NO SHPA FORTE 0,08 tabletkalari N10

Papaverin bilan solishtirganda drotaverin ichga qabul qilinganda me'da-ichak yo'lidan tezroq va to'liqroq so'riladi. Absorbsiya 100% ni tashkil qiladi. Biroq, "jigar orqali birinchi o'tishda"gi metabolizmdan so'ng tizimli qon oqimiga qabul qilingan dozaning 65% tushadi. Maksimal plazma konsentratsiyasiga (Stax) 45-60 daqiqadan so'ng erishiladi.

In vitro drotaverin plazma oqsillari bilan (95-97%), ayniqsa albumin, u va (3- globulinlar bilan yuqori bog'lanishga ega.

Drotaverin to'qimalar bo'ylab bir tekis taqsimlanadi, silliq mushak hujayralariga kiradi. Gematoensefalik to'siq orqali o'tmaydi. Drotaverin va/yoki uning metabolitlari yo'ldosh to'sig'i orqali arzimas miqdorda o'tishi mumkin.

Odamda drotaverin deyarli to'liq jigarda O- dezetillanish yo'li bilan metabolizmga uchraydi. Uning metabolitlari glyukuron kislotasi bilan tez kon'yugatsiyalanadi. Asosiy metabolit 4'-dezetildrotaverin bo'lib, undan tashqari 6-dezetildrotaverin va 4'-dezetildrotaveraldin identifikatsiya qilingan.

Drotaverinning yarim chiqarilish davri 8-10 soatni tashkil qiladi.

72 soat ichida drotaverin organizmdan deyarli to'liq chiqariladi, preparatning 50% dan ortig'i buyraklar orqali (asosan, metabolitlar ko'rinishida) va taxminan 30% me'da-ichak yo'li orqali (safroga ekskretsiya) chiqariladi. O'zgarmagan drotaverin siydikda aniqlanmaydi.

Quyida keltirilgan, klinik tadqiqotlarda drotaverin bilan kamida ehtimoliy bog‘liqlikka ega deb baholangan nojo‘ya effektlar ularning uchrash tezligi gradatsiyasiga muvofiq berilgan: juda tez-tez (>1/10), tez-tez (>1/100, 1/1000, 1/10000,
Asab tizimi tomonidan

- Ba’zan: bosh og‘rig‘i, bosh aylanishi, uyqusizlik.

Yurak-qon tomir tizimi tomonidan

- Ba’zan: yurak urishining tezlashishi, arterial bosimning pasayishi.

Me’da-ichak yo‘llari tomonidan

- Ba’zan: ko‘ngil aynishi, qabziyatlar.

Immun tizimi tomonidan

- Ba’zan - allergik reaksiyalar (angionevrotik shish, eshakemi, toshma, qichishish) ("Qo‘llash mumkin bo‘lmagan holatlar" bo‘limiga qarang).

Preparatni arterial gipotenziyada qo‘llash yuqori ehtiyotkorlikni talab qiladi.

No-shpa® forte har bir tabletkasida 104 mg laktoza saqlaydi. Tavsiya etilgan dozalash tartibiga ko‘ra qabul qilinganda, har bir doza bilan 156 mg gacha laktoza (1,5 ta No-shpa® forte tabletkasi) tushishi mumkin, bu esa laktozani o‘zlashtira olmaydigan bemorlarda oshqozon-ichak trakti tomonidan buzilishlarni keltirib chiqarishi mumkin. Ushbu dori shakli laktaza tanqisligi, galaktozemiya yoki glyukoza/galaktoza malabsorbsiyasi sindromi bo‘lgan bemorlar uchun to‘g‘ri kelmaydi.

Transport vositalarini va mexanizmlarni boshqarish qobiliyatiga ta'siri:

Terapevtik dozalarda ichga qabul qilinganda drotaverin transport vositalarini boshqarish va yuqori diqqatni talab qiluvchi ishlarni bajarish qobiliyatiga ta'sir qilmaydi. Har qanday nojo‘ya ta'sirlar namoyon bo‘lganda, transportni boshqarish yoki boshqa potensial xavfli faoliyat turlari bilan shug‘ullanish masalasi individual ravishda ko‘rib chiqilishi kerak. Bosh aylanishi paydo bo‘lgan taqdirda, transport vositalarini boshqarish va mexanizmlar bilan ishlash kabi potensial xavfli faoliyat turlaridan saqlanish kerak.

- Drotaveringa va/yoki preparat tarkibiga kiruvchi yordamchi moddalarga yuqori sezuvchanlik.

- Yaqqol jigar yoki buyrak yetishmovchiligi.

- Og'ir yurak yetishmovchiligi (yurak otilishining pasayishi).

- Ko'krak suti bilan emizish davri ("Homiladorlik va laktatsiya davri" bo'limiga qarang).

- Bolalar yoshi (bolalarda klinik tadqiqotlar o'tkazilmagan).

- Irsiy laktozani o'zlashtira olmaslik, laktaza yetishmovchiligi, galaktozemiya yoki glyukoza/galaktoza malabsorbtsiyasi sindromi (preparat tarkibida laktoza mavjudligi sababli) ("Maxsus ko'rsatmalar"ga qarang).

Ehtiyotkorlik bilan:

- Arterial gipotenziyada.

- Homilador ayollarda ("Homiladorlik va laktatsiya davri" bo'limiga qarang).

Homiladorlik va laktatsiya:

Insonda preparatni qo'llash bo'yicha cheklangan miqdordagi retrospektiv ma'lumotlar va hayvonlardagi tadqiqotlar ma'lumotlariga ko'ra, drotaverin ichga qabul qilinganda unda teratogen yoki embriotoksik ta'sir, shuningdek homiladorlik kechishiga noxush ta'sir mavjudligi haqida dalillar olinmagan. Shunga qaramay, homilador ayollarda preparatni qo'llashda ehtiyot bo'lish kerak va preparatni faqat ona uchun foyda va homila va bola uchun xavf nisbatini sinchkovlik bilan o'lchagandan keyingina buyurish kerak.

Hayvonlarda drotaverinning ona sutiga ekskresiyasi bo'yicha tadqiqotlar o'tkazilmagan. Hayvonlarda bunday tadqiqotlar va klinik ma'lumotlar yo'qligi sababli, laktatsiya davrida drotaverinni buyurish tavsiya etilmaydi.

Levodopa bilan

Bir vaqtda qo'llanilganda drotaverin levodopaning parkinsonizmga qarshi ta'sirini susaytirishi mumkin, ya'ni rigidlik va tremorni kuchaytirishi mumkin.

Papaverin, bendazol va boshqa spazmolitiklar bilan (shu jumladan, m-xolinoblokatorlar bilan)

Spazmolitik ta'sirning kuchayishi.

Morfin bilan

Morfinning spazmogen faolligining kamayishi.

Fenobarbital bilan

Drotaverinning spazmolitik ta'sirining kuchayishi.