NO SHPA 0,04 tabletkalari N64
NO SHPA 0,04 tabletkalari N64 haqida qo'llanma
Farmakokinetikasi
So'rilishi
Papaverin bilan taqqoslanganda, drotaverin ichga qabul qilinganda me'da-ichak traktidan tezroq va to'liqroq so'riladi. Tizim oldi metabolizmidan so'ng qabul qilingan drotaverin dozasining 65% tizimli qon oqimiga tushadi. Drotaverinning qon plazmasidagi maksimal kontsentratsiyasiga (Сmax) 45-60 daqiqadan so'ng erishiladi.
Taqsimlanishi
In vitro drotaverin plazma oqsillari bilan yuqori bog'lanishga ega (95-98%), ayniqsa albumin, γ va β- globulinlar bilan.
Drotaverin to'qimalarda bir tekis taqsimlanadi, silliq mushak hujayralariga kiradi. Gematoensefalik to'siq orqali o'tmaydi. Drotaverin va/yoki uning metabolitlari
yo'ldosh to'sig'i orqali oz miqdorda o'tishi mumkin.
Metabolizmi
Drotaverin jigarda deyarli to'liq metabolizmga uchraydi.
Chiqarilishi
Drotaverinning yarim chiqarilish davri 8-10 soatni tashkil qiladi.
72 soat ichida drotaverin organizmdan deyarli to'liq chiqariladi. Drotaverinning taxminan 50% buyraklar orqali va taxminan 30% - me'da-ichak trakti orqali chiqariladi. Drotaverin asosan metabolitlar ko'rinishida ekskretsiya qilinadi, siydikda drotaverinning o'zgarmagan shakli aniqlanmaydi.
Nojo'ya samaralari
Quyida klinik tadqiqotlarda kuzatilgan noxush reaksiyalar keltirilgan,
Jahon sog'liqni saqlash tashkiloti tomonidan tavsiya etilgan quyidagi darajalarga muvofiq ularning paydo bo'lish tezligini ko'rsatgan holda a'zolar tizimlari bo'yicha taqsimlangan: juda
tez-tez (≥10 %); tez-tez (≥1 %,
Asab tizimi tomonidan
Kam hollarda: bosh og'rig'i, bosh aylanishi, uyqusizlik.
Yurak-qon tomir tizimi tomonidan
Kam hollarda: yurak urishini his qilish, qon bosimining pasayishi.
Oshqozon-ichak trakti tomonidan
Kam hollarda: ko'ngil aynishi, qabziyat.
Immun tizimi tomonidan
Kam hollarda: allergik reaksiyalar (angionevrotik shish, eshakemi, toshma, qichishish) ("Qo'llash mumkin bo'lmagan holatlar" bo'limiga qarang).
Maxsus ko‘rsatmalari
No-shpa® 40 mg preparatining har bir tabletkasi 52 mg laktoza monogidratini saqlaydi. Bu laktozani o'zlashtiraolmasligi bo'lgan bemorlarda me'da-ichak shikoyatlarini chaqirishi mumkin. Ushbu shakl laktaza tanqisligi, galaktozemiya yoki glyukoza/galaktoza so'rilishi buzilgan sindromi bo'lgan bemorlar uchun qabul qilinishi mumkin emas ("Qarshi ko'rsatmalar" bo'limiga qarang).
Avtomobilni va boshqa mexanizmlarni boshqarish qobiliyatiga ta'siri
Ichga terapevtik dozalarda qabul qilinganda drotaverin avtomobilni boshqarish va yuqori diqqatni talab qiladigan ishlarni bajarish qobiliyatiga ta'sir qilmaydi. Har qanday nojo'ya ta'sirlar namoyon bo'lganda transportni haydash va mexanizmlar bilan ishlash masalasi individual ko'rib chiqishni talab qiladi.
Preparat qabul qilingandan keyin bosh aylanishi paydo bo'lgan taqdirda, avtomobilni boshqarish va mexanizmlar bilan ishlash kabi potensial xavfli faoliyat turlari bilan shug'ullanishdan saqlanish kerak.
Qo'llanilishi mumkin bo'lmagan holatlar
-Ta'sir etuvchi moddaga yoki preparatning har qanday yordamchi moddasiga yuqori sezuvchanlik.
-Og'ir jigar yoki buyrak yetishmovchiligi.
-Og'ir yurak yetishmovchiligi (yurakning past chiqarish sindromi).
-6 yoshgacha bo'lgan bolalar.
- Emizish davri (klinik ma'lumotlar yo'qligi).
- Irsiy galaktoza o'zlashtiraolmaslik, laktaza yetishmovchiligi va glyukoza-galaktoza malabsorbtsiyasi sindromi (preparat tarkibida laktoza monogidrati mavjudligi sababli).
Ehtiyotkorlik bilan
-Arterial gipotenziyada.
- Bolalarda (qo'llashning klinik tajribasi yetarli emasligi).
- Homilador ayollarda («Homiladorlik va emizish davrida qo'llanilishi» bo'limiga qarang).
- Homiladorlik va emizish davrida qo'llanilishi
- O'tkazilgan tadqiqotlarda drotaverinning teratogen va embriotoksik ta'siri, shuningdek homiladorlik kechishiga noxush ta'siri aniqlanmagan. Biroq, homiladorlik vaqtida No-shpa® preparatini qo'llash zarurati tug'ilganda ehtiyotkorlikka rioya qilish va preparatni faqat ona uchun potentsial foyda va homila uchun mumkin bo'lgan xavf nisbati baholangandan keyin buyurish kerak.
- Hayvonlarda o'tkazilgan tadqiqotlar va klinik ma'lumotlar yo'qligi sababli, emizish davrida drotaverinni buyurish tavsiya etilmaydi.
Dori vositalarining o'zaro ta'siri
Levodopa bilan
Papaverin kabi fosfodiesteraza ingibitorlari levodopaning parkinsonizmga qarshi ta'sirini kamaytiradi. Drotaverin levodopa bilan bir vaqtda tayinlanganda rigidlik va tremor kuchayishi mumkin.
Boshqa spazmolitik vositalar, shu jumladan m-xolinoblokatorlar bilan
Spazmolitik ta'sirning o'zaro kuchayishi.
Dozirovkasi
Bir qabulga 1-2 tabletkadan kuniga 2-3 marta. Maksimal sutkalik doza - 6 tabletka (bu 240 mg ga to'g'ri keladi).
Bolalar
Bolalarda drotaverinni qo'llash bo'yicha klinik tadqiqotlar o'tkazilmagan.
Bolalarga drotaverin tayinlanganda:
- 6 yoshdan 12 yoshgacha: bir qabulga 1 tabletkadan kuniga 1-2 marta. Maksimal sutkalik doza - 2 tabletka (bu 80 mg ga to'g'ri keladi);
- 12 yoshdan katta: bir qabulga 1 tabletkadan kuniga 1-4 marta yoki bir qabulga 2 tabletkadan kuniga 1-2 marta. Maksimal sutkalik doza - 4 tabletka (bu 160 mg ga to'g'ri keladi).
Shifokor maslahatisiz preparatni qabul qilishda tavsiya etilgan qabul qilish davomiyligi odatda 1-2 kunni tashkil qiladi. Drotaverin yordamchi terapiya sifatida qo'llanilgan hollarda, shifokor maslahatisiz davolash davomiyligi uzoqroq bo'lishi mumkin (2-3 kun). Agar og'riq sindromi saqlanib qolsa, bemor shifokorga murojaat qilishi kerak.
Dona dozatori bilan jihozlangan polietilen tiqinli flakondan foydalanganda:
foydalanishdan oldin flakonning yuqori qismidagi himoya tasmasini va flakon tubidagi yorliqni olib tashlang. Flakonni kaftda shunday joylashtiringki, tubidagi dozalash teshigi kaftga tegib turmasin. Keyin flakonning yuqori qismini bosing, natijada tubidagi dozalash teshigidan bitta tabletka tushadi.
Samaradorlikni baholash usuli
Agar bemor o'z kasalligining alomatlarini o'zi oson tashxislashi mumkin bo'lsa, chunki ular unga yaxshi ma'lum, u holda davolash samaradorligi, ya'ni og'riqlarning yo'qolishi ham bemor tomonidan oson baholanadi. Agar maksimal bir martalik doza qabul qilingandan keyin bir necha soat ichida og'riqning o'rtacha kamayishi yoki og'riqning kamaymasligi kuzatilsa, yoki maksimal sutkalik doza qabul qilingandan keyin og'riq sezilarli darajada kamaymasa, shifokorga murojaat qilish tavsiya etiladi.Dozani oshirib yuborishDrotaverin dozasini oshirib yuborish yurak ritmi va o'tkazuvchanligining buzilishi, shu jumladan Gis tutami oyoqchalarining to'liq blokadasi va yurak to'xtashi bilan bog'liq bo'lgan, bu o'limga olib kelishi mumkin.
Dozani oshirib yuborish holatida bemorlar tibbiy kuzatuv ostida bo'lishlari kerak va zarurat bo'lganda, ularga simptomatik va organizmning asosiy funktsiyalarini ushlab turishga qaratilgan davolash, shu jumladan sun'iy qusish chaqirish yoki oshqozonni yuvish o'tkazilishi kerak.
NO SHPA 0,04 tabletkalari N64 o'xshash dorilari
No-shpa boshqa chiqarish shakllari
NO SHPA 0,04 tabletkalari N64 analoglari
