NAZIVIN sprey 22,5mkg

Nazivin^® preparatining farmakokinetikasi to'g'risidagi ma'lumotlar taqdim etilmagan.

Mahalliy qo'llash uchun tomir toraytiruvchi preparat, alfa_{-adrenomimetik.}

Burun shilliq qavatining yallig'lanishida mahalliy surtilganda ularning shishini va ajralmalar miqdorini kamaytiradi. Burun orqali nafas olishni tiklaydi. Shilliq qavatlar shishini bartaraf etib, preparat burun yondosh bo'shliqlari, o'rta quloq bo'shlig'i aeratsiyasini tiklashga yordam beradi va bakterial asoratlar (gaymorit, sinusit, o'rta otit) rivojlanishining oldini oladi.

Mahalliy intranazal qo'llanilganda terapevtik kontsentratsiyalarda oksimetazolin tizimli ta'sirga ega emas, shilliq qavatlarni ta'sirlamaydi va giperemiyani keltirib chiqarmaydi.

Preparat bir necha daqiqa ichida ta'sir qila boshlaydi.

Ta'sir davomiyligi 12 soatgacha.

Mahalliy reaksiyalar: ba'zida - burun shilliq qavatining quruqligi va achishish hissi, aksirish, kamdan-kam hollarda (Nazivin ta'siri tugagandan keyin) - burun bitishi hissi (reaktiv giperemiya).

MNS tomonidan: kamdan-kam hollarda - bezovtalik, uyqusizlik, charchoq, bosh og'rig'i.

Ovqat hazm qilish tizimi tomonidan: kamdan-kam hollarda - ko'ngil aynishi.

Yurak-qon tomir tizimi tomonidan: ko'p marta doza oshirib yuborilganda arterial gipertenziya, taxikardiya bo'lishi mumkin.

Tomir toraytiruvchi preparatlarni uzoq muddat uzluksiz qo'llash taxifilaksiya, atrofiya va burun bo'shlig'i shilliq qavatlarining qaytalanuvchi shishiga (medikamentoz rinit) olib kelishi mumkin.

Preparatni uzoq muddat ishlatish va dozasini oshirib yuborishdan saqlanish kerak, ayniqsa bolalarda.

Avtotransportni haydash va mexanizmlarni boshqarish qobiliyatiga ta'siri.

Oksimetazolin saqlovchi preparatlar uzoq vaqt davomida, tavsiya etilgandan yuqori dozalarda qo'llanilgandan so'ng yurak-qon tomir tizimi va MNS ga umumiy ta'sirini istisno qilib bo'lmaydi; bunday hollarda transport vositasini yoki uskunani boshqarish qobiliyati pasayishi mumkin.

• atrofik rinit;
• yopiq burchakli glaukoma;
• 6 yoshgacha bo'lgan bolalar (tomchilar va nazal sprey 0.05%)
• preparat komponentlariga yuqori sezuvchanlik.

Turli yosh toifalari uchun mo'ljallangan preparatning tavsiya etilgan kontsentratsiyalariga rioya qilish kerak (qo'llash usullariga qarang).

Ehtiyotkorlik bilan MAO ingibitorlari va AB ni oshiruvchi boshqa preparatlar bilan bir vaqtda qo'llashda, shuningdek ushbu dori vositalari bekor qilingandan keyin 10 kunga qadar davrda; ko'z ichki bosimi oshganda; homiladorlikda va laktatsiya davrida; yurak-qon tomir kasalliklarining og'ir shakllarida (arterial gipertenziya, stenokardiya); tireotoksikoz va qandli diabetda buyurish kerak.

Nazivin MAO blokatorlari yoki tritsiklik antidepressantlar bilan bir vaqtda qo'llanilganda AB oshishi kuzatiladi.

Boshqa tomirlarni toraytiruvchi dori vositalarini birgalikda tayinlash nojo'ya samaralar rivojlanish xavfini oshiradi.

Nazivin^® tomchilari burunga tomizish uchun mo'ljallangan.

Kattalar va 6 yoshdan katta bolalarga 0,05% li tomchilarni har bir burun teshigiga 1-2 tomchidan kuniga 2-3 marta tayinlash kerak.

1 yoshdan 6 yoshgacha bo'lgan bolalarga 0,025% li tomchilarni har bir burun teshigiga 1-2 tomchidan kuniga 2-3 marta tayinlash kerak.

1 yoshgacha bo'lgan bolalarga 0,01% li tomchilarni tayinlaydilar.

Yangi tug'ilgan chaqaloqlarga (4 haftagacha bo'lgan bolalarga) har bir burun teshigiga 1 tomchidan kuniga 2-3 marta yuboriladi.

1 oylikdan 1 yoshgacha bo'lgan bolalarga har bir burun teshigiga 1-2 tomchidan kuniga 2-3 marta tayinlanadi.

Dozalashning aniqligini ta'minlash uchun 0,01% li tomchilar flakoni tomchilar soni belgilari bo'lgan darajalangan pipetkaga ega. Agar 1 tomchi tayinlangan bo'lsa, pipetkani eritma bilan 1 belgisigacha to'ldirish kerak.

Quyidagi protseduraning samaradorligi ham isbotlangan: yoshga qarab 1-2 tomchi 0,01% li eritma paxtaga tomiziladi va burun yo'llari artiladi.

Nazivin^® 3-5 kun davomida qo'llanilishi kerak. Tavsiya etilgandan yuqori dozalar shifokor ixtiyoriga ko'ra tayinlanadi.