RELIF suppozitorii N12

Дори шакли. Ректал суппозиторийлар.

Таркиби. Таъсир этувчи модда (1 суппозиторий қуйидагиларни сақлайди): фенилэфрин гидрохлориди 5 мг.

Ёрдамчи моддалар: какао мойи, маккажўхори крахмали, метилпарагидроксибензоат (Е218), пропилпарагидроксибензоат (Е216).

Фенилэфрин гидрохлориди альфа-адреномиметик ҳисобланади, қон томирларни маҳаллий торайтирувчи ҳусусиятига эга, бу экссудацияни камайишига, аноректал соҳада тўқималар шишиши ва қичишишини камайтиради.

6 суппозиторийдан 2 стрип тиббиётда қўлланилишига доир йўриқномаси билан бирга картон қутига жойланган.

Қуйидаги ножўя реакциялари бўлиши мумкин:

Юрак-қон томирлар тизими томонидан: рефрактор брадикардия, юрак ритмини бузилиши, артериал босимни ошиши.

Иммун тизими томонидан: ўта юқори сезувчанлик реакциялари, шу жумладан бошқа симпатомиметик воситаларга кесишган реакция типидаги аллергик реакциялар, тери тошмаси, қичишиш, ангионевротик шиш, контактли дерматит кўринишларида намоён бўлиши мумкин.

Нерв тизими томонидан: бош айланиши, асабийлик, бош оғриғи, тремор, уйқучанлик, хавотирлик хисси, қуйилиб келишлар хисси.

Тери ва тери ости тўқималари томонидан: контактли дерматит, гиперемия, тери тошмаси, қичишиш, шиш, оғриқ, ачишиш.

Ножўя реакциялар, шу жумладан тиббиётда қўлланилишига доир йўриқномада кўрсатилмаган ножўя реакциялар пайдо бўлган ҳолларда, дори воситасини қўллашни тўхтатиш ва шифокорга мурожаат қилиш керак.

Қўлланилиши

Геморрой, анал ёриқларни комплекс даволашда симптоматик восита сифатида қўлланилади.

Препаратни компонентларига юқори сезувчанлик, оғир артериал гипертензия, юрак ритмини тахисистолик бузилиши, декомпенсацияланган юрак етишмовчилиги, юрак ўтказувчанлигини бузилиши, оғир буйрак ва/ёки жигар етишмовчилиги, тиреотоксикоз, ўткир панкреатит, тромбоэмболия (шу жумладан илгари ўтказилган), гранулоцитопения, МАО ингибиторлари билан даволаш бекор қилингандан кейин моноаминоксидазалар (МАО) ингибиторлари билан бир вақтда ва 14 кун давомида қўллаш мумкин эмас.

Препаратни қон-томирларни торайтирувчи воситалар (охиргиларни юбориш йўлидан қатий назар) билан, шунингдек антигипертензив дори воситалари (ß-адреноблокаторлар) қўллаш тавсия этилмайди. Атропин сульфат фенилэфрин томонидан чақирилган рефрактор брадикардияни блоклайди ва фенилэфринга бўлган вазопрессор реакцияни оширади. Фенилэфринни ß-адреноблокаторлар билан бир вақтда қўлланилганда артериал гипертензияни ва юрак блокадаси ривожланиши эхтимоли билан яққол брадикардияга олиб келиши мумкин.

Релиф ни юрак ўтказувчанлигига таъсир этувчи препаратларни (юрак гликозидлари, антиаритмик воситалар), қалқонсимон бези гормонлари билан бирга қўлланилганда эхтиёткорликка риоя қилиш тавсия этилади. Калийни чиқарилишини чақирувчи препаратлар билан бир вақтда қўлланганда (масалан фуросемид типидаги диуретиклар билан), гипокалемияни ошириши мумкин ва фенилэфринга ўхшаш вазопрессор препаратларга нисбатан сезувчанлигини камайтиради.

Фенилэфринни ва бошқа симпатомиметик воситалар билан бир вақтда қўлланилганда марказий нерв тизимини қўшимча рағбатлантиришга олиб келиши мумкин, бу қўзғалувчанлик, таъсирчанлик, уйқусизлик, тиришиш хуружлари ривожланиши билан кузатилади.

Релиф дори воситасини бир вақтда ёки 14 кун давомида МАО ингибиторлари билан даволашни тўхтатилгандан кейин қўллаш мумкин эмас.

Препарат гигиеник муолажалар ўтказилганидан сўнг қўлланади.

Бир суппозиторийдан кунига 4 мартагача (эрталаб, кечасига ва ичакни ҳар бўшнаганидан сўнг) тўғри ичакка киритилади.

Даволаш курсининг давомийлиги касалликнинг ўзига хослигини, дори воситасининг ўзлаштирилиши ва эришилган самарани ҳисобга олган ҳолда шифокор томонидан белгиланади.

Тавсия этилган дозалардан сезиларли даражада ошириб юборилган ҳолларда гиперкоагуляцияга мойиллик кузатилиши мумкин.

Дозани ошириб юборилганда қуйидаги бузилишлар ривожланиши мумкин: артериал гипертензия, юрак соҳасида ва оғриқ дискамфорт, юрак уриши, нафас олишни бузилиши, ўпкада кардиоген бўлмаган шиш, қўзғалувчанлик, тиришишлар, уйқуни бузилиши, хавотирлик, таъсирчанлик, галлюцинацияли психозлар, умумий холсизлик, анорексия, кўнгил айниши, қусиш, олигурия, сийишни бузилиши, юзни қизариб кетиши, қўл-оёқларда совуқ қотиш хисси, парестезия, гипергликемия, гипокалемия, ҳаёт учун зарур бўлган аъзоларга қон қуйилишларни пасайиши, у буйракларни қон билан таъминланишини ёмонлашишига олиб келиши мумкин, метаболик ацидоз, умумий периферик қаршиликни ошиши натижасида юракни зўрқиши. Даволаш симптоматик.

Дори воситасини 12 ёшгача бўлган болаларда қўллаш тавсия этилмайди.

Дори воситасини ҳомиладорлик ва эмизиш даврида қўллаш тавсия этилмайди.

Артериал гипертензияси, юрак-қон томирлар касаллиги, қалқонсимон без касаллиги, ёпиқ бурчакли глаукома, қандли диабет, жигар касаллиги, меъда ости бези, сийишни бузилиши (масалан, простата безини гиперплазияси) дори воситасини фақат шифокор маслаҳатидан сўнг қўллаш мумкин, даволаш вақтида шифокор кузатуви остида бўлиш зарур.

Препаратни буюришдан олдин анамнезида аллергия борлигини аниқлаш, шу жумладан бошқа воситаларга симпатомиметик аллергик реакциялар борлигини аниқлаш тавсия этилади.

Шикастланиш холатлари ёки ҳимоя пластик қобиғи йўқлигида суппозиторийларни қўллаш мумкин эмас.

Орқа чиқариш йўлидан кўп миқдорда қонли ажралмалар келганида ёки препаратни қўллаганда терапевтик самара бўлмаса, шифокорга мурожаат қилиш зарур.

Метилпарагидроксибензоати ва пропилпарагидроксибензоатини сақланиши туфайли, аллергик реакцияни, шу жумладан секин авж олувчи турдаги реакцияларни пайдо бўлиши мумкин.