Mahsulotning ko'rinishi saytdagi rasmdan farq qilishi mumkin.

NOOTROSIN kapsulalar 400 mg/25 mg N10

Retseptli preparat
Kategoriya: - Asab tizimi
Ishlab chiqarilish joyi: - O'zbekiston
Faol modda:Sinnarizin, Pirasetam
Количество в упаковке: - 10
Ishlab chiqaruvchi: - Radiks, ЧНПП
ATX kodi: - N06BX03
Noaniqliq haqida habar berish
O'zbekiston Sog'liqni Saqlash Vazirligi tomonidan 19.12.2017 da DV/M 01925/12/17 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
NOOTROSIN kapsulalar 400 mg/25 mg N10 qo'lanishi bo'yicha ko'rsatmalar
QO‘LLASH BO‘YICHA YO‘RIQNOMA

NOOTROSIN

NOOTROCINUM

Preparatning savdo nomi: Nootrosin

Ta‘sir etuvchi moddalar (XPN): Pirasetam va sinnarizin.

Chiqarilish shakli: Qattiq jelatin kapsulalar 400/25 ml, 10 kapsuladan kontur uyali o‘ramda.

Tarkibi:

Faol moddalar: pirasetam – 400 mg va sinnarizin – 25 mg.

Yordamchi moddalar: laktoza, kremniy dioksidi, kartoshka kraxmali, magniy stearati yoki kalsiy stearati.

Farmakoterapevtik guruhi: Nootrop vosita.

Farmakologik xususiyatlari

Nootrosin – yaqqol gipoksiyaga qarshi va tomirlarni kengaytiruvchi ta‘sirga ega, miyada qon aylanishini va miya metabolizmini yaxshilovchi ta‘sirga ega majmuaviy (pirasetam+sinnarizin) nootrop preparat.

Pirasetam miyaning almashinuv jarayonlariga ijobiy ta‘sir ko‘rsatuvchi nootrop moddalar sinfiga kiradi. U miya to‘qimasida ATF konsentrasiyasini oshiradi, ribonuklein kislotasi va fosfalipidlarning biosintezini kuchaytiradi, glikolitik jarayonlar va glyukoza utilizasiyasini rag‘batlantiradi. Pirasetam bosh miyaning integrativ faoliyatini yaxshilaydi, xotiraning konsolidasiyasiga yordam beradi, serebral gipoksiyaning turli shakllarida himoyalovchi ta‘sir ko‘rsatadi, o‘rganish jarayonini yengillashtiradi.

Pirasetam ichga qabul qilinganida yaxshi so‘riladi. Organizmga yuborilganida turli a‘zolar va to‘qimalarga, shu jumladan miya to‘qimasiga ham kiradi. Metabolizmga deyarli uchramaydi. Buyraklar orqali chiqariladi. U kam zaharli (hayvonlardagi o‘tkir tajribalarda vena ichiga yuborilganida o‘lim dozasi 10 g/kg dan ortiq).

Pirasetam nevrologiya, psixiatriya va narkologiya amaliyotida qo‘llanadi.

Nevrologiya amaliyotida pirasetam asosan bosh miyaning qon tomir kasalliklarida (ateroskleroz, gipertoniya kasalligi, tomirli parkinsonizm) qo‘llanadi, surunkali serebral tomir yetishmovchiligining ko‘rinishlari bilan birga kechuvchi xotira, diqqat, nutq buzilishlari, bosh aylanishi va bosh og‘rig‘i bilan ifodalangan; bosh miya jarohatlari va intoksikasiyalaridan keyingi miyada qon aylanishini buzilishlari va komatoz va subkomatoz holatlarda, hamda bu holatlardan keyingi tiklanish terapiyasi davrida, bemorlarning harakat va ruxiy faolligini oshirish maqsadida qo‘llanadi. Pirasetam shuningdek intellektual-mnestik faoliyatni susayishi va emosional-iroda sohasini buzilishlari bilan birga kechuvchi nerv tizimi kasalliklari bo‘lgan bolalarda qo‘llanadi.

Psixiatriya amaliyotida pirasetam klinik ko‘rinishida adinamiya belgilari, astenik va senesto-ipoxondrik buzilishlari ustun bo‘lgan turli genezli nevrotik va astenoadinamik depressiv holatlari bo‘lgan bemorlarda qo‘llanadi. Ideator tormozlanish, shuningdek shizofreniyadagi sustapatik nuqsonli holatlarni davolashda, turli etiologiyali psixoorganik sindromlarda, senil va atrofik jarayonlarda, «organik sifatsiz zamin»da kechuvchi ruhiy kasalliklarni majmuaviy davolashda qo‘llanadi. Bundan tashqari, pirasetam antidepressantlarga rezistent bo‘lgan depressiv holatlarni davolashda yordamchi vosita sifatida, shuningdek neyroleptiklar va boshqa psixotrop vositalarni yomon o‘zlashtirilishida, ular chaqirgan somato-vegetativ, nevrologik va ruxiy asoratlarni bartaraf qilish yoki oldini olish maqsadida qo‘llanadi. Yordamchi vosita sifatida pirasetam tutqanoqda qo‘llanilishi mumkin.

Narkologiya amaliyotida u alkogolizm va narkomaniyadagi abstinent, pre- va delirioz holatlarni yo‘q qilish vositasi sifatida, shuningdek alkogol, morfin, barbituratlar va fenamin va hokazolar bilan o‘tkir zaharlanish hollarida qo‘llanadi. Bundan tashqari, pirasetam ruxiy faoliyatning turg‘un buzilishlari ko‘rinishlari bilan bo‘lgan (asteniya, intellektual-mnestik buzilishlar va hokazolar) surunkali alkogolizmni davolashda qo‘llanadi.

Sinnarizin miya, periferik va koronar qon aylanishini va mikrosirkulyasiyani yaxshilaydi, qonning oshgan qovushqoqligini kamaytiradi va to‘qimalarning gipoksiyaga chidamliligini oshiradi, eritrositlarning deformasiyalanish xususiyatini oshiradi.

U qon tomirlariga bevosita spazmolitik ta‘sir ham ko‘rsatadi, biogen tomirlarni toraytiruvchi moddalarga (adrenalin, noradrenalin) ularni reaksiyasini kamaytiradi, qon tomirlariga SO2 ta‘sirini potensiyalaydi. Tizimli arterial bosimga, yurak qisqarishlari soniga, yurak qisqaruvchanligi va o‘tkazuvchanligiga sinnarizin deyarli ta‘sir qilmaydi.

Sinnarizin o‘rtacha antigistamin faollikka ega, vestibulyar apparat qo‘zg‘aluvchanligini kamaytiradi (nistagmni bostiradi).

Sinnarizinning farmakologik xususiyatlari ko‘proq darajada uni membranalarning kalsiy kanallarini bloklash qobiliyati bilan bog‘liq. U kalsiy ionlarining xujayraga kirishini ingibirlaydi va plazmolemmalar deposida ularning miqdorini kamaytiradi.

Sinnarizin yaxshi so‘riladi. Ichga qabul qilinganida qon plazmasida uning cho‘qqi konsentrasiyasi 1-3 soatdan so‘ng kuzatiladi; yarim chiqarilish davri taxminan 4 soat. U faol metabolizmga uchraydi. Metabolitlarining uchdan biri siydik bilan, 2/3 qismi esa axlat bilan chiqariladi,

Sinnarizin miya va periferik qon aylanishining buzilishlarida; vestibulyar buzilishlarda qo‘llanadi. Gistaminga qarshi faolligi bo‘lishiga qaramasdan, samaraliroq preparatlar bo‘lganligi uchun, maxsus gistaminga qarshi vosita sifatida ishlatilmaydi.

Serebrovaskulyar vosita sifatida tomirlarning spazmi, ateroskleroz, o‘tkazilgan bosh miya jarohatlari, insult bilan bog‘liq bo‘lgan miyada qon aylanishini buzilishlarida buyuriladi. Preparat serebroastenik ko‘rinishlarni, bosh og‘rig‘ini, quloqlardagi shovqinni kamaytiradi, umumiy holatni yaxshilaydi.

Sinnarizin migrenda, Mener kasalligida buyuriladi.

Sinnarizin shuningdek obliterirlovchi endarteritda, trombangiitda, Reyno kasalligida, almashinib turadigan cho‘loqlikda, akrosianozda va boshqa periferik qon aylanishining buzilishlarida, periferik qon tomirlar spazmini kamaytiradi va qon aylanishini yaxshilaydi.

Pirasetam va sinnarizin qo‘shilganida ikkala komponent o‘zaro bir-birining ta‘sirini, zaharliligini oshirmasdan potensiyalaydi, chunki majmuaning zaharliligi alohida komponentlarning zaharligidan oshmaydi.

Preparatni markaziy nerv tizimiga bo‘lgan ta‘sirida sedativ samarasi ustunlik qiladi. Preparatning terapevtik samarasi 1-6 soatdan so‘ng namoyon bo‘ladi.

Qo‘llanishi

Preparat quyidagilarda qo‘llanadi:

  • kelib chiqishi turlicha bo‘lgan psixoorganik sindrom (shu jumladan miya tomirlarining o‘tkir va surunkali kasalliklari, miya jarohatlaridan keyin, nerv tizimining infeksion-yallig‘lanish kasalliklarida);
  • bosh aylanishi, quloq shang‘illashi, nistagm, ko‘ngil aynishi va qusish bilan birga kechuvchi labirintopatiya;
  • Mener sindromi;
  • kinetozlarni oldini olish;
  • migrenni oldini olish va davolash;
  • nim o‘tkir bosqichdagi va surunkali bosqichga o‘tish jarayonidagi miya infarkti;
  • ensefalopatiya bilan kechuvchi surunkali gipertenziya;
  • travmatik ensefalopatiya;
  • psixogen kelib chiqishga ega bo‘lgan astenik sindrom (xavotirlik, emosional diskomfort, yuqori qo‘zg‘aluvchanlik, xotira, diqqatni buzilishi, emosional labillik);
  • intellektual rivojlanishini qoloqligi bo‘lgan bolalarni xotirasini va o‘rganish qobiliyatini yaxshilash uchun qo‘llanadi.

Nootrosinni, ayniqsa shifokor pirasetam va sinnarizinni bir vaqtda buyurgan hollarda qo‘llash qulay – ikki kapsula o‘rniga faqat bitta qabul qilish kerak.

Qo‘llash usuli va dozalari

Kattalarga kasallikning og‘irligiga qarab, preparat 1-2 kapsuladan sutkada 3 marta 1-3 oy davomida buyuriladi.

5 yoshdan 12 yoshgacha bolalarga kattalarning dozasini yarmi buyuriladi.

12 yoshdan oshgan bolalarga 1-2 kapsuladan sutkada 1-2 marta buyuriladi.

Qo‘llash mumkin bo‘lmagan holatlar

Nootrosinni quyidagilarda qo‘llash mumkin emas:

  • jigar faoliyatini buzilishi;
  • buyraklar faoliyatining buzilishi;
  • parkinsonizm;
  • homiladorlik;
  • laktasiya;
  • preparatning komponentlariga yuqori sezuvchanlik.

Nojo‘ya ta‘sirlari

Dermatologik reaksiyalar: alohida hollarda – toshma, qichishish, fotosensibilizasiya.

Bosh aylanishi, qaltirash, asabiylik, qo‘zg‘alish (shu jumladan yakka hollarda seksual), qo‘zg‘aluvchanlik, bezovtalik, uyquni buzilishi, holsizlik, ko‘ngil aynishi, qusish, diareya, qorin og‘riqlari.

Maxsus ko‘rsatmalar

Nootrosin tarkibida sinnarizin bo‘lganligi sababli, preparat sportchilarda doping-sinama o‘tkazilganida musbat reaksiya chaqirishi mumkin.

Pirasetam bilan monoterapiya bemorda zo‘riqish va uyqusizlik chaqirgan hollarda, Nootrosin tanlov preparatidir.

Krotikal miokloniyasi bo‘lgan bemorlarni davolashda davolashni keskin bekor qilishdan saqlanish kerak (xurujlarning qayta boshlanishini xavfi).

Ruxiy buzilishlari bo‘lgan pasientlar uchun nojo‘ya ko‘rinishlarni rivojlanishi ko‘proq xarakterli ekanligini ko‘zda tutish kerak. Koronar yetishmovchilikning zo‘rayishi ko‘proq og‘ir bemorlarda paydo bo‘ladi; bunday hollarda dozani pasaytirish yoki davolashni to‘xtatish kerak.

Avtomobilni haydash va texnika bilan ishlash imkoniyatiga ta‘siri

Transport vositalarini boshqarishda va texnika bilan ishlashda, Nootrosinni terapevtik dozalarda qabul qilish mumkin.

Preparat bolalar olaolmaydigan joyda saklansin va o‘ramida ko‘rsatilgan yaroqlilik muddati o‘tganidan keyin ishlatilmasin.

Boshqa dori vositalari bilan o‘zaro ta‘siri

Nootrosin bilan bir vaqtda qo‘llanilganda sedativ preparatlar, uchsiklik antidepressantlar, nootrop va gipotenziv vositalar, hamda etanolning ta‘sirini kuchayishi mumkin.

Bir vaqtda qo‘llanilganda vazodilatatorlar Nootrosinning ta‘sirini kuchaytiradi, gipotenziv vositalar esa uni kamaytiradi.

Keksa va qari yoshdagi pasientlarda Nootrosin antianginal preparatlarning ta‘sirini kuchaytiradi. Nitrogliseringa ehtiyojni kamaytiradi.

Dozani oshirib yuborilishi

Nootrosin dozasini oshirib yuborilishi hollari to‘g‘risida xabar berilmagan.

Saqlash sharoiti

Quruq , yorug‘likdan himoyalangan joyda, 250S dan yuqori bo‘lmagan haroratda.

 

Yaroqlilik muddati

2 yil.

 

Dorixonalardan berish tartibi

Resept bilan.

Ulashish:

Analoglar
FEZAM kapsula 400/25 mg N60
  • Ishlab chiqarilish joyi:Bolgariya
  • Faol modda:Sinnarizin, Pirasetam
  • Ishlab chiqaruvchi:Balkanpharma-Dupnitsa AD
Omaron
  • Ishlab chiqarilish joyi:Rossiya
  • Faol modda:Sinnarizin, Pirasetam
  • Ishlab chiqaruvchi:АО «Нижфарм»
Ishlab chiqaruvchining dorilari
AZITROMISIN kapsula 250 mg N6
  • Ishlab chiqarilish joyi:O'zbekiston
  • Faol modda:Azitromisin
  • Ishlab chiqaruvchi:Radiks, ЧНПП
Narx: 8 400 so'mdan Batafsil
Oblepixa moyi 50 ml
  • Ishlab chiqarilish joyi:O'zbekiston
  • Faol modda:Oblepixi maslo
  • Ishlab chiqaruvchi:Radiks, ЧНПП
Narx: 4 550 so'mdan Batafsil
TIOKOR inyeksiya uchun eritma 25 mg/ml 4 ml N10
Narx: 39 450 so'mdan Batafsil
TIOKOR inyeksiya uchun eritma 25 mg/ml 2 ml N10
Narx: 24 650 so'mdan Batafsil
KVIKARD inyeksiya uchun eritma 500 mg/5 ml N10
  • Ishlab chiqarilish joyi:O'zbekiston
  • Faol modda:Meldoniy
  • Ishlab chiqaruvchi:Radiks, ЧНПП
PAPAVERIN rektal suppozitorialar 20 mg N10
  • Ishlab chiqarilish joyi:O'zbekiston
  • Faol modda:Papaverin
  • Ishlab chiqaruvchi:Radiks, ЧНПП
Narx: 2 314 so'mdan Batafsil
SENADEKSIN tabletkalar N10
  • Ishlab chiqarilish joyi:O'zbekiston
  • Faol modda:sennozidi
  • Ishlab chiqaruvchi:Radiks, ЧНПП
Narx: 1 000 so'mdan Batafsil
BISAKODIL rektal suppozitorialar 10 mg N10
  • Ishlab chiqarilish joyi:O'zbekiston
  • Faol modda:Bisakodil
  • Ishlab chiqaruvchi:Radiks, ЧНПП
Narx: 2 750 so'mdan Batafsil
GLISERIN rektal suppozitorialar 1,24 g N10
  • Ishlab chiqarilish joyi:O'zbekiston
  • Faol modda:Gliserol
  • Ishlab chiqaruvchi:Radiks, ЧНПП
Narx: 2 500 so'mdan Batafsil
PUSTIRNIKA NASTOYKA nastoyka 50 ml
  • Ishlab chiqarilish joyi:O'zbekiston
  • Faol modda:Pustirnika trava
  • Ishlab chiqaruvchi:Radiks, ЧНПП
Narx: 2 500 so'mdan Batafsil
FLUKONAZOL kapsula 100 mg N7
  • Ishlab chiqarilish joyi:O'zbekiston
  • Faol modda:Flukonazol
  • Ishlab chiqaruvchi:Radiks, ЧНПП
Narx: 3 000 so'mdan Batafsil
FLUKONAZOL kapsula 50 mg N7
  • Ishlab chiqarilish joyi:O'zbekiston
  • Faol modda:Flukonazol
  • Ishlab chiqaruvchi:Radiks, ЧНПП
Narx: 2 000 so'mdan Batafsil
BROMGEKSIN sirop 40 ml
  • Ishlab chiqarilish joyi:O'zbekiston
  • Faol modda:Bromgeksin
  • Ishlab chiqaruvchi:Radiks, ЧНПП
Narx: 1 000 so'mdan Batafsil
PERSA STRUCHKOVOGO NASTOYKA nastoyka 40 ml
  • Ishlab chiqarilish joyi:O'zbekiston
  • Faol modda:peres struchkoviy
  • Ishlab chiqaruvchi:Radiks, ЧНПП
Narx: 2 000 so'mdan Batafsil
MANNIT infuziya uchun eritma 15% 200 ml
  • Ishlab chiqarilish joyi:O'zbekiston
  • Faol modda:Mannitol
  • Ishlab chiqaruvchi:Radiks, ЧНПП
Narx: 8 000 so'mdan Batafsil
PREDNIZOLON tabletkalar 5 mg N40
  • Ishlab chiqarilish joyi:O'zbekiston
  • Faol modda:Prednizolon
  • Ishlab chiqaruvchi:Radiks, ЧНПП
PEREKIS VODORODA eritmasi 3% 50 ml
  • Ishlab chiqarilish joyi:O'zbekiston
  • Faol modda:perekis vodoroda
  • Ishlab chiqaruvchi:Radiks, ЧНПП
Narx: 600 so'mdan Batafsil
Narx: 800 so'mdan Batafsil
Narx: 825 so'mdan Batafsil
Narx: 800 so'mdan Batafsil
ANAPRILIN tabletkalar 40 mg N50
  • Ishlab chiqarilish joyi:O'zbekiston
  • Faol modda:Propranolol
  • Ishlab chiqaruvchi:Radiks, ЧНПП
ANAPRILIN tabletkalar 40 mg N10
  • Ishlab chiqarilish joyi:O'zbekiston
  • Faol modda:Propranolol
  • Ishlab chiqaruvchi:Radiks, ЧНПП
ATENOLOL tabletkalar 100 mg N30
  • Ishlab chiqarilish joyi:O'zbekiston
  • Faol modda:Atenolol
  • Ishlab chiqaruvchi:Radiks, ЧНПП
Narx: 3 800 so'mdan Batafsil
ATENOLOL tabletkalar 50 mg N30
  • Ishlab chiqarilish joyi:O'zbekiston
  • Faol modda:Atenolol
  • Ishlab chiqaruvchi:Radiks, ЧНПП
Narx: 2 500 so'mdan Batafsil
ANALGIN inyeksiya uchun eritma 50% 2 ml N10
  • Ishlab chiqarilish joyi:O'zbekiston
  • Faol modda:Metamizol natriya
  • Ishlab chiqaruvchi:Radiks, ЧНПП
Narx: 1 208 so'mdan Batafsil