GEKSIKON D 0,008 DLYA DETEY suppozitorii N10

QO‘LLASH BO‘YICHA YO‘RIQNOMA

GEKSIKON^®

NEXICON^®

Preparatning savdo nomi: Geksikon®

Ta‘sir qiluvchi modda (XPN): xlorgeksidin

Dori shakli: qin shamchalari

Tarkibi:

Bir shamcha saqlaydi:

faol modda: xlorgeksidin biglyukonati – 16 mg (xlorgeksidin biglyukonati eritma sifatida ishlatiladi (20%li konsentrasiya));

yordamchi moddalar: shamchalar uchun asos – 3,10 g vaznli shamcha olish uchun yetarli miqdorda – makrogol-1500 (polietilenoksid 1500) 92-98%, makrogol-400 (polietilenoksid 400) 8-2%.

Ta‘rifi: oq yoki sarg‘ish tusli oq rangli, torpedasimon shaklli shamchalar. Yuzasini marmarligiga yo‘l qo‘yiladi.

Farmakoterapevtik guruhi: Antiseptik vosita.

ATX kodi: G01AX

Farmakologik xususiyatlari

Geksikon® – mahalliy qo‘llash uchun antiseptik preparat, grammusbat va grammanfiy bakteriyalarga, viruslarga nisbatan faol: shu jumladan Treponema pallidum, Chlamidia spp., Ureaplasma spp., Neisseria gonorrhoeae, Trichomonas vaginalis, Garderella vaginalis, Bacteroides fragilis, Herpes-Virus. Preparatga Pseudomonas spp., Proteus spp. ning ayrim shtammlari, hamda bakteriyalarning kislotaga chidamli shakllari, bakteriyalarning sporalari, zamburug‘lar, viruslar kuchsiz sezgirdirlar. Geksikon® laktobasillalarning funksional faolligini buzmaydi. Qon, yiring borligida faolligini saqlaydi (garchi biroz pasaygan bo‘lsada).

Farmakokinetikasi Qin ichiga qo‘llanganida amalda so‘rilmaydi, tizimli ta‘sir ko‘rsatmaydi.

Qo‘llanilishi

Jinsiy yo‘l bilan yuquvchi kasalliklarni oldini olish (xlamidioz, ureaplazmoz, trixomoniaz, gonoreya, sifilis, genital gerpes va boshqalar).

Akusherlik-ginekologiyada infeksion-yallig‘lanish kasalliklarni (ginekologik kasalliklarni operativ davolash oldidan, tug‘ruqlar va abortlar oldidan, bachadon ichki spiralni (BIS) qo‘yish oldidan va keyin, bachadon bo‘ynini diatermokoagulyasiyasi oldidan va keyin, bachadon ichini tekshirishlari oldidan) oldini olish.

Bakterial vaginoz, kolpitlarni (shu jumladan nospesifik, aralash, trixomonad), infeksion genezli bachadon bo‘yni eroziyalarni davolash.

Qo‘llash usuli va dozalari

Qin ichiga. Qo‘llash oldidan shamcha kontur o‘ramdan ozod qilinadi.

Davolash uchun: 1 shamchadan sutkada 2 marta, 7-10 kun davomida.

Jinsiy yo‘l bilan yuquvchi infeksiyalarni oldini olish uchun: 1 shamchadan himoyalanmagan jinsiy aloqadan keyin 2 soatdan kech emas.

Nojo‘ya ta‘sirlari

Preparat bekor qilingandan keyin o‘tkinchi allergik reaksiyalar, qichishish bo‘lishi mumkin.

Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik.

Homiladorlik va laktasiya davrida qo‘llanishi

Homiladorlik, laktasiya davrida qo‘llash mumkin.

Dorilarning o‘zaro ta‘siri

Yod bilan bir vaqtda qo‘llash tavsiya qilinmaydi.

Geksikon® anion guruhini (saponinlar, natriy laurilsulfati, natriy karboksimetilsellyuloza) saqlovchi detergentlar va sovunlar bilan, agarda ular qin ichiga kiritilsa, to‘g‘ri kelmaydi. Tashqi jinsiy a‘zolarni tozalash Geksikon® qin shamchalarining samaradorligi va o‘zlashtirilishiga ta‘sir qilmaydi, chunki preparat qin ichiga qo‘llanadi.

Chiqarilish shakli

Geksikon® qin shamchalari, 1 yoki 5 shamcha kontur uyali o‘ramga joylanadi. Bir shamchali bir kontur uyali o‘ram ikki barmoqqa kiygizuvchisi bilan, bir yoki ikki 5 shamchali kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutiga joylanadi.

Yaroqlilik muddati

2 yil. O‘ramida ko‘rsatilgan yaroqlilik muddati tugaganidan so‘ng preparat ishlatilmasin.

Saqlash sharoiti

25⁰S dan yuqori bo‘lmagan haroratda.

Bolalar olaolmaydigan joyda.

Dorixonalardan berish tartibi

Reseptsiz.