DYUSPATALIN tabletkalari 135mg N30

So'rilishi
Mebeverin ichga qabul qilingandan so'ng tez va to'liq so'riladi.

Taqsimlanishi
Preparatning takroriy dozalarini qabul qilishda sezilarli akkumulyatsiya sodir bo'lmaydi.

Metabolizmi
Mebeverin gidroxloridi asosan esterazalar tomonidan metabolizmga uchraydi, ular birinchi bosqichda efirni verat kislotasi va mebeverin spirtiga parchalaydi. Plazmada aylanib yuruvchi asosiy metabolit demetillangan karbon kislotasi hisoblanadi. Muvozanat holatida demetillangan karbon kislotasining yarim chiqarilish davri taxminan 2,45 soatni tashkil qiladi. Takroriy dozalarni qabul qilishda qonda demetillangan karbon kislotasining maksimal kontsentratsiyasi (Cmax) 1670 ng/ml ni, qonda demetillangan karbon kislotasining maksimal kontsentratsiyasiga erishish vaqti (Tmax) — 1 soatni tashkil qiladi.

Chiqarilishi
Mebeverin o'zi organizmdan chiqarilmaydi, balki to'liq metabolizmga uchraydi; uning metabolitlari organizmdan deyarli to'liq chiqariladi. Verat kislotasi buyraklar orqali chiqariladi. Mebeverin spirti ham buyraklar orqali, qisman karbon kislotasi va qisman demetillangan karbon kislotasi ko'rinishida chiqariladi.

Miotrop ta'sirga ega spazmolitik, ichakning normal peristaltikasiga ta'sir qilmasdan oshqozon-ichak trakti silliq mushaklariga to'g'ridan-to'g'ri ta'sir ko'rsatadi. Aniq ta'sir mexanizmi noma'lum, ammo ion kanallari o'tkazuvchanligini pasaytirish, noradrenalinning qayta qamrab olinishi blokadasi, mahalliy og'riqsizlantiruvchi ta'sir, shuningdek suv so'rilishini o'zgartirish kabi ko'plab mexanizmlar mebeverinning oshqozon-ichak traktiga mahalliy ta'sirini keltirib chiqarishi mumkin. Ushbu mexanizmlar orqali mebeverin ichak peristaltikasini normallashtirib va oshqozon-ichak trakti silliq mushak hujayralarining doimiy relaksatsiyasini ("gipotoniya") keltirib chiqarmasdan spazmolitik ta'sirga ega. Tizimli nojo'ya samaralar, shu jumladan antixolinergik samaralar yo'q.

Sanab o'tilgan nojo'ya ta'sirlar haqida xabarlar spontan xarakterga ega bo'lgan va chastota holatlarini aniq baholash uchun mavjud ma'lumotlar yetarli emas.
Allergik reaksiyalar asosan teri qoplamalari tomonidan kuzatilgan, ammo allergiyaning boshqa ko'rinishlari ham qayd etilgan.

Teri qoplamalari tomonidan:
Eshakemi (allergik toshma), angionevrotik shish (nafas olishning qiyinlashishi, yuz, bo'yin, lab, til, tomoq shishini o'z ichiga olishi mumkin bo'lgan jiddiy allergik reaksiya), yuz shishi, ekzantema (teri toshmasi).

Immun tizimi tomonidan:
Yuqori sezuvchanlik reaksiyalari (anafilaktik reaksiyalar − nafas olishning qiyinlashishi, tezlashgan puls, arterial bosimning keskin pasayishi (holsizlik va bosh aylanishi), terlashni o'z ichiga olishi mumkin bo'lgan jiddiy allergik reaksiyalar).

Agar sizda ushbu yo'riqnomada ko'rsatilmagan nojo'ya ta'sirlar kuzatilsa, Duspatalin® preparatini qabul qilishni to'xtating va darhol shifokorga murojaat qiling.

Quyidagi hollarda Dyuspatalin® preparatini qabul qilishdan oldin shifokor bilan maslahatlashish zarur:

- agar kasallik simptomlari birinchi marta paydo bo'lgan bo'lsa;
- vaznning qasddan bo'lmagan va tushunarsiz yo'qotilishi;
- anemiya;
- rektal qon ketish yoki axlatda qon aralashmasi;
- isitma;
- agar oilangizda kimgadir yo'g'on ichak saratoni, seliakiya yoki ichakning yallig'lanish kasalliklari tashxisi qo'yilgan bo'lsa;
50 yoshdan katta va kasallik simptomlari birinchi marta paydo bo'lgan bo'lsa;
- yaqinda antibiotiklar qo'llanilgan bo'lsa.
Agar preparatni qabul qilish fonida holat yomonlashsa yoki 2 hafta qo'llanilgandan so'ng simptomlar yaxshilanmasa, shifokorga murojaat qiling.
Preparatning avtomobilni va boshqa mexanizmlarni boshqarish qobiliyatiga ta'siri bo'yicha tadqiqotlar o'tkazilmagan. Preparatning farmakologik xususiyatlari, shuningdek uni qo'llash tajribasi mebeverinning avtomobilni va boshqa mexanizmlarni boshqarish qobiliyatiga qandaydir noxush ta'siri haqida dalolat bermaydi.

- preparatning har qanday komponentiga yuqori sezuvchanlik;
- 18 yoshgacha bo'lganlar;
- tug'ma galaktoza (laktoza) yoki fruktoza o'zlashtiraolmaslik, laktaza yetishmovchiligi, saxaraza/izomaltaza tanqisligi, glyukoza-galaktoza malabsorbtsiyasi sindromi;
- homiladorlik va emizish davri.

Faqat ushbu preparatning alkogol bilan o'zaro ta'siri bo'yicha tadqiqotlar o'tkazilgan. Hayvonlardagi tadqiqotlar Duspatalin® preparati va etil spirti o'rtasida har qanday o'zaro ta'sir yo'qligini namoyish etdi.

Ichga qabul qilish uchun.
Tabletkalarni chaynamasdan, yetarli miqdordagi suv (kamida 100 ml) bilan yutish kerak.
Ovqatdan taxminan 20 daqiqa oldin kuniga 3 mahal bitta tabletkadan.
Preparatni qabul qilish davomiyligi cheklanmagan.
Agar bemor bir yoki bir nechta dozani qabul qilishni unutgan bo'lsa, preparatni qabul qilishni keyingi dozadan davom ettirish kerak. Odatdagi dozaga qo'shimcha ravishda bitta yoki bir nechta o'tkazib yuborilgan dozalarni qabul qilmaslik kerak.
Keksa yoshdagi bemorlarda, buyrak va/yoki jigar yetishmovchiligi bo'lgan bemorlarda dozalash rejimini o'rganish o'tkazilmagan. Preparatni postmarketing qo'llash bo'yicha mavjud ma'lumotlar keksa yoshdagi bemorlarda va buyrak va/yoki jigar yetishmovchiligi bo'lgan bemorlarda uni qo'llashda o'ziga xos xavf omillarini aniqlamadi. Keksa yoshdagi bemorlarda va buyrak va/yoki jigar yetishmovchiligi bo'lgan bemorlarda dozalash rejimini o'zgartirish talab etilmaydi.