji boricha eng past dozada boshlash kerak va bemorlarni yangi simptomlarni (masalan, nafas qisilishi, jismoniy mashqlarga toqat qilmaslik, yo'tal) kuzatib borish kerak. Bronxial astma yoki boshqa surunkali obstruktiv o'pka kasalliklarida bronxodilatatorlar bilan birgalikda davolash olib boriladi. Ba'zi hollarda, preparatni qabul qilish paytida bronxial astma bilan og'rigan bemorlar nafas olish yo'llarining tonusini ko'payishi tufayli ß2-simpatomimetiklar dozasini oshirish talab qilinishi mumkin.

Psoriaz bilan og'rigan bemorlar (shu jumladan, anamnezda), foyda / xavf nisbatlarini sinchkovlik bilan baholagandan so'ng, beta-blokatorlardan foydalanishlari kerak (masalan, bisoprolol).

Feoxromositoma bo'lgan bemorlarga bisoprolol preparati faqat α-adrenoblokatorlar bilan dastlabki terapiya fonida buyuriladi.

Preparatni qabul qilishda tireotoksikoz belgilari maskalanishi mumkin.

Bisoprolol-SANTO preparatini qo'llash doping nazoratidan o'tayotganda ijobiy natijalarga olib kelishi mumkin. Doping sifatida Bisoprolol-SANTO preparatidan foydalanish sog'liq uchun zararli bo'lishi mumkin

Chap qorincha sistolik faoliyati kamaygan stabil surunkali yurak etishmovchiligini davolashda AAF ingibitorlariga va diuretiklarga, shuningdek, yurak glikozidlariga (agar ular kerak bo'lsa) qo'shimcha sifatida qo'llaniladi
  • faol modda bisiprololga yoki biron bir yordamchi moddalarga yuqori sezuvchanlik

  • o'tkir yurak etishmovchiligi yoki vena ichiga inotrop terapiya talab qiladigan darajadagi dekompensasiya bosqichida yurak etishmovchiligi

  • kardiogen shok

  • II va III darajali atrioventrikulyar blokada (yurak stimulyatorisiz)

  • sinus tugunining zaifligi sindromi

  • sinoatrial blokada

  • simptomatik bradikardiya

  • simptomatik gipotenziya

  • o'tkir bronxial astma

  • periferik arterial obliterasiyalanuvchi kasalligi yoki Reyno kasalligining rivojlangan (kech) bosqichlari

  • davolanmagan feoxromositoma

  • metabolik atsidoz

  • bisoprololga yoki preparatning har qanday tarkibiy qismlariga yuqori sezuvchanlik

  • 18 yoshgacha bo'lgan bolalar (samaradorligi va xavfsizligi aniqlanmagan)

  • homiladorlik va emizish davrida qo'llash mumkin emas.

Bir vaqtning o'zida boshqa preparatlarni qo'llash preparatning ta'siriga va o'zlashtirilishiga ta'sir qilishi mumkin. Boshqa dorilarni qabul qilinganidan beri juda oz vaqt o'tgan bo'lsa, xuddi shunday ta'sir o'tkazish mumkin. Bemor boshqa dori-darmonlarni qabul qilayotgan bo'lsa bu haqda davolovchi shifokoriga xabar berishi zarur.

Quyidagi dori vositalari bilan bir vaqtda qo'llash tavsiya etilmaydi:

Verapamil va ozroq darajada diltiazem kabi kaltsiy antagonistlari Bisoprolol-SANTO bilan bir vaqtda qo'llanganda yurak mushagi qisqarishining pasayishiga va atrioventrikulyar impulslar o'tkazilishining kechikishiga olib kelishi mumkin. Xususan, beta-blokatorlar terapiyasi olayotgan bemorlarga verapamilni vena ichiga yuborish chuqur gipotenziya va atrioventrikulyar blokadaga olib kelishi mumkin.

Markaziy ta'sir ko'rsatadigan antigipertenziv dorilar (masalan, Klonidin, metildopa, moksonidin, rezerpin) yurak qisqarishlari soni va yurak hajmining pasayishiga, shuningdek Markaziy simpatik tonusning pasayishi tufayli vazodilatasiyaga olib kelishi mumkin. To'satdan bekor qilish, ayniqsa, beta-blokatorlarni bekor qilishdan oldin, "rikoshet" gipertenziya rivojlanish xavfini oshirishi mumkin.

Quyidagi dorilar bilan birga ehtiyotkorlik bilan qo'llang:

I sinf antiaritmik vositalar (masalan, xinidin, dizopiramid, lidokain, fenitoin, flekainid, propafenon): atrioventrikulyar o'tkazuvchanlik vaqtiga ta'sir qiladi va salbiy inotrop ta'sir ham kuchayishi mumkin.

Digidropiridin (masalan, nifedipin) kabi kaltsiy kanali blokatorlari: birgalikda foydalanish gipotenziya xavfini oshirishi mumkin va yurak etishmovchiligi bo'lgan bemorlarda qorinchalar nasos funktsiyasining buzilishi istisno etilmaydi.

III sinf antiaritmik vositalar (masalan, amiodaron): atrioventrikulyar o'tkazuvchanlik vaqtiga ta'sirini kuchaytirish mumkin.

Parasempatomimetiklar: kombinasion davolash atrioventrikulyar o'tkazuvchanlik vaqtini oshirishi va bradikardiya xavfini kuchaytirishi mumkin.

Beta-blokatorlarni mahalliy qo'llash (masalan, glaukomani davolash uchun ko'z tomchilari) bisoprololning tizimli ta'sirini kuchaytirishi mumkin.

Qandni kamaytiradigan insulin va peroral antidiabetik vositalarning ta'siri kuchayishi mumkin. β -adrenoreseptorlar blokadasi gipoglikemiya simptomlarini yashirishi mumkin.

Anestetik dorilar: reflektor taxikardiyani kamaytiradi va gipotenziya xavfini oshiradi.

Yurak glikozidlari: yurak urish tezligining pasayishi, atrioventrikulyar o'tkazuvchanlik vaqtining ko'payishi.

Nosteroid yallig'lanishga qarshi dorilar (NSYAQD): Bisoprolol-SANTOning gipotenziv ta'sirini kamaytirishi mumkin.

β-simpatomimetiklar (masalan, dobutamin, ortsiprenalin): bisoprolol bilan birlashtirish har ikkala preparatning ta'sirini kamaytirishi mumkin. Allergik reaktsiyalarni davolash uchun adrenalin (epinefrin) ning yuqori dozalari kerak bo'lishi mumkin.

α- va β-reseptorlarni faollashtiradigan simpatomimetiklar (masalan, adrenalin, noradrenalin): mavjud bo'lgan qon bosimining ko'tarilishi va ko'chib yuruvchi oqsoqlikning kuchayishi. Bunday o'zaro ta'sirlar noselektiv beta-blokatorlardan foydalanganda ko'proq kuzatiladi.

Trisiklik antidepressantlar, barbituratlar, fenotiazinlar, shuningdek boshqa antigipertenziv vositalar: kuchli gipotenziv ta'sir.

Quyidagi dori-darmonlarni birgalikda qo'llashda quyidagi eslatmalarni hisobga olish kerak:

Mefloxin: bradikardiya xavfi ortadi.

Monoaminoksidaza ingibitorlari (Mao-B ingibitorlaridan tashqari): beta-blokatorlarning gipotenziv ta'sirini kuchaytiradi, shuningdek, gipertenziv inqiroz xavfi oshadi.


Quruq, yorug'likdan himoyalangan joyda, 25°C dan yuqori bo'lmagan haroratda saqlansin.

Bolalar ololmaydigan joyda saqlansin!


Yaroqlilik muddati

2 yil.

Yaroqlilik muddati o'tganidan so'ng qo'llanilmasin

Dumaloq, yuzasi ikki tomonlama qavariq, oq yoki deyarli oq rangli qobiq bilan qoplangan tabletkalar (2,5 mg doza uchun).

Dumaloq, yuzasi ikki tomonlama qavariq, och sariqdan sariq ranggacha bo'lgan qobiqli tabletkalar (5 mg doza uchun).

Oval shaklda, ikki tomonlama qavariq yuzali, bir tomonida bo'lish chizig'i tushirilgan, och pushti rangdan pushti ranggacha bo'lgan qobiqli tabletkalar (10 mg doza uchun).

Surunkali yurak etishmovchiligining standart davolash sxemasi AAF ingibitori (yoki AAF ingibitorleri yaxshi o'zlashtirilmasa angiotenzin II reseptori antagonistlari), beta blokator, diuretiklar va kerak bo'lganda yurak glikozidlaridan foydalanishni o'z ichiga oladi. Bisoprolol bilan davolanishni boshlashda bemorlar barqaror holatda bo'lishi kerak (o'tkir yurak etishmovchiligi bo'lishi kerak emas).

Davolovchi shifokor surunkali yurak etishmovchiligini davolash tajribasiga ega bo'lishi tavsiya etiladi.

Titrlash bosqichida yoki undan keyin yurak etishmovchiligi, vaqtincha arterial gipotenziya yoki bradikardiya kechishi yomonlashishi mumkin.

Dozalash rejimi

Titrlash bosqichi

Surunkali yurak etishmovchiligini bisoprolol bilan davolash majburiy titrlash bosqichini talab qiladi.

Bisoprolol bilan davolashni quyidagi bosqichlarga muvofiq dozani bosqichma-bosqich oshirish bilan boshlash kerak:

1,25 mg dan kuniga 1 marta 1 hafta davomida, agar preparat yaxshi o'zlashtirilsa

Keyingi hafta davomida kuniga bir marta 2,5 mg ga oshiriladi, agar yaxshi o'zlashtirilsa,

Keyingi hafta davomida kuniga bir marta 3,75 mg ga oshiriladi, agar yaxshi o'zlashtirilsa,

Keyingi 4 hafta davomida kuniga bir marta 5 mg ga oshiriladi, agar yaxshi o'zlashtirilsa

Keyingi 4 hafta davomida kuniga bir marta 7,5 mg ga oshiriladi, agar yaxshi o'zlashtirilsa,

ta'minot (quvvatlovchi) terapiyasi sifatida kuniga bir marta 10 mg.

Tavsiya etilgan maksimal doza – kuniga bir marta 10 mg.

Titrlash bosqichida hayotiy ko'rsatkichlar (yurak urishlari soni, arterial qon bosimi) va yurak etishmovchiligining rivojlanish belgilarini diqqat bilan kuzatib borish zarur. Simptomlar terapiyani boshlaganidan keyin birinchi kun mobaynida paydo bo'lishi mumkin.

Davolashni to'g'rilash

Agar tavsiya etilgan maksimal doza yaxshi o'zlashtirilmasa, dozani bosqichma-bosqich (birdaniga emas) kamaytirishni ko'rib chiqish zarur.

Yurak etishmovchiligi kechishi vaqtincha yomonlashganda, arterial gipotenziya yoki bradikardiya yuzaga kelganda, davolovchi yondosh dorilarning dozalarini qayta ko'rib chiqish tavsiya etiladi. Shuningdek, bemorga bisoprolol dozasini vaqtincha kamaytirish yoki bekor qilish zarur bo'lishi mumkin.

Bemorning axvoli barqarorlashgandan so'ng bisoprololni qayta tayinlash va/yoki bisoprolol dozasini titrlash orqali oshirish imkoniyatini doimo ko'rib chiqilishi kerak.

Preparatni qo'llashni to'xtatish to'g'risida qaror qabul qilinganda, dozani bosqichma-bosqich kamaytirish tavsiya etiladi, chunki to'satdan bekor qilish bemorning ahvolini keskin buzilishiga olib kelishi mumkin.

Surunkali yurak etishmovchiligini bisoprolol bilan davolash odatda uzoq muddatli bo'ladi

Simptomlar:

Beta-blokatorlar dozasining oshib ketish holatlari bilan bog'liq eng keng tarqalgan belgilar – bu bradikardiya, arterial gipotenziya, bronxospazm, o'tkir yurak etishmovchiligi va gipoglikemiya hisoblanadi.

Davolash:

Dozani oshirib yuborilganda bisoprolol terapiyasini to'xtatish va tegishli va simptomatik davolashni boshlash kerak. Cheklangan, ammo mavjud bo'lgan ma'lumotlar bisoprololni dializ yordamida chiqarish mumkinligini ko'rsatadi.

Bradikardiya: vena ichiga atropin kiritiladi. Agar javob etarli bo'lmasa, ortsiprenalin yoki ijobiy xronotrop xususiyatlarga ega bo'lgan boshqa vositalardan ehtiyotkorlik bilan foydalanish mumkin. Ba'zi hollarda yurak stimulyatorining transvenoz implantasiyasi zarur bo'lishi mumkin.

Gipotenziya: vazopressorlarni vena ichiga yuborish tavsiya etiladi. Vena ichiga yuborilgan glyukagon ham samarali bo'lishi mumkin.

AV-blokada (ikkinchi yoki uchinchi daraja): bemorlarni diqqat bilan kuzatuv ostida bo'lishlari, shuningdek ortsiprenalin infuzioni talab qilinishi mumkin. Agar kerak bo'lsa, vaqtinchalik yurak stimulyatori joylashtirilishi kerak.

Yurak etishmovchiligining keskin yomonlashuvi: vena ichiga diuretiklar, ijobiy inotrop vositalar va vazodilatatorlar kiritiladi.

Bronxospazm: bronxodilatatorlar, masalan, ortsiprenalin, β2-simpatomimetiklar va/yoki aminofillin buyurish lozim.

Gipoglikemiya: vena ichiga glyukoza yuboriladi.

Bisoprololning farmakologik faolligi homiladorlik va / yoki homila / yangi tug'ilgan chaqaloqqa salbiy ta'sir ko'rsatishi mumkin.

Umuman olganda, beta blokatorlar plasenta perfuziyasini kamaytiradi, bu esa bachadon ichi o'sish-rivojlanishning sustlashishiga, bachadon ichi o'limga, bola tushishiga yoki erta tug'ilishga olib kelishi mumkin. Salbiy ta'sir (masalan, gipoglikemiya va bradikardiya) homila va yangi tug'ilgan chaqaloqda paydo bo'lishi mumkin. Agar beta-blokatorlar bilan davolash zarur bo'lsa, β1-selektiv beta-blokatorlarga afzallik beriladi.

Bisoprolol-SANTO ni homiladorlik paytida foydalanish tavsiya etilmaydi, faqat aniq zaruratli xolatlar bundan mustasno. Agar bisoprolol bilan davolash zarur deb hisoblansa, bachadon ichi plasenta qon oqimi va homila o'sishini nazorat qilish kerak. Homiladorlik yoki homilaga zararli ta'sir ko'rsatadigan bo'lsa, muqobil terapevtik choralar ko'rib chiqilishi zarur. Yangi tug'ilgan chaqaloqni diqqat bilan kuzatib borish kerak. Odatda gipoglikemiya va bradikardiya belgilari, qoidaga ko'ra, hayotning dastlabki 3 kunida yuzaga chiqishi mumkin.

Bisoprololning ona sutiga o'tishi yoki o'tmasligi ma'lum emas. Shuning uchun, bisoprolol bilan davolash paytida emizish tavsiya etilmaydi.

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Mulohazalar

Bisoprolol-SANTO tabletkalari 5mg N50 dori vositasi O'zbekiston dori vositalari reestrida ro'yxatdan o'tganmi?
Ha, preparat O'zbekiston dori vositalari reestrida ro'yxatdan o'tgan.
Bisoprolol-SANTO tabletkalari 5mg N50 dori vositasi ishlab chiqaruvchisi kim va u qaysi davlatda ishlab chiqarilgan?
Bisoprolol-SANTO tabletkalari 5mg N50 dori vositasi АО «Химфарм» tomonidan Qozog’iston mamlakatida ishlab chiqarilgan.
Ushbu dori vositasi qanday kasallikni davolash uchun ishlatiladi?
Yurak-qon tomir
Bisoprolol-SANTO tabletkalari 5mg N50 dori vositasi resept bo’yicha sotiladimi?
Bisoprolol-SANTO tabletkalari 5mg N50 dori vositasi resept bo'yicha sotilmaydi.

Analoglar
BISOKAR tabletkalari 5mg N30
Narh: 33 000 so'mdan Batafsil
BISOKAR tabletkalari 2,5mg N10