KAVINTON FORTE 0,01 tabletkalari N30

So'rilishi

Ichga qabul qilingandan so'ng tez so'riladi. Qon plazmasida Cmax ga qabul qilingandan 1 soat o'tgach erishiladi. So'rilish asosan MIY ning proksimal bo'limlarida sodir bo'ladi. Ichak devori orqali o'tayotganda metabolizmga uchramaydi. To'qimalarda Cmax ichga qabul qilingandan 2-4 soat o'tgach qayd etiladi. Biokiraolishligi 7% ni tashkil qiladi.

Taqsimlanishi

Ichga 5 mg va 10 mg dozada takroriy qabul qilinganda kinetika chiziqli xususiyatga ega.

Plazma oqsillari bilan 66% ga bog'lanadi. Yo'ldosh to'sig'i orqali o'tadi.

Metabolizmi va chiqarilishi

Klirens 66.7 l/soat bo'lib, jigarning plazma hajmidan (50 l/soat) oshadi, bu jigardan tashqari metabolizmdan dalolat beradi.

T1/2 4.83 ± 1.29 soatni tashkil qiladi. Siydik va axlat bilan 3:2 nisbatda chiqariladi.

Yurak-qon tomir tizimi tomonidan: EKG o‘zgarishi (ST depressiyasi, QT intervalining uzayishi); taxikardiya, ekstrasistoliya (ammo, sabab-oqibat bog‘liqligi isbotlanmagan, chunki tabiiy populyatsiyada bu simptomlar xuddi shunday tez-tezlikda kuzatiladi); qon bosimi labilligi, qizib ketish hissi.

MNS tomonidan: uyquning buzilishi (uyqusizlik, yuqori uyquchanlik), bosh aylanishi, bosh og‘rig‘i, umumiy holsizlik (bu simptomlar asosiy kasallikning namoyon bo‘lishi mumkin), ko‘p terlash.

Ovqat hazm qilish tizimi tomonidan: og‘iz qurishi, ko‘ngil aynishi, jig‘ildon qaynashi.

Allergik reaksiyalar: teri toshmasi, eshakemi

Uzaygan QT intervali sindromi bo'lganda va QT intervalini uzaytiruvchi preparatlar bir vaqtda qabul qilinganda EKGni davriy nazorat qilish talab etiladi.

Laktozani o'zlashtiraolmaslik holatida Kavinton® Forte preparatining bitta tabletkasi 83 mg laktoza monogidratini saqlashini hisobga olish kerak

Pediatriyada qo'llanilishi

Kavinton® Forte preparatini 18 yoshgacha bo'lgan bolalar va o'smirlarga ushbu toifadagi bemorlarda uni qo'llash bo'yicha ma'lumotlar yetarli emasligi sababli tayinlash kerak emas.

Avtotransportni boshqarish va mexanizmlarni boshqarish qobiliyatiga ta'siri

Kavinton® Forte preparatini qabul qilishning avtomobilni va ishchi mexanizmlarni boshqarish qobiliyatiga ta'siri haqida ma'lumotlar yo'q.

— gemorragik insultning o'tkir fazasi;

— YuIKning og'ir shakli;

— og'ir aritmiyalar;

— homiladorlik;

— laktatsiya (emizish);

— 18 yoshgacha bo'lgan bolalar;

— vinpotsetinga yuqori sezuvchanlik

Beta-adrenoblokatorlar (xloranolol, pindolol), klopamid, glibenklamid, digoksin, atsetokumarol va gidroxlorotiazid, imipramin bilan bir vaqtda qo'llanilganda o'zaro ta'sir kuzatilmaydi.

Kavinton® Forte preparati va metildopani bir vaqtda qo'llash ba'zan gipotenziv samaraning biroz kuchayishini chaqirgan, shuning uchun bunday kombinatsiyani qo'llashda AB ni muntazam nazorat qilish talab etiladi.

O'zaro ta'sir ehtimolini tasdiqlovchi ma'lumotlar yo'qligiga qaramay, Kavinton Forteni markaziy ta'sirga ega preparatlar, antiaritmiklar va antikoagulyantlar bilan bir vaqtda tayinlashda ehtiyotkorlikni namoyon etish tavsiya etiladi.