METOKLOPRAMID 0,005/ML eritma 2ml N10

Plazma oqsillari bilan bog'lanishi - taxminan 30%. Jigarda metabolizmga uchraydi. Yarim chiqarilish davri 4-6 soatni tashkil qiladi, buyrak funksiyasi buzilganda - 14 soatgacha. Preparatning chiqarilishi asosan buyraklar orqali 24-72 soat ichida o'zgarmagan holda va kon'yugatlar ko'rinishida sodir bo'ladi. Yo'ldosh va gematoensefalik to'siqlar orqali o'tadi va ona sutiga kiradi.

Asab tizimi tomonidan: ekstrapiramidal buzilishlar - yuz mushaklari spazmi, trizm, tilning ritmik chiqib turishi, nutqning bulbar turi, ekstraokulyar mushaklar spazmi (sh. j. okulogir kriz), spastik qiyshiq bo‘yin, opistotonus, mushak gipertonusi; parkinsonizm (giperkinez, mushak rigidligi - dofaminni bloklovchi ta’sir ko‘rinishi, bolalar va o‘smirlarda 0,5 mg/kg/sut dozadan oshirilganda rivojlanish xavfi ortadi); diskinezlar (keksalarda, surunkali buyrak yetishmovchiligida); uyquchanlik, toliqish, xavotirlik, dovdirash, bosh og‘rig‘i, quloqlarda shovqin.

Ovqat hazm qilish tizimi tomonidan: qabziyat yoki diareya, kam hollarda - og‘iz qurishi.

Allergik reaksiyalar: eshakemi.

Endokrin tizim tomonidan: kam hollarda (yuqori dozalarda uzoq muddat qabul qilinganda) - ginekomastiya, galaktoreya, hayz siklining buzilishi.

Boshqalar: davolash boshida agranulotsitoz, kam hollarda (yuqori dozalarda qo‘llanilganda) - burun shilliq qavati giperemiyasi bo‘lishi mumkin.

Vestibulyar genezli qusishda samarasiz.

Metoklopramid qo'llanilishi fonida jigar funktsiyasi laboratoriya ko'rsatkichlari ma'lumotlari va plazmada aldosteron va prolaktin kontsentratsiyasini aniqlash buzilishi mumkin.

Preparatni qo'llash davrida yuqori diqqatni, tezkor ruhiy va harakat reaktsiyasini talab qiluvchi potentsial xavfli faoliyat turlaridan (transport vositalarini boshqarish va b.) saqlanish kerak.

Ko'pchilik nojo'ya ta'sirlar davolash boshlangandan keyin 36 soat ichida yuzaga keladi va bekor qilingandan keyin 24 soat ichida o'tib ketadi. Davolash imkon qadar qisqa muddatli bo'lishi kerak.

Preparat bilan davolash davrida alkogol iste'mol qilish tavsiya etilmaydi.

Transport vositalarini va mexanizmlarni boshqarish qobiliyatiga ta'siri:

Preparatni qo'llash davrida yuqori diqqatni, tezkor ruhiy va harakat reaktsiyasini talab qiluvchi potentsial xavfli faoliyat turlaridan (transport vositalarini boshqarish va b.) saqlanish kerak.

Gipersezuvchanlik, oshqozon-ichak traktidan qon ketishlar, pilorus stenozi, mexanik ichak tutilishi, oshqozon yoki ichak perforatsiyasi, feoxromotsitoma, epilepsiya, glaukoma, ekstrapiramidal buzilishlar, Parkinson kasalligi, prolaktinga bog'liq o'smalar, neyroleptiklar bilan davolash yoki dozani oshirib yuborish fonidagi va sut bezi saratoni bo'lgan bemorlardagi qusish, homiladorlik (I trimestr), laktatsiya davri, erta bolalik yoshi (2 yoshgacha).

Ehtiyotkorlik bilan:

Bolalar yoshi, buyrak/jigar yetishmovchiligi, bronxial astma, arterial gipertenziya, keksa yosh.

Homiladorlik va laktatsiya:

Preparatni homiladorlikda faqat ona uchun kutilayotgan foyda homila uchun potentsial xavfdan ustun bo'lgan holdagina qo'llash mumkin.

Metoklopramid ko'krak suti bilan ajralib chiqadi, shuning uchun preparatni ko'krak suti bilan emizish davrida qo'llash mumkin emas.

Etanolning MNSga ta'sirini, uxlatuvchi vositalarning sedativ samarasini kuchaytiradi, H2-gistaminoblokatorlar bilan terapiya samaradorligini oshiradi.

Diazepam, tetratsiklin, ampitsillin, paratsetamol, atsetilsalitsil kislotasi, levodopa, etanolning so'rilishini oshiradi; digoksin va simetidin so'rilishini sekinlashtiradi.

Neyroleptiklar bilan bir vaqtda qo'llanilganda ekstrapiramidal simptomlar rivojlanish xavfi ortadi.

Metoklopramid ta'sirini antixolinesteraz vositalar susaytirishi mumkin.