SIALIS 0,02 tabletkalari N4

So'rilishi

Ichga qabul qilingandan so'ng tadalafil tez so'riladi. Cmax o'rtacha 2 soatdan keyin erishiladi. So'rilish tezligi va darajasi ovqat qabul qilishga bog'liq emas. Preparatni qabul qilish vaqti (ertalab yoki kechqurun) so'rilish tezligi va darajasiga klinik ahamiyatli ta'sir ko'rsatmaydi.

Sog'lom shaxslarda tadalafilning farmakokinetikasi vaqt va dozaga nisbatan chiziqlidir. 2,5 dan 20 mg gacha bo'lgan dozalar diapazonida AUC dozaga mutanosib ravishda ortadi. Plazmadagi Css preparat sutkada 1 marta qabul qilinganda 5 kun ichida erishiladi.

Erektsiya funktsiyasi buzilgan bemorlarda tadalafil farmakokinetikasi erektsiya funktsiyasi buzilmagan shaxslardagi preparat farmakokinetikasiga o'xshash.

Taqsimlanishi

O'rtacha Vd taxminan 63 l ni tashkil qiladi, bu tadalafilning organizm to'qimalariga taqsimlanishini ko'rsatadi. Terapevtik kontsentratsiyalarda tadalafilning 94% i plazma oqsillari bilan bog'lanadi. Sog'lom shaxslarda kiritilgan dozaning 0,0005% idan kamrog'i spermada aniqlangan.

Metabolizmi

Asosan CYP3A4 izofermenti ishtirokida metabolizmga uchraydi. Asosiy aylanib yuruvchi metabolit metilkatexolglyukuronid hisoblanadi. U FDE5 ga nisbatan tadalafilga qaraganda 13 000 marta kamroq faol. Demak, ushbu metabolitning klinik ahamiyatli bo'lishi dargumon.

Chiqarilishi

Sog'lom shaxslarda ichga qabul qilinganda tadalafilning o'rtacha klirensi 2,5 l/soatni, o'rtacha T1/2 esa - 17,5 soatni tashkil qiladi. Tadalafil asosan faol bo'lmagan metabolitlar ko'rinishida, asosan axlat bilan (taxminan 61%) va kamroq darajada siydik bilan (taxminan 36%) chiqariladi.

Maxsus klinik holatlarda farmakokinetikasi

Keksa yoshdagi sog'lom odamlarda (65 yosh va undan katta) tadalafilning pastroq klirensi aniqlanadi, bu 19 dan 45 yoshgacha bo'lgan sog'lom shaxslarga nisbatan AUC ning 25% ga oshishida namoyon bo'ladi. Bu farq klinik ahamiyatga ega emas va dozani tanlashni talab etmaydi.

Buyrak yetishmovchiligi bo'lgan bemorlarda, shu jumladan gemodializda bo'lgan bemorlarda AUC sog'lom shaxslarga qaraganda kattaroq. Oqsillar bilan bog'lanish buyrak funktsiyasi buzilganda o'zgarmaydi.

Yengil yoki o'rtacha og'irlikdagi jigar yetishmovchiligi bo'lgan bemorlarda tadalafil farmakokinetikasi sog'lom shaxslardagi bilan taqqoslanarli. Og'ir jigar yetishmovchiligi (Chayld-Pyu shkalasi bo'yicha C sinf) bo'lgan bemorlarga nisbatan ma'lumotlar mavjud emas.

Qandli diabeti bo'lgan bemorlarda tadalafil qo'llash fonida AUC sog'lom shaxslarga qaraganda taxminan 19% ga kam bo'lgan. Bu farq dozani o'zgartirishni talab etmaydi.

Eng ko‘p uchraydigan: bosh og‘rig‘i (11%), dispepsiya (7%).

Nojo‘ya effektlar odatda yengil yoki o‘rtacha yaqqollikda, tranzitor va preparatni qabul qilish davom ettirilganda kamayadi.

Bo‘lishi mumkin: belda og‘riq, mialgiya, bosh aylanishi, burun bitishi, yuzga qon oqib kelishi.

Kam hollarda: qovoqlar shishi, ko‘zlarda og‘riq, kon’yunktiva giperemiyasi.

Juda kam hollarda: yuqori sezuvchanlik reaksiyalari (toshmalar, eshakemi va yuz shishini o‘z ichiga olgan, Stivens-Djonson sindromi va eksfoliativ dermatit); arterial gipotenziya (antigipertenziv vositalarni qabul qilgan bemorlarda), gipertenziya va sinkope; qorinda og‘riq va gastroezofageal reflyuks; gipergidroz (ko‘p terlash); priapizm va ereksiya kechikishi; ko‘rishning xiralashishi, ko‘rish nervining noarterial old ishemik neyropatiyasi, to‘r parda venalari okklyuziyasi, ko‘rish maydonlarining buzilishi, migren, burun qonashi.

Yurak-qon tomir xavf omillari bo‘lgan bemorlarda: miokard infarkti, to‘satdan kardiogen o‘lim, insult, ko‘krakda og‘riq, yurak urishini his qilish, taxikardiya. Biroq ushbu hodisalar bevosita ushbu xavf omillari, tadalafil, seksual qo‘zg‘alish yoki ushbu yoki boshqa omillarning kombinatsiyasi bilan bog‘liqligini aniq aytib bo‘lmaydi.

Og‘ir jigar yetishmovchiligi (Chayld-Pyu shkalasi bo‘yicha C sinf) bo‘lgan bemorlarga preparatni ehtiyotkorlik bilan tayinlash kerak, chunki Sialis® preparatini ushbu toifadagi bemorlarda qo‘llash xavfsizligi va samaradorligi bo‘yicha nazorat qilinadigan klinik tadqiqotlar ma'lumotlari mavjud emas.

Alfa1-adrenoblokatorlarni, masalan, doksazozinni qabul qilayotgan bemorlarga Sialis® preparatini tayinlashda ehtiyotkorlik zarur, chunki bir vaqtda qo‘llash ba'zi hollarda simptomatik arterial gipotenziyaga olib kelishi mumkin. 18 nafar sog‘lom ko‘ngillilarda klinik farmakologiyani o‘rganishda tadalafilni bir martalik dozada qabul qilishda tamsulozin alfa1-adrenoblokatori bir vaqtda yuborilganda simptomatik arterial gipotenziya kuzatilmagan.

Jinsiy faollik yurak-qon tomir kasalliklari bo‘lgan bemorlar uchun potensial xavfga ega. Shuning uchun erektil disfunksiyani davolashni, shu jumladan Sialis® preparatini qo‘llash bilan, jinsiy faollik tavsiya etilmaydigan yurak kasalliklari bo‘lgan erkaklarda o‘tkazmaslik kerak.

Yurak-qon tomir tizimi kasalliklari bo‘lgan bemorlarda jinsiy faollikda asoratlar rivojlanishi potensial xavfini hisobga olish kerak: oxirgi 90 kun ichidagi miokard infarkti; nostabil stenokardiya yoki jinsiy aloqa vaqtida yuzaga keladigan stenokardiya; oxirgi 6 oy ichida rivojlangan surunkali yurak yetishmovchiligi (NYHA tasnifi bo‘yicha II funksional sinf va undan yuqori); nazorat qilinmaydigan yurak ritmi buzilishlari; arterial gipotenziya (AB 90/50 mm sim.ust. dan past) yoki nazorat qilinmaydigan arterial gipertenziya; oxirgi 6 oy ichida o‘tkazilgan insult.

Og‘ir darajali buyrak yetishmovchiligi (KK 30 ml/daq dan kam), o‘rtacha og‘irlikdagi buyrak yetishmovchiligi (KK 31 dan 50 ml/daq gacha) bo‘lgan bemorlarda, priapizmga moyilligi bo‘lgan bemorlarda (masalan, o‘roqsimon hujayrali anemiya, ko‘p sonli mieloma yoki leykemiyada) yoki jinsiy olatning anatomik deformatsiyasi (masalan, angulyatsiya, kavernoz fibroz yoki Peyroni kasalligida) bo‘lgan bemorlarda Sialis® ni ehtiyotkorlik bilan qo‘llash kerak.

FDE5 ingibitorlarini, shu jumladan tadalafilni qo‘llashda priapizm yuzaga kelishi haqida xabarlar mavjud. 4 soat va undan ortiq davom etadigan ereksiya yuzaga kelgan taqdirda bemor darhol shifokorga murojaat qilishi kerakligi haqida xabardor qilinishi kerak. Priapizmni o‘z vaqtida davolamaslik jinsiy olat to‘qimalarining shikastlanishiga olib keladi, buning natijasida potensiyaning uzoq muddatli yo‘qolishi yuz berishi mumkin.

Sialis® preparatini erektil disfunksiyani davolashning boshqa turlari bilan kombinatsiyasi xavfsizligi va samaradorligi o‘rganilmagan. Shuning uchun bunday kombinatsiyalarni qo‘llash tavsiya etilmaydi.

Boshqa FDE5 ingibitorlari kabi, tadalafil tizimli tomir kengaytiruvchi xususiyatlarga ega, bu AB ning o‘tkinchi pasayishiga olib kelishi mumkin.

— har qanday organik nitratlarni saqlovchi preparatlarni bir vaqtda qabul qilish;

— 18 yoshgacha bo‘lgan shaxslarda qo‘llash;

— preparat komponentlariga yuqori sezuvchanlik.

Boshqa preparatlarning tadalafilga ta'siri

Tadalafil asosan CYP3A4 fermenti ishtirokida metabollanadi. CYP3A4 ning selektiv ingibitori ketokonazol 400 mg/ dozada bir martalik dozadagi tadalafilning AUC ni 312% ga, Cmax ni esa 22% ga oshiradi, ketokonazol 200 mg/ dozada esa bir martalik dozada qabul qilingan tadalafil ta'sirini 107% ga va Cmax ni 25% ga oshiradi, bu faqat tadalafilning o'zi uchun AUC va Cmax qiymatlariga nisbatan.

Ritonavir (200 mg 2), CYP3A4, 2S9, 2S19 va 2D6 ingibitori, bir martalik dozadagi tadalafilning AUC ni Cmax o'zgarmagan holda 524% ga oshiradi. O'ziga xos o'zaro ta'sirlar o'rganilmagan bo'lsa-da, boshqa OIV-proteaza ingibitorlari, masalan, sakvinavir, shuningdek CYP3A4 ingibitorlari, masalan eritromitsin va itrakonazol tadalafil faolligini oshiradi deb taxmin qilish mumkin.

CYP3A4 ning selektiv induktori rifampin (rifampitsin, 600/mg/) bir martalik dozadagi tadalafilning AUC ni 88% ga va Cmax ni 46% ga kamaytiradi, bu faqat tadalafilning o'zi uchun AUC va Cmax qiymatlariga nisbatan.