ERGOFERON tabletkalari N20

Shimish uchun gomeopatik tabletkalar. 20 tabletkadan polivinilxlorid plyonkali va alyumin folgali kontur uyali o'ramda.

1, 2 yoki 5 kontur uyali o'ramlar davlat va rus tillaridagi tibbiyotda qo'llanilishiga doir yo'riqnomasi bilan birga karton qutiga joylanadi.

Ergoferonning farmakologik faolligi doirasi viruslarga qarshi, immunomodulyatorlik, gistaminga qarshi, yallig'lanishga qarshi xususiyatlari bilan ifodalanadi.

Virusli infektsion kasalliklarda: A grippi va V grippi, o'tkir respirator virusli infektsiyalar (paragripp, adenoviruslar, respirator-sintsitial viruslar, koronaviruslar chaqirgan), gerpes virusli infektsiyalar (labial gerpes, oftalmogerpes, genital gerpes, o'rab oluvchi gerpes, suvchechak, infektsion mononukleoz), virusli etiologiyali o'tkir ichak infektsiyalari (kalisiviruslar, koronaviruslar, rotaviruslar, enteroviruslar chaqirgan), enterovirusli va meningokokkli meningitlar, buyrak sindromi bilan kechuvchi gemorragik isitma, kana entsefalitida Ergoferon komponentlarini qo'llashning samaradorligi eksperimental va klinik jihatdan tasdiqlangan.

Preparat bakterial infektsiyalarni (soxta tuberkulyoz, ko'kyo'tal, iersinioz, turli etiologiyali pnevmoniya, shu jumladan atipik qo'zg'atuvchilar (M.pneumoniae, C.Pneumoniae, Legionella spp)) majmuaviy davolashda qo'llaniladi, virusli infektsiyalarning bakterial asoratlarini oldini olishda foydalaniladi, superinfektsiyalarni rivojlanishini oldini oladi. Preparat vaktsinasiyadan oldin va vaktsinadan keyingi davrda qo'llanganida vaktsinasiyani samaradorligi ortadi, vaktsinadan keyingi immunitetni paydo bo'lishi vaqtida O'RVI va grippni nospesifik profilaktikasini ta'minlaydi. Ergoferon etiologiyasi gripp bilan bog'liq bo'lmagan O'rviga nisbatan profilaktik samaradorlikka ega, vaktsinasiyadan keyingi davrda interkurrent kasalliklarni rivojlanishini oldini oladi. Preparatning tarkibiga kiruvchi komponentlar CD4 reseptori, gamma interferon (ifn-γ) reseptori va gistamin reseptorlarining funktsional faolligini oshishi shaklida yakka ta'sir mexanizmiga ega, bu muvofiq tarzda yaqqol immunotrop ta'siri bilan birga kechadi.

Gamma interferonga antitelalar:

Ifn-γ, Ifn α/β, shuningdek ular bog'liq kechadigan interleykinlarni (il-2, il-4, il-10 va b.) ekspressiyasini oshiradi, ifn ning ligand-reseptor bilan o'zaro ta'sirini yaxshilaydi; tsitokinli holatni tiklaydi; organizmning tabiiy viruslarga qarshi chidamliligining asosiy omili hisoblangan ifn- γ ga tabiiy antitelalarning kontsentrasiyasi va funktsional faolligini normallashtiradi; interferonga bog'liq bo'lgan biologik jarayonlar: gistomutanosiblikning I, II turlari va Fc-reseptorlarini asosiy kompleksining antigenlarini ekspressiyasini induktsiyasi, monositlarni faollashtirish, NK-hujayralarni funktsional faolligini rag'batlantirish, aralash Th1 va Th2 immun javobni faollashtirib, immunoglobulinlar sintezini boshqarishni rag'batlantirishi eksperimental isbotlangan.

CD4 ga nisbatan antitelalar, ehtimol ushbu reseptorning allosterik modulyatori hisoblanib, CD4 reseptorini funktsional faolligini boshqaradi, bu CD4 limfositlarni funktsional faolligini oshishiga, CD4/CD8 immunoregulyatorlik indeksini, shuningdek immunokompetent hujayralarni (CD3, CD4, CD8, CD16, CD20) subpopulyasion tarkibini normallashishiga olib keladi.

Gistaminga antitelalar periferik va Markaziy N₁-reseptorlarni gistaminga bog'liq faolligini modifikasiya qiladi va shu tarzda bronxlarni silliq mushaklarining tonusini kamaytiradi, kapillyarlar o'tkazuvchanligini kamaytiradi bu rinoreyani, burun shilliq qavati shishi, yo'tal va aksirish davomiyligini va yaqqolligini qisqarishiga olib keladi, shuningdek allergen bilan kontakt reaktsiyasida semiz hujayralar va bazofillardan gistamin ajralib chiqishini, leykotrienlar ishlab chiqilishi, adgeziya molekulalari sintezini, eozinofilliar xemotaksisini va trombositlar agregasiyasini kamayishi hisobiga infektsion jarayonlar bilan birga kechuvchi allergik reaktsiyalarning yaqqolligini kamaytiradi.

Majmuaviy preparatning komponentlarini birga qo'llash uning tarkibiga kiruvchi komponentlarning viruslarga qarshi faolligini kuchayishi bilan birga kechadi.

Tahlilning zamonaviy fizik-kimyoviy usullarining sezgirligi (gaz-suyuqlik xromatografiyasi, yuqori samarali suyuqlik xromatografiyasi, xromato-mass-spektrometriya) biologik suyuqliklarda, a'zo va to'qimalardagi Ergoferon preparatining faol komponentlarining miqdorini baholashga yo'l qo'ymaydi, bu farmakokinetikani texnik jihatdan o'rganishni iloji yo'qligini ko'rsatadi.

Preparat komponentlariga yuqori individual sezuvchanlik reaksiyalari bo'lishi mumkin.

Preparatning tarkibiga laktoza monogidrati kiradi, shu sababli uni tug'ma galaktozemiya, glyukoza yoki galaktozani malabsorbtsiya sindromi bo'lgan yoki tug'ma laktaza etishmovchiligi bo'lgan pasientlarga buyurish tavsiya etilmaydi. 

Homiladorlik va laktasiya davri

Ergoferonni homiladorlik va laktasiya davrida qo'llashning xavfsizligi o'rganilmagan. Preparatni buyurishni zarurati bo'lganida, xavf/foyda nisbatini hisobga olish lozim.

Ergoferon transport vositalarini yoki boshqa potentsial xavfli mexanizmlarni boshqarish qobiliyatiga ta'sir qilmaydi.

A va V grippini oldini olish va davolashda qo'llanadi.

Paragripp, adenovirus, respirator-sintsitial virusi, koronavirus tomonidan chaqirilgan o'tkir respirator virusli infektsiyalarni oldini olish va davolashda qo'llanadi.

Gerpes viruslari infektsiyalarini (labial gerpes, oftalmogerpes, genital gerpes, suvchechak, o'rab oluvchi gerpes, infektsion mononukleoz) oldini olish va davolashda qo'llanadi. Virus etiologiyali (kalisivirus, adenovirus, koronavirus, rotavirus, enteroviruslar chaqirgan) o'tkir ichak infektsiyalarini oldini olish va davolashda qo'llanadi.

Enterovirusli va meningokokkli meningitni, buyrak sindromi bilan kechuvchi gemorragik isitma, kana entsefalitini oldini olish va davolashda qo'llanadi.

Bakterial infektsiyalarni (soxta tuberkulyoz, ko'kyo'tal, iersinioz, turli etiologiyali pnevmoniya, shu jumladan atipik qo'zg'atuvchilar (M.pneumoniae, C.Pneumoniae, Legionella spp. chaqirgan)) majmuaviy davolashda qo'llaniladi; virusli infektsiyalarning bakterial asoratlarini oldini olish, superinfektsiyalarni oldini olishda qo'llanadi.

Preparatning komponentlariga individual yuqori sezuvchanlikda qo'llash mumkin emas.

Hozirgi vaqtgacha boshqa dori vositalari bilan nomutanosiblik holatlari qayd etilmagan.

Yassi tsilindrik shaklli riskali va faskali, oqdan deyarli oq rangligacha bo'lgan tabletkalar. Yassi tomoni riskali, MATERIA MEDICA yozuvi tushirilgan, boshqa yassi tomonida esa ERGOFERON yozuvi tushirilgan.

Ovqat qabul qilishdan tashqari vaqtda ichga buyuriladi. Tabletkani yutmasdan, to to'liq erigunigacha og'izda tutib turish lozim.

6 oylikdan boshlab bolalarga. Kichik yoshdagi bolalarga (6 oylikdan 3 yoshgacha) preparatni buyurganda, tabletkani oz miqdordagi (1 osh qoshiq) xona haroratidagi qaynatilgan suvda eritish lozim.

Davolashning birinchi kuni 8 tabletka quyidagi sxema bo'yicha qabul qilinadi: birinchi 2 soatda preparatni har 30 minutda qo'llanadi (xammasi bo'lib 2 soatda 5 tabletka), so'ngra shu kun davomida vaqtning teng oralig'ida 3 marta qabul qilinadi. Ikkinchi kundan va keyin 1 tabletkadan kuniga 3 marta to'liq sog'aygunga qadar qo'llanadi.

Virusli infektsion kasalliklarni oldini olish uchun – kuniga 1-2 tabletkadan buyuriladi. Profilaktik kursining tavsiya etilgan davomiyligi individual ravishda belgilanadi va 1-6 oyni tashkil qilishi mumkin.

Zarurati bo'lganida, preparatni boshqa viruslarga qarshi va simptomatik vositalar bilan birga qo'llash mumkin.