Kodelak Neo tomchilari 20mg N1

Bir flakon quyidagilarni saqlaydi:

faol modda: butamirat tsitrati (100% moddaga qayta hisoblanganda) – 100 mg;

yordamchi moddalar: sorbitol (Neosorb 70/70 V, sorbit siropi) – 8100,0 mg, gliserol (gliserin) – 5800,0 mg, etanol 95% (etil spirti 95%) – 61,0 mg, natriy saxarinati – 23,0 mg, benzoat kislotasi – 23,0 mg, vanilin – 23,0 mg, natriy gidroksidi eritmasi 30% – 10,0 mg, tozalangan suv 20,0 ml gacha.

Ichga qabul qilish uchun tomchilar 5 mg/ml.

20 ml dan to'q (qahrabo) shisha flakon-tomchilagichda. Bitta flakon davlat va rus tillalaridagi tibbiyotda qo'lanilishiga doir yo'riqnomasi bilan birga karton qutiga joylangan.

Butamirat, Kodelak^® Neo preparatining faol moddasi Markaziy ta'sirga ega yo'talga qarshi vosita bo'lib hisoblanadi. Kimyoviy jihatdan ham, farmakologik jihatdan ham alkoloidlarga mansub emas. Qaramlik yoki o'rganib qolishni shakllantirmaydi.

Yo'tal markaziga bevosita ta'sirga ega bo'lib, yo'talni bostiradi. Bronxodilatasiya qiluvchi samara ko'rsatadi (bronxlarni kengaytiradi). Spirometriya (nafas yo'llarining qarshiligini pasaytiradi) va qon oksigenasiyasi (qonni kislorod bilan to'yintiradi) ko'rsatkichlarini yaxshilab, nafas olishni engillashishiga yordam beradi.

So'rilishi

Buramirat ichga qabul qilingandan keyin me'da-ichak yo'llaridan tez va to'liq so'riladi. 150 mg butamirat qabul qilingandan keyin qon plazmasida asosiy metabolit (2-fenilmoy kislotasi) ning maksimal kontsentrasiyasiga 1,5 soatdan keyin erishiladi va 6,4 mkg/ml ni tashkil qiladi.

Taqsimlanishi va metabolizmi

Butamiratni dastlab 2-fenilmoy kislotasi va dietilaminoetoksietanolgacha gidrolizi qonda boshlanadi. Ushbu metabolitlar ham yo'talga qarshi faollikka ega va butamirat kabi plazma oqsillari bilan ahamiyatli darajada (taxminan 95%) bog'lanadi, bu davomli yarim chiqarilish davrini belgilaydi. 2-fenilmoy kislotasi gidroksilizasiya yo'li bilan qisman metabolizmga uchraydi.

Preparatni takroran qabul qilganda to'planishi kuzatilmaydi.

Chiqarilishi

Butamiratni yarim chiqarilish davri – 6 soat. Metabolitlari asosan buyrak orqali chiqariladi. Bunda 2-fenilmoy kislotasi glyukuron kislotasi bilan bog'langan shaklda chiqariladi.

Nojo'ya reaktsiyalar rivojlanishi tez-tezligi tasnifi: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam xollarda (≥1/10000, <1/1000), juda kam xollarda (<1/10000), shu jumladan alohida xabarlar.

Nerv tizimi tomonidan:

Kam xollarda: preparatni qabul qilish bekor qilinganda yoki doza pasaytirilganda o'tib ketuvchi uyquchanlik, bosh aylanishi.

Me'da-ichak yo'llari tomonidan:

Kam xollarda: ko'ngil aynishi, diareya.

Teri va teri osti to'qimalari tomonidan:

Kam xollarda: eshakemi, allergik reaktsiyalar rivojlanishi mumkin.

Tomchilar shirinlashtiruvchi sifatida natriy saxarinati va sorbitol saqlaydi, shuning uchun ularni qandli diabeti bo'lgan pasientlarda qo'llash mumkin.

Preparatning tarkibida etil spirti mavjudligi tufayli, doriga qaramlik rivojlanishiga moyilligi bo'lgan, jigar kasalliklari, alkogolizm, tutqanoq, bosh miya kasalliklari bo'lgan pasientlarda, homilador va bolalarda preparatni qo'llaganda xavf mavjud.

Preparatni homiladorlik va emizish davrida qo'llanishi

Homiladorlik davrida preparatni qo'llashning xavfsizligi va uni yo'ldosh to'sig'i orqali o'tishi haqida ma'lumotlar yo'q. Preparatni homiladorlikning birinchi uch oyligida qo'llash mumkin emas. Homiladorlikning II va III uch oyliklarida preparatni ona uchun foyda va homila uchun potentsial xavf nisbatini e'tiborga olib qo'llash mumkin.

Preparatni ko'krak sutiga kirishi o'rganilmagan, shuning uchun preparatni emizish davrida qo'llash tavsiya etilmaydi.

Transport vositalari, mexanizmlarni boshqarish qobiliyatiga ta'siri

Transport vositalarini boshqarish va diqqatni yuqori jamlash va psixomotor reaktsiyalarning tezligini talab qiluvchi faoliyat turlari bilan shug'ullanishdan saqlanish tavsiya etiladi, chunki preparat bosh aylanishi, uyquchanlik chaqirishi mumkin.

Har qanday etiologiyali, shu jumladan ko'kyo'taldagi quruq yo'tal; operasiyadan oldingi va operasiyadan keyingi davrda, jarroxlik aralashuvlari va bronxoskopiyada yo'talni bostirish uchun qo'llanadi.

Preparatning komponentlariga yuqori sezuvchanlik, fruktozani o'zlashtiraolmaslik, homiladorlik (I uch oylik), emizish davri. 2 oylikkacha bo'lgan bolalarda qo'llash mumkin emas.

Ehtiyotkorlik bilan

Homiladorlik (II va III uch oylik).

Preparatning tarkibida etil spirti mavjudligi tufayli, doriga qaramlik rivojlanishiga moyilligi bo'lgan, jigar kasalliklari, alkogolizm, tutqanoq, bosh miya kasalliklari bo'lgan pasientlarda, homiladorlar va bolalarda ehtiyotkorlik bilan qo'llash kerak.

Butamirat uchun biron-bir dorilarning o'zaro ta'siri ta'riflanmagan. Preparat bilan davolash davrida alkogolli ichimliklarni iste'mol qilish, shuningdek Markaziy nerv tizimini susaytiruvchi dori vositalarini (uxlatuvchi, neyroleptiklar, trankvilizatorlar va boshqa preparatlar) qabul qilish tavsiya etilmaydi.

Butamirat yo'tal refleksini bostirganligi tufayli, bronxospazm va nafas yo'llari infektsiyalari rivojlanishi xavfi bilan kechuvchi balg'amni nafas yo'llarida to'planishidan saqlanish uchun balg'am ko'chiruvchi vositalarni bir vaqtda qo'llashdan saqlanish kerak.

Tiniq, rangsiz yoki biroz sarg'ish tusli, vanilin hidli suyuqlik. Biroz tovlanishiga yo'l qo'yiladi.

Ovqatdan oldin ichga qabul qilinadi.

2 oylikdan 12 oylikkacha bo'lgan bolalarga – 10 tomchidan kuniga 4 marta; 1 yoshdan 3 yoshgacha – 15 tomchidan kuniga 4 marta; 3 yoshdan oshgan bolalarga – 25 tomchidan kuniga 4 marta buyuriladi.

Preparatni 2 yoshgacha bo'lgan bolalarda qo'llashdan oldin shifokor bilan maslahatlashish kerak.

Ichga qabul qilish uchun tomchilar 5 mg/ml (1 ml 22 tomchi saqlaydi).

Agar yo'tal davolash boshlangandan keyin 5 kundan ortiq saqlansa, shifokorga murojaat etish kerak.

Simptomlari: ko'ngil aynishi, qusish, uyquchanlik, diareya, bosh aylanishi, arterial bosimni pasayishi, harakat koordinasiyasini buzilishi.

Davolash: faollashtirilgan ko'mir, tuzli surgi vositalari, simptomatik davolash (ko'rsatmalarga qarab).