STOPDIAR tabletkalari

Nifuroksazid qiyin eriydi. Ichga qabul qilingandan so'ng MITYdan amalda so'rilmaydi va tizimli ta'sirga ega emas. Ichak orqali chiqariladi.

Diareya (ich ketish)ga qarshi preparat. Nifuroksazid - nitrofuran hosilasi, oshqozon-ichak grammusbat bakteriyalari Staphylococcus spp. va ba'zi grammanfiy bakteriyalar - Yersinia spp., Escherichia spp., Citobacter spp., Enterobacter spp., Salmonella spp. ga nisbatan antibakterial ta'sir ko'rsatadi.

Nifuroksazid Proteus vulgaris, Proteus mirabilis, Klebsiella spp. va Pseudomonas aeruginosa bakteriyalariga antibakterial ta'sir ko'rsatmaydi.

Ovqat hazm qilish trakti normal bakterial florasi tarkibiga ta'sir qilmaydi.

Preparatning batafsil ta'sir mexanizmi noma'lum.

Nifuroksazid bakteriya hujayralarida degidrogenazalar faolligini va oqsil sintezini tormozlaydi deb taxmin qilinadi. Dori vositalariga chidamli shtammlar paydo bo'lishini keltirib chiqarmaydi, shuningdek boshqa antibakterial preparatlarga kesishuvchi chidamlilik kuzatilmagan.

Nifuroksazid ta'sirining samaradorligi ichak bo'shlig'idagi pH ga ham, mikroorganizmlarning antibakterial preparatlarga sezgirligiga ham bog'liq emas. Preparat ovqat hazm qilish traktidan deyarli so'rilmaydi, faqat ichak bo'shlig'ida ta'sir qiladi.

Nifuroksazid yaxshi o'zlashtiriladi, nojo'ya ta'sirlar deyarli kuzatilmagan.

Nifuroksazidga yuqori individual sezuvchanlik bo'lganda, ayrim hollarda quyidagi nojo'ya reaksiyalar bo'lishi mumkin.

Ovqat hazm qilish tizimi tomonidan: qorinda og'riq, ko'ngil aynishi, diareyaning kuchayishi.

Qon yaratish tizimi tomonidan: granulotsitopeniya.

Teri va teri osti-yog' kletchatkasi tomonidan: teri toshmasi (shu jumladan pustulyoz), tugunli qichima.

Allergik reaksiyalar: hansirash, yuz, lab, tilning shishi, teri toshmasi, qichishish.

Davolash vaqtida suyuqlik yo'qotilishini peroral yoki parenteral (bemor holatiga qarab) to'ldirish kerak.

Yuqori sezuvchanlik reaksiyasi (hansirash, yuz, lablar, til shishi, teri toshmasi, qichishish) paydo bo'lganda preparatni qabul qilishni darhol to'xtatish kerak.

Nifuroksazid bilan davolash vaqtida alkogol iste'mol qilish disulfiramsimon reaksiyani chaqirishi mumkin.

Transport vositalarini va mexanizmlarni boshqarish qobiliyatiga ta'siri

Preparat avtomobilni boshqarish va boshqa mexanizmlar bilan ishlash qobiliyatiga ta'sir qilmaydi.

• nifuroksazidga, nitrofuran hosilalariga yoki har qanday yordamchi moddaga yuqori sezuvchanlik
• 7 yoshgacha bo'lgan bolalar.

Nifuroksazid bilan davolash vaqtida nifuroksazidning yaqqol adsorbsion xususiyatlari tufayli ichga qabul qilish uchun boshqa dori preparatlarini bir vaqtda qabul qilishdan saqlanish kerak.

Ichga qabul qilinadi.

Kattalar va 7 yoshdan katta bolalarga 2 tab. (200 mg) dan sutkasiga 4 marta har 6 soatda tayinlanadi.

Davolash kursi - 3 kun. Agar ushbu muddatdan keyin simptomlar yo'qolmasa, bemor shifokorga murojaat qilishi kerak.

Tabletkani butunligicha, chaynamasdan, maydalamasdan, tegishli miqdordagi suv bilan yutish kerak.