MAKSIFLOKS 0,005/ML ko'z tomchilari 5ml

Mahalliy qo'llanilganda moksifloksatsinning tizimli so'rilishi sodir bo'ladi. Moksifloksatsinning plazma konsentratsiyasi 4 kun davomida kuniga 3 marta 1 tomchidan har ikkala ko'zga ko'z tomchilari dori shaklida moksifloksatsin olgan erkak va ayol jinsidagi 21 nafar pasientda aniqlangan. Muvozanat holatida moksifloksatsinning qon plazmasidagi o'rtacha maksimal konsentratsiyasi (Cmax) 2,7 ng/ml ni, «konsentratsiya-vaqt» egri chizig'i ostidagi maydon (AUC) kattaligi –41,9ng soat/ml ni tashkil qilgan. Ko'rsatilgan qiymatlar 400 mg moksifloksatsin terapevtik dozasi ichga qabul qilingandan keyingi o'rtacha Cmax va AUC dan taxminan 1600 va 1200 marta kam. Moksifloksatsinning yarim chiqarilish davri (Т1/2) taxminan 13 soatni tashkil qiladi.

Moksifloksatsinni oftalmologiyada qo‘llash uchun dori shaklida klinik tadqiqotlar davomida 2252 nafar bemor tekshirilayotgan preparatni kuniga 8 martagacha 1 tomchidan olgan, ulardan 1900 nafari moksifloksatsinni kuniga 3 marta 1 tomchidan rejimida olgan. Xavfsizlikni baholash uchun populyatsiya AQSh va Kanadadagi 1389 nafar bemorni, Yaponiyadagi 586 nafar bemorni va Hindistondagi 277 nafar bemorni o‘z ichiga olgan. Klinik tadqiqotlar ma'lumotlariga ko‘ra, ham ko‘rish a'zosi, ham umuman organizm tomonidan jiddiy noxush hodisalar haqida ma'lumot olinmagan. Davolash bilan bog‘liq bo‘lgan eng tez-tez uchraydigan noxush reaksiyalar ko‘zning ta'sirlanishi va ko‘zlarda og‘riq bo‘lgan, ushbu hodisalarning umumiy uchrash tezligi 1% dan 2% gacha o‘zgargan. Bemorlarning 96 foizida ushbu reaksiyalarning og‘irlik darajasi yengil bo‘lgan, shu bilan birga tadqiqotda ishtirok etgan bemorlardan birida noxush hodisaning yaqqolligi tadqiqotda ishtirok etishni tugatishga olib kelgan.

Quyidagi noxush reaksiyalar uchrash tezligi gradatsiyasiga muvofiq tasniflangan: juda tez-tez (>1/10); tez-tez (>1/100, <1/10); tez-tez emas (>1/1000, <1/100); kam hollarda (>1/10 000, <1/1000); juda kam hollarda (<1/10 000).

Qon yaratish tizimi tomonidan: kam hollarda - gemoglobinning pasayishi.

Immun tizimi tomonidan: tez-tezligi noma'lum - o‘ta yuqori sezuvchanlik.

Nerv tizimi tomonidan: tez-tez emas - bosh og‘rig‘i; kam hollarda - paresteziyalar; tez-tezligi noma'lum - bosh aylanishi.

Ko‘rish a'zosi tomonidan: tez-tez - ko‘zlarda og‘riq, ko‘zning ta'sirlanishi; tez-tez emas - nuqtali keratit, quruq ko‘z sindromi, subkon'yunktival qon quyilishi, ko‘z qichishishi, kon'yunktival in'ektsiya, qovoqlar shishi, ko‘zlarda noqulaylik; kam hollarda - shox parda epiteliysining nuqsoni, shox parda tomonidan buzilishlar, kon'yunktivit, blefarit, kon'yunktiva shishi, ko‘rishning xiralashishi, ko‘rish o‘tkirligining pasayishi, astenopiya, qovoqlar eritemasi; tez-tezligi noma'lum - endoftalmit, yarali keratit, shox parda eroziyasi, ko‘z ichi bosimining oshishi, shox pardaning xiralashishi, shox parda shishi, shox parda infiltratlari, shox pardada cho‘kmalar, ko‘z tomonidan allergik hodisalar, keratit, shox parda shishi, yorug‘likdan qo‘rqish, ko‘z yoshlanishi, ko‘zdan ajralmalar, ko‘zlarda yot jism hissi.

Yurak-qon tomir tizimi tomonidan: tez-tezligi noma'lum - yurak urishini his qilish.

Nafas olish tizimi tomonidan: kam hollarda - burunda noqulaylik, hiqildoq va halqumda og‘riq, tomoqda yot jism hissi; tez-tezligi noma'lum - hansirash.

Ovqat hazm qilish tizimi tomonidan: tez-tez emas - disgevziya; kam hollarda - qusish, aminotransferazalar va GGT faolligining oshishi; tez-tezligi noma'lum - ko‘ngil aynishi.

Teri va teri osti-yog‘ kletchatkasi tomonidan: tez-tezligi noma'lum - eritema, toshma, eshakemi, qichishish.

Alohida nojo‘ya reaksiyalarning tavsifi

Yelka bo‘g‘imi, qo‘l bo‘g‘imlari paylarining, axill payining, shuningdek uzoq muddatli mehnatga layoqatsizlik davriga olib kelgan yoki jarrohlik aralashuvini talab qilgan boshqa paylarning uzilishi haqida xabarlar mavjud. Ushbu hodisalar ftorxinolonlar bilan tizimli terapiya olgan bemorlarda qayd etilgan. Klinik tadqiqotlar va postregistratsion qo‘llash ma'lumotlariga ko‘ra, ftorxinolonlar bilan tizimli terapiyada paylarning uzilishi xavfi terapiya sxemasiga kortikosteroidlar kiritilganda ortishi mumkin, keksa bemorlar alohida xavf guruhida bo‘ladi. Ko‘pincha shikastlanishlar tayanch bo‘g‘imlar paylariga, sh.j. axill paylariga ta'sir qiladi.

Bolalarda qo‘llanilishi

Bolalar, sh.j. yangi tug‘ilgan chaqaloqlar ishtirokidagi klinik tadqiqotlar davomida instillyatsiyalar ko‘rinishidagi moksifloksatsinning kattalar populyatsiyasi bilan o‘xshash xavfsizlik profili namoyish etilgan. 18 yoshgacha bo‘lgan bemorlarda ko‘zlarda og‘riq va ko‘zning ta'sirlanishi eng tez-tez qayd etilgan, uchrash tezligi taxminan 0,9% ni tashkil etgan. Pediatrik populyatsiyadagi klinik tadqiqotlar natijalari bo‘yicha noxush hodisalar profili va ularning og‘irligida kattalar populyatsiyasidan farqlar qayd etilmagan.

Xinolon qatori preparatlarini tizimli qo'llagan bemorlarda og'ir, alohida hollarda o'lim bilan yakunlangan yuqori sezuvchanlik reaktsiyalari (anafilaksiya) kuzatilishi mumkin, bir qator hollarda birinchi doza qabul qilingandan keyin. Ba'zi reaktsiyalar kollaps, hushdan ketish, Kvinke shishi (shu jumladan hiqildoq, halqum yoki yuz shishi), nafas yo'llari obstruktsiyasi, hansirash, eshakemi va teri qichishishi bilan kechgan.

MAKSIFLOKS preparatiga allergik reaktsiya rivojlanganda preparatni qo'llashni to'xtatish kerak. Moksifloksatsin va preparatning boshqa tarkibiy qismlariga og'ir o'tkir yuqori sezuvchanlik reaktsiyalari shoshilinch reanimatsiya tadbirlarini o'tkazishni talab qilishi mumkin: ko'rsatmalar bo'yicha nafas yo'llari o'tkazuvchanligini nazorat qilish bilan kislorodoterapiya o'tkazilishi mumkin.

Preparat uzoq muddat qo'llanilganda sezgir bo'lmagan mikroorganizmlar, shu jumladan zamburug'larning ortiqcha o'sishi yuz berishi mumkin. Superinfektsiya yuzaga kelganda preparatni bekor qilish va tegishli terapiyani tayinlash kerak.

Paylarning yallig'lanishi va uzilishi ftorxinolonlar tizimli qo'llanilganda qayd etilgan, asosan keksa yoshdagi bemorlarda, shuningdek ftorxinolonlar bilan bir qatorda kortikosteroidlar olgan bemorlarda. Garchi oftalmologiyada mahalliy qo'llanilgandan so'ng moksifloksatsinning tizimli kontsentratsiyalari peroral qo'llashdagiga qaraganda ancha past bo'lsa-da, paylar yallig'lanishining birinchi belgilari paydo bo'lganda preparat qabul qilishni to'xtatish kerak.

MAKSIFLOKS preparatini yangi tug'ilgan chaqaloqlarda bakterial konyunktivitni davolashda qo'llash samaradorligi va xavfsizligi to'g'risida xulosa chiqarish uchun ma'lumotlar hajmi yetarli emas, shu munosabat bilan, ushbu yosh toifasidagi bemorlarda qo'llash tavsiya etilmaydi.

MAKSIFLOKS gonokokkli konyunktivitni profilaktik qo'llash yoki ex juvantibus terapiyasi (empirik davolash) uchun, shu jumladan yangi tug'ilgan chaqaloqlar gonokokk etiologiyali oftalmiyasi terapiyasida tavsiya etilmaydi, chunki Neisseria gonorrhoeae ning moksifloksatsinga rezistent shtammlari ko'p miqdorda mavjud. Neisseria gonorrhoeae chaqirgan ko'z infektsion kasalliklari bo'lgan bemorlar tegishli tizimli terapiyani olishlari kerak.

MAKSIFLOKS preparatini 2 yoshdan kichik bemorlarda Chlamydia trachomatis chaqirgan ko'rish a'zosi infektsion kasalliklarini davolashda qo'llash tavsiya etilmaydi, chunki ushbu toifadagi bemorlarda preparatni o'rganish to'g'risida ma'lumotlar yo'q. MAKSIFLOKS preparatini Chlamydia trachomatis chaqirgan ko'z kasalliklari bo'lgan 2 yoshdan katta bemorlarda qo'llash tizimli terapiya bilan birga olib borilishi kerak.

Yangi tug'ilgan chaqaloqlar oftalmiyasida bemorlar o'z holatiga mos keladigan davolashni olishlari kerak; masalan, xlamidiyali va gonoreyali konyunktivitlar rivojlanganda bunday davolash turi tizimli terapiya bo'ladi.

Ko'z olmasi oldingi qismi infektsion kasalliklari mavjud bo'lganda kontakt linzalarni taqish tavsiya etilmaydi.

Transport vositalarini boshqarish va mexanizmlar bilan ishlash qobiliyatiga ta'siri

Boshqa dori vositalari tomizilganda bo'lgani kabi, preparat qo'llanilgandan so'ng ko'rishning vaqtinchalik xiralashishi mumkin. Ko'rish idroki tiniqligi tiklanmaguncha avtomobilni va boshqa mexanizmlarni boshqarish tavsiya etilmaydi.

Preparat komponentlariga individual yuqori sezuvchanlik; xinolon qatori preparatlariga yuqori sezuvchanlik, 1 yoshgacha bo'lgan bolalar.

Homiladorlik va ko'krak suti bilan emizish davrida qo'llanilishi

Homiladorlik va ko'krak suti bilan emizish davri

Preparatni homiladorlik vaqtida va ko'krak suti bilan emizish davrida qo'llash bo'yicha yetarli tajriba yo'q. Preparatni homiladorlik va ko'krak suti bilan emizish davrida qo'llash kutilayotgan davolash samarasi homila va bola uchun potentsial xavfdan yuqori bo'lgan holda mümkin.

Hayvonlardagi tadqiqotlar shuni ko'rsatdiki, moksifloksatsin peroral qabul qilingandan so'ng ko'krak suti bilan moddaning oz miqdori ekskresiya qilinadi. Shunga qaramay, preparatning terapevtik dozalariga rioya qilinganda emizikli bolalarda noxush reaktsiyalar rivojlanishi kutilmaydi.

Teratogenlik

Hayvonlardagi klinik oldi tadqiqotlarida moksifloksatsin 500 mg/kg/kun dozalarida (bu inson uchun tavsiya etilgan sutkalik dozadan taxminan 21700 marta yuqori) teratogen ta'sir ko'rsatmadi, biroq homila vaznining biroz pasayishi va skelet-mushak tizimi rivojlanishining kechikishi qayd etilgan. 100 mg/kg/kun dozasi fonida yangi tug'ilganlarning o'sishi kamayishi chastotasi oshishi qayd etilgan.

Fertillik

Moksifloksatsinning instillatsiya ko'rinishida qo'llanilganda fertillikka ta'siri bo'yicha tadqiqotlar o'tkazilmagan.

MAKSIFLOKS preparatining boshqa dori vositalari bilan o'zaro ta'siri bo'yicha maxsus tadqiqotlar o'tkazilmagan. Tomchilar ko'rinishida mahalliy qo'llanilgandan keyin past tizimli kontsentratsiya tufayli boshqa dori vositalari bilan o'zaro ta'sir ehtimoli kam.