DEKSAMETAZON eritma 1 ml 0,4% N20

faol modda: deksametazon natriy fosfati - 4.4 mg, deksametazon fosfatga qayta hisoblaganda 4.0 mg 

yordamchi moddalar: natriy gidrofosfat digidrati, dinatriy edetati (trilon B), glitserin, in'eksiya uchun suv 1 ml gacha.

Сhiqarilish shakli

1 ml va 2 ml dan shishali ampulalarda yoki polipropilenli ampulalarda.

Ampulalar qo'llash bo'yicha yo'riqnoma bilan karton qutiga joylashtirilgan.

Deksametazon glyukokortikoid faollikka ega bo'lgan, buyrak usti bezi po'stloq qismining sintetik gormoni (kortikosteroid) hisoblanadi. U yallig'lanishga qarshi, immunosupressif ta'sirga ega, shuningdek energiya almainuviga, glyukoza almashinuviga va gipotalamik rilizing-gormon va adenogipofiz gormoni sekretsiyasiga(qaytar bog'lanishning manfiy ta'siri orqali) ta'sir qiladi. Glyukokortikoidlarning ta'siri to'liq aniqlanmagan. Hozirgi vaqtda glyukokortikoidlarning hujayra darajasidagi ta'sir mexanizmi haqida yetarlicha dalillar bor. Hujayra tsitoplazmasida ikkita retseptor tizimi mavjud. Glyukokortikoid retseptorlar orqali kortikosteroidlar yallig'lanishga qarshi, immunosupressiv  ko'rsatadi va glyukoza gemeostazi mineralokortikoid retseptorlar orqali natriy va kaliy almashinuviga, elektrolit va suv balansiga ta'sir ko'rsatadi. 

Glyukoza gemostazi almashinuviga ta'siri: deksametzon, insulin, glyukagon va katexolaminlar bilan bir qatorda energiya yig'ilishi va sarflanishini boshqaradi. Jigarda u piruvat va aminokislotalardan glyukoza hosil bo'lishi va glikogen hosil bo'lishini rag'batlantiradi. Periferik to'qimalarda, xususan mushaklarda glyukoza sarflanishini kamaytiradi va jigarda glyukoneogenez substarti bo'lgan aminokislotalarni(oqsillardan) xarakatlantiradi. Yog'lar almashinuviga bevosita ta'siri yog' to'qimasini markaziy taqsimlanishi va katexolaminlar ta'siriga javoban lipolizni kuchayishi bilan namoyon bo'ladi.

Buyrakning proksimal kanalchalari retseptorlari orqali buyrakda qon aylanishini va kosachalar fil'tratsiyasini rag'batlantiradi, vazopressin sekretsiyasi va hosil bo'lishini bostiradi va buyraklarni kislotalarni chiqarish qobiliyatini yaxshilaydi. Tomirlarni pressor agentlarga sezuvchanligini oshiradi.

Deksametozon yuqori dozalarda fibroblastlardan I va III tip kollagenlarni hosil bo'lishini va glikozaminoglikanlar hosil bo'lishini: hujayradan tashqari kollagen va matriksni hosil bo'lishini pasayishi orqali, ular yaralar bitishini sekinlashtiradi; bostiradi. Yuqori dozalarni uzoq vaqt qabul qilish suyak to'qimasini oraliq ta'sir kabi rivojlanib boruvchi rezorbtsiyasini chaqiradi va bevosita uning hosil bo'lishini kamaytiradi(paratgormon sekretsiyasini rag'batlantiradi va kal'tsitonin sekretsiyasini bostiradi). Bundan tashqari u kal'tsiyning manfiy muvozanatiga olib keladi – kal'tsiyni ichakda so'rilishini kamaytiradi va uni buyraklar orqali chiqarilishini kuchaytiradi. Odatda bu ikkilamchi giperprptireozga  va fosfaturiyaga olib keladi.

Gipotalamus va gipofizga ta'siri: deksametazon endogen kortizolga qaraganda 30 marta ko'p ifodalangan ta'sir ko'rsatadi. Shuning uchun u kortikotropin-rilizing-omil(KRO) va alrenokortikotrop gormoni(AKTG) sekretsiyasining kuchliroq ingibitori hisoblanadi. Farmokologik dozalarda gipotalamo-gipofizar-buyrak usti bezi tizimini bostiradi, ikkilamchi buyrak usti yetishmovchiligi rivojlanishiga olib keladi. Buyrak usti po'stlog'i yetishmovchiligi deksametazonni sutkalik dozalarda, 20-30 mg prednizolonga ekvivelentda yuborgandan keyin 5-7 kundayoq yoki kichik dozalarda davolangandan 30 kundan keyin rivojlanishi mumkin. Yuqori dozali qisqa kurslarni(5 kungacha) bekor qilgandan so'ng, buyrak usti po'stlog'i funktsiyasi bir haftadan keyin tiklanishi mumkin; uzoq kursdan keyin normallashish kechroq yuz beradi, odatda bu jarayon 1 yilgacha muddatni egallaydi. Ayrim bemorlarda buyrak usti po'stlog'ining qaytmas atrofiyasi rivojlanishiga olib keladi.

Glyukokortikoidlarning yallig'lanishga qarshi va immunosupressiv ta'siri ularning molekulyar va biokimyoviy ta'siri bilan bog'liq. Molekulyar yallig'lanishga qarshi ta'sir glyukokortikoidlarning glyukokortikoid retseptorlari bilan o'zaro ta'siri va yallig'lanish jarayonida ishtirok etuvchi ko'plab informatsion molekulalar, oqsillar va fermentlar hosil bo'lishini boshqaruvchi bir qator genlar ekspressiyasini o'zgarishi natijasidir. Bu yallig'lanishga bo'lgan to'qima javobini ogohlantirishga yoki pasayishiga olib keladi: makrofaglar va leykotsitlar yig'ilishini pasayishi, fagotsitozni va lizosolmal fermentlar ajralishini, yallig'lanish mediatorlari sintezini, makrofagal ingibitor omilini bloklashni pasayishi. Deksametazon kapillyarlar kengayishi va o'tkazuvchanligini kamaytiradi, leykotsitlarni endoteliyga adgeziyasini pasaytiradi, prostaglandinlar, leykotrienlar, tromboksanlar sintezini kamaytiradi.

Deksametazon leykotrienlar hosil bo'lishini araxidon kislotasi, ularning hujayra fosfolipidlarini ajralishini pasaytiradi, bu fosfolipaza A2 faolligini pasaytirish natijasidir. Fofolipaza ta'siri, fosfolipaza A2 ingibitori bo'lgan lipokortin(makrokortin) kontsentratsiyasining ortishi bilan bog'liq. Deksametazonning prostaglandinlar va tromboksan sinteziga bostiruvchi ta'siri tsiklooksigenaza hosil bo'lishini kodlovchi, maxsus mDNK sintezini pasayishi natijasi hisoblanadi.

Deksametazon xujayra immun reaktsiyasini bostiradi yoki ogohlantiradi(sekinlashgan tipdagi yuqori sezuvchanlik reaktsiyasi), T-limfotsitlar, monotsitlar va eozinofillar miqdorini, immunoglobulinlarni ularning retseptorlari bilan bog'lanishini pasaytiradi, interleykinlar sintezini bostiradi: T-limfotsitar blastogenezni pasaytiradi va birlamchi immun javobni kamaytiradi. Gumoral immunitetni II tip T-xelperlarni rag'batlantirish orqali faollashtiradi – antitela ishlab chiqarilishini kuchaytiradi. Ahamiyatli ta'siri o'smaning nekroz omili(O'NO) va IL- 1 hosil bo'lishini kamaytirish hisoblanadi.

So'rilishi

Deksametazon fosfat vena ichiga yuborgandan 5 minutdan keyin va mushak ichi in'ektsiyasidan bir soatdan keyin plazmada eng yuqori kontsentratsiyaga erishadi. Bo'g'imga va yumshoq to'qimaga(jarohatga) in'ektsiya ko'rinishida mahalliy qo'llangandan keyin, mushak ichiga yuborgandan keyinga qaraganda absorbtsiya biroz past. Vena ichiga yuborgandan keyin ta'sir tez boshlanadi; mushak ichiga yuborgandan keyin klinik samaraga 8 soatdan keyin erishiladi. Ta'sir uzoq vaqt davomida saqlanadi: mushak ichiga yuborgandan keyin 17-28 kuni va 3 kun – 3 hafta mahalliy qo'llagandan keyin. Deksametazonnig yarim chiqarilish biologik davri 24-72 soatni tashkil qiladi. Deksametazon fosfat plazma va sinovial suyuqlikda deksametazonga tez aylanadi.

Taqsimlanishi  

Deksametazonnnig tahminan 77 % plazma oqsillari bilan bog'lanadi, asosan al'bumin bilan. Faqat deksametazonning oz miqdorigina al'buminli oqsillar bilan birikadi. Deksametzon yog'da eruvchan modda bo'lganligi uchun u hujayra ichi va tashqari yuzaga o'tishi mumkin.

Metabolizmi 

Markaziy nerv tizimida(gipotalamus, gipofiz) uning ta'siri membrana retseptorlari bilan bog'lanishi bilan bog'liq. Periferik to'qimalarda tsitoplazmatik retseptorlar bilan bog'lanadi. Parchalanish uning ta'sir joyila yuz beradi, ya'ni hujayrada. Preparat asosan jigarda almashinadi, lekin shuningdek, buyraklar va boshqa to'qimalarda ham almashinadi. Asosan peshob bilan chiqariladi.

Сhiqarilishi. 

Asosan siydik bilan chiqariladi.

Glyukokortikoid

In'ektsiya uchun eritma.

Deksametazon fosfat bilan davolanish vaqtida paydo bo'lgan nojo'ya ta'sirlar, paydo bo'lish tez-tezligiga ko'ra, guruhlar bo'yicha tasniflanadi:

- juda tez-tez (>1/10); 

- tez-tez (>1/100 dan <1/10 gacha); 

- tez-tez emas (>1/1000 dan <1/100 gacha); 

- kam hollarda (>1/10000 dan <1/1000 gacha); 

- juda kam hollarda (<1/1 0000); 

- noma'lum (mavjud ma'lumotlarga ko'ra, baholash mumkin emas). Nojo'ya ta'sirlarning tez-tezligi davolanishning dozasi va davomiyligiga bog'liq. 

Deksametazonli qisqa muddatli davolash bilan bog'liq nojo'ya ta'sir o'z ichiga oladi: 

Immun tizimi tomonidan: tez-tez emas - yuqori sezuvchanlik reaktsiyalari. Endokrin tizimi tomonidan: tez-tez – tranzitor buyrak usti yetishmovchiligi. 

Metabolizm va oziqlanishni buzilishi: tez-tez – uglevodlarga tolerantlikni pasayishi, ishtaxani ortishi va vazn qo'shilishi; tez-tez emas - gipertriglitseridemiya. 

Ruhiy buzilishlar: tez-tez -ruhiy buzilishlar. 

Ovqat hazm qilish tizimi tomonidan: tez-tez emas -peptik yaralar va o'tkir pankreatit. 

Deksametazon bilan uzoq muddat davolash bilan bog'liq nojo'ya ta'sir o'z ichiga oladi. 

Immun tizimi tomonidan: tez-tez emas -immun javobning kamayishi va infektsiyalarga sezuvchanlikni ortishi. 

Endokrin tizimi tomonidan: tez-tez-uzoq vaqtli buyrak usti yetishmovchiligi, bolalar va o'smirlarda o'sishni sekinlashishi. 

Metabolizm va ozuqlanishni buzilishi: tez-tez - semizlikning yuqori turi. 

Ko'rish organi tomonidan buzilishlar: tez-tez emas - katarakt, glaukoma.

 Yurak-qon tomir tizimi tomondan: tez-tez emas – arterial gipertenziya. 

Teri va teri osti to'qimasi tomonidan: tez-tez - terining nozikligi va xiralashishi. 

Tayanch-harakat tizimi va biriktiruvchi to'qima tomonidan: tez-tez mushak atrofiyasi, osteoporoz; tez-tez emas - suyaklarning aseptik nekrozi. 

Deksametazon bilan davolash bilan bog'liq quyidagi nojo'ya ta'sirlar ham kelib chiqishi mumkin (ular ahamiyatini kamayish maqsadida taqdim etilgan). 

Limfa tizimi va qon hosil qilish tizimi tomonidan: kam hollarda - tromboembolik asoratlar, monotsitlar va/yoki limfotsitlar sonining kamayishi, leykotsitoz, eozinofiliya (shuningdek, boshqa glyukokortikoidlar kabi), trombotsitopeniya va trombotsitopenik bo'lmagan purpura.

Immun tizimi tomonidan: kam hollarda - toshma, bronxospazm, anafilaktik reaktsiyalar; juda kam hollarda – angionevrotik shish. 

Yurak tomonidan: juda kam hollarda - polifokal qorinchalar ekstrasistoliyalari, o'tib ketuvchi bradikardiya, yurak yetishmovchiligi, yaqinda o'tkazilgan o'tkir infarktidan keyingi miokard yorilishi. 

Qon tomir tizimi tomonidan: tez-tez emas - gipertonik entsefalopatiya. 

Nerv tizimi tomonidan: tez-tez emas – davoni bekor qilgandan so'ng ko'z nervi so'rg'ichlari shishi va ko'z ichi bosimi ortishi(bosh miya yolg'on o'samasi), bosh aylanishi, bosh og'rig'i; juda kam hollarda - tirishishlar. 

Psixiatrik buzilishlar: tez-tez emas - ko'pincha eyforiya, uyqusizlik, qo'zg'aluvchanlik, giperkineziya, depressiya bilan namoyon bo'ladigan shaxs va xulq-atvordagi o'zgarishla; kam hollarda - psixozlar. 

Endokrin tizimi tomonidan: tez-tez – buyrak usti bezi yetishmovchiligi va atrofiyasi (stressga javobni pasayishi), Itsenko-Kushinga sindromi, hayz tsikli muntazamligining buzilishi, girsutizm. 

Metabolizm va oziqlanishni buzilishi: kam hollarda - yashirin qandli diabetni klinik manifestga o'tishi, qandli diabet bo'lgan bemorlarda og'iz qand tushuruvchi preparatlar yoki insulinga bo'lgan ehtiyojni ortishi, natriy va suvni ushlanishi, kaliy yo'qotilishini kuchayishi; juda kam hollarda - gipokaliemik alkaloz, oqsil katabolizmi natijasida salbiy azot balansi.

Ovqat hazm qilish tizimi tomonidan: tez-tez emas - ko'ngil aynishi, hiqichoq, oshqozon yoki o'n ikki barmoqli ichak yarasi; juda kam hollarda - ezofagit, yara teshilishi va oshqozon-ichak trakti (gematomezis, melena) qon ketishi, pankreatit, o't pufagi va ichak teshilishi (ayniqsa yo'g'on ichakning surunkali yallig'lanish kasalliklari bo'lgan bemorlarda).

Tayanch-harakat tizimi va biriktiruvchi to'qima tomonidan: tez – tez - mushak holsizligi, steroidli miopatiya (mushak to'qimalarining katabolizmi tufayli mushakdagi holsizlik); juda kam hollarda - umurtqa pog'onasi kompression sinishlari, pay yorilishi, (ayniqsa, ayrim xinolonlarni birga qo'llaganda), bo'g'im va suyaklar tog'ay to'qimalarining nekrozi (tez-tez bo'g'imichi in'ektsiyasida). 

Teri va teri osti to'qimasi tomonidan: tez-tez - yara bitishining sekinlashishi, striyalar, petexiyalar va ekximozlar, terlashni ortishi, akne, allergik testlarni olib borganda teri reaktsiyalarini bostirish; juda kam hollarda - allergik dermatit, eshakemi. 

Ko'rish organi tomonidan buzilishlar: tez-tez emas - ko'z ichi bosimining ortishi; juda kam - ekzoftal'm. 

Reproduktiv tizimi tomonidan: kam hollarda-impotentsiya. 

Yuborilgan joyida buzilishlar va umumiy buzilishlar: juda kam hollarda - shish, teri giper- yoki gipopigmentatsiyasi, teri yoki teri osti to'qimalarining atrofiyasi, steril abstsess va teri qizarishi. 

Glyukokortikoidlarni bekor qilish sindromi belgilari va simptomlari

Agar uzoq vaqt glyukokortikoidlarni qabul qilayotgan bemorlarda preparat dozasini tez pasaytirilsa, buyrak usti yetishmovchiligi belgilari, arterial gipertenziya, o'lim yuzaga kelishi mumkin.

Ayrim hollarda bekor qilish simptomi shu bo'yicha davo olgan bemorda kasallik qaytalanishi yoki avj olishi belgilari va simptomlari bilan bir xil bo'lishi mumkin.

Og'ir nojo'ya ta'sirlar rivojlanish holatlarida davo to'xtatilishi kerak.

Kortikoidlarni parenteral qo'llash jarayonida allergik reaktsiyalar paydo bo'lishi mumkin(kamdan-kam). Bunday ehtimolni e'tiborga olib kerakli chora tadbirlar davolash boshlangunga qadar qo'llanilishi kerak( ayniqsa, anamnezida biron bir dori vositalariga allergik reaktsiyalari bo'lgan bemorlarda).

Uzoq vaqt deksametazonni qo'llagan bemorlarda davoni to'xtatgandan keyin kortikoidlarni bekor qilish sindromi( shuningdek buyrak usti yetishmovchiligi belgilarisiz) kuzatilishi mumkin(isitma, burun oqishi, kon'yuktiva qizarishi, bosh og'rishi, bosh aylanishi, uyqusirash yoki asabiylashish, mushaklar va bo'g'imlarda og'riq, qusish, vazn yo'qotish, holsizlik shuningdek, tez-tez tirishishlar). Shuning uchun deksametazon dozasini asta-sekin kamaytirish kerak. Preparatni qabul qilishni keskin to'xtatish o'limga olib kelishi mumkin.

 Agar davolanish vaqtida yoki dori vositasini bekor qilganda bemor kuchli stressga uchrasa(jarohat, jarrohli aralashuvi yoki og'ir kasallik), deksametazon dozasi oshirilishi kerak yoki gidrokartizon yoki kortizon buyuriladi. Kuchli stressga uchragan bemorlarga uzoq vaqt deksametzonni qabul qilnishi to'xtatilgandan keyin, deksametazon qabuli qayta tiklanishi kerak, chunki indutsirlangan buyrak usti yetishmvochiligi davo bekor qilingandan keyin bir necha oy davomida persistirlanishi mumkin.

 Deksametazon yoki tabiiy glyukokortikoidlar bilan davolanish mavjud yoki yangi infektsiya belgilarini va yarali kolit bo'lgan bemorlarda interstitsial perforatsiya belgilarini niqoblashi mumkin.

Deksametazon tizimli zamburug'li infektsiyalarni, yashirin amebiaz va o'pka sili kechishini avj oldirishi mumkin.

Faol o'pka sili bo'lgan bemorlarga deksametazonni faqat ful'minant yoki og'ir disseminirlangan o'pka silida tavsiya etish mumkin(silga qarshi davo bilan birga). Deksametazon ichayotgan nofaol sili bor bemorlar yoki musbat sil reaktsiyasiga ega bemorlar ximioprofilaktika olishlari kerak.

Osteoporoz, gipertenziya, yurak yetishmovchiligi, sil, glaukoma, buyrak yetishmovchiligi, jigar yetishmovchiligi, diabet, me'da va o'n ikki barmoq ichak faol yarasi, yangi ichak anastomozi, yarali kolit va epilepsiyasi bemorlarda alohida ehtiyotkorlik va yaxshi tibbiy nazorat olib borish kerak. Miokard infakrtidan keyingi birinchi xaftadagi bemorlarda, tromboemboliya, miasteniya, glaukoma, gipotireoz, psixoz yoki psixonevroz bo'lgan va 65 yoshdan katta bemorlarda alohida e'tibor talab qilinadi.

Deksametazon bilan davolanish vaqtida diabetni avj olishi yoki latent shakldan diabetning klinik belgilari shakliga o'tishi mumkin.

Uzoq vaqt davolanish vaqtida zardobda kaliy darajasini nazorat qilish kerak. Deksametazon bilan davolanish vaqtida tirik vaktsinalar bilan emlash taqiqlanadi. O'lik viruslar yoki bakteriyalar vaktsinalar bilan immunizatsiya qilish kutilgan antitelalar ortishiga olib kelmaydi va kutilgan himoya ta'sir ko'rsatmaydi. Deksametazon odatda vaktsinatsiyadan 8 hafta oldin va 2 hafta keyin buyurilmaydi.

Deksametazonni yuqori dozalarini uzoq vaqt davomida olgan yoki ichgan bemorlar, qizamiq bilan kasallangan bemorlar kontaktidan ehtiyot bo'lishlari kerak; tasodifiy kontaktda immunoglobulin bilan pofilaktik davo tavsiya etiladi.

Yaqinda o'tkazilgan jarrohlik aralashuvidan keyin va suyak sinishi bo'lgan bemorlarda ehtiytkorlik talab qilinadi, chunki deksametazon yaralar va sinishlar bitishini sekinlashtirishi mumkin.

Glyukokortikosteroidlar ta'siri jigar tsirrozi yoki gipotireozi bo'lgan bemorlarda kuchayishi mumkin. Kortikosteroidlarni  bo'g'im ichiga yuborish mahalliy va tizimli ta'sir ko'rsatishi mumkin.  Bo'g'im ichi in'ektsiyalarini tez-tez o'tkazish bo'g'im tog'ayini zararlanishi va suyaklar nekroziga olib kelishi mumkin. 

Bo'g'im ichiga yuborishdan oldin sinovial suyuqlik bo'g'imdan chiqarilib yuborilish va tekshirilishi kerak(mumkin bo'lgan infektsiyalarga). Infitsirlangan bo'g'imga kortikosteroidlarni yuborishdan qochish kerak. Agar in'ektsiyadan keyin bo'g'imning septik yallig'lanishi kuzatilsa, kerakli antibakterial davoni boshlash kerak.

Bemorlar in'ektsiya qilingan bo'g'imga yallig'lanish jarayoni to'liq yo'qolgunga qadar yuklama tushishidan qochishlari kerakligi haqida xabardor bo'lishlari kerak. Nostabil bo'g'imlarga in'ektsiya qilish tavsiya etilmaydi.

Kortikosteroidlar teri allergik sinamalari natijalariga ta'sir qilishi mumkin.

Bolalar 

Deksametazon bolalar va o'smirlarda faqat qat'iy ko'rsatmalar bilan ishlatiladi. Deksametazon bilan davolash paytida bolalar va o'smirlarning o'sishi va rivojlanishi diqqat bilan kuzatilishi kerak.

Transport vositalarini yoki boshqa mexanizmlarni boshqarish qobiliyatiga ta'sir qilish

Deksametazon avtomobilni boshqarish va mexanizm bilan ishlash qobiliyatiga ta'sir qilmaydi.

Deksametazon vena ichiga va shoshilinch holatlarda yoki ichga yuborish imkoni bo'lmaganda mushak ichiga buyuriladi:

• Endokrin buzilishlar: 

- buyrak usti po'stlog'ining birlamchi yoki ikkilamchi yetishmovchiligida o'rin bosuvchi terapiya (mineralokortikoid ta'sir bilan bog'liq, kortizon yoki gidrokortizon qo'llanilgan buyrak usti po'stlog'ining yetishmovchiligidan tashqari).

- buyrak usti po'stlog'ining tug'ma giperplaziyasi.

-  o'tkir osti tireoidit va nurli tireoiditning og'ir shakillari;

• Revmatik kasalliklar:

- revmatoid artrit (shuningdek, yuvenil surunkali artrit) va revmatoid artritta bo'g'imdan tashqari zararlanishlar (o'pkalar, yurak, ko'zlar, teri vaskuliti) asosiy davo samarasiz bo'lganda, vaqt davomida o'tuvchi davo sifatida, shuningdek nosteroid yallig'lanishga qarshi preparatlar qoniqarsiz og'riq qoldiruvchi va yallig'lanishga qarshi ta'sir ko'rsatgan bemorlarda.

• Biriktiruvchi to'qima tizimli kasalliklari, vaskulitlar va vaskulitli sindrom;

• Teri kasalliklari:

- Pufakcha.

- Ko'p shaklli eritemaning og'ir shakllari (Stivens-Djonson sindromi). Bullyoz gerpetik shaklli dermatit.

- Eksfoliativ dermatit. 

- Ekssudativ eritema (og'ir shakli); Eritema;

- Seboreyali dermatit (og'ir shakli)

- Psoriaz (og'ir shakli). 

- Zamburug'li mikozlar

- Eshakemi (standart davoda yaxshilanish bo'lmaganda).

- Dermatomiozit

- Sklerodermiya

- Kvinke shishi.

• Allergik kasalliklar (standart davolashga javob bermagan)

- Bronxial astma.

- Kontakt dermatit.

- Atopik dermatit.

- Zardob kasalligi.

- Allergik rinit.

- Dorilarga yuqori sezuvchanlik.

- Qon quyishdan keyingi eshakemi.

• Ko'z kasalliklari:

- Yaqqol xavf soluvchi kasalliklar(o'tkir markaziy xorioretinit, ko'z nervi nevriti), allergik kasalliklar(kon'yuktivit, uveit, sklerit, keratit, irit).

- Allergik kasalliklar(kon'yuktivit, uveit, sklerit, keratit, irit).

- Tizimli immun buzilishlar (sarkoidoz, chakka arteriiti).

- Orbitada proliferativ buzilishlar(endokrinli oftal'mopatiyalar, yolg'on o'smalar).

- Simpatik oftal'miya.

- Shox parda transplantatsiyasida immunosupressiv davo.

Preparatni mahalliy va tizimli qo'llash (subkon'yunktival, retrobul'bar yoki parabul'barn).

• Me'da -ichak buzilishlari:

- Nospetsifik yarali kolit (og'ir xurujlar).

- Kron kasalligi (og'ir xurujlar).

- Surunkali autoimmun gepatit.

- Jigar ko'chirib o'tkazilgandan keyin bekor qilish reaktsiyasi. 

• Nafas a'zolari kasalliklari:

- O'tkir toksik bronxit.

- Surunkali bronxit va astma (xuruj davri).

- Sarkoidoz.

- Ful'minant yoki disseminirlangan o'pka sili (mos ravishda silga qarshi kimyoterapiya bilan birga).

- Sil plevriti (mos ravishda silga qarshi kimyoterapiya bilan birga).

- Berillioz (granulematoz yallig'lanish).

- Nurli yoki aspiratsion pnevmoniya.

• Qon kasalliklari:

- Tug'ma yoki ortttirilgan surunkali aplastik anemiya.

 - Autoimmun gemolitik anemiya.

- Kattalardagi ikkilamchi  trombotsitopeniya.

- Eritroblastopeniya.

- O'tkir limfoblast leykoz (induktsion terapiya).

- Idiopatik trombotsitopenik purpura (faqat vena ichiga yuboriladi, mushak ichiga yuborish taqiqlanadi).

• Buyraklar kasalliklari:

- Buyraklar transplantatsiyasidan keyingi immunosupressiv terapiya.

- Indutsiyalangan diureza yoki idiopatik nefrotik sindromda(uremiyasiz) va tizimli qizil bo'richa fonida buyrak zararlanishida.

• Xavfli o'sma kasalliklar: 

- katta bemorlardagi limfoma va leykozning palliativ davolash;  

- bolalarda o'tkir leykemiya;

- yomon sifatli o'simtalarda giperkal'tsemiya;

• Bosh miya shishi:

- bosh miyaning birlamchi yoki metostatik o'smalari, kalla suyaga trepanatsiyasi yoki bosh miya jarohatlari tufayli miya shishi. 

• Shok: 

- Standart davoga javob qilmaydigan shok.

- Buyrak usti yetishmovchiligi bo'lgan bemorlardagi shok.

- Anafilaktik shok (adrenalinni vena ichiga yuborgandan keyin)

- Buyrak usti bezi pustlog'i yetishmovchiligiga gumon qilinganda yoki buyrak usti bezi pustlog'i yetishmovchiligi bo'lgan bemorlarda operatsiyadan oldin.

-

• Boshqa ko'rsatmalar:

- Tuberkulyoz meningiti subaraxnoidal blokada bilan(etarli silga qarshi davo bilan birga).

- Nevrologik yoki miokardial belgilar bilan trixinellez.

- Aponevroz yoki payli (gangliya) kistali o'smasi.

Deksametazonni bo'g'im ichiga yoki yumshoq to'qimalarga yuborish uchun ko'rsatmalar:

- Revmatoid artrit (alohida bo'g'imning og'ir yallig'lanishi).

- Ankilozlovchi spondiloartrit (standart davoda yaxshilanish bo'lmaganda).

- Psoriatik artrit (oligoartikulyar zararlanishlar va tendosinovit). Monoartrit (bo'g'imdan suyuqlikni olib tashlagandan keyin).

- Bo'g'imlar artrozi (faqat sinovit va ekssudatsiya).

- Bo'g'imdan tashqari revmatizm (epikondilit, tendosinovit, bursit).

Mahalliy yuborish (o'choq ichi in'ektsiyasi)

 Keloid chandiqlar.

 Gipertrofik, yallig'langan va infil'trativ lixenoid zararlanishlar, psoriaz, halqasimon granulema, sklerozlanuvchi follikulit, diskoid qizil bo'richa, teri sarkoidozi

 mahalliy alopetsiya.

- Preparatning ta'sir qiluvchi moddasi yoki boshqa tarkibiy qismlariga yuqori sezuvchanlik. O'tkir virusli, bakterial va tizimli zamburug'li infektsiyalar (tegishli davosiz), 

- Kushing sindromi.

- Jonli vaktsina bilan emlash. 

- Tug'ruq paytida deksametazon va ritodrinni bir vaqtda qo'llash, chunki bu o'pka shishi natijasida ona o'limiga olib kelishi mumkin.

- Emizish davrida(shoshilinch holatlardan tashqari)

- Mushak ichiga yuborish qon ivish tizimining og'ir kasalliklari bo'lgan bemorlarda tavsiya etilmaydi.

tiniq, rangsiz yoki bir oz sarg'ish eritma.

Doza kasallik, tahmin qilingan davolash davomiyligiga, kortikoidlarni o'zlashtira olishi va organizm javobig ko'ra individual belgilanadi. 

In'ektsiya uchun eritma vena ichiga(in'ektsiya yoki infuziya ko'rinishida, 5% glyukoza yoki fiziologik eritmada), mushak ichiga yoki mahalliy(bo'g'imga, jarohatga, yumshoq to'qimalarga) tavsiya etish mumkin.

Parenteral qo'llash

 Deksametazon shoshilinch holatlarda, peroral yuborish imkoni bo'lmagan holatlarda, “Ko'rsatmalar” bo'limida ko'rsatilgan holatlarda parenteral qo'llaniladi.

In'ektsiya uchun eritma vena ichiga yoki mushak ichiga yoki vena ichi infuziyasi ko'rinishida(5% glyukoza eritmasi yoki fiziologik eritmada) tavsiya etiladi.

Vena ichi yoki mushak ichi uchun tavsiya etilgan boshlang'ich sutkalik doza 0,5 mg- 0,9 mg yoki kerak bo'lganda undan ko'pini tashkil qiladi. Deksametazonnig dastlabki dozasi klinik javobga erishgunga qadar qo'llaniladi, so'ng dozani doza klinik samarali bo'lgan eng past darajagacha pasaytiriladi. Agar yuqori dozalar bilan davolash bir necha kungacha davom etsa, dozani keyingi kunlar davomida yoki undan xam uzok vakt davomida pasaytirib borish kerak.

Mahalliy qo'llash

 Bo'g'im ichi uchun deksametazonni tavsiya etilgan bir martalik dozasi 0,4 mg-4 mg ni tashkil qiladi. Dozalash zararlangan bo'g'imning o'lchamiga bog'liq. Yirik bo'g'imlar uchun deksametazonning odatdagi dozasi 2 mg – 4 mg va mayda bo'g'imlar uchun 0,8 mg-1 mg ni tashkil qiladi. Bo'g'im ichiga yuborishni 3-4 oydan keyin haltakrorlash mumkin. In'ektsiyalar butun hayot davomida alohida olingan bo'g'imga 3 dan 4 martagacha yuborilishi mumkin va ikkitadan ortiq bo'g'imga bir vaqtda yuborish mumkin emas. Tez-tez qo'llash suyak tog'ayini zararlanishi va suyak nekroziga olib kelishi mumkin.

Deksametazonni halta ichiga yuborish uchun odatdagi dozasi 2 mg -3 mg, pay qiniga -0,4 mg-1 mg va paylar uchun -1 mg-2 mg ni tashkil qiladi.

Jarohat ichi in'ektsiyasi uchun deksametazonni bo'g'im ichiga yuborilgan dozasi qo'llaniladi. Deksametazonni bir vaqtda ikkitadan ortiq jarohat sohasiga yuborish mumkin emas. Yumshoq to'qima infil'tratsiyasi(periartikulyar) uchun    tavsiya etilgan dozasi 2-6 mg  deksametzonni tashkil qiladi. 

Bolalar uchun dozalash

O'rin bosuvchi davolashda mushak ichiga yuborish uchun tavsiya etilgan dozasi uchta qabulga bo'lingan, har uchunchi kuni, 0,02 mg/kg tana vazniga yoki 0,67 mg/m2 tana yuzasiga yoki har kuni 0,008 mg – 0,01 mg/kg tana vazniga yoki 0,2 mg-0,3 mg/ m2 tana yuzasiga tashkil qiladi.  

Boshqa ko'rsatmalarda tavsiya etilgan doza har 12-24 soatda 0,02 - 0,1 mg/kg tana vazniga yoki 0,8 mg – 5 mg/ m2 tana yuzasiga tashkil qiladi.

Keksa bemorlar (65 yoshdan katta, buyraklar va jigar kasalligi bo'lgan bemorlar 

65 yoshdan katta bemorlar, jigar va buyraklar kasalligi bo'lgan bemorlarga deksametazonni tavsiya qilishda alohida ehtiyotkorlik va yaxshi tibbiy kuzatuv talab qilinadi. 

O'ktir dozani oshirib yuborilishi natijasida ayrim o'lim yoki o'tkir dozani oshirib yuborilishi holatlari haqida xabarlar mavjud. Dozani oshirib yuborilishi odatda, ortiqcha daozalarni qo'llagandan bir necha haftadan so'ng namoyon bo'ladi va “Nojo'ya ta'sirlar” bo'limida ko'rsatilgan salbiy reaktsiyalarning aksariyatini, avvalambor Kushing sindromini chaqirishi mumkin. 

Maxsus antidot yo'qligi noma'lum. Davolash qo'llab quvvatlovchi va simptomatik. Gemodializ deksametazonni organizmdan chiqarib yuborilishini tezlashtirishda samarasiz.

Preeklamsiyada alohida ehtiyotkorlikka rioya qilish kerak. Glyukokortikoidlar bilan davolashning umumiy tavsiyalariga ko'ra, homiladorlik davrida asosiy kasallikni nazorat qilish uchun eng kam samarali doza qo'llaniladi. Onalari homiladorlik vaqtida uzoq vaqt yuqori dozadagi kortikosteroidlarni qabul qilgan bolalar, mumkin bo'lgan buyrak usti yetishmovchiligi tufayli qattiq nazoratda bo'lishlari kerak.

Gdyukokortikosteroidlar yo'ldosh orqali o'tadi va homila organizmida yuqori kontsentratsiyalarga erishish mumkin. Deksametazon masalan perdnizolon bilan solishtirganda yo'ldoshda sustroq almashinadi, shuning uchun homilada deksametazonnig yuqori kontsentratsiyalari aniqlanishi mumkin. Glyukokortikoidlarning terapevtik dozalari platsentar yetishmovchilik, homila suvining kamligi va xomila rivojlanishi va o'sishini ortta qolishi va homila ichi o'limi, bolada leykrtsitlar(neytrofillar) miqdorining ortishi xavfini, shuningdek buyrak usti yetishmovchiligi xavfini oshirishi mumkin.

Glyukokortikoidlarning qo'shimcha dozalari homiladorlik vaqtida kortikosteroidlarni olgan ayollarda tug'ruq vaqtida yuborish tavsiya etiladi. Agar tug'ruq faoliyati cho'zilsa yoki keser kesish amaliyoti re'jalashtirilsa, peripartal davrda 100 mg dan glyukokortikoidlarni har 8 soatda yuborish tavsiya etiladi.

Kichik miqdorlarda glyukokortikoidlar ko'krak suti orqali ajraladi. Shuning uchun deksametazon ichayotgan onalarga emizish tavsiya etilmaydi, ayniqsa yuqori fiziologik dozalarni qo'llaganda( taxminan 1 mg), chunki bu homila o'sishini ortta qoldiradi va endogen kortikosteroidlar sekretsiyasini pasaytiradi.

24