SITIKOLIN L inyeksiya uchun eritma 4ml 500mg/4ml N5

So'rilishi
Sitikolin vena ichiga va mushak ichiga yuborilganda yaxshi so'riladi.

Metabolizmi
Vena ichiga va mushak ichiga yuborilganda sitikolin jigarda xolin va sitidingacha metabollanadi. Yuborilgandan so'ng qon plazmasidagi xolin kontsentratsiyasi sezilarli darajada oshadi.

Taqsimlanishi
Sitikolin bosh miya tuzilmalarida sezilarli darajada taqsimlanadi, xolin fraktsiyalari struktur fosfolipidlarga va sitidin fraktsiyalari - sitidin nukleotidlari va nuklein kislotalariga tezda kirib boradi. Sitikolin bosh miyaga kiradi va hujayra, sitoplazmatik va mitoxondrial membranalarga faol kirib, struktur fosfolipidlar fraktsiyasining bir qismini hosil qiladi.

Chiqarilishi
Kiritilgan sitikolin dozasining atigi 15% inson organizmidan chiqariladi: 3% dan kamrog'i - buyraklar orqali va taxminan 12% - nafas chiqariladigan CO2 bilan. Sitikolinning siydik bilan ekskretsiyasida 2 fazani ajratish mumkin: taxminan 36 soat davom etadigan birinchi faza, unda chiqarilish tezligi tez pasayadi va ikkinchi faza, unda ekskretsiya tezligi ancha sekinroq pasayadi. Xuddi shu narsa nafas chiqariladigan CO2 da ham kuzatiladi - chiqarilish tezligi taxminan 15 soatdan keyin tez pasayadi va keyin ancha sekinroq pasayadi.

Tsitikolin hujayra membranasining asosiy ultrastrukturaviy komponentlari (asosan fosfolipidlar) o'tmishdoshi bo'lib, keng ta'sir doirasiga ega - shikastlangan hujayra membranalarining tiklanishiga yordam beradi, fosfolipazalar ta'sirini ingibirlaydi, erkin radikallarning ortiqcha hosil bo'lishiga to'sqinlik qiladi, shuningdek apoptoz mexanizmlariga ta'sir qilib, hujayralar o'limini oldini oladi. Insultning o'tkir davrida tsitikolin bosh miya to'qimasi shikastlanishi hajmini kamaytiradi, xolinergik o'tkazuvchanlikni yaxshilaydi. Kalla suyagi-miya travmasida posttravmatik koma davomiyligini va nevrologik belgilar yaqqolligini kamaytiradi, bundan tashqari, tiklanish davri davomiyligini qisqartirishga yordam beradi. Bosh miyaning surunkali gipoksiyasida tsitikolin xotira yomonlashishi, tashabbussizlik, kundalik harakatlarni bajarishda va o'z-o'ziga xizmat ko'rsatishda paydo bo'ladigan qiyinchiliklar kabi kognitiv buzilishlarni davolashda samarali. Diqqat va ong darajasini oshiradi, shuningdek amneziya namoyon bo'lishini kamaytiradi. Tsitikolin degenerativ va tomir etiologiyali sezgir va harakatlantiruvchi nevrologik buzilishlarni davolashda samarali.

Juda kam uchraydigan (shu jumladan individual hollar):
- Allergik reaksiyalar (toshma, teri qichishishi, anafilaktik shok), bosh og'rig'i, bosh aylanishi, issiqlik hissi, tremor, ko'ngil aynishi, qusish, diareya, gallyutsinatsiyalar, shishlar, hansirash, uyqusizlik, qo'zg'alish, ishtahaning pasayishi, falajlangan oyoq-qo'llarda uvishish, jigar fermentlari faolligining o'zgarishi.
Ba'zi hollarda Tsitikolin-L parasimpatik tizimni rag'batlantirishi, shuningdek arterial qon bosimining qisqa muddatli o'zgarishini ko'rsatishi mumkin. Agar yo'riqnomada ko'rsatilgan har qanday nojo'ya ta'sirlar kuchaysa yoki yo'riqnomada ko'rsatilmagan boshqa nojo'ya ta'sirlar kuzatilsa, bu haqda shifokorga xabar berish kerak.

Davolash davrida diqqatni alohida jamlashni va tezkor reaksiyalarni talab qiluvchi potensial xavfli faoliyat turlarini bajarishda (avtomobil va boshqa transport vositalarini boshqarish, harakatlanuvchi mexanizmlar bilan ishlash, dispetcher va operator ishi va h.k.) ehtiyotkorlikka rioya qilish kerak.

Yaqqol vagotoniya (vegetativ nerv tizimi parasimpatik qismi tonusining ustunligi) bo'lgan bemorlarga va preparatning har qanday tarkibiy qismiga yuqori sezuvchanlikda buyurish mumkin emas.

Sitikolin levodopa samaralarini kuchaytiradi.
Meklofenoksat saqlovchi dori vositalari bilan bir vaqtda qo'llash kerak emas.

Preparat vena ichiga yoki mushak ichiga tayinlanadi.
Vena ichiga preparat sekin vena ichiga inyeksiya (tayinlangan dozaga qarab 3-5 daqiqa davomida) yoki tomchilab vena ichiga quyish (daqiqasiga 40-60 tomchi) shaklida tayinlanadi. Vena ichiga yuborish yo‘li mushak ichiga qaraganda afzalroq.
Mushak ichiga yuborilganda preparatni bir joyga takroran yuborishdan saqlanish kerak.

Tavsiya etilgan dozalash rejimi
Ishemik insult va kalla-miya shikastlanishi (KMSh) o‘tkir davri: tashxis qo‘yilgandan keyingi birinchi sutkadan boshlab har 12 soatda 1000 mg, davolash davomiyligi kamida 6 hafta. Davolash boshlanganidan 3-5 kun o‘tgach (agar yutish funksiyasi buzilmagan bo‘lsa) Sitikolin-L preparatining peroral shakllariga o‘tish mumkin.
Ishemik va gemorragik insultlarning tiklanish davri, KMSh tiklanish davri, bosh miyaning degenerativ va tomirli kasalliklarida kognitiv va xulq-atvor buzilishlari: kuniga 500-2000 mg. Dozalash va davolash davomiyligi kasallik simptomlarining og‘irligiga bog‘liq. Sitikolin-L preparatining peroral shakllarini qo‘llash mumkin. Sitikolin-L keksa bemorlarga tayinlanganda dozani to‘g‘rilash talab qilinmaydi.
Ampuladagi eritma bir martalik foydalanish uchun mo‘ljallangan. U ampula ochilgandan so‘ng darhol ishlatilishi kerak. Preparat barcha turdagi vena ichiga yuboriladigan izotonik eritmalar va dekstroza eritmalari bilan mos keladi.