DIKLOFENAK 30,0 gel 5%

Sirtga qo‘llanilganda diklofenak teri orqali yaxshi o‘tadi, asosan yallig‘lanish o‘chog‘ida va sinovial suyuqlikda to‘planadi. Teri orqali so‘riladigan diklofenak miqdori gelning teri bilan aloqa qilish vaqti va uning surtish maydoniga proporsional bo‘lib, preparatning umumiy dozasiga va terining gidratatsiya darajasiga bog‘liq. Preparatni surtishning tavsiya etilgan usulida diklofenakning 6% dan ko‘p bo‘lmagan qismi absorbtsiya qilinadi. Okkluzion bog‘lamni 10 soat davomida qo‘llash diklofenak rezorbsiyasining 3 baravar oshishiga olib keladi.

Og'riq qoldiruvchi Yallig'lanishga qarshi

Nojo‘ya ta'sirlarning rivojlanish tez-tezligi Jahon sog‘liqni saqlash tashkiloti tavsiyalariga muvofiq tasniflangan: juda tez-tez - kamida 10% sifatida tavsiflanadi; tez-tez - kamida 1%, lekin 10% dan kam; tez-tez emas - kamida 0,1%, lekin 1% dan kam; kam hollarda - kamida 0,01%, lekin 0,1% dan kam.

Mahalliy reaksiyalar: tez-tez emas - multiform ekssudativ eritema (shu jumladan Stivens-Djonson sindromi), ekzema, juda kam hollarda - kontakt dermatit (qichishish, giperemiya, ishlov berilgan teri sohasining shishi, papulyoz-vezikulyoz toshmalar, po‘st tashlash).

Gel teri qoplamlarining katta yuzalariga, uzoq vaqt davomida surtilganda, diklofenakning tizimli nojo‘ya ta'sirlari rivojlanishi mumkin.

Tizimli reaksiyalar: kam hollarda - generalizatsiyalangan teri toshmasi, allergik reaksiyalar (eshakemi, angionevrotik shish, bronxospastik reaksiyalar), kam hollarda - fotosensibilizatsiya. juda kam hollarda - anafilaktik reaksiyalar (shu jumladan shok).

Faqat sirtga qo'llaniladi. Gelni faqat terining shikastlanmagan joylariga surtish mumkin. Gel surtilgandan so'ng okklyuzion bog'lam qo'ymaslik kerak. Foydalanishdan oldin me'da va o'n ikki barmoqli ichak yara kasalligi, jigar, buyrak funksiyasi yoki qon yaratish tizimi buzilishlari bo'lgan bemorlar, shuningdek boshqa nosteroid yallig'lanishga qarshi vositalar bir vaqtda qo'llanilganda shifokor bilan maslahatlashishlari zarur. Preparat diklofenakning boshqa dori shakllari bilan birgalikda ishlatilganda maksimal sutkalik dozani hisobga olish kerak.

Uzoq muddat qo'llanilganda va/yoki katta yuzalarga surtilganda rezorbtiv ta'sir oqibatida tizimli nojo'ya ta'sirlar rivojlanishi mumkin. Preparatni ko'zga, shilliq qavatlarga yoki ochiq jarohatlarga tushishidan saqlanish kerak.

Transport vos. va mex. boshqarish qobiliyatiga ta'siri:

Preparat avtomobil va boshqa mexanik vositalarni boshqarish qobiliyatiga ta'sir ko'rsatmaydi.

Diklofenakka yuqori sezuvchanlik.

Bronxial astma, burun va burun yondosh bo'shliqlari polipozining qaytalanishi va atsetilsalitsil kislotasi yoki boshqa nosteroid yallig'lanishga qarshi preparatlarga toqat qilolmaslikning to'liq yoki to'liq bo'lmagan kombinatsiyasi (shu jumladan anamnezda). Homiladorlik (III trimestr), emizish davri, bolalar yoshi (6 yoshgacha). Kutilayotgan surtish joyida teri qoplamalari butunligining buzilishi.

Ehtiyotkorlik bilan:

Jigar porfiriyasi (zo'rayishi), me'da-ichak traktining eroziv-yarali shikastlanishlari, jigar va buyrak funksiyalarining og'ir buzilishlari, surunkali yurak yetishmovchiligi, qon ivishining buzilishi (shu jumladan gemofiliya, qon ketish vaqtining uzayishi, qon ketishga moyillik), keksa yosh, homiladorlik I va II trimestr.

Homiladorlik va laktatsiya:

Preparatni homiladorlikning III trimestrida qo'llash mumkin emas. Emizish davrida preparatni qo'llash tajribasi yo'q. I va II trimestrlarda qo'llash faqat shifokor maslahatidan so'ng, agar ona uchun kutilayotgan foyda homila uchun potensial xavfdan yuqori bo'lsa, mumkin.

Preparatni boshqa nosteroid yallig'lanishga qarshi preparatlar bilan qo'llash tavsiya etilmaydi.

Diklofenak fotosensibilizatsiyani chaqiruvchi preparatlarning ta'sirini kuchaytirishi mumkin. Boshqa dori preparatlari bilan klinik ahamiyatga ega o'zaro ta'siri ta'riflanmagan.