KLOPIDOGREL 0,075 tabletkalari N28

So'rilishi va taqsimlanishi

Bir marta qabul qilinganda va sutkada 75 mg dozada kursli ichga qabul qilinganda klopidogrel tez so'riladi. Absorbsiya va biokiraolishlik - yuqori. Biroq, qon plazmasidagi dastlabki modda konsentratsiyasi arzimas va qabul qilinganidan 2 soat o'tgach o'lchash chegarasiga (0.25 mkg/l) yetmaydi. Klopidogrel va asosiy metabolit qon plazmasi oqsillari bilan qaytar bog'lanadi (mos ravishda 98% va 94%).

Metabolizmi

Klopidogrel jigarda tez biotransformatsiyaga uchraydi. Klopidogrel pro-dori hisoblanadi. Faol metabolit, tiol hosilasi, plazmada aniqlanmaydi. Asosiy aniqlanadigan metabolit - karbon kislotasi hosilasi, nofaol bo'lib, plazmada aylanib yuruvchi birikmaning taxminan 85% ini tashkil qiladi. Ushbu metabolitning qon plazmasidagi maksimal konsentratsiyasi (Smax) klopidogrel 75 mg dozada takroriy qabul qilingandan so'ng taxminan 3 mg/l ni tashkil qiladi va qabul qilinganidan taxminan 1 soat o'tgach erishiladi.

Chiqarilishi

Yuborilganidan keyin 120 soat ichida qabul qilingan dozaning taxminan 50% buyraklar orqali va taxminan 46% ichak orqali ajralib chiqadi. Asosiy metabolitning yarim chiqarilish davri (T1/2) bir marta va takroriy qabul qilingandan so'ng 8 soatni tashkil qiladi.

Maxsus klinik holatlarda farmakokinetika

75 mg/sut qabul qilingandan so'ng qon plazmasidagi asosiy metabolit konsentratsiyalari o'rtacha og'irlikdagi surunkali buyrak yetishmovchiligi bo'lgan bemorlarga (KK 30-60 ml/daq) va sog'lom shaxslarga qaraganda og'ir darajadagi buyrak yetishmovchiligi bo'lgan bemorlarda (kreatinin klirensi (KK) 5-15 ml/daq) pastroq bo'lgan.

Jigar sirrozi bo'lgan bemorlarda klopidogrelni 75 mg sutkalik dozada 10 kun davomida qabul qilish xavfsiz bo'lgan va yaxshi o'zlashtirilgan. Ham bir martalik doza qabul qilingandan so'ng, ham muvozanat holatida klopidogrelning Smax i sog'lom shaxslarga qaraganda sirrozi bo'lgan bemorlarda ko'p marta yuqori bo'lgan.

Nojo‘ya ta'sirlar tez-tezligi quyidagi mezonlarga muvofiq aniqlangan:

juda tez-tez - 1/10 dan ko‘p,

tez-tez - 1/100 dan ko‘p va 1/10 dan kam,

tez-tez emas - 1/1000 dan ko‘p va 1/100 dan kam,

kam hollarda - 1/10000 dan ko‘p va 1/1000 dan kam,

juda kam hollarda - 1/10000 dan kam, shu jumladan yakka holatlar,

Qon ivish tizimi tomonidan: tez-tez - qon ketishlar (ko‘pchilik hollarda - davolashning birinchi oyida), purpura, gematomalar; tez-tez emas - kon'yunktiv qon ketishlar; kam hollarda - bosh miya ichiga qon ketishlar; qon ketish vaqtining uzayishi, leykopeniya, neytrofillar va eozinofiliya sonining kamayishi, trombositlar sonining kamayishi.

Qon yaratish tizimi tomonidan: juda kam hollarda - trombositopenik trombogemolitik purpura, og‘ir trombositopeniya (trombositlar soni <30x10⁹/l), granulotsitopeniya, agranulotsitoz, anemiya, aplastik anemiya/pantsitopeniya.

Nerv tizimi tomonidan: tez-tez emas - bosh og‘rig‘i, bosh aylanishi, paresteziyalar; kam hollarda - vertigo; juda kam hollarda - ongning chalkashishi, gallyutsinatsiyalar.

Yurak-qon tomir tizimi tomonidan: tez-tez - gematoma; juda kam hollarda - og‘ir qon ketishlar, operatsiya yarasidan qon ketishi, vaskulit, qon bosimining pasayishi.

Nafas olish tizimi tomonidan: juda tez-tez - burun qonashi; juda kam hollarda - bronxospazm, interstitsial pnevmonit, o‘pkadan qon ketishi, qon tupurish.

Ovqat hazm qilish tizimi tomonidan: tez-tez - diareya, qorinda og‘riq, dispepsiya, MIY dan qon ketishi; tez-tez emas - me'da va o‘n ikki barmoqli ichak yarasi, gastrit, qusish, ko‘ngil aynishi, meteorizm, qabziyat; kam hollarda - qorin parda orti qon ketishi; juda kam hollarda - kolit (sh.j. yarali yoki limfotsitar), pankreatit, ta'm bilishning o‘zgarishi, stomatit, gepatit, o‘tkir jigar yetishmovchiligi, jigar fermentlari faolligining oshishi,

Suyak-mushak tizimi tomonidan: juda kam hollarda - artralgiya, artrit, mialgiya.

Siydik chiqarish tizimi tomonidan: tez-tez emas - gematuriya; juda kam hollarda - glomerulonefrit, giperkreatininemiya.

Dermatologik reaksiyalar: juda kam hollarda - bullyoz toshma (ko‘p shaklli eritema, Stivens-Djonson sindromi, toksik epidermal nekroliz), eritematoz toshma, ekzema, yassi temiratki.

Allergik reaksiyalar: juda kam hollarda - angionevrotik shish, eshakemi, anafilaktoid reaksiyalar, zardob kasalligi.

Boshqalar: juda kam hollarda - tana haroratining ko‘tarilishi.

Batafsil ma'lumot uchun yo‘riqnomaga qarang.

Davolash davrida gemostaz tizimi ko'rsatkichlarini (faollashtirilgan qisman tromboplastin vaqti (AChTV), trombotsitlar soni, trombotsitlar funktsional faolligi testlari) nazorat qilish; jigar funktsional faolligini muntazam tekshirish zarur.

Klopidogrel travma, jarrohlik amaliyotida yaqqol qon ketish xavfi bo'lgan bemorlarda; atsetilsalitsil kislotasi, nosteroid yallig'lanishga qarshi preparatlar (shu jumladan TSOG-2 ingibitorlari), geparin yoki glikoprotein IIb/IIIa ingibitorlarini qabul qilayotgan bemorlarda ehtiyotkorlik bilan qo'llanilishi kerak. Har qanday qon ketish, shu jumladan yashirin qon ketish belgilarini aniqlash uchun bemorlarni sinchkovlik bilan kuzatish zarur, ayniqsa preparatni qo'llashning birinchi haftalarida va/yoki yurakdagi invaziv protseduralar yoki jarrohlik operatsiyalaridan keyin. Rejalashtirilgan jarrohlik amaliyotlarida klopidogrel bilan davolash kursini operatsiyadan 7 kun oldin to'xtatish kerak.

Bemorlar qon ketishni to'xtatish odatdagidan ko'ra ko'proq vaqt talab qilishi haqida ogohlantirilgan bo'lishlari kerak, shuning uchun ular har bir qon ketish holati haqida shifokorga xabar berishlari kerak.

Klopidogrel qabul qilingandan keyin trombotik trombotsitopenik purpura (TTP) rivojlanishining kamdan-kam holatlari qayd etilgan. Bu holat nevrologik simptomatika, buyrak funktsiyasi buzilishi yoki isitma bilan birga kechuvchi trombotsitopeniya va mikroangiopatik gemolitik anemiya bilan tavsiflangan. TTP rivojlanishi hayot uchun xavf tug'diradi va plazmaferez o'tkazishni o'z ichiga olgan shoshilinch choralarni talab qiladi. Ma'lumotlar hajmi yetarli emasligi sababli, klopidogrelni ishemik insultning o'tkir davrida (birinchi 7 kun ichida) tayinlamaslik kerak. Preparatni buyrak funktsiyasi buzilgan bemorlarga ehtiyotkorlik bilan tayinlash kerak.

Klopidogrelni o'rtacha jigar funktsiyasi buzilishlari bo'lgan, gemorragik diatеz yuzaga kelishi mumkin bo'lgan bemorlarga ehtiyotkorlik bilan tayinlash kerak.

Tug'ma galaktozani o'zlashtiraolmaslik, glyukoza-galaktoza malabsorbtsiyasi sindromi va laktaza yetishmovchiligi bo'lgan bemorlar klopidogrelni qabul qilmasliklari kerak.

Mashinani boshqarish va texnika bilan ishlash qobiliyatiga ta'siri:

Klopidogrel nerv tizimi tomonidan nojo'ya ta'sirlarni (bosh og'rig'i, bosh aylanishi, ong chalkashishi, gallyutsinatsiyalar) chaqirishi mumkin, bu transport vositalarini boshqarish va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanish qobiliyatiga ta'sir qilishi mumkin.

og'ir darajadagi jigar yetishmovchiligi;

o'tkir qon ketish (masalan, peptik yara yoki bosh miya ichiga qon quyilishida);

homiladorlik;

ko'krak suti bilan emizish davri;

18 yoshgacha bo'lganlar (qo'llash xavfsizligi va samaradorligi aniqlanmagan);

preparat komponentlariga yuqori sezuvchanlik. Ehtiyotkorlik bilan preparatni jigar va buyrak kasalliklarida (shu jumladan o'rtacha jigar va/yoki buyrak yetishmovchiligida), jarohatlarda, operatsiyadan oldingi holatlarda buyurish kerak.

Batafsil ma'lumotni yo'riqnomadan ko'ring.

Klopidogrelni varfarin bilan birga qo'llash tavsiya etilmaydi, chunki bunday kombinatsiya qon ketish intensivligini kuchaytirishi mumkin.

IIb/IIIa glikoprotein ingibitorlarini klopidogrel bilan birga tayinlash qon ketishlar rivojlanish xavfini oshiradi.

Nosteroid yallig'lanishga qarshi vositalarni klopidogrel bilan birga qo'llash qon ketishlar rivojlanish xavfini oshiradi.

Klopidogrelni CYP2C19 ingibitorlari (masalan, omeprazol) bilan bir vaqtda qabul qilish tavsiya etilmaydi.

Klopidogrelni atenolol, nifedipin, fenobarbital, simetidin, estrogenlar, digoksin, teofillin, tolbutamid, antatsid vositalar bilan birga qo'llaganda klinik ahamiyatga ega farmakodinamik o'zaro ta'sir qayd etilmagan.

Batafsil yo'riqnomada ko'ring.