KANDID B krem 15g
KANDID B krem 15g haqida qo'llanma
Farmakokinetikasi
Kandid B preparatining farmakokinetikasi bo'yicha ma'lumotlar taqdim etilmagan.
Farmakologik ta'siri
Sirtqi qo'llash uchun majmuaviy preparat. Klotrimazol imidazol hosilasi hisoblanadi. Zamburug' hujayra membranasi tarkibiga kiruvchi ergosterin sintezini buzadi, bu uning xususiyatlari o'zgarishiga va hujayra lizisiga olib keladi. Beklometazon - glyukokortikoid, yallig'lanishga qarshi, allergiyaga qarshi, antiekssudativ, qichishishga qarshi ta'sir ko'rsatadi.
Preparat dermatofitlar (Trichophyton, Epidermophyton, Microsporum), achitqi va achitqisimon zamburug'lar (Candida, Torulopsis, Rhodoturola), mog'or zamburug'lari, shuningdek Malassezia furfur, Aspergillus; grammusbat bakteriyalarning ba'zi shtammlari (Streptococcus spp., Staphylococcus spp., Corynebacterium minutissimum), grammanfiy bakteriyalar (Bacteroides spp., Gardnerella vaginalis), shuningdek Trichomonas vaginalis ga nisbatan faol.
Nojo'ya samaralari
Mahalliy reaksiyalar: terining qizarishi, preparat surtilgan joyda achishish va sanchish hissi (ta'sirlanish rivojlanganda preparatni bekor qilish kerak).
Bo‘lishi mumkin: allergik reaksiyalar.
Maxsus ko‘rsatmalari
Preparat faqat dermatologik amaliyotda qo'llash uchun mo'ljallangan.
Kandid B preparatini anogenital soha kandidozlarini majmuaviy davolash tarkibida qo'llash bemor holatini tezda sezilarli darajada yaxshilash imkonini beradi.
Glyukokortikoidlar terining katta sohalariga yoki okklyuzion bog'lovlar bilan sirtga qo'llanilganda ularning tizimli so'rilishi mumkinligini hisobga olish kerak.
Okklyuzion bog'lovlar qo'llanilganda toshma, follikulit, piodermiya rivojlanishi mumkin.
Qo'llanilishi mumkin bo'lmagan holatlar
- terining o'ziga xos zararlanishlari (shu jumladan sil, suvchechak, oddiy gerpes, qizamiq, sifilisda);
- emlash joyidagi teri reaksiyalari;
- preparat komponentlariga yuqori sezuvchanlik.
Dori vositalarining o'zaro ta'siri
Kandid B preparatining dorilar bilan o'zaro ta'siri ta'riflanmagan.
Dozirovkasi
Kremni surtishdan oldin zararlangan joyni yuvish va quritish kerak. Kremni bevosita zararlangan joylarga, preparatning teri bilan, shu jumladan tananing sochli qismlarida bevosita aloqasini ta'minlagan holda surtish kerak. Preparat kuniga 2-3 marta qo'llaniladi.
Ekzematoz simptomlar yo'qolgandan so'ng, birlamchi zamburug'li infeksiya to'liq yo'qolguncha Kandid kremi bilan davolashga o'tish tavsiya etiladi.
KANDID B krem 15g o'xshash dorilari
KANDID B krem 15g xususiyatlari
Kandid boshqa chiqarish shakllari
