EVIKA kapsulalar N60

Evika – ginekologik kasalliklarni davolash uchun gormonal bo‘lmagan tuzilishga ega kompleks fitopreparat.

Hind sarakasi kuchli burishtiruvchi va rag‘batlantiruvchi ta’sirga ega. Bevosita bachadon mushak tolalariga, endometriyga va ovarial to‘qimalarga ta’sir qiladi. Bachadon fibroidlari chaqirgan menorragiyada, shuningdek ichki qon ketishlarda, gemorroidal qon ketishlarda yaxshi yordam beradi.

Supurgisimon simplokos yumshoq burishtiruvchi va qon to‘xtatuvchi ta’sirga ega, yallig‘lanish infiltrati va ekssudati so‘rilishini tezlashtiradi. Bachadon to‘qimalariga bo‘shashtiruvchi ta’siri tufayli menorragiyada tavsiya etiladi.

Hind valerianasi asabiy buzilishlarda, bosh og‘rig‘ida, nerv kardiopatiyasida, klimaksda, bachadon spastikligida, sanchiqlar, qo‘rquv va qo‘zg‘aluvchanlik holatida qo‘llaniladi.

Dorivor moychechak tinchlantiruvchi, yel haydovchi, yallig‘lanishga qarshi ta’sirga ega, to‘qimalar granulyatsiyasi va regeneratsiyasiga yordam beradi.

Ibrohim daraxti gormonal disbalansni tartibga soladi, prolaktin ajralib chiqishini bostiradi, hayz oldi mastalgiyasining oldini oladi.

Katexu palmasi alkaloidlar – arekolin, guvakolin, arekaidin, guvatsin, katexin, piridin va taninlar saqlaydi, qindan suvli ajralmalar kelishida samarali. Rag‘batlantiruvchi, burishtiruvchi, gijja haydovchi ta’sirga ega, hayz ko‘rish kechishini normallashtiradi, terlashni kamaytiradi.
Evika gormonal disbalans, hayz ko‘rishning nomuntazamligi aniqlangan ayollar uchun a’lo darajada mos keladi. Charchoq va yuqori asabiy qo‘zg‘aluvchanlikni bartaraf etadi, kichik tos giperemiyasini kamaytiradi, hayz oldi sindromi ko‘rinishlarini yo‘qotadi.
Evika genitaliy yallig‘lanishining surunkali shaklga o‘tishining oldini oladi.

Evika preparatini qo'llashda komponentlarga allergik reaksiyalar, qabziyat paydo bo'lishi mumkin.

Evikani qo'llashdan oldin shifokor bilan maslahatlashish tavsiya etiladi.
Evika hayz siklidan qat'iy nazar qo'llanilishi mumkin, hayz ko'rish vaqtida davolashni to'xtatish kerak emas.

Evika quyidagi holatlarda mumkin emas:
- preparat komponentlariga yuqori individual sezuvchanlik,
- homiladorlik va laktatsiya davrida,
- 18 yoshgacha bo'lgan qizlarga.

Leykoreyada – bir kunda 1 kapsuladan 3 mahal 14 kun davomida.
Boshqa barcha hollarda - bir kunda 1 kapsuladan 3 mahal hayz kunlari ham to'xtatmasdan qabul qilinadi. Tavsiya etilgan davolash kursi 3 oy.
Doimiy va uzoq vaqt davom etgan qon ketishlarda bir kunda 2 kapsuladan 3 mahal. Davolash kursi davomiyligini davolovchi shifokor belgilaydi.
Maksimal bir martalik doza – 2 ta kapsula.
Sutkalik doza – 6 ta kapsula.