ENALAPRIL 0,01 tabletkalari N20

Ichga qabul qilingandan so'ng enalaprilning taxminan 60% i me'da-ichak yo'llaridan so'riladi. Jigarda faol metabolit - enalaprilat hosil qilib metabolizmga uchraydi. Qon zardobidagi enalaprilatning maksimal kontsentratsiyasi qabul qilingandan 3 - 4 soat o'tgach erishiladi.

Enalaprilatning plazma oqsillari bilan bog'lanishi – 50 - 60%. Qon plazmasida enalaprilning maksimal kontsentratsiyasi 1 soatdan keyin, enalaprilatniki – 3 - 4 soatdan keyin erishiladi. Enalaprilat gistogematik to'siqlar orqali oson o'tadi, GET bundan mustasno, oz miqdori yo'ldosh va ko'krak sutiga o'tadi. Enalaprilatning yarim chiqarilish davri – 11 soat. Asosan buyraklar orqali – 60% (20% - enalapril ko'rinishida va 40% - enalaprilat ko'rinishida), ichak orqali – 33% (6% - enalapril ko'rinishida va 27% - enalaprilat ko'rinishida) chiqariladi. Gemodializ va peritoneal dializda chiqariladi.

Yurak-qon tomir tizimi tomonidan: 2% dan kam hollarda - arterial gipotenziya, ortostatik gipotenziya, hushdan ketish; ayrim hollarda – miokard infarkti, insult, ko'krakda og'riq, yurak urishi, yurak ritmining buzilishi, stenokardiya, Reyno sindromi.

Markaziy va periferik asab tizimi tomonidan: eng ko'p uchraydigani - bosh aylanishi, bosh og'rig'i; 2 – 3% hollarda - charchoqning kuchayishi, asteniya; ayrim hollarda - depressiya, ongning chalkashishi, uyquchanlik, uyqusizlik, yuqori qo'zg'aluvchanlik, paresteziyalar, quloqlarda shovqin, ko'rishning xiralashishi.

Ovqat hazm qilish tizimi tomonidan: 2% dan kam hollarda - ko'ngil aynishi, diareya; ayrim hollarda - ichak tutilishi, pankreatit, jigar yetishmovchiligi, gepatit (gepatotsellyulyar yoki xolestatik), sariqlik, qorin sohasida og'riq, qusish, dispepsiya, qabziyat, anoreksiya, stomatit, ta'm bilishning buzilishi, glossit, plazmada jigar transaminazalari faolligining va bilirubin kontsentratsiyasining oshishi (odatda qaytuvchan xarakterga ega).

Nafas olish tizimi tomonidan: 2% dan kam hollarda - yo'tal; ayrim hollarda – o'pka infiltratlari, bronxospazm, bronxial astma, hansirash, rinoreya, tomoqda og'riq, ovozning bo'g'ilishi.

Siydik chiqarish tizimi tomonidan: kamdan-kam hollarda – buyrak faoliyatining buzilishi, buyrak yetishmovchiligi, oliguriya, mochevina, kreatin miqdorining oshishi (odatda qaytuvchan xarakterga ega).

Allergik reaksiyalar: 2% dan kam hollarda - teri toshmasi; kamdan-kam hollarda - yuz, oyoq-qo'llar, lablar, til, ovoz yorig'i va/yoki hiqildoqning angionevrotik shishi; ayrim hollarda – ko'p shaklli eritema, eksfoliativ dermatit, Stivens-Jonson sindromi, toksik epidermal nekroliz, eshakemi.

Murakkab simptomokompleks rivojlanishi mumkin: isitma, serozit, vaskulit, mialgiya/miozit, artralgiya/artrit, antinuklear antitelolarga pozitiv test, ECHT oshishi, eozinofiliya va leykotsitoz.

Qon yaratish tizimi tomonidan: gemoglobin va gematokrit darajasining pasayishi mumkin; ayrim hollarda – neytropeniya, trombotsitopeniya, agranulotsitoz.

Dermatologik reaksiyalar: ayrim hollarda – ko'p terlash, pemfigus, qichishish, toshma, alopetsiya, fotosensibilizatsiya, yuz terisining qizarishi.

Laborator ko'rsatkichlar tomonidan: giperkaliemiya va giponatriemiya rivojlanishi mumkin.

Boshqalar: 2% dan kam hollarda - mushak tirishishlari; ayrim hollarda – impotensiya.

Umuman olganda enalapril yaxshi o'zlashtiriladi. Nojo'ya ta'sirlarning umumiy chastotasi platsebo tayinlangandagi ko'rsatkichdan oshmaydi. Ko'p hollarda nojo'ya ta'sirlar kam ahamiyatli, vaqtinchalik xarakterga ega va terapiyani bekor qilishni talab qilmaydi.

Dozani oshirib yuborish

Simptomlari: kollaps, miokard infarkti, o'tkir miya qon aylanishi buzilishi yoki tromboembolik asoratlar, tirishishlar, stupor rivojlanishigacha bo'lgan yaqqol qon bosimi pasayishi.

Davolash: bemorga oyoqlarini ko'targan holda gorizontal holat berish. Keyinchalik faollashtirilgan ko'mir tayinlash bilan oshqozonni yuvish. Statsionar sharoitida arterial bosimni barqarorlashtirishga qaratilgan tadbirlar o'tkaziladi: vena ichiga fiziologik eritma yoki plazma o'rnini bosuvchilar yuborish. Gemodializ o'tkazish mumkin.

Maxsus ko'rsatmalar (ehtiyotkorlik choralari)

Enalaprilni yurak chap qorinchasidan qon oqib chiqishi qiyinlashgan bemorlarga ehtiyotkorlik bilan tayinlash kerak.

Enalapril bilan davolash vaqtida yurak yetishmovchiligi bo'lgan bemorlarda AB va buyrak funksiyasini muntazam nazorat qilish zarur. Diuretiklar olayotgan bemorlarda, imkon qadar, enalapril bilan davolash boshlanishidan oldin diuretiklar dozasini kamaytirish kerak. Enalaprilning birinchi dozasini qabul qilgandan keyin arterial gipotenziya rivojlanishi preparat qabul qilishni to'xtatish zarurligini ko'rsatmaydi. Davolash davrida shuningdek qon zardobidagi kaliy miqdorini nazorat qilish kerak. Arterial gipotenziya ko'proq, masalan, diuretiklar bilan terapiya, tuz iste'molini cheklash natijasida paydo bo'ladigan gipovolemiya fonida, gemodializdagi bemorlarda, shuningdek diareya yoki qusish fonida rivojlanadi.

YUK (yurak ishemik kasalligi), shuningdek miya tomirlari kasalliklari bo'lgan bemorlarni xuddi shunday kuzatish kerak, ularda qon bosimining keskin pasayishi miokard infarkti yoki insultga olib kelishi mumkin.

Gipotenziya qaysar xarakterga ega bo'lgan hollarda, dozani pasaytirish va/yoki diuretik va/yoki enalapril bilan davolashni to'xtatish kerak.

Ba'zi bemorlarda enalapril bilan davolash boshlangandan keyin rivojlanadigan arterial gipotenziya buyrak funksiyasi yomonlashishiga olib kelishi mumkin. Buyrak arteriyalarining ikki tomonlama stenozi yoki yagona buyrak arteriyasi stenozi bo'lgan ba'zi bemorlarda qonda mochevina va zardobda kreatinin miqdori oshishi kuzatilgan. O'zgarishlar qaytuvchan xarakterga ega bo'lgan va davolash to'xtatilgandan keyin ko'rsatkichlar normaga qaytgan. O'zgarishlarning bunday xarakteri buyrak yetishmovchiligi bo'lgan bemorlarda eng ko'p ehtimolli.

AAF ingibitorlari, shu jumladan enalapril tayinlanganda, davolashning turli davrlarida paydo bo'lgan yuz, oyoq-qo'llar, lablar, til, ovoz yorig'i va/yoki halqumning angionevrotik shishi kamdan-kam holatlari tasvirlangan. Bunday hollarda enalapril bilan davolashni darhol to'xtatish va simptomlar to'liq yo'qolguncha bemor ustidan doimiy kuzatuv o'rnatish kerak. Agar shish yuz va lablar sohasi bilan cheklansa, odatda maxsus davolash talab etilmaydi, antigistamin preparatlar ijobiy samara berib, bemor holatini yaxshilaydi.

Agar shish til, ovoz yorig'i yoki halqum sohasida joylashsa va nafas yo'llari obstruksiyasini chaqirishi mumkin bo'lsa, teri ostiga epinefrin (adrenalin) 0,1% (0,3 – 0,5 ml) eritmasini in'ektsiya qilishni va/yoki nafas yo'llari o'tkazuvchanligini ta'minlash choralarini o'z ichiga olgan davolashni tezda boshlash kerak.

AAF ingibitorlarini qabul qilgan negroid irqiga mansub bemorlarda angionevrotik shish boshqa irq vakillariga qaraganda tez-tez kuzatilgan.

Kamdan-kam hollarda AAF ingibitorlarini olayotgan bemorlarda pardaqanotlilar zahridan olingan allergen bilan giposensibilizatsiya o'tkazish vaqtida og'ir, hayot uchun xavf tug'diruvchi anafilaktoid reaksiyalar rivojlangan.

Yuqori o'tkazuvchanlik qobiliyatiga ega membranalar (masalan, AN69) yordamida dializda bo'lgan va bir vaqtda AAF ingibitorini olgan bemorlarda ba'zi hollarda anafilaktoid reaksiyalar rivojlangan. Shuning uchun bunday bemorlarda boshqa turdagi dializ membranalarini yoki boshqa sinfdagi antigipertenziv preparatni qo'llash tavsiya etiladi.

AAF ingibitorlari bilan davolashda yo'tal paydo bo'lishi haqida xabarlar mavjud. Odatda yo'tal noaniq, qaysar xarakterga ega va preparat bekor qilingandan keyin to'xtaydi.

Katta jarrohlik operatsiyalari vaqtida yoki arterial gipotenziyani chaqiruvchi birikmalardan foydalangan holda anesteziya vaqtida enalapril yaqqol arterial gipotenziyani chaqirishi mumkin, uni yuboriladigan suyuqlik hajmini oshirish yo'li bilan korreksiya qilish kerak.

Enalaprilni 48 hafta davomida qabul qilgan arterial gipertenziyasi bo'lgan bemorlarda zardobda kaliy konsentratsiyasining 0,02 mekv/l ga oshishi kuzatiladi. Enalapril bilan davolashda qon zardobida kaliy miqdorini nazorat qilish kerak.

Enalaprilga va boshqa AAF ingibitorlariga yuqori sezuvchanlik, anamnezda angionevrotik shish mavjudligi, porfiriya, homiladorlik, laktatsiya davri, 18 yoshgacha bo‘lganlar (samaradorligi va xavfsizligi aniqlanmagan).

Birlamchi giperaldosteronizm, buyrak arteriyalarining ikki tomonlama stenozi, yagona buyrak arteriyasi stenozi, giperkaliemiya, buyrak transplantatsiyasidan keyingi holat; aortal stenoz, mitral stenoz (gemodinamika buzilishlari bilan), idiopatik gipertrofik subaortal stenoz, biriktiruvchi to‘qimaning tizimli kasalliklari, yurak ishemik kasalligi, serebrovaskulyar kasalliklar, qandli diabet, buyrak yetishmovchiligi (proteinuriya 1 g/sut dan ortiq), jigar yetishmovchiligi, tuz cheklangan parhezga rioya qilayotgan yoki gemodializda bo‘lgan bemorlarga, immunodepressantlar va saluretiklar bilan bir vaqtda qabul qilinganda, keksa odamlarda (65 yoshdan katta) ehtiyotkorlik bilan qo‘llash kerak.

Ovqat qabul qilish enalapril so'rilishiga ta'sir qilmaydi.

Enalapril va kaliy tejovchi diuretiklar (spironolakton, triamteren, amilorid) yoki kaliy preparatlari bir vaqtda qo'llanilganda giperkaliemiya rivojlanishi mumkin. Enalapril diuretiklar, beta-adrenoblokatorlar, metildopa, nitratlar, kaltsiy kanallari blokatorlari, gidralazin, prazozin bilan bir vaqtda qo'llanilganda gipotenziv ta'sir kuchayishi mumkin. Nosteroid yallig'lanishga qarshi vositalar (shu jumladan asetilsalitsil kislotasi) bilan bir vaqtda qo'llanilganda enalapril samarasi pasayishi va buyrak funktsiyasi buzilishi rivojlanish xavfi oshishi mumkin. Enalapril teofillin saqlovchi preparatlar ta'sirini susaytiradi. Enalapril va litiy preparatlari bir vaqtda qo'llanilganda litiy chiqarilishi sekinlashadi va uning ta'siri kuchayadi (qon plazmasida litiy kontsentratsiyasini nazorat qilish ko'rsatilgan). Enalapril va simetidin bir vaqtda qo'llanilganda enalaprilning yarim chiqarilish davri uzayadi.

Homiladorlik va emizish davrida qo'llanilishi

Homiladorlikda enalaprilni qo'llash tavsiya etilmaydi. Homiladorlik boshlanganda enalapril qabul qilishni darhol to'xtatish kerak.

APF ingibitorlari homiladorlikning II va III trimestrlarida tayinlanganda homila yoki yangi tug'ilgan chaqaloqning kasallanishi yoki o'limiga olib kelishi mumkin. APF ingibitorlarini qo'llash homila va yangi tug'ilgan chaqaloqqa salbiy ta'sir ko'rsatish, shu jumladan arterial gipotenziya, buyrak etishmovchiligi, giperkaliemiya va/yoki yangi tug'ilgan chaqaloqda kalla suyagi gipoplaziyasi bilan kechgan. Oligogidramnion rivojlanishi mumkin. Bu asorat oyoq-qo'llar kontrakturasiga, kalla yuz suyaklari deformatsiyasiga, o'pka gipoplaziyasiga olib kelishi mumkin. Enalapril tayinlanganda bemorni homila uchun xavf to'g'risida xabardor qilish kerak.

Bunday asorat homiladorlikning I trimestrida ushbu davrda APF ingibitorlarining homilaga cheklangan ta'siri tufayli yuzaga kelmagan. Intraamniotik bo'shliqni baholash uchun vaqti-vaqti bilan ultratovush tekshiruvlarini o'tkazish kerak.

Onalari enalapril qabul qilgan yangi tug'ilgan chaqaloqlar arterial gipotenziya, oliguriya va giperkaliemiyani aniqlash maqsadida diqqat bilan tekshirilishi kerak. Enalapril yangi tug'ilgan chaqaloq organizmidan qisman peritoneal dializ yordamida chiqarilishi mumkin.

Enalapril va enalaprilat ko'krak suti bilan iz kontsentratsiyalarda ajralib chiqadi. Laktatsiya davrida preparatni qo'llash zarurati tug'ilganda emizishni to'xtatish kerak.