PRIVITUSS suspenziya 200ml 708mg/100ml

L-kloperastin fendizoat ichakda so'riladi va asosan siydik bilan metabolitlar ko'rinishida chiqariladi. Plazmada L-kloperastin fendizoatning maksimal kontsentratsiyalari qo'llanilgandan so'ng 90 - 120 daqiqadan keyin erishiladi, bu L-kloperastin fendizoatning to'qimalarga, birinchi navbatda o'pkaga jadal taqsimlanishi bilan birga kechadi.

L-kloperastin fendizoat asosan markaziy ta'sirga ega yo'talga qarshi samara ko'rsatadi, bu yo'tal nerv markazining selektiv ingibirlanishidan iborat bo'lib, nafas olish markazlarining susayishi bilan birga kechmaydi. Bundan tashqari, yallig'lanish mediatorlari ajralib chiqishini ingibirlash va antibronxospastik/miorelaksant va antiserotonin ta'sir mavjudligi hisobiga, yo'tal stimullarini qo'llab-quvvatlovchi periferik nerv tizimiga nisbatan sedativ ta'sir ko'rsatadi; shuningdek bronxospazm va yallig'lanish bilan kechuvchi patologiyalarga ijobiy ta'sir ko'rsatadi - bu yo'tal refleksining paydo bo'lishi va uzoq vaqt saqlanib qolishiga yordam beradigan hodisalar.

- kam hollarda: yengil shakldagi me'da-ichak buzilishlari. Preparat tavsiya etilgan dozalarda qo‘llanilganda uning markaziy asab tizimiga sedativ yoki rag‘batlantiruvchi ta’siri bilan bog‘liq belgilar va simptomlar qayd etilmagan.

Bemorlarda samarali yo‘tal mavjud bo‘lganda preparat monoterapiya ko‘rinishida ham, yo‘talga qarshi boshqa preparatlar bilan birga ham qo‘llanilishi mumkin, chunki PRIVITUS preparati bronxial sekret tarkibi va qovushqoqligiga hamda balg‘am ko‘chishi jarayoniga ta'sir qilmaydi.
Tavsiya etilgan dozalarda qo‘llanilganda sedativ samara qayd etilmaydi va u bemorning avtomobilni boshqarish yoki mexanizmlar bilan ishlash qobiliyatiga ta'sir qilmaydi.

- preparatning har qanday komponentiga yuqori sezuvchanlik;
- 2 yoshgacha bo‘lgan bolalar;
- homiladorlik va emizish davri.

PRIVITUS preparati bilan davolash asosiy kasallikni davolashning barcha turlari, shu jumladan bakteriyaga qarshi va isitma tushiruvchi preparatlarni qo'llash bilan yaxshi mos keladi. L-kloperastinning markaziy asab tizimiga ikkilamchi ta'siri sezilarli darajada pasayganligiga qaramay, preparat depressantlar va markaziy asab tizimi faoliyati stimulyatorlari bilan o'zaro ta'sir qilishi mumkin.
Bir vaqtda qo'llanilganda antigistamin preparatlar va serotonin antagonistlari va kamroq darajada miorelaksantlar, masalan, papaverin ta'sirining kuchayishi mumkinligini ham hisobga olish kerak.

Kattalar: 5 ml dan kuniga uch marta.
Bolalar: 2 yoshdan 4 yoshgacha 2 ml dan sutkasiga ikki marta; 4 yoshdan 7 yoshgacha - 3 ml dan sutkasiga ikki marta; 7 yoshdan 15 yoshgacha - 5 ml dan sutkasiga ikki marta tayinlanadi.
Qutiga 2-3-5 ml bo'limli o'lchov qoshig'i joylashtirilgan. Odatda davolash davomiyligi 7-10 kunni tashkil qiladi. Konglomeratlar hosil bo'lishini oldini olish uchun qo'llashdan oldin suspenziyali flakonni yaxshilab chayqatish kerak.