DEKSAMETAZON ko'z tomchilari 10ml 0,1%

So‘rilishi va taqsimlanishi

Kon’yunktiva qopchasiga tomizilgandan so‘ng deksametazon shox parda epiteliysi va kon’yunktivaga yaxshi o‘tadi, bunda ko‘zning suvli namligida terapevtik konsentratsiyalarga erishiladi. Shilliq qavat yallig‘lanishi yoki shikastlanishi holatida penetratsiya tezligi ortadi.

Preparatning tizimli absorbtsiyasi minimal. Tizimli qon oqimiga tushadigan deksametazonning taxminan 60-70% i plazma oqsillari bilan bog‘lanadi.

Metabolizm va chiqarilishi

Deksametazon jigarda sitoxrom saqlovchi fermentlar ta’sirida metabolizmga uchraydi. Metabolitlar axlat bilan chiqariladi. T1/2 o‘rtacha 3 soatni tashkil qiladi.

Asosan preparat yaxshi o‘zlashtiriladi.

Mahalliy reaksiyalar: preparat tomizilganidan keyin darhol tez o‘tib ketuvchi achishish hissi, ko‘z yoshlanishi, ko‘rishning xiralashishi mumkin.

Preparat uzoq vaqt (2 haftadan ortiq) qo‘llanilganda ko‘z ichi bosimining oshishi, ko‘rish nervining shikastlanishi bilan glaukoma rivojlanishi, ko‘rish o‘tkirligining pasayishi va ko‘rish maydonlarining tushib qolishi, shuningdek orqa subkapsulyar katarakta shakllanishi, shox parda qobig‘ining yupqalashishi va perforatsiyasi mumkin; juda kam hollarda - gerpetik va bakterial infektsiyaning tarqalishi.

Deksametazon yoki benzalkoniy xloridga sezuvchanligi yuqori bo‘lgan bemorlarda allergik kon'yunktivit va blefarit rivojlanishi mumkin.

Qichishish, palpebral yoki kon'yunktival eritema rivojlanishi mumkin.

Shox parda yoki sklerada yaralar paydo bo‘lganda, preparat bitishni sekinlashtirishi va takroriy infektsiya rivojlanishiga yordam berishi mumkin.

Uzoq vaqt qo‘llanilganda GKSga xos bo‘lgan tizimli nojo‘ya ta'sirlar rivojlanish xavfi oshishi mumkin.

Endokrin tizim tomonidan: glyukozaga tolerantlikning pasayishi, steroid qandli diabet yoki latent qandli diabetning namoyon bo‘lishi, buyrak usti bezlari funktsiyasining susayishi, Itsenko-Kushing sindromi.

Ovqat hazm qilish tizimi tomonidan: ko‘ngil aynishi, qusish, ishtahaning oshishi yoki pasayishi, MIY surunkali kasalliklarining kuchayishi.

Yurak-qon tomir tizimi tomonidan: aritmiya, bradikardiya, qon bosimining oshishi.

MNS tomonidan: bosh miya ichki bosimining oshishi

Preparat faqat mahalliy qo'llash uchun mo'ljallangan. Ko'z ichiga in'eksiya uchun qo'llash mumkin emas.

Qo'llashdan oldin preparatni chayqatish kerak.

Agar 3-4 kun davolashdan so'ng yaxshilanish kuzatilmasa, qo'shimcha mahalliy yoki tizimli davolashni tayinlash kerak.

Preparat tarkibiga mikroblarga qarshi konservant benzalkoniy xlorid kiradi, u yumshoq kontakt linzalarga shimilishi mumkin. Shuning uchun yumshoq kontakt linzalarni taqib yurish vaqtida preparatni qo'llash mumkin emas. Preparatni qo'llashdan oldin linzalarni olib tashlash va tomizilgandan keyin kamida 15 daqiqa o'tgach taqish kerak.

Preparat boshqa oftalmologik tomchilar bilan birgalikda ishlatilganda, tomizishlar orasida kamida 15 daqiqalik oraliqni saqlash zarur.

Preparat bilan davolash bakterial yoki zamburug'li infeksiya manzarasini niqoblashi mumkin, shuning uchun ko'zning infeksion kasalliklarini davolashda preparatni adekvat mikroblarga qarshi terapiya bilan birga olib borish kerak.

Deksametazon dopingga testning soxta musbat natijasiga olib kelishi mumkin.

Avtotransportni va mexanizmlarni boshqarish qobiliyatiga ta'siri

Preparat tomizilgandan so'ng ko'z yoshlanishi ehtimolini hisobga olib, uni bevosita transport vositalarini boshqarish yoki mexanizmlar bilan ishlashdan oldin qo'llash tavsiya etilmaydi. Preparat instillyatsiyasidan so'ng 30 daqiqa davomida yuqori diqqatni talab qiluvchi mashg'ulotlardan saqlanish kerak.

— ko'zning virusli kasalliklari;

— ko'zning zamburug'li kasalliklari;

— ko'zning yiringli kasalliklari (yondosh mikroblarga qarshi terapiyasiz);

— traxoma;

— ko'z ichki bosimining oshishi;

— shox parda epiteliysi butunligining buzilishi;

— ko'z sili;

— 6 yoshgacha bo'lgan bolalar;

— homiladorlik;

— laktatsiya davri (emizish);

— preparat komponentlariga yuqori sezuvchanlik.

Deksametazonni idoksuridin bilan uzoq vaqt qo'llaganda shox parda epiteliysida destruktiv jarayonlar kuchayishi mumkin.

Deksametazon barbituratlar ta'sirini kuchaytirishi mumkin.

Fenitoinni deksametazon bilan birga qo'llash oxirgisining kontsentratsiyasining pasayishiga olib keladi.

Varfarin deksametazon bilan birgalikda qon ketish xavfini oshiradi.

Mahalliy qo'llashning odatdagi rejimida doza jigar fermentlari induktsiyasini yoki to'yinishini chaqirish uchun yetarli emas.

Deksametazonni diuretiklar (ayniqsa tiazidli va karboangidraza ingibitorlari) va amfoteritsin B bilan bir vaqtda qo'llaganda organizmdan kaliy chiqarilishining kuchayishi va yurak yetishmovchiligi rivojlanish xavfining oshishi mumkin.

Deksametazonni yurak glikozidlari bilan bir vaqtda qo'llaganda ularning o'zlashtirilishi yomonlashadi va qorinchalar ekstrasistoliyasi rivojlanish ehtimoli ortadi (keltirib chiqariladigan gipokaliemiya tufayli).

HTML