Anofen

QO‘LLASH BO‘YICHA YO‘RIQNOMA

ANOFEN

ANOFEN

Preparatning savdo nomi: Anofen

Ta‘sir etuvchi modda (XPN): Ketoprofen.

Dori shakli: In‘eksiya uchun eritma.

Tarkibi:

1 ampula quydagilarni saqlaydi:

Faol modda: Ketoprofen 100 mg.

Yordamchi moddalar: propilenglikolyat, 96%, etil spirti, benzil spirti, natriy metabisulfiti, natriy gidroksidni 1 M eritmasi, in‘eksiya uchun suv.

Ta‘rifi: Tiniq, rangsiz yoki biroz sarg‘imtir eritma.

Farmakoterapevtik guruhi: Nosteroid yallig‘lanishga qarshi vosita.

ATX kodi: M01AE03

Farmakologik xususiyatlari

Preparat nosteroid yallig‘lanishga qarshi vosita (NYAQV), propion kislotasining hosilasi. Og‘riqni qoldiruvchi yallig‘lanishga qarshi va isitmani tushiruvchi ta‘sir ko‘rsatadi. Araxidon kislotasining siklooksigenaz va lipooksigenaz zanjiriga ta‘sir qilib, trombositlar agregasiyasini kamaytiradi. Ketoprofen prostglandinlar, leykotrienlar va tromboksanlar sintezini ingibirlaydi. Markaziy va periferik og‘riqni qoldiruvchi ta‘sirlarga, kuchli antibradikinin faolligiga ega, lizosomal membranalarni barqarorlashtiradi, revmatoid artriti bo‘lgan bemorlarda neytrofillarning faolligini ahamiyatli tormozlaydi.

Farmakokinetikasi

Ichga qabul qilingandan keyin preparat me‘da-ichak yo‘llaridan tez va deyarli to‘liq so‘riladi, bunda biokiraolishligi 90% ni tashkil qiladi.

Plazmadagi maksimal konsentrasiyaga (S_max) mushak ichiga (m/i) yuborilganida 20-30 minutdan so‘ng, vena ichiga (v/i) yuborilganida 5 minutdan keyin erishiladi. Plazma oqsillari bilan bog‘lanishi 99% ni tashkil qiladi. Yaqqol lipofilligi oqibatida gematoensefalik to‘siq orqali tez o‘tadi. Qon plazmasi va orqa miya suyuqligidagi muvozanat konsentrasiyasi (S_ss) 2 soatdan 18 soatgacha saqlanadi. Sinovial suyuqlikka yaxshi o‘tadi, qabul qilinganidan keyin 4 soat o‘tgach u yerdagi konsentrasiyasi plazmadagidan oshadi.

Jigarda glyukuron kislotasi bilan bog‘lanish yo‘li orqali va kam darajada gidroksillanishi hisobiga metabollanadi.

Asosan buyraklar orqali va ancha kam darajada ichak orqali chiqariladi.

Preparat m/i yuborilganidan so‘ng plazmadan yarim chiqarilish davri (T_1/2) 1,27 soatni, v/i yuborilganidan so‘ng 2 soatni tashkil qiladi.

Preparat qo‘llanganida preparatni va uning parchalanish maxsulotlarining kumulyasiyasi tufayli (tez va yetarlicha to‘liq chiqarilishi), nojo‘ya ta‘sirlarining rivojlanishini extimoli kam.

Qo‘llanilishi

Revmatoidli artrit, nospesifik spondiloartrit (ankilozlovchi va psoriatik spondilit), podagrali artrit, soxta podagra, osteoartroz, bo‘g‘imdan tashqari revmatizm, (tendovaginit, bursit, kapsulit), og‘riq sindromi, (operasiyadan keyingi, jarohatlardan keyingi og‘riqlar, suyaklardagi metastazalardagi og‘riqlar), buyrak sanchiqlari, algodismenoreya.

Qo‘llash usuli va dozasi

Preparat parenteral (m/i va v/i) qo‘llanadi.

M/i: Preparatni m/i in‘eksiya ko‘rinishida uzoq vaqt davomida qo‘llash tavsiya etilmaydi. Sutkalik doza 200 mg ni tashkil qiladi va ikki in‘eksiyaga bo‘linadi. Qo‘llash oldidan bir flakon ichidagisi berilgan erituvchida eritiladi va m/i chuqur yuboriladi.

V/i: Preparatning v/i ko‘rinishidagi in‘eksiyalari quyidagicha qo‘llanadi. Tavsiya etiladigan sutkalik doza 200-300 mg ni tashkil qiladi (300 mg dan oshmasligi lozim). Preparatning infuziyalari faqat stasionarda amalga oshirilishi kerak. Infuziyaning o‘rtacha vaqti 0,5-1 soatni tashkil qiladi. (20 minutdan kam emas). V/i shakli bilan davolash 48 soatdan oshmasligi kerak.

Qisqa muddatli infuziya uchun 100-200 mg preparat 100 ml fiziologik eritmada eritiladi va 0,5-1 soat davomida har 8 soatda yuboriladi.

Davomli infuziya uchun 100-200 mg preparat 500 ml infuziya uchun eritmada eritiladi (fiziologik eritma, Ringer eritmasi, glyukoza eritmasi) va 8 soat davomida har 8 soatda yuboriladi (uzluksiz sutka davomida). Yorug‘likka sezgirligi tufayli ketoprofenning infuzion eritmasi bo‘lgan flakonlarni qora qog‘oz yoki zar qog‘ozga o‘rab saqlash kerak.

Nojo‘ya ta‘sirlari

Me‘da-ichak yo‘llari tomonidan: epigastral sohada og‘riqlar, ko‘ngil aynishi, qusish, qabziyat yoki diareya, anoreksiya, gastralgiyalar, jigar faoliyatini buzilishi; kam hollarda me‘da-ichak yo‘llarining eroziv-yarali shikastlanishlari, qon ketishi va me‘da-ichak yo‘llarining perforasiyasi.

Markaziy nerv tizimi tomonidan: bosh og‘rig‘i, bosh aylanishi, quloqlarda shovqin, uyquchanlik.

Siydik-chiqarish tizimi tomonidan: buyraklar faoliyatini buzilishi.

Allergik reaksiyalar: teri toshmasi, kam – bronxospazm.

Mahalliy reaksiyalar: in‘eksiya joyida achishish, ko‘rinishidagi reaksiyalar va/yoki og‘riqlar.

Qo‘llash mumkin bo‘lmagan holatlar

Buyrak va jigar yetishmovchiligi, me‘da va o‘nikki barmoq ichakning yara kasalligining zo‘rayish bosqichi, “aspirinli” astma, rinit, homiladorlik (III uch oyligi), bolalik yoshi (15 yoshgacha), preparatga yuqori sezuvchanlik.

Dorilarning o‘zaro ta‘siri

Antikoagulyantlar, geparin, tiklopidin, kortikosteroidlar, peroral diabetga qarshi vositalar va alkogol samarasini kuchaytiradi, spironolakton, periferik vazodilatatorlar ta‘sirini susaytiradi. Metotreksatning zaharliligini oshiradi. Preparatning plazmadagi konsentrasiyasi probenesid ta‘sirida ko‘tariladi (buyrak ekskresiyasini susaytiradi).

Maxsus ko‘rsatmalar

Preparatni qabul qilish infeksion kasallikning belgilarini niqoblashi mumkin. Buyraklar va jigar faoliyati buzilganida dozani kamaytirish va jiddiy kuzatish talab etiladi. Spirtli ichimliklarni iste‘mol qilishdan saqlanish kerak.

Ketoprofenni homiladorlikda va laktasiya davrida qo‘llash chuqur tekshirilmagan. Homiladorlikning I va II uch oyligida qo‘llash faqat onaga bo‘lgan potensial foyda, homila uchun bo‘lgan havfdan ustun hollarda mumkin. Homiladorlikning III uch oyligida (ayniqsa 36 haftadan so‘ng) bachadon tonusiga bo‘lishi mumkin bo‘lgan ta‘siri tufayli tavsiya etilmaydi. Laktasiya davrida preparatni qo‘llashning zarurati bo‘lganda emizishni to‘xtatish masalasini hal qilish lozim.

Preparatni bolalar olaolmaydigan joyda saqlash va uni yaroqlilik muddati o‘tgach ishlatmaslik lozim.

Dozani oshirib yuborilishi

Nojo‘ya ta‘sirining belgilari kuchayishi mumkin. Maxsus antidoti mavjud emas. Davolash simptomatik.

Forma vыpuska

100 mg/2 ml №3, №5, №6, №10 (ampulalar).

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.