SUPRASTIN 0,025 tabletkalari N40

Peroral qabul qilinganda me'da-ichak yo'llaridan (MITY) deyarli to'liq so'riladi. Xlorpiraminning terapevtik samarasi ichga qabul qilingandan so'ng 15-30 daqiqa ichida rivojlanadi, qabul qilingandan keyingi birinchi soat ichida maksimal darajaga yetadi va kamida 3-6 soat davom etadi. Organizmda, shu jumladan markaziy asab tizimida (MAT) yaxshi taqsimlanadi. Jigarda intensiv metabolizmga uchraydi. Asosan buyraklar orqali chiqariladi.



Bolalarda preparatning chiqarilishi katta yoshdagi bemorlarga qaraganda tezroq sodir bo'ladi.

Nojo'ya samaralar odatda o'ta kam hollarda yuzaga keladi, vaqtinchalik xarakterga ega, preparat bekor qilingandan so'ng o'tib ketadi.

MNS tomonidan: uyquchanlik, toliqish, bosh aylanishi, asabiy qo'zg'alish, tremor, bosh og'rig'i, eyforiya.

Oshqozon-ichak trakti tomonidan: qorinda noqulaylik, og'iz qurishi, ko'ngil aynishi, qusish, ich ketishi, qabziyat, ishtaha yo'qolishi yoki kuchayishi, qorinning yuqori qismida og'riq.

Yurak-qon tomir tizimi tomonidan: arterial bosimning pasayishi, taxikardiya, aritmiya. Ushbu nojo'ya samaralarning preparatni qabul qilish bilan bevosita bog'liqligi har doim ham aniqlanmagan.

Qon yaratish tizimi tomonidan: juda kamdan-kam: leykopeniya, agranulotsitoz.

Boshqalar: siydik chiqarishning qiyinlashishi, mushak holsizligi, ko'z ichi bosimining oshishi, fotosensibilizatsiya.

Yuqorida sanab o'tilgan samaralardan har qandayi yuzaga kelganda, preparatni qabul qilishni to'xtatish va darhol shifokorga murojaat qilish kerak.

Har bir tabletka 116 mg laktoza monogidrat saqlaydi. Bu miqdor laktoza tanqisligi yoki kamdan-kam uchraydigan moddalar almashinuvi buzilishlari - galaktozemiya yoki glyukoza/galaktoza so‘rilishi buzilishi sindromi bo‘lgan bemorlarda noxush reaksiyalarni chaqirishi mumkin.

Ototoksik preparatlar bilan birga qo‘llanilganda Suprastin® ototoksiklikning erta belgilarini niqoblashi mumkin.

Jigar va buyrak kasalliklari preparat dozasini o‘zgartirishni (kamaytirishni) talab qilishi mumkin, shu munosabat bilan bemor shifokorga unda jigar yoki buyrak kasalligi borligi haqida xabar berishi kerak. Preparatni kechqurun qabul qilish reflyuks-ezofagit simptomlarini kuchaytirishi mumkin.

Suprastin alkogolning markaziy asab tizimiga ta'sirini kuchaytirishi mumkin, shu munosabat bilan Suprastin preparatini qabul qilish vaqtida spirtli ichimliklarni iste'mol qilishdan saqlanish kerak.



Preparat, ayniqsa davolashning boshlang‘ich davrida, uyquchanlik, toliqish va bosh aylanishini chaqirishi mumkin. Shuning uchun davomiyligi individual belgilanadigan boshlang‘ich davrda transport vositalarini boshqarish yoki baxtsiz hodisalar xavfi yuqori bo‘lgan ishlarni bajarish taqiqlanadi. Shundan so‘ng transportni boshqarish va mexanizmlar bilan ishlashga cheklov darajasini shifokor har bir bemor uchun individual belgilashi kerak

- bronxial astmaning o‘tkir xuruji;

- homiladorlik;

- laktatsiya (emizish davri);

- 3 yoshgacha bo‘lgan bolalar (tabletkalar uchun);

- yangi tug‘ilgan chaqaloqlar (muddatida va muddatidan oldin tug‘ilganlar);

- laktaza yetishmovchiligi, laktozani o‘zlashtira olmaslik, glyukoza-galaktoza malabsorbtsiyasi sindromi (tabletkalar uchun, chunki 1 tabletka 116 mg laktoza monogidratini saqlaydi);

- preparat komponentlariga yuqori sezuvchanlik.

Ehtiyotkorlik bilan yopiq burchakli glaukomada, siydik tutilishi bo‘lgan bemorlarda, prostata bezi giperplaziyasida, jigar va/yoki buyrak funksiyasi buzilishlarida, yurak-qon tomir kasalliklarida, keksa yoshdagi bemorlarda qo‘llash kerak.

Homiladorlik va emizish davrida qo‘llash

Homiladorlikda antigistamin preparatlarini qo‘llash bo‘yicha adekvat va yaxshi nazorat qilingan tadqiqotlar o‘tkazilmagan. Shuning uchun homilador ayollarda preparatni qo‘llash mumkin emas.

Laktatsiya davrida qo‘llash zarurati tug‘ilganda emizishni to‘xtatib turish kerak.

Jigar funksiyasi buzilishlarida qo‘llash

Jigar funksiyasi buzilishlarida preparatni ehtiyotkorlik bilan qo‘llash kerak.

Buyrak funksiyasi buzilishlarida qo‘llash

Buyrak funksiyasi buzilishlarida preparatni ehtiyotkorlik bilan qo‘llash kerak.

Bolalarda qo‘llash

Preparatni yangi tug‘ilgan chaqaloqlarda (shu jumladan, muddatidan oldin tug‘ilganlarda) qo‘llash mumkin emas.

Tabletka shaklidagi preparat 3 yoshgacha bo‘lgan bolalarda qo‘llash mumkin emas.

Keksa yoshdagi bemorlarda qo‘llash

Keksa, holdan toygan bemorlar: Suprastin® preparatini qo‘llash alohida ehtiyotkorlikni talab qiladi, chunki bu bemorlarda antigistamin preparatlari nojo‘ya ta'sirlarni (bosh aylanishi, uyquchanlik) tez-tez keltirib chiqaradi.

Preparatni sedativ preparatlar, trankvilizatorlar, analgetiklar, MAO ingibitorlari, tritsiklik antidepressantlar, atropin va/yoki simpatolitiklar bilan ehtiyotkorlik bilan qo'llash kerak, chunki bir vaqtda qo'llanilganda ushbu vositalarning samarasi kuchayishi mumkin.