LEVOFLOKSASIN eritma 100ml N1

500 mg vena ichiga 60 daqiqa davomida infuziya qilingandan so'ng maksimal konsentratsiya (Сmах) - taxminan 6 mkg/ml. Vena ichiga bir marta va ko'p marta yuborilganda o'sha doza yuborilgandan so'nggi taxminiy taqsimlanish hajmi 89-112 l ni tashkil qiladi.

Plazma oqsillari bilan bog'lanishi - 30-40 %. Organlar va to'qimalarga yaxshi kirib boradi: o'pka, bronxlar shilliq qavati, balg'am, siydik-tanosil tizimi organlari, polimorf yadroli leykotsitlar, alveolyar makrofaglar.

Jigarda kichik qismi oksidlanadi va/yoki dezasetillanadi.

Buyrak klirensi umumiy klirensning 70 % ini tashkil qiladi. Yarim chiqarilish davri (Т1/2) - 6-8 soat.

Organizmdan asosan buyraklar orqali kalavachalar filtratsiyasi va naychalar sekretsiyasi yo'li bilan chiqariladi. Levofloksatsinning 5 % dan kamrog'i metabolitlar ko'rinishida ekskretsiya qilinadi. O'zgarmagan holda buyraklar orqali 24 soat ichida 70 % va 48 soat ichida - 87 % chiqariladi.

Ovqat hazm qilish tizimi tomonidan: ko‘ngil aynishi, qusish, diareya (shu jumladan qonli), ovqat hazm qilishning buzilishi, ishtahaning pasayishi, qorinda og‘riq, soxtamembranoz kolit, "jigar" transaminazalari faolligining oshishi, giperbilirubinemiya, gepatit, disbakterioz.

Yurak-qon tomir tizimi tomonidan: qon bosimining pasayishi, tomir kollapsi, taxikardiya, kardiogrammada QT intervalining oshishi, hilpillovchi aritmiya.

Moddalar almashinuvi tomonidan: gipoglikemiya (ishtahaning oshishi, ko‘p terlash, qaltirash, asabiylik), giperglikemiya.

Nerv tizimi tomonidan, bosh og‘rig‘i, bosh aylanishi, holsizlik, uyquchanlik, uyqusizlik, bezovtalik, qo‘l panjalarida paresteziyalar, qo‘rquv, gallyutsinatsiyalar; ongning chalkashishi, depressiya, harakat buzilishlari, talvasalar.

Sezgi a'zolari tomonidan: ko‘rish, eshitish, hid bilish; ta'm bilish va taktil sezuvchanlikning buzilishi.

Tayanch-harakat aparati tomonidan: artralgiya, mushak zaifligi, mialgiya, paylarning uzilishi, tendinit, rabdomioliz.

Siydik chiqarish tizimi tomonidan: giperkreatininemiya, interstitsial nefrit, o‘tkir buyrak yetishmovchiligi.

Qon yaratish a'zolari tomonidan: ba'zida - eozinofiliya, gemolitik anemiya, leykopeniya, neytropeniya, agranulotsitoz, trombositopeniya, pantsitopeniya, gemorragiya.

Allergik reaksiyalar: terining qichishishi va giperemiyasi, teri va shilliq qavatlar shishi, eshakemi, xavfli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospazm, anafilaktik shok, allergik pnevmonit, vaskulit.

Boshqalar: asteniya, porfiriyaning kuchayishi, fotosensibilizatsiya, turg‘un isitma, superinfektsiya rivojlanishi.

Mahalliy reaksiyalar: og‘riq, yuborish joyida qizarish, flebit.

Tana harorati normallashganda davolashni kamida 48-72 soat davom ettirish tavsiya etiladi.

Davolash vaqtida teri qoplamalari shikastlanishini (fotosenzibilizatsiya) oldini olish uchun quyosh va sun'iy ultrabinafsha nurlanishdan saqlanish zarur.

Tendinit, soxtamembranoz kolit, allergik reaktsiyalar belgilari paydo bo'lganda levofloksatsin darhol bekor qilinadi.

Shuni yodda tutish kerakki, anamnezida bosh miya shikastlanishi (insult yoki og'ir travma) bo'lgan bemorlarda tirishishlar rivojlanishi mumkin, glyukoza-6-fosfatdegidrogenaza yetishmovchiligida - eritrotsitlar gemolizi rivojlanish xavfi mavjud.

Davolash vaqtida alkogol iste'mol qilishdan saqlanish kerak.

Preparatning transport vositalarini va mexanizmlarni boshqarish qobiliyatiga ta'siri:

Davolash davrida bosh aylanishi, uyquchanlik, karaxtlik va ko'rish buzilishi paydo bo'lishi mumkinligi tufayli avtomobilni va potentsial xavfli mexanizmlarni boshqarishda ehtiyotkorlikka rioya qilish kerak, bu psixomotor reaktsiyalar tezligini sekinlashishiga va diqqatni jamlash qobiliyatini pasayishiga olib kelishi mumkin.

Levofloksatsinga, preparatning har qanday boshqa komponentiga yoki ftorxinolonlar guruhidagi boshqa preparatlarga yuqori sezuvchanlik, epilepsiya, ilgari xinolonlar bilan davolashda paylarning shikastlanishi, homiladorlik, laktatsiya davri, bolalar va o'smirlar (18 yoshgacha).

Ehtiyotkorlik bilan:

Keksa yosh (buyrak funksiyasining yo'ldosh pasayishi ehtimoli yuqoriligi), glyukoza-6-fosfatdegidrogenaza yetishmovchiligi.

Anamnezda bosh miya shikastlanishi bo'lgan bemorlarda (insult yoki og'ir jarohat) (talvasa rivojlanishi mumkin).

Homiladorlik va laktatsiya:

Homiladorlikda preparat mumkin emas.

Laktatsiya davrida preparatni tayinlash zarurati tug'ilganda ko'krak suti bilan emizishni to'xtatish kerak.

Levofloksatsin siklosporinning yarim chiqarilish davrini oshiradi.

Nosteroid yallig'lanishga qarshi preparatlar, teofillin tirishishlar rivojlanish xavfini oshiradi.

Glyukokortikosteroidlarni qabul qilish paylar uzilishi xavfini oshiradi (ayniqsa, keksa yoshda).

Simetidin va naychalar sekretsiyasini bloklovchi dori vositalari levofloksatsin chiqarilishini sekinlashtiradi.

Infuziya uchun eritma 0,9% natriy xlorid eritmasi, 5% dekstroza eritmasi, 2,5% dekstrozali Ringer eritmasi, parenteral oziqlantirish uchun kombinatsiyalangan eritmalar (aminokislotalar, uglevodlar, elektrolitlar) bilan mos keladi.

Geparin va ishqoriy reaktsiyaga ega eritmalar (masalan, natriy gidrokarbonat eritmasi) bilan aralashtirish mumkin emas.

Peroral gipoglikemik vositalar yoki insulin olayotgan qandli diabet bilan og'rigan bemorlarda levofloksatsin qabul qilish fonida gipo- va giperglikemik holatlar bo'lishi mumkin, shuning uchun qonda glyukoza kontsentratsiyasini nazorat qilish tavsiya etiladi.

Levofloksatsin varfarinning antikoagulyant faolligini kuchaytiradi.

Sukralfat, temir tuzlari va magniy- yoki alyuminiy saqlovchi antatsid vositalar levofloksatsin samarasini kamaytiradi (preparatlarni qabul qilish orasidagi vaqt oralig'i kamida 2 soatni tashkil qilishi kerak).

Alkogol markaziy asab tizimi tomonidan nojo'ya ta'sirlarni (bosh aylanishi, karaxtlik, uyquchanlik) kuchaytirishi mumkin.