LEVOMISETIN AKTI 0,5 tabletkalari N10

Qabul qilingandan so'ng plazma oqsillari bilan bog'lanishi - 50-60 % ni tashkil qiladi. Qabul qilingandan so'ng maksimal konsentratsiyaga erishish vaqti (TSmax) 1-3 soat. Taqsimlanish hajmi - 0,6-1,0 l/kg. Qondagi terapevtik konsentratsiya qabul qilingandan so'ng 4-5 soat davomida saqlanib turadi. Organizm suyuqliklari va to'qimalariga yaxshi kirib boradi. Uning eng yuqori konsentratsiyalari jigar va buyraklarda hosil bo'ladi. Safroda kiritilgan dozaning 30 % gachasi aniqlanadi. Orqa miya suyuqligidagi maksimal konsentratsiya (Smax) bir marta qabul qilingandan 4-5 soat o'tgach aniqlanadi va miya pardalari yallig'lanishi bo'lmaganda plazmadagi Smax ning 21-50% iga va miya pardalari yallig'lanishi bo'lganda - 45-89% ga yetishi mumkin. Yo'ldosh to'sig'i orqali o'tadi, homila qon zardobidagi konsentratsiyalar ona qonidagi konsentratsiyaning 30-80 % ini tashkil qilishi mumkin. Ko'krak sutiga o'tadi. Asosiy qismi (90 %) jigarda metabolizmga uchraydi. Ichakda ichak bakteriyalari ta'sirida nofaol metabolitlar hosil bo'lishi bilan gidrolizlanadi.

24 soat ichida buyraklar orqali - 90 % (kalavachalar filtratsiyasi yo'li bilan - 5-10% o'zgarmagan holda, naychalar sekretsiyasi yo'li bilan nofaol metabolitlar ko'rinishida - 80 %), ichak orqali - 1-3 % chiqariladi. Yarim chiqarilish davri (Т1/2) kattalarda - 1,5-3,5 soat, buyrak funksiyasi buzilganda - 3-11 soat. Bolalarda Т1/2 - 3,0- 6,5 soat. Gemodializ jarayonida kuchsiz chiqariladi.

Ovqat hazm qilish tizimi tomonidan: dispepsiya, ko‘ngil aynishi, qusish (rivojlanish ehtimoli ovqatdan 1 soat o‘tgach qabul qilinganda kamayadi), diareya, og‘iz bo‘shlig‘i va halqum shilliq qavatining ta'sirlanishi, dermatit, disbakterioz (normal mikrofloraning bostirilishi).

Qon yaratish a'zolari tomonidan: retikulotsitopeniya, leykopeniya, granulotsitopeniya, trombositopeniya, eritrotsitopeniya; kam hollarda - aplastik anemiya, agranulotsitoz.

Nerv tizimi tomonidan: psixomotor buzilishlar, depressiya, ongning chalkashishi, periferik nevrit, ko‘rish nervi nevriti, ko‘rish va eshitish gallyutsinatsiyalari, ko‘rish va eshitish o‘tkirligining pasayishi, bosh og‘rig‘i.

Allergik reaksiyalar: teri toshmasi, angionevrotik shish.

Boshqalar: ikkilamchi zamburug‘li infektsiya.

Qon yaratish tizimi tomonidan og'ir asoratlar, qoida tariqasida, uzoq vaqt davomida yuqori dozalarni qo'llash bilan bog'liq.

Etanol bilan bir vaqtda qabul qilganda disulfiramsimon reaktsiya (yuz qizarishi, qorin va oshqozon sohasida spazm, ko'ngil aynishi, qusish, bosh og'rig'i, qon bosimining pasayishi, taxikardiya, hansirash) rivojlanishi mumkin.

Transport vositalarini va boshqa mexanizmlarni boshqarish qobiliyatiga ta'siri:

Preparat bilan davolash davrida transport vositalarini, mexanizmlarni boshqarishda va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishda ehtiyotkorlikka rioya qilish zarur.

Gipersezuvchanlik, suyak ko'migi qon yaratishining susayishi, o'tkir o'zgaruvchan porfiriya, glyukoza-6-fosfatdegidrogenaza yetishmovchiligi, jigar va/yoki buyrak yetishmovchiligi, teri kasalliklari (psoriaz, ekzema, zamburug'li shikastlanishlar), homiladorlik, laktatsiya davri, 3 yoshgacha bo'lgan bolalar va/yoki tana vazni 20 kg dan kam.

Ehtiyotkorlik bilan:

Ilgari sitostatik preparatlar bilan davolash yoki nur terapiyasini olgan bemorlarga.

Homiladorlik va laktatsiya:

Homiladorlikda va emizish davrida dori preparatini qo'llash mumkin emas.

Jigar mikrosomal fermentlarini ingibirlaydi, shuning uchun fenobarbital, fenitoin, bevosita bo'lmagan antikoagulyantlar bilan bir vaqtda qo'llanilganda ushbu dori vositalari metabolizmining susayishi, chiqarilishining sekinlashishi va plazmada kontsentratsiyasining oshishi qayd etiladi.

Penitsillinlar va tsefalosporinlarning antibakterial ta'sirini kamaytiradi. Eritromitsin, klindamitsin, linkomitsin bilan bir vaqtda qo'llanilganda xloramfenikol ushbu dori vositalarini bog'langan holatdan siqib chiqarishi yoki ularning bakterial ribosomalar 50S subvahdasi bilan bog'lanishiga to'sqinlik qilishi hisobiga ta'sirning o'zaro susayishi qayd etiladi. Qon hosil bo'lishini susaytiruvchi dori vositalari (sulfanilamidlar, sitostatiklar), jigarda moddalar almashinuviga ta'sir qiluvchi vositalar, nur terapiyasi bilan bir vaqtda tayinlash nojo'ya ta'sir rivojlanish xavfini oshiradi. Peroral gipoglikemik dori vositalari bilan tayinlanganda ularning ta'sirining kuchayishi (jigarda metabolizmning bostirilishi va plazmada kontsentratsiyasining oshishi hisobiga) qayd etiladi.

Mielotoksik dori vositalari preparatning gematotoksikligi namoyon bo'lishini kuchaytiradi.