RELIF ULTRA suppozitorii N12

Дори шакли:

Таркиби:

Таъсир этувчи моддалар (1 суппозиторий қуйидагиларни сақлайди):

гидрокортизон ацетати 10 мг, рух сульфати моногидрати 11 мг.

Ёрдамчи моддалар: какао мойи, сувсиз кальций гидрофосфати, магний стеарати (Е572), метилпарагидроксибензоат (E218), пропилпарагидроксибензоат (E216).

Гидрокортизон ацетати – яллиғланишга қарши, аллергияга қарши, шишга қарши таъсирларга эга, қичишиш жадаллигини камайтиради.

Рух сульфати моногидрати – яра ва эрозияларни битишига ёрдам беради.

6 суппозиторийдан 2 стрип қўллашга доир йўриқномаси билан картон қутига жойланган.

Аллергик реакциялар (гиперемия, шиш, қичишиш), шиллиқ қаватларни қуриши кузатилиши мумкин.

Ножўя реакциялар, шу жумладан йўриқномада кўрсатилмаган ножўя реакциялар юзага келган холатларда дори воситасини қўллашни тўхтатиш ва шифокорга мурожаат этиш керак.

Асоратланмаган геморрой, анал ёриқлар ва эрозиялар, проктитни мажмуавий даволаш таркибида симптоматик восита сифатида қўлланади.

Препаратнинг ингредиентларига индивидуал юқори сезувчанлик, препаратни юбориш соҳасида бактериал, замбуруғли, вирусли инфекциялар, аноректал соҳа ўзмалари, туберкулёз, Иценко-Кушинг синдроми, қандли диабетнинг оғир шакллари, гипернатриемия, тромбоэмболия (шу жумладан аввал ўтказилган), ҳомиладорлик ва лактация даврида қўллаш мумкин эмас.

Қонда қанд дарадасини пасайтирувчи препаратлар, антикоагулянтлар, барбитуратлар, сийдик хайдовчи ва юрак гликозидлари билан бир вақтда қабул қилганда эҳтиёткорликка риоя қилиш керак.

Бошқа дори воситалари билан бирга қабул қилган холатларда шифокор билан маслаҳатлашиш керак.

Препаратни гигиеник муолажалардан кейин қўллаш керак.

Дастлаб орқа чиқарув тешиги атрофидаги тери илиқ сув билан ювилади, шикастланган соҳа намланган юмшоқ салфетка билан тозаланади, уни туалет қоғози ёки юмшоқ мато билан эҳтиёткорлик билан қуритилади. Суппозиторийни юборишдан олдин ундан ҳимоя пластик қобиғини ечиш керак. Тўғри ичакка битта суппозиторийдан кунига 4 мартагача (эрталаб, тунда ва ичак ҳар бир бўшаганидан кейин) юборилади.

Даволаш давомийлиги – 7 кунгача.

Препаратни юқори дозаларда узоқ вақт қўллаганда ҳайз циклини бузилиши, артериал босимни ошиши, мушак кучсизлиги, уйқусизлик, қонда қанд даражасини ошиши, гипернатриемия, Иценко-Кушинг синдроми, иммун тизимини сусайиши, меъда-ичак йўллари эрозиялари ва яралари, остеопороз каби гидрокортизоннинг тизимли самаралари ривожланиши хавфини инкор этиб бўлмайди.

Дозани ошириб юборилиши симптомлари пайдо бўлганида дори воситасини қўллашни тўхтатиш ва шифокорга мурожаат этиш керак. Даволаш симптоматик.

12 ёшгача бўлган болаларда дори воситасини қўллаш тавсия этилмайди.

Ҳомиладорлик ва эмизиш давридаги аёлларда дори воситасини қўллаш мумкин эмас.

Гипертоник касалликнинг оғир шаклларида, юрак ритмини бузилишларида, иммунтанқис ҳолатларда, остеопорозда, қандли диабетда ва бошқа эндокрин патологияларда препаратни қатъий тиббий кўрсатмалар бўйича, агар кутилган терапевтик самара ножўя таъсирнинг ёки асосий касалликнинг потенциал хавфидан юқори бўлсагина қўллашга йўл қўйилади.

Ҳимоя пластик қобиғи шикастланганда ёки бўлмаганида суппозиторий ишлатилмасин.

Кўзларга тушишидан сақлансин. Препаратнинг таркибида гидрокортизонни мавжудлиги кўришни ноаниқлиги ва марказий сероз хориоретинопатия каби самараларни юзага келиши хавфи билан боғлиқ.

Препаратни қўллаганда орқа чиқарув тешикдан кўп миқдорда қонли ажралмалар келганида ёки терапевтик самара кузатилмаганида, шифокорга мурожаат этиш керак.

Метилпарагидроксибензоат ва пропилпарагидроксибензоат сақлаганлиги туфайли, аллергик реакциялар, жу жумладан секинлашган типдаги реакциялар чақириши мумкин.