LEVOFLOKSASIN EKOLEVID 0,5 tabletkalari N5
LEVOFLOKSASIN EKOLEVID 0,5 tabletkalari N5 haqida qo'llanma
Farmakokinetikasi
Peroral qabul qilingandan so'ng levofloksatsin ingichka ichakda tez va deyarli to'liq so'riladi. Ovqat qabul qilish absorbsiya tezligi va to'liqligiga kam ta'sir qiladi. Peroral qabul qilingandan so'ng 500 mg levofloksatsinning biokiraolishligi deyarli 100% ni tashkil qiladi. 500 mg bir martalik doza qabul qilingandan so'ng levofloksatsinning maksimal konsentratsiyasi 5,2-6,9 mkg/ml ni, maksimal konsentratsiyaga erishish vaqti - 1,3 soatni, yarim chiqarilish davri - 6-8 soatni tashkil qiladi.
Plazma oqsillari bilan bog'lanishi - 30-40%. Organlar va to'qimalarga yaxshi kirib boradi: o'pka, bronxlar shilliq qavati, siydik-tanosil tizimi organlari, suyak to'qimasi, orqa miya suyuqligi, prostata bezi, polimorf yadroli leykotsitlar va alveolyar makrofaglar.
Jigarda kichik qismi oksidlanadi va/yoki dezasetillanadi. Organizmdan asosan buyraklar orqali kalavachalar filtratsiyasi va naychalar sekretsiyasi yo'li bilan chiqariladi. Peroral qabul qilingandan so'ng dozaning taxminan 87% 48 soat ichida buyraklar orqali o'zgarmagan holda, 4% dan kamrog'i 72 soat ichida ichak orqali chiqariladi.
Nojo'ya samaralari
Ovqat hazm qilish tizimi tomonidan: ko‘ngil aynishi, qusish, diareya (sh.j. qonli), ovqat hazm qilishning buzilishi, ishtahaning pasayishi, qorinda og‘riq, soxtamembranoz kolit; "jigar" transaminazalari faolligining oshishi, giperbilirubinemiya, gepatit, disbakterioz.
Yurak-qon tomir tizimi tomonidan: qon bosimining pasayishi, tomir kollapsi, taxikardiya, QT intervalining uzayishi, hilpillovchi aritmiya.
Nerv tizimi tomonidan: bosh og‘rig‘i, bosh aylanishi, holsizlik, uyquchanlik, uyqusizlik, tremor, bezovtalik, paresteziyalar, qo‘rquv, gallyutsinatsiyalar, ongning chalkashishi, depressiya, harakat buzilishlari, talvasalar.
Sezgi a'zolari tomonidan: ko‘rish, eshitish, hid bilish, ta'm bilish va taktil sezuvchanlikning buzilishi.
Tayanch-harakat aparati tomonidan: artralgiya, mushak zaifligi, mialgiya, paylarning uzilishi, tendinit, rabdomioliz.
Siydik chiqarish tizimi tomonidan: giperkreatininemiya, interstitsial nefrit, o‘tkir buyrak yetishmovchiligi.
Qon yaratish a'zolari tomonidan: eozinofiliya, gemolitik anemiya, leykopeniya, neytropeniya, agranulotsitoz, trombositopeniya, pantsitopeniya, gemorragiyalar.
Moddalar almashinuvi tomonidan: gipoglikemiya (ishtahaning oshishi, ko‘p terlash, qaltirash).
Allergik reaksiyalar: terining qichishishi va giperemiyasi, teri va shilliq qavatlar shishi, eshakemi, xavfli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospazm, bo‘g‘ilish, anafilaktik shok, allergik pnevmonit, vaskulit.
Boshqalar: asteniya, porfiriyaning kuchayishi, fotosensibilizatsiya, turg‘un isitma, superinfektsiya rivojlanishi.
Maxsus ko‘rsatmalari
Keksa yoshdagi bemorlarni davolashda ularda ko'pincha buyrak funktsiyasi buzilishlari uchrashini yodda tutish kerak ("Qo'llash usuli va dozalari" bo'limiga qarang).
Garchi levofloksatsin bilan davolash fonida fotosenzibilizatsiya ancha kam qayd etilsa-da, bemorlarga kuchli quyosh yoki sun'iy ultrabinafsha nurlanishga duchor bo'lmaslik tavsiya etiladi.
Soxtamembranoz kolitga shubha qilinganda levofloksatsinni darhol bekor qilish va tegishli davolashni boshlash kerak. Bunday hollarda ichak motorikasini susaytiruvchi dori vositalarini qo'llash mumkin emas.
Glyukoza-6-fosfatdegidrogenaza yetishmovchiligi (moddalar almashinuvining irsiy buzilishi) bo'lgan bemorlar ftorxinolonlarga eritrotsitlarning parchalanishi (gemoliz) bilan reaktsiya bildirishlari mumkin. Shu munosabat bilan, levofloksatsin bilan davolashni ehtiyotkorlik bilan o'tkazish kerak.
Transport vositalarini va mexanizmlarni boshqarish qobiliyatiga ta'siri:
Levofloksatsinning bosh aylanishi yoki uyquchanlik, shuningdek ko'rish buzilishlari kabi nojo'ya ta'sirlari ("Nojo'ya ta'siri" bo'limiga qarang) reaktsiyalar tezligini yomonlashtirishi va avtomobilni boshqarishni, mashina va mexanizmlarga xizmat ko'rsatishni qiyinlashtirishi mumkin.
Qo'llanilishi mumkin bo'lmagan holatlar
Levofloksatsinga, boshqa ftorxinolonlarga yoki preparat komponentlariga yuqori sezuvchanlik, epilepsiya, ilgari xinolonlar bilan davolashda paylarning shikastlanishi, homiladorlik, laktatsiya davri, bolalar va o'smirlar (18 yoshgacha). Laktozani o'zlashtira olmaslik yoki laktaza yetishmovchiligi, shuningdek glyukoza-galaktoza malabsorbtsiyasi.
Ehtiyotkorlik bilan:
Keksa yoshdagi shaxslarga, glyukoza-6-fosfatdegidrogenaza yetishmovchiligida.
Dori vositalarining o'zaro ta'siri
Xinolonlar va serebral tirishish bo'sag'asini pasaytiruvchi moddalar bir vaqtda qo'llanilganda tirishishga tayyorgarlik bo'sag'asining yaqqol pasayishi haqida xabarlar mavjud. Bu xinolonlar va teofillinni, shuningdek nosteroid yallig'lanishga qarshi preparatlar - propion kislotasi hosilalarini bir vaqtda qabul qilishga ham tegishli.
Preparat ta'siri sukralfat, magniy yoki alyuminiy saqlovchi antatsidlar va temir tuzlari bilan bir vaqtda qo'llanilganda susayadi. Levofloksatsinni ushbu dori vositalarini qabul qilishdan kamida 2 soat oldin qabul qilish kerak.
K vitamini antagonistlari bir vaqtda qo'llanilganda qon ivish tizimi ko'rsatkichlarini nazorat qilish zarur.
Levofloksatsin buyrak klirensini simetidin va probenetsid biroz sekinlashtiradi. Levofloksatsin siklosporinning yarim chiqarilish davrini biroz oshiradi.
Glyukokortikosteroidlarni qabul qilish paylar uzilishi xavfini oshiradi.
Dozirovkasi
O'tkir gaymorit: 500 mg dan sutkasiga 1 marta 10-14 kun davomida;
Shifoxonadan tashqari pnevmoniya: 500 mg dan sutkasiga 1-2 marta, 7-14 kun;
Surunkali bronxit zo'rayganda: 250-500 mg dan sutkasiga 1 marta 7-10 kun davomida; Siydik chiqarish yo'llarining asoratlanmagan infeksiyalari - 250 mg dan sutkasiga 1 marta 3 kun davomida; Siydik chiqarish yo'llarining asoratlangan infeksiyalari (shu jumladan pielonefrit): 250 mg dan sutkasiga 1 marta (kasallik og'ir kechganda dozani oshirish kerak) 7-10 kun davomida; Surunkali bakterial prostatit - 500 mg dan sutkasiga 1 marta, davolash kursi - 28 kun; Teri va yumshoq to'qimalar infeksiyalari: 250-500 mg dan sutkasiga 1-2 marta 7-14 kun davomida; Intraabdominal infeksiya - 500 mg dan sutkasiga 1 marta, davolash kursi 7-14 kun (anaerob mikrofloraga ta'sir qiluvchi antibakterial preparatlar bilan kombinatsiyada);
Silning dori vositalariga chidamli shakllarini kompleks davolash: 500 mg dan sutkasiga 1-2 marta, davolash kursi - 3 oygacha;
Davolash davomiyligi kasallikning turi va og'irligiga bog'liq.
O'tkir yallig'lanish simptomlari bartaraf etilganidan va harorat normallashganidan so'ng levofloksatsin bilan terapiyani 48-72 soat davomida davom ettirish tavsiya etiladi.
Jigar funksiyasi buzilgan bemorlarda dozani to'g'irlash talab etilmaydi.Dozani oshirib yuborishLevofloksatsin preparatining dozasini oshirib yuborish belgilari markaziy asab tizimi darajasida namoyon bo'ladi (ongning chalkashishi, bosh aylanishi, ongning buzilishi va tirishishlar). Bundan tashqari, oshqozon-ichak buzilishlari (masalan, ko'ngil aynishi, qusish) va oshqozon-ichak trakti shilliq qavatlarining eroziv shikastlanishlari qayd etilishi mumkin. Levofloksatsinning o'ta yuqori dozalaridan foydalangan holda o'tkazilgan tadqiqotlarda QT intervalining uzayishi ko'rsatilgan.
Levofloksatsin gemodializ yoki peritoneal dializ orqali chiqarilmaydi. Maxsus antidot (qarshi ta'sir qiluvchi modda) mavjud emas.
Davolash - oshqozonni yuvish va simptomatik terapiya.
LEVOFLOKSASIN EKOLEVID 0,5 tabletkalari N5 o'xshash dorilari
Levofloksatsin boshqa chiqarish shakllari
LEVOFLOKSASIN EKOLEVID 0,5 tabletkalari N5 analoglari
