INSTI BEZ SAXARA granuli 5,6g N5

25ºC dan yuqori bo‘lmagan haroratda saqlang.
Bolalar qo‘li etmaydigan joyda saqlang!

Retseptsiz

Tarkib:
Har bir sashe-paketda quyidagi ekstraktlar mavjud:
faol moddalar:
Oq tol 750,00 mg
Tomirli adxatoda 300,00 mg
Yalang‘och qizilmiya 550,00 mg
Xitoy choyi 125,00 mg
Xushbo‘y binafsha 100,00 mg
Dorivor valeriana 100,00 mg
Oddiy arpabodiyon 75,00 mg.
Yordamchi moddalar: mentol, aspartam, makkajo‘xori kraxmal, laktoza.

Chiqarish shakli va qadoqlash
5,6 g granulalar sashe-paketlarda.
5 ta paket tibbiy vositadan foydalanish bo‘yicha ko‘rsatmalar bilan birga karton qutiga joylashtirilgan.

Insti bez saxara - balg‘am ko‘chiruvchi, mukolitik, bronxolitik, yallig‘lanishga qarshi, isitma tushiruvchi va spazmolitik ta’sirga ega kompleks fitopreparat.
Oq tol tarkibida salitsin va tremulatsin glikozidlari mavjud. Isitma tushiruvchi, yallig‘lanishga qarshi, og‘riq qoldiruvchi ta’sir ko‘rsatadi. Tomirli adxatoda vazitsinon alkaloidlarini saqlaydi. Bronxlarni kengaytiruvchi, balg‘am ko‘chiruvchi ta’sirga ega, balg‘amning qovushqoqligini pasaytiradi va bronxlar epiteliy kiprikchalari harakat faolligini oshiradi, bu esa balg‘am ajralishini yaxshilashga yordam beradi. Nafas mushaklarining “nafas olish/nafas chiqarish” siklini to‘liq bajarish imkoniyatini ta’minlovchi surfaktantni ishlab chiqilishini kuchaytiradi. Gistamin ta’sirida kelib chiqadigan bronxospazmdan himoya qiladi, ya’ni astmaga qarshi ta’sir ko‘rsatadi.
Xushbo‘y binafshada violin, fridelin va efir moylari mavjud. antigistamin, balg‘am ko‘chiruvchi, isitma tushiruvchi, terlatuvchi ta’sir ko‘rsatadi.
Yalang‘och qizilmiya glikozid glitsirrizin, flavonoid, asparginni o‘z ichiga oladi. Yallig‘lanishga qarshi va ekspektoran xususiyatlarga ega. Qizilmiya tarkibidagi glitsirrizin kislota mahalliy va umumiy immunitetni oshirib, immunstimullovchi ta’sir ko‘rsatadi.
Xitoy choyi tarkibida tanin, kofein va teofillin mavjud. Burishtiruvchi, tetiklashtiruvchi, siydik haydovchi ta’sirga ega.
Oddiy arpabodiyon tarkibida efir moylari, dipentin mavjud. bronxlar sekretor funksiyasini kuchaytiradi va mukolitik ta’sir ko‘rsatadi, shuningdek, antiseptik va yallig‘lanishga qarshi xossalarga ega.
Sharsimon evkalipt tarkibida efir moylari (sineol, pinen, mirtenol, pinokarvon, eidesmol)mavjud. Ayniqsa, streptokokklar va stafilokokklarga qarshi antiseptik ta’sirga ega yallig‘lanishga qarshi samara chaqiradi. Regeneratsiya jarayonini kuchaytiradi, to‘qimalarning gipoksiyaga chidamliligini oshiradi.
Dorivor valeriana tarkibida efir moylari (izovaler kislotasi, valerenal, borneol, a-pinen), alkaloidlar (valerian, hatinin), saponinlar, ketonlar mavjud. Markaziy asab tizimi qo‘zg‘aluvchanligini pasaytiradi, silliq mushakli organlar spazmini kamaytiradi.

Insti bez saxara - bemorlarning ahvolini yaxshilaydi, isitma va yo‘talning intensivligini pasaytiradi. Foydalanishdan keyin 24 soat ichida rinit, faringit, traxeit belgilarini tezda yo‘q qilishga yordam beradi. Uyquchanlik yoki giyohvandlikka olib kelmaydi. Issiq suvda tezda eriydi.

Insti bez saxara ta’siri uning tarkibiy qismlarining kombinatsiyalangan ta’siridir, shuning uchun farmakokinetik tadqiqotlar o‘tkazish mumkin emas: barcha komponentlarni markerlar yoki biotadqiqotlar yordamida birgalikda kuzatib bo‘lmaydi. Xuddi shu sababga ko‘ra, dori metabolitlarini aniqlash mumkin emas.

Shamollash va yo‘tal belgilarini bartaraf etish uchun dorilar.
Shamollash alomatlarini yo‘qotish uchun boshqa dorilar kombinatsiyasi.

Granulalar

Nojo‘ya ta’sirlarning chastotasi quyidagi mezonlar bo‘yicha aniqlanadi: juda tez-tez ( 1/10), tez-tez ( 1/100 dan < 1/10), kamdan-kam ( 1/1000 dan < 1/100), kamdan kam hollarda ( 1/10000 dan < 1/1000 gacha), juda kam (< 1/10000), noma’lum (mavjud ma’lumotlar bo‘yicha baholab bo‘lmaydi).

Kamdan kam
- preparatning tarkibiy qismlariga allergik reaksiyalar
- qon ivish tezligining pasayishi

Preparat tarkibida shakar yo‘q, shuning uchun uni diabet bilan og‘rigan bemorlar va past kaloriyali diyetada bo‘lgan bemorlar qo‘llashlari mumkin. Preparat tarkibida laktoza mavjud.
Preparat tarkibida aspartam mavjud, shuning uchun uni fenilketonuriya bilan og‘rigan bemorlarga qo‘llash tavsiya etilmaydi.
Agar nafas olish kasalliklari nafas olish qiyinlishuvi, isitma, yiringli yoki qonli balg‘am bilan birga bo‘lsa, shifokorga murojaat qilishingiz kerak.
Agar sizda ba’zi shakarlarni ko‘tara olmaslik holati mavjud bo‘lsa, ushbu preparatni qabul qilishdan oldin shifokoringiz bilan maslahatlashing.

Keksa bemorlar. Keksa bemorlarda ehtiyotkorlik bilan foydalaning.

Pediatriyada foydalanish
Bolalarga Insti dlya detey preparatidan foydalanish tavsiya etiladi.

Homiladorlik va laktatsiya
Homilador ayollarda va laktatsiya davrida preparatning samaradorligi va xavfsizligini tasdiqlovchi klinik tadqiqotlar ma’lumotlari yo‘q.

Dori vositalarining transport vositalarini va potensial xavfli mexanizmlar boshqarish qobiliyatiga ta’sirining xususiyatlari.
Ta’sir qilmaydi

Gripp, shamollash, tumov, tomoq qichishi, yo‘tal, isitma, bosh og‘rig‘i va boshqa jismoniy og‘riqlar.

- preparatning tarkibiy qismlariga individual sezgirlikni oshishi
- aspirinli astma
- tug‘ma laktoza ko‘tara olmaslik, Lapp laktaza yetishmovchiligi, glyukoza-galaktoza so‘rish buzilishi

Yo‘talga qarshi preparatlar, shuningdek, balg‘am hosil bo‘lishini kamaytiradigan preparatlar bilan bir vaqtda foydalanish tavsiya etilmaydi.
Bir vaqtning o‘zida qabul qilinganda, antikoagulyantlar va atsetilsalitsil kislotasi ta’sirini kuchaytiradi.

Ezilgan holda mentol hidli jigarrang granulalar.

1 sashe-paketdan kuniga 2-3 marta.
Foydalanish bo‘yicha ko‘rsatmalar
Bitta paketni bir stakan issiq suv yoki choyda eritib, asta-sekin iching.
Davolash kursi 7-8 kun.

Insti bez saxara preparati dozasini oshirib yuborish holatlari qayd etilmagan.

Homilador ayollarda va laktatsiya davrida preparatning samaradorligi va xavfsizligini tasdiqlovchi klinik tadqiqotlar ma’lumotlari yo‘q.

3 yil
Yaroqlilik muddati tugaganidan keyin foydalanmang.