MEROPENEM AVANTIKA poroshok 1000mg N1
Tizimli qo'llash uchun infektsiyaga qarshi preparatlar. Tizimli qo'llash uchun antibakterial preparatlar. Boshqa beta-laktam antibakterial preparatlar. Karbapenemlar. Meropenem.
MEROPENEM AVANTIKA poroshok 1000mg N1 qo'llanmasi
Har bir flakon quyidagilarni saqlaydi:
meropenem trigidrati, 1000 mg meropenemga ekvivalent, natriy karbonati, 90,20 mg elementar natriyga ekvivalent.
Сhiqarilish shakli
Shisha flakonlarga kukun joylangan.
Har bir flakon tibbiyotda qo'llanilishiga doir yo'riqnomalari bilan birga karton qutiga joylangan.
Meropenem penitsillin bog'lovchi oqsillarga (PBO) bog'lanish orqali grammusbat va grammusbat bakteriyalarining hujayra devorlari sinteziga ta'sir qilib, bakteritsid ta'sir ko'rsatadi.
Boshqa beta-laktam antibakterial vositalar singari, meropenem kontsentratsiyasining minimal ingibitsiya qiluvchi kontsentratsiyadan (MIK) oshib ketgan vaqtlari (T>MIK) samaradorlik bilan yuqori darajadagi korrelyatsiya namoyish qilgan.
Meropenemaga bakterial rezistentlik quyidagilar oqibatida kelib chiqishi mumkin.
1. grammanfiy bakteriyalar tashqi membranasi o'tkazuvchanligining pasayishi (porinlar ishlab chiqarilining pasayishi tufayli)
2. maqsadli PBP-larga yaqinlik kamayishi
3. efflyuks nasosi komponentlari ekspressiyasining oshishi
4. karbapenemalarni gidrolizga uchratishi mumkin bo'lgan beta-laktamazalarning ishlab chiqarilishi.
Meropenem va xinolonlar, aminoglikozidlar, makrolidlar va tetrattsiklinlar sinflariga mansub dori vositalari o'rtasida, maqsadli mikroorganizmlarni hisobga olgan holda, o'zaro kesishgan rezistentlik mavjud emas. Ammo, bu mexanizm hujayra membranasining o'tkazuvchanligi va/yoki efflyuks nasos (lar) ni o'z ichiga oladigan bo'lsa, bakteriyalar bir nechta mikroblarga qarshi dori vositalarga qarshilik ko'rsatishi mumkin.
Jadvalda klinik sharoitda turli bakterial patogenlarga qarshi meropenem uchun MIK chegaralari ko'rsatilgan:
|
Patogenlar |
Sezgirlik (mg/l) |
Rezistentlik |
|
Enterobacteriaceae |
≤2 |
>8 |
|
Pseudomonas spp. |
≤2 |
>8 |
|
Acinetobacter spp. |
≤2 |
>8 |
|
Streptococcus A, B, C, G |
6 ga qarang |
6 ga qarang |
|
Streptococcus pneumoniae1 |
≤2 |
>2 |
|
Boshqa streptokokklar |
≤2 |
>2 |
|
Enterococcus5spp. |
- |
- |
|
Staphylococcus2 spp. |
3 ga qarang |
3 ga qarang |
|
Haemophilus influenzae1,2 Moraxella catarrhalis2 |
≤2 |
>2 |
|
Neisserea meningitidis2,4 |
≤0,25 |
>0,25 |
|
Clostridium difficile dan boshqa |
≤2 |
>8 |
|
Grammusbat anaeroblar |
≤2 |
>8 |
|
Listeria monocytogenes |
≤ 0,25 |
> 0,25 |
|
Nospetsifik bo'sag'a |
≤2 |
>8 |
1. Meningitda Streptococcus pneumoniae va Haemophilus influenzae uchun meropenemning
chegara qiymatlari 0,25 mg/l (sezgir) va 1 mg/l (rezistent).
2. Sezgirlik chegarasidan yuqori bo'lgan MIK ko'rsatkichlariga ega mikroorganizm shtammlari kam xollarda uchraydi yoki hozirda aniqlanmaydi. Identifikatsiya va antimikrobial sezuvchanlik bo'yicha har qanday izolyatga oid tahlillar takrorlanishi kerak va agar natijalar tasdiqlansa, izolyat ma'lumotlar laboratoriyasiga yuboriladi. Tasdiqlangan izolyatlar uchun MIK qiymatlari bilan qarshilikning joriy chegara qiymatlaridan yuqori bo'lganligi uchun klinik javobning dalillari mavjud ekan, izolyatlar chidamli deb qayd etilishi lozim.
3.Meropenemga stafilokokklarning sezuvchanligi metitsillinga sezuvchanlik ma'lumotlari asosida prognoz qilinadi.
4.Сhegara qiymatlari faqat meningit uchun ko'rsatilgan.
5.Mikroorganizm turlari bilan bog'liq bo'lmagan chegara qiymatlari asosan farmakokinetik / farmakodinamik ma'lumotlar asosida aniqlangan va ayrim turlarning MIK tarqalishiga bog'liq emas. Ular jadvalda va izohlarda ko'rsatilmagan shtammlarga nisbatan qo'llash uchun mo'ljallangan.
6.A, B, C, G guruhi Streptococcus larning meropenemga sezuvchanligi penitsillinga sezgirlik ma'lumotlari asosida taxmin qilinadi.
"–" Ta'sirchanlik testini o'tkazish tavsiya etilmaydi, chunki bu tur meropenem uchun optimal nishon bo'lib hisoblanmaydi.
Kasalliklarni davolash bo'yicha klinik tajriba va terapevtik protokollarga asoslanib, patogen mikroorganizmlar quyida keltirilgan.
Meropenemga sezgir patogenlar Grammusbat aeroblar
Enterococcus faecalis, Staphylococcus aureus (metitsillinga sezgir)2, Staphylococcus turlari (metitsillinga sezgir), shu jumladan, Staphylococcus epidermidis, Streptococcus agalactiae V guruhi, Streptococcus milleri guruhi (S. anginosus, S. constellatus, S. intermedius), Streptococcus pneumoniae, Streptococcus pyogenes A guruhi
Grammanfiy aeroblar
Citrobacter freudii, Citrobacter koseri, Enterobacter aerogenes, Enterobacter cloacae, Escherichia coli, Haemophilus influenzae, Klebsiella oxytoca, Klebsiella pneumoniae, Morganella morganii, Neisseria menigitidis, Proteus mirabilis, Proteus vulgaris, Serratia marcescens
Grammusbat anaeroblar
Clostridium perfringens, Peptoniphilus asaccharoliticus, Peptostreptococcus turlari (shu jumladan, P. micros, P. anaerobicus, P. magnus)
Grammanfiy anaeroblar
Bacteroides caccae, gruppa Bacteroides fragilis, Prevotella bivia, Prevotella disiens
Orttirilgan rezistentlik muammosi dolzarb bo'lgan patogenlar Grammusbat aeroblar
Enterococcus faecium1,3
Grammanfiy aeroblar
Acinetobacter turlari, Burkholderia cepacia, Pseudomonas aeruginosa.
Tabiiy rezistentlikka ega patogenlar Grammanfiy aeroblar
Stenotrophomonas maltophilia, Legionella spp.
Boshqa qo'zg'atuvchilar
Chlamidophila pneumoniae, Chlamidophila psittaci, Coxiella burnetii, Mycoplasma pneumoniae.
1Oraliq sezuvchanlik namoyon qiluvchi qo'zg'atuvchilar.
2Barcha metitsillinga rezistent stafilokokklar meropenemga ham rezistent hisoblanadi.
3Evropa ittifoqining bir yoki bir necha mamlakatlarida rezistentlik ko'rsatkichi
≥50%.
Sog'lom odamlarda yarim chiqarilish davri (T1/2) taxminan 1 soatni tashkil qiladi. Dozani 0,25 g dan 2 g gacha oshirganda klirens minutiga 287 dan 205 ml gacha kamayadi. Vena ichiga 500, 1000 va 2000 mg dozada 30 minut davomida yuborilganda Cmax taxminan 23, 49 va 115 mkg/ml ni tashkil qiladi, bu 39,3, 62,3 va 153 mkg / soat AUC qiymatlariga to'g'ri keladi. Vena ichiga 5 minut davomida 500 mg meropenem oqim bilan yuborilganda Cmax - 52 mg / ml, 1000 mg - 112 mg / ml ni tashkil etadi. Buyraklar funktsiyasi normal bo'lgan odamlarda dori vositasi 8 soat davomida yuborilganda meropenemni to'planishi kuzatilmaydi.
Qon plazmasidagi oqsillar bilan bog'lanishi taxminan 2% ni tashkil qiladi va kontsentratsiyaga bog'liq emas. Tez yuborilganidan so'ng (5 minut yoki undan kamroq) farmakokinetikasi bioeksponentsial hisoblanadi, ammo bu 30 minutdan kam vaqt davomida vena ichiga yuborilganidan keyin aniqlanadi. Meropenem organizmning ko'plab to'qimalari va suyuqliklariga yaxshi kiradi, shu jumladan. o'pkaga, bronxial sekretsiyalarga, safroga, orqa miya suyuqligiga, ginekologik to'qimalarga, teriga, fastsiyalarga, mushaklarga va qorin parda ekssudatiga kiradi.
Meropenem mikrobiologik faol bo'lmagan metabolit hosil qilib beta-laktam halqasining gidrolizi bilan metabolizmga uchraydi. Meropenem imipenem bilan taqqoslaganda odam degidropeptidaza-I tomonidan gidrolizga sezgirligini pasaytiradi.
Meropenem organizmdan buyraklar orqali o'zgarmagan holda ajralib chiqadi; dozaning taxminan 70% (50-75%) 12 soat ichida o'zgarmagan holda chiqariladi, yana 28% mikrobiologik faol bo'lmagan metabolit ko'rinishida chiqariladi. Axlat bilan ajralishi dozaning taxminan 2% ni tashkil qiladi. O'zgargan buyrak klirensi va probenitsidning ta'siri meropenemning fil'tratsiya va sekretsiya jarayonidan o'tishini namoyish qiladi.
Buyrak yetishmovchiligi
Buyrak yetishmovchiligi natijasida patsientlarda meropenemning organizmdan chiqarilishi muddati uzayadi. Sog'lom odamlarga nisbatan (KK> 80 ml/min)Buyrak yetishmovchiligi o'rtacha darajada bo'lgan patsientlarda AUC 2,4 marta (kreatinin klirensi (KK) 33-74 ml / minut), og'ir darajadagi buzilishlarda 5 marta (KK 4-23 ml / minut) va gemodializda (KK <2 ml/min) bo'lgan patsientlarda 10 marta ortadi. O'ratcha va og'ir darajadagi buyrak yetishmovchiligi bo'lgan patsientlarda dozaga tuzatish kiritish tavsiya etiladi.
Meropenem gemodializda, anuriya bo'lgan patsientlarda meropenemikidan taxminan 4 marta yuqori klirens bilan ajralib chiqadi.
Jigar yetishmovchiligi
Alkogolli jigar tsirrozi bo'lgan patsientlarda o'tkazilgan farmakokinetik tadqiqotlar shuni ko'rsatdiki, ushbu patologik o'zgarishlar meropenemning farmakokinetikasiga ta'sir qilmaydi.
Bolalar
Preparatning infektsiyasi bo'lgan chaqaloqlar va bolalarda 10, 20 va 40 mg/kg dozalarda farmakokinetikasi kattalarnikiga mos ravishda 500, 1000 va 2000 mg dozalarda bir xil Cmax qiymatlarini ko'rsatgan. Taqqoslashda <6 oylik bolalardan tashqari kattalar uchun T1/2 - 1,6 soat bo'lgan o'xshash farmakokinetika namoyish qilingan. Meropenemning o'rtacha klirens qiymatlari 5,8 ml/minut/kg (6-12 yoshdagi bolalar uchun), 6,2 ml/minut/kg (2-5 yosh), 5,3 ml/minut/kg (6-23 oy) va 4,3 ml/minut/kg (2-5 oy). Dozaning taxminan 60% Meropenem, 12% metabolit sifatida 12 soat ichida siydik bilan chiqariladi. Meningit bilan og'rigan bolalarda meropenemning orqa miya suyuqligidagi kontsentratsiyasi taxminan 20% ni tashkil qiladi, ammo bu yerda individual farq mavjud. Antibiotik bilan davolanishga muhtoj bo'lgan yangi tug'ilgan chaqaloqlarda klirensning oshishi qayd etilgan, T1/2 - 2,9 soat.
Keksa yoshdagi bemorlar
Keksa patsientlar uchun, o'rtacha va og'ir darajadagi buyrak yetishmovchiligi holatlaridan tashqari, dozaga tuzatish kiritish talab qilinmaydi.
Tizimli qo'llash uchun infektsiyaga qarshi preparatlar. Tizimli qo'llash uchun antibakterial preparatlar. Boshqa beta-laktam antibakterial preparatlar. Karbapenemlar. Meropenem.
In'ektsion eritma tayyorlash uchun kukun
Meropenem qo'llanilishi bilan bog'liq bo'lgan eng keng tarqalgan nojo'ya reaktsiyalar diareya (2,3%), toshma (1,4%), ko'ngil aynish / qusish (1,4%) va in'ektsiya joyida yallig'lanish (1,1%) bo'lgan.
Laboratoriya ko'rsatkichlarida eng keng tarqalgan nojo'ya ta'sirlar trombotsitoz (1,6%) va jigar fermentlarini oshishi (1,5-4,3%).
Tez-tez (≥ 1/100, <1/10)
- bosh og'rig'i
- qorin og'riqlari, ko'ngil aynishi, qusish, diareya
- «jigar» transaminazalari, ishqoriy fosfatazalar, laktatdegidrogenaza faolligining oshishi
- teri toshmalari, qichishish
- yuborish joyida yallig'lanish va og'riq
- trombotsitopeniya
Tez-tez emas (≥ 1/1,000, <1/100)
- og'iz bo'shlig'i shilliq qavati kandidozi, vaginal kandidoz
- trombotsitopeniya, eozinofiliya, leykopeniya, neytropeniya, agranulotsitoz, gemolitik anemiya
- qonda kreatinin va mochevina miqdorining oshishi
- giperbilirubinemiya
- paresteziyalar
- eshakemi, ko'p shaklli (ekssudativ) eritema, Stivens-Djonson sindromi, toksik epidermal nekroliz
- angionevrotik shish, anafilaktik shok
- soxtamembranoz kolit
- tromboflebit, in'ektsiya joyida og'riq
Kam xollarda (≥ 1/10 000, <1/1,000)
- tirishishlar, yuqori qo'zg'alish, xavotirlik
Noma'lum
- DRESS-sindromi (eozinofiliya bilan kechuvchi dori vositasi induktsiya qilgan o'ta yuqori sezuvchanlik sindromi)
Har bir alohida patsientni davolash uchun Meropenem Avantika preparati buyurilganda infektsiyaning og'irlik darajasiga, boshqa antibakterial preparatlarga chidamliligiga qarab karbapenemlardan foydalanish maqsadga muvofiqligini hisobga olish kerak.
Enterobacteriaceae, Pseudomonas aeruginosa i Acinetobacter spp. rezistentligi Enterobacteriaceae, Pseudomonas aeruginosa va Acinetobacter spp., ning meropenemga rezistentligi geografik o'zgarishi mumkin. Antibakterial davolashni buyurganda mahalliy rasmiy ko'rsatmalarni inobatga olish kerak.
O'ta yuqori sezuvchanlik reaktsiyalari
Meropenem Avantika preparatini qo'llaganda ham, boshqa beta-laktam antibiotiklarini qo'llaganda ham o'ta yuqori sezuvchanlik reaktsiyalari (shu jumladan, o'limga olib keladigan) haqida kam xabarlar mavjud.
Anamnezida karbapenemlar, penitsillinlar yoki boshqa beta-laktam antibiotiklariga o'ta yuqori sezuvchanlik bo'lgan patsientlar meropenemga ham o'ta yuqori sezguvchanlik namoyon qilishlari mumkin. Meropenem Avantika preparati bilan davolashni boshlashdan oldin patsient anamnezida diqqat bilan beta-laktam antibiotiklariga o'ta yuqori sezuvchanlik reaktsiyalariga alohida e'tibor berib, aniqlik kiritilishi kerak. Agar Meropenem Avantika preparatiga allergik reaktsiya yuzaga kelsa, preparatni yuborishni to'xtatish va tegishli choralarni qo'llash kerak.
Soxtamembranoz kolit
Deyarli barcha antibiotiklarni qo'llagandagi kabi Meropenem Avantika preparati qo'llanilganda soxtamembranoz kolit rivojlanishi kuzatilishi mumkin, uning og'irlik darajasi yengildan hayotga xavf soladigan shakllargacha o'zgarishi to'g'risida ma'lumot berilgan. Meropenem Avantika preparatini qo'llash fonida diareya paydo bo'lganda, soxtamembranoz kolit rivojlanish ehtimoli haqida eslash kerak. Meropenem Avantika preparati bilan davolashni to'xtatishni ko'rib chiqish kerak. Peristal'tikani ingibitsiya qiluvchi preparatlarni qabul qilmaslik kerak.
Tirishishlar
Karbapenemlar, shu jumladan meropenem bilan davolash vaqtida tirishishlar rivojlanishi to'g'risida ma'lumotlar kam.
Jigar funktsiyasi monitoringi
Meropenem Avantika preparati bilan davolash vaqtida jigar toksikligi xavfi tufayli jigar funktsiyasini diqqat bilan kuzatib borish kerak.
Jigar kasalligi bo'lgan bemorlarni davolaganda “jigar” transaminazalari faolligi va bilirubin kontsentratsiyasini diqqat bilan kuzatib borilishi kerak. Dozaga tuzatish kiritish talab qilinmaydi.
Kumbs sinamasi
Meropenem Avantika preparati bilan davolash vaqtida bevosita yoki bilvosita Kumbs testi ijobiy natija berishi mumkin.
Val'proat kislotasi/val'proat natriy bilan birga qo'llash
Meropenem Avantika preparati bilan val'proat kislotasi/val'proat natriyni birga qo'llash tavsiya etilmaydi.
Natriy
Meropenem Avantika 0,5 g preparati 500 mg da 47,63 mg natriy saqlaydi, bu JSST tomonidan tavsiya etilgan kattalar uchun 2 g ga teng maksimal sutkalik natriy miqdorining 2,38% ga ekvivalent. Meropenem Avantika 1,0 g preparati 1000 mg da 92,26 mg natriy saqlaydi, bu JSST tomonidan kattalar uchun maksimal sutkalik iste'mol qilish uchun tavsiya etilgan 2 g natriy miqdorining 4,61% ga teng. Natriy iste'moli nazoratlangan odamlarda (natriy miqdori past parhezda bo'lgan) bu ko'rsatkichlar hisobga olinishi kerak.
Pediatriyada qo'llanilishi
3 oylikkacha bo'lgan bolalarda preparatning samaradorligi va o'zlashtiraolinishi baholanmagan, shuning uchun ushbu yoshdan kichik bo'lgan bolalarda Meropenem Avantika preparatini qo'llash tavsiya etilmaydi.
Homiladorlik va laktatsiya davri
Homiladorlik davrida ayollarda meropenemning xavfsizligi va samaradorligi to'g'risida ma'lumotlar mavjud emas. Homiladorlik davrida Meropenem Avantika preparatini qo'llash mumkin emas.
Meropenem ko'krak sutida juda past kontsentratsiyalarda aniqlanadi.
Meropenem Avantika preparati, agar uni qo'llashning potentsial afzalligi bola uchun kuzatilishi mumkin bo'lgan xavfdan yuqori bo'lgan holatlardan tashqari holatlarda laktatsiya davrida buyurilmasligi zarur.
Preparatning transport vositasini yoki potenttsal xavfli mexanizmlarni boshqarish qobiliyatiga ta'siri xususiyatlari
Maxsus tadqiqotlar o'tkazilmagan. Ammo, Meropenem Avantika preparati qo'llanilganda bosh og'rig'i, tirishishlar va paresteziya rivojlanish ehtimolini hisobga olish lozim.
Meropenem Avantika preparati kattalar va 3 oylikdan oshgan bolalarda quyidagi infektsiyalarni davolashda qo'llaniladi:
- og'ir darajadagi pnevmoniyalar (kasalxonadan tashqari va kasalxona ichki)
- mukovistsidozda o'pka-bronx infektsiyalari
- siydik chiqarish yo'llarining asoratlangan infektsiyalari
- qorin bo'shlig'ining asoratlangan infektsiyalari
- tug'ruq va tug'ruqdan keyingi infektsiyalar
- teri va yumshoq to'qimalarning asoratlangan infektsiyalari
- o'tkir bakterial meningitda qo'llaniladi.
Meropenem Avantika preparati isitma bilan kechuvchi bakteriyal infektsiya chaqirgan neytropeniyasi bo'lgan patsientlarni davolash uchun qo'llanilishi mumkin.
- ta'sir etuvchi moddaga yoki preparatning boshqa komponentlarga o'ta yuqori sezuvchanlik
- karbapenemlar sinfiga mansub boshqa antibiotiklariga o'ta yuqori sezuvchanlik
- boshqa har qanday beta-laktam antibiotiklarga (masalan, penitsillinlar, tsefalosporinlar) o'ta yuqori sezuvchanlik (masalan, anafilaktik reaktsiyalar, terining og'ir darajadagi reaktsiyalar).
- homiladorlik va laktatsiya davri
- 3 oygacha bo'lgan bolalar (ushbu guruhdagi patsientlar uchun samaradorlik va xavfsizlik o'rganilmagan).
Meropenemning boshqa preparatlar (probenetsiddan tashqari) bilan o'zaro ta'siri bo'yicha tadqiqotlar o'tkazilmagan.
Probenetsid buyrak ekskretsiyasini ingibitsiya qilib va yarim chiqarilish davrini oshirib va plazmada meropenemning kontsentratsiyasini oshirib meropenem bilan faol naychalar sekretsiyasi uchun raqobatlashadi. Meropenem Avantika preparatini probenetsid bilan bir vaqtda buyurganda ehtiyotkorlikka rioya qilish kerak.
Meropenemning boshqa preparatlarning oqsil bilan bog'lanishiga yoki metabolizmga ta'sir qilishi o'rganilmagan. Meropenemning oqsillar bilan bog'lanishi past, shuning uchun qon zardobidagi oqsillar bilan bog'lanishdan siqib chiqarishga asoslangan boshqa dorilar bilan o'zaro ta'sir bo'lmasa kerak, deb taxmin qilinadi.
Karbapenemlar va val'proat kislotasi preparatlarini birgalikda qo'llash 2 kun davolagandan so'ng qon zardobidagi val'proat kislotasi kontsentratsiyasining 60-100% gacha pasayishiga olib keladi. Val'proat kislotasi kontsentratsiyasining tez va sezilarli darajada pasayishi tufayli Meropenem Avantika preparati va val'proat kislotasi preparatlarini birga qo'llash tavsiya etilmaydi.
Bilvosita antikoagulyantlar (masalan, varfarin) va antibakterial preparatlarni birga qabul qilganda antikoagulyant samaraning kuchayish hollari haqida bir necha marta xabar berilgan. Antikoagulyant samaraning kuchayish xavfi infektsiyaning xarakteriga, patsientning yoshiga va umumiy holatiga bog'liq bo'lishi mumkin; shuning uchun antibakterial preparatning xalqaro normallashtirilgan nisbati (HNN) oshishiga ta'sirini baholash qiyin. Antibakterial preparat va bilvosita antikoagulyantlarni birga qo'llash vaqtida va uni to'xtatgandan keyin bir muncha vaqt davomida HNN ni tez-tez kuzatib borish tavsiya etiladi.
Oq rangli kukun
Dozasi va davolash davomiyligi infektsiyaning tipi va og'irlik darajasi hamda patsientning holatiga qarab belgilanishi kerak.
Enterobacteriaceae, Pseudomonas aeruginosa, Acinetobacter spp., chaqirgan infektsiyalarni yoki juda og'ir darajadagi infektsiyalarni davolaganda kattalar va o'smirlarda kuniga uch marta 2 g gacha bo'lgan dozalar va bolalar uchun kuniga uch marta 40 mg / kg gacha bo'lgan dozalar maqsadga muvofiq o'lishi mumkin.
Quyidagi sutkalik dozalar tavsiya etiladi:
Kattalar va o'smirlar:
|
Infektsiya |
Har 8 soatda yuboriladigan doza |
|
Og'ir darajadagi pnevmoniyalar (kasalxonadan |
500 mg yoki 1 g |
|
Mukovistsidozda o'pka-bronx infektsiyalari |
2 g |
|
Siydik chiqarish tizimining asoratlangan |
500 mg yoki 1 g |
|
Qorin bo'shlig'i a'zolarining asoratlangan |
500 mg yoki 1 g |
|
Tug'ruq va tug'ruqdan keyingi infektsiyalar |
500 mg yoki 1 g |
|
Teri va yumshoq to'qimalarning asoratlangan |
500 mg yoki 1 g |
|
O'tkir bakterial meningit |
2 g |
|
Febril neytropeniya |
1 g |
Meropenem Avantika preparati odatda 15-30 minut davomida venaga infuziya yo'li bilan yuboriladi.
Muqobil ravishda 1 g gacha bo'lgan dozalar 5 minut davomida vena ichiga oqim bilan in'ektsiya ko'rinishida yuborilishi mumkin. Meropenem Avantika preparatini 2 g gacha bo'lgan dozada kattalarga vena ichiga oqim bilan in'ektsiya yo'li orqali yuborish xavfsizligi to'g'risida cheklangan ma'lumotlar mavjud.
Buyrak yetishmovchiligi
Kreatinin klirensi minutiga 51 ml dan kam bo'lgan kattalar va o'smirlarda Meropen- SANTO preparatining dozasi quyidagicha kamaytirilishi kerak:
|
Kreatinin klirensi (ml/minut) |
Doza |
Yuborishlar tez-tezligi |
|
26 – 50 |
Bir doza birligi |
Har 12 soatda |
|
10 – 25 |
0,5 doza birligi |
Har 12 soatda |
|
< 10 |
0,5 doza birligi |
Har 12 soatda |
Meropenem gemodializ va gemofil'tratsiya bilan chiqariladi. Meropenemning zarur dozasi gemodializ muolajasidan keyin qo'llanilishi kerak.
Peritoneal dializga muolajasi oladigan bemorlarda meropenemning qo'llanilishi bilan bog'liq tajriba mavjud emas.
Jigar yetishmovchiligi
Jigar yetishmovchiligi bo'lgan bemorlarda dozaga tuzatish kiritish zaruriyati yo'q
(«Maxsus ko'rsatmalar» bo'limiga qarang).
Keksa patsientlar
Buyrak funktsiyasi normal bo'lgan yoki kreatinin klirensi minutiga 50 ml dan yuqori bo'lgan keksa bemorlarda dozaga tuzatish kiritish talab etilmaydi.
Bolalar
3 oylikkacha bo'lgan bolalar
3 oylikdan kichik bo'lgan bolalarda qo'llashning samaradorligi va xavfsizligi, shuningdek, optimal dozalash tartibi o'rganilmagan. Ammo cheklangan farmakokinetik ma'lumotlar shuni ko'rsatadiki, har 8 soatda 20 mg / kg doza eng maqbul dozalash tartibi bo'lib hisoblanadi.
Tana vazni 50 kg dan kam bo'lgan 3 oylikdan 11 yoshgacha bo'lgan bolalar:
|
Infektsiya |
Har 8 soatda yuborish uchun doza |
|
Og'ir darajadagi pnevmoniyalar (kasalxonadan |
10 yoki 20 mg/kg |
|
Mukovistsidozda o'pka-bronx infektsiyalari |
40 mg/kg |
|
Siydik chiqarish tizimining asoratlangan |
10 yoki 20 mg/kg |
|
Qorin bo'shlig'i a'zolarining asoratlangan |
10 yoki 20 mg/kg |
|
Teri va yumshoq to'qimalarning asoratlangan |
10 yoki 20 mg/kg |
|
O'tkir bakterial meningit |
40 mg/kg |
|
Febril neytropeniya |
20 mg/kg |
Tana vazni 50 kg dan yuqori bo'lgan bolalarda kattalar uchun tavsiya etilgan dozalar qo'llaniladi.
Buyrak funktsiyasini buzilishi bo'lgan bolalarda preparatni qo'llash tajribasi yo'q. Meropenem Avantika preparati odatda 15-30 minut davomida vena ichiga yuboriladi. Muqobil ravishda Meropenem Avantika preparatining 20 mg/kg gacha bo'lgan dozalari vena ichiga oqim bilan in'ektsiya ko'rinishida 5 minut davomida yuborilishi mumkin. Bolalarga vena ichiga oqim bilan in'ektsiya bilan 40 mg/kg dozada Meropenem Avantika prepaaratini yuborish xavfsizligi to'g'risida cheklangan ma'lumotlar mavjud.
Yuborish usuli
Vena ichiga yuborish uchun Meropenem Avantika preparati kamida 5 minut davomida vena ichiga oqim bilan in'ektsiya ko'rinishida yoki 15-30 minut davomida vena ichiga infuziya shaklida, suyultirish uchun infuzion eritmalar yordamida (0,9% li natriy xloridi eritmasi, 5% li glyukoza eritmasi, 50 dan 200 ml gacha) yuborilishi mumkin.
Meropenem Avantika preparati quyidagi infuzion eritmalar bilan mutanosib: 0,9% li natriy xloridi eritmasi, 5% li glyukoza eritmasi.
Vena ichiga oqim bilan in'ektsiyalar uchun Meropenem Avantika preparatini in'ektsiya uchun steril suvda suyultirilish kerak (har 250 mg Meropenem Avantika preparati uchun 5 ml), bunda preparatning kontsentratsiyasi taxminan 50 mg / ml ni tashkil qiladi. Hosil bo'lgan eritma tiniq, rangsiz yoki och sariq rangli suyuqlikdir.
Yuborishdan oldin flakonning shikastlanmaganligini, eritmadagi zarrachalarni, preparat rangini o'zgarganligini tekshirish zarur (normada eritma rangsizdan och sariq ranggacha bo'lishi mumkin). Agar ushbu nuqsonlar aniqlansa, preparatni utilizatsiya qilish kerak.
Meropenem Avantika preparatini boshqa preparatlar bilan aralashtirilmasligi yoki qo'shilmasligi kerak.
Meropenem Avantika preparatini suyultirganda antiseptikaning standart tartibiga rioya qilish kerak.
Qo'llashdan oldin suyultirilgan eritmani yaxshilab chayqatish zarur. Barcha flakonlar faqat bir marta qo'llash uchun mo'ljallangan.
Vena ichiga in'ektsiya va infuziyalar uchun yangi tayyorlangan Meropenem Avantika eritmasidan foydalanish tavsiya etiladi.
Buyrak yetishmovchiligi bo'lgan patsientlarda nisbiy dozani oshirib yuborilishi, agar dozaga yuqorida ta'riflanganidek tuzatish kiritilmagan bo'lsa, kuzatilishi mumkin.
Simptomlar: doza oshirib yuborilgandan keyingi noxush reaktsiyalar “Nojo'ya ta'sirlar” bo'limida ko'rsatilgan ma'lumotlarga mos keladi, odatda yengil bo'lib, preparat bekor qilinganda yoki dozani pasaytirgandan keyin bartaraf etiladi.
Davolash: simptomatik.
Buyrak funktsiyasi normal bo'lgan patsientlarda preparat buyraklar orqali tez chiqarib yuborilishi kuzatiladi.
Meropenem va uning metabolitlarini organizmdan gemodializ yordamida chiqarish mumkin.
Homiladorlik davrida ayollarda meropenemning xavfsizligi va samaradorligi to'g'risida ma'lumotlar mavjud emas. Homiladorlik davrida Meropenem Avantika preparatini qo'llash mumkin emas.
Meropenem ko'krak sutida juda past kontsentratsiyalarda aniqlanadi.
Meropenem Avantika preparati, agar uni qo'llashning potentsial afzalligi bola uchun kuzatilishi mumkin bo'lgan xavfdan yuqori bo'lgan holatlardan tashqari holatlarda laktatsiya davrida buyurilmasligi zarur.
MEROPENEM AVANTIKA poroshok 1000mg N1 boshqa chiqarish shakllari
MEROPENEM AVANTIKA poroshok 1000mg N1 savollari
MEROPENEM AVANTIKA poroshok 1000mg N1 fikr-mulohazalari
Ishlab chiqaruvchining dorilar
