METRONIDAZOL 30,0 gel 1%

1 g gel yuz terisiga sirtqi qo'llanilganda qon plazmasidagi metronidazolning maksimal konsentratsiyasi o'rtacha 32,9 ng/ml ni (diapazon

14,8-54,4 ng/ml) tashkil qiladi va 6-24 soatdan keyin erishiladi. Sirtqi qo'llanilganda metronidazolning qon plazmasidagi maksimal konsentratsiyasi 250 mg metronidazol tabletkalar ko'rinishida peroral qo'llanilgandan keyingi qon plazmasidagi metronidazolning o'rtacha maksimal konsentratsiyasining 0,5 % idan oshmaydi. Sirtqi qo'llanilganda gel surtilgan joydagi metronidazol konsentratsiyasi qon plazmasidagiga qaraganda ancha yuqori. Plazma oqsillari bilan bog'lanishi arzimas. Metronidazolning eng past konsentratsiyasi yog' to'qimasida aniqlanadi. Buyraklar orqali o'zgarmagan holda va metabolitlar ko'rinishida chiqariladi.

Nojo‘ya reaksiyalar tasnifi organizm va tizimlar bo‘yicha ularning paydo bo‘lish tezligini ko‘rsatgan holda: juda tez-tez (≥ 1/10), tez-tez (≥ 1/100,
Tez-tez: teri qurishi, eritema, qichishish, teri diskomforti (teri achishish hissi, teri og‘riqliligi/sanchishi), teri ta’sirlanishi, rosatsea ko‘rinishlarining kuchayishi. Tezligi noma’lum: kontakt dermatit, teri po‘st tashlashi, yuz shishi. Asab tizimi tomonidan buzilishlar

Tez-tez emas: gipesteziya, paresteziya, disgevziya (og‘izda «metall» ta’mi).

Me’da-ichak yo‘llari tomonidan buzilishlar

Tez-tez emas: ko‘ngil aynishi.

Agar Sizda yo‘riqnomada ko‘rsatilgan nojo‘ya effektlar qayd etilsa yoki ular kuchaysa, yoki Siz yo‘riqnomada ko‘rsatilmagan boshqa har qanday nojo‘ya effektlarni sezsangiz, bu haqda shifokorga xabar bering.

Gelni ko'zga va shilliq qavatlarga tushishidan saqlanish kerak. Tasodifan tushganda ularni iliq suv bilan yaxshilab yuvish kerak.

Preparatni qo'llash oqibatida teri ta'sirlanishi belgilari paydo bo'lganda, uni surtish chastotasini kamaytirish, preparatni qo'llashni vaqtincha to'xtatib turish yoki to'xtatish va shifokor bilan maslahatlashish kerak.

Davolash vaqtida ultrabinafsha (UB) nurlanish (to'g'ridan-to'g'ri quyosh nurlari, solyariy, quyosh nuri lampalari) ta'siridan saqlanish kerak. UB nurlanish ta'sirida metronidazol nofaol metabolitga aylanadi, shuning uchun uning faolligi sezilarli darajada pasayadi.

Metronidazol nitroimidazol hosilasi hisoblanadi va uni qon tomonidan buzilishlari bo'lgan, shu jumladan anamnezida, bemorlarda ehtiyotkorlik bilan qo'llash kerak. Preparatni ortiqcha va uzoq muddat qo'llashdan saqlanish kerak.

Preparat propilenglikol saqlaydi, u teri ta'sirlanishini chaqirishi mumkin. Preparat tarkibiga metilparagidroksibenzoat va propilparagidrokisbenzoat kirishini hisobga olib, allergik reaktsiyalar rivojlanish xavfi mavjud.

Transport vositalarini, mexanizmlarni boshqarish qobiliyatiga ta'siri

Preparat transport vositalarini va mexanizmlarni boshqarish qobiliyatiga ta'sir ko'rsatmaydi (farmakodinamik profil va klinik qo'llash tajribasi asosida).

Metronidazolga va preparatning boshqa komponentlariga yuqori sezuvchanlik. 18 yoshgacha bo'lgan bolalar.

Homiladorlik va ko'krak suti bilan emizish davrida qo'llanilishi

Homiladorlik.

Homilador ayollarda metronidazolni sirtga qo'llash bo'yicha klinik tajriba ma'lumotlari yo'q. Ichga qabul qilinganda metronidazol yo'ldosh to'sig'i orqali o'tadi va tezda homila qon oqimiga tushadi. Kalamushlar va sichqonlarga metronidazol peroral yuborilgandan so'ng homila uchun toksiklik belgilari kuzatilmadi. Shunga qaramay, hayvonlardagi reproduktiv toksiklik tadqiqotlari insondagi javob reaktsiyasini har doim ham prognoz qilishga imkon bermasligi sababli, va kemiruvchilarga metronidazol peroral yuborilganda uning kantserogen xususiyatlari namoyish etilganligi sababli, Metronidazol gelini homiladorlikda faqat shifokor maslahatidan so'ng ona uchun potentsial foyda homila uchun potentsial xavfdan yuqori bo'lgan holdagina qo'llaydilar. Agar Siz homilador bo'lsangiz yoki homilador bo'lishingiz mumkinligini taxmin qilsangiz yoki homiladorlikni rejalashtirayotgan bo'lsangiz, shifokor bilan maslahatlashish zarur.

Ko'krak suti bilan emizish davri.

Ichga qabul qilingandan so'ng metronidazol ko'krak sutiga qon plazmasida aniqlangan kontsentratsiyalarga o'xshash kontsentratsiyalarda o'tadi. Emizikli ayollarda metronidazol sirtga qo'llanilgandan so'ng uning plazmadagi kontsentratsiyasi ichga qabul qilingandan ko'ra ancha past bo'lishiga qaramay, ko'krak suti bilan emizishni to'xtatish yoki preparatni qo'llashni to'xtatish to'g'risidagi qaror shifokor maslahatidan so'ng ona uchun preparatni qo'llashning muhimligi va bola uchun xavfni baholashni hisobga olgan holda qabul qilinishi kerak.

Gel qo'llanilganda boshqa dori vositalari bilan o'zaro ta'sir holatlari qayd etilmagan. Tizimli preparatlar bilan o'zaro ta'sir ehtimoli kam

metronidazolning sirtga qo'llanilganda past absorbsiyasi tufayli.

Shunga qaramay, disulfiramsimon reaktsiya kam sonli bemorlarda metronidazol va etanol ichga bir vaqtda qo'llanilganda kuzatiladi. Metronidazol varfarin yoki boshqa bevosita bo'lmagan antikoagulyantlar bilan bir vaqtda qo'llanilganda protrombin vaqtining ehtimoliy oshishi tufayli ehtiyotkorlikka rioya qilish haqida ogohlantirish faqat ichga qabul qilinadigan metronidazolga tegishli.

Agar Siz yuqorida sanab o'tilgan yoki boshqa dori preparatlarini (shu jumladan retseptsiz) qo'llayotgan bo'lsangiz, Metronidazol gelini ishlatishdan oldin shifokor bilan maslahatlashing.