LINKAS BEZ SAXARA sirop 90ml

10 мл сиропда қуйидаги экстрактлар сақлайди:

Линкас сиропи - жамланма препарат, таъсирини таркибидаги компонентлар таъминлайди.

Томирли адхадота муколитик (ажралманинг қуюқлиги ва қовушқоқлигини пасайтиради), яллиғланишга қарши, бронхолитик (бронхлар спазмини йўқотиб, нафасни енгиллаштиради), балғам кўчирувчи ва астмага қарши хоссаларга эга.

Узун қалампир пиперин алкалоидини сақлайди, антисептик, яллиғланишга қарши ва балғам кўчирувчи таъсирга эга.

Кенг баргли кордия антисептик, оғриқ қолдирувчи ва спазмолитик таъсир кўрсатади.

Доривор алтей (гулхайри) ўз таркибида полисахаридлар, крахмал, пектин, углевод, аспарагин, каротин, лецитин, фитостерин, минерал тузлар ва ёғли мойлар сақлайди. Протектор сифатида таъсир кўрсатиб, яллиғланишнинг қаттиқ карашларини (пардаларини) юмшатади (масалан, ҳиқилдоқ шиллиқ қаватидаги карашларни), балғам кўчирувчи, яллиғланишга қарши таъсир кўрсатади.

Яланғоч чучукмия илдизи ва илдизпояларида глицирризин, глицирризин кислотаси, унинг калийли ва  кальцийли тузи, флавоноид гликозидлар, витаминлар, эфир мойлари, аччиқ ва бошқа бирикмалар мавжуд. Улар иммунитетни кучайтирувчи, антиоксидант, балғам кўчирувчи, спазмолитик, яллиғланишга қарши ва аллергияга қарши хоссаларга эга.

Катта калган кучли балғам кўчирувчи восита ҳисобланади. Таркибида эфир мойлари,  камферид, галангин ва альпинин сақлайди.

Доривор иссоп диосмин сақлайди ва балғам ва тер ажралишини кучайтирувчи, аллергияга қарши, спазмолитик ва диуретик хоссаларга эга.

Бинафша микробларга қарши таъсир кўрсатади. У иситма туширувчи (метилсалицилат сақлайди), тинчлантирувчи, спазмолитик ва яллиғланишга қарши таъсирларга эга. Йўтални юмшатади, балғамни тез кўчишига ёрдам беради.

Оддий зизифус (А, В, С, b- каротин) витаминлари, аминокислоталар, микроэлементлар, ёғлар, органик кислотлар тутади. Балғам кўчирувчи, тетиклаштирувчи ва антибактериал таъсирларга эга, томоқдаги оғриқни қолдиради. Юқори нафас йўллари яллиғланишларида (ларингит, трахеит, бронхит).йўталга қарши ва юмшатувчи таъсир кўрсатади.

Оносма иситма туширувчи ва тетиклаштирувчи таъсирга эга, ҳансирашни камайтиришга ёрдам беради.

Флаконда 90, 120 ва 150 мл дан сироп

Йўтал ва шамоллаш
Қуруқ ва қўзғалувчи йўтал
Астма ва бронхит билан боғлиқ бўлган йўтал (ўткир ва сурункали)
Фарингит, трахеит ва ангина

Катталар: бир кунда 2 чой қошиқдан (10 мл) 3-4 маҳал.

Болалар: бир кунда 1 чой қошиқдан (5 мл) 3-4 маҳал.

Чақалоқлар (6 ойдан - 1 ёшгача): бир кунда 1/2 чой қошиқдан (2,5 мл) 3-4 маҳал

ёки шифокор кўрсатмасига биноан.

Тавсия қилинадиган даволаш курси 5-7 кун.