Ditsinon dori vositasi O'zbekiston dori vositalari reestrida ro'yxatdan o'tganmi?

Ha, preparat O'zbekiston dori vositalari reestrida ro'yxatdan o'tgan.

Ditsinon dori vositasi ishlab chiqaruvchisi kim va u qaysi davlatda ishlab chiqarilgan?

Ditsinon dori vositasi Lek d.d tomonidan Sloveniya mamlakatida ishlab chiqarilgan.

Bosh sahifa / Dori vositalari / Ditsinon

Ditsinon

Name: Ditsinon
Rating: 4.75 (4 reviews)

Chiqarish shakllari Qo'llanma Analoglar Barcha rasmlar Savollar Fikr-mulohazalar

Ditsinon chiqarilish shakllari

Retseptli

DISINON inyeksiya uchun eritma 250mg/2ml

Sloveniya

Ishlab chiqaruvchi:

Lek d.d.

DISINON 0,25 tabletkalari N100

Sloveniya

Ishlab chiqaruvchi:

Lek d.d

- Ditsinon qabul qilish bo'yicha ma'lumot

- Ditsinonning tarkibi

- Ditsinon ko'rsatmalar va qarshi ko'rsatmalar

- Ditsinon narxi Toshkent dorixonalarida

Ditsinon haqida qo'llanma

Qo‘llash ko‘rsatmalari

Turli etiologiyali kapillyar qon ketishlarning oldini olish va davolash: — otorinolaringologiya, ginekologiya, akusherlik, urologiya, stomatologiya, oftalmologiya va plastik jarrohlikda barcha yaxshi vaskulyarizatsiyalangan to'qimalardagi jarrohlik operatsiyalari vaqtida va undan keyin; — gematuriya, metrorragiya, birlamchi menorragiya, bachadon ichi kontratseptivlari bor ayollarda menorragiya, burun qonashi, milklar qonashi; — diabetik mikroangiopatiya (gemorragik diabetik retinopatiya, to'r pardaga takroriy qon quyilishi, gemoftalm); — yangi tug'ilgan va chala tug'ilgan chaqaloqlarda bosh miya ichiga qon quyilishi.

Qo'llanilishi mumkin bo'lmagan holatlar

— o‘tkir porfiriya; — bolalarda gemoblastoz (limfoblast va mieloblast leykoz, osteosarkoma); — tromboz; — tromboemboliya; — preparat komponentlariga va natriy sulfitiga yuqori sezuvchanlik; — natriy sulfitiga yuqori sezuvchanlik (v/i va m/i yuborish uchun eritma). Trombozda, anamnezda tromboemboliyada, antikoagulyantlarning dozasini oshirib yuborish fonida qon ketishlarda preparatni ehtiyotkorlik bilan tayinlash kerak

Tarkibi

2 ml eritma (1 ampula) quyidagilarni saqlaydi:

faol modda: etamzilat - 250 mg;

1 ml eritma quyidagilarni saqlaydi:

faol modda: etamzilat - 125 mg;

yordamchi moddalar: natriy metabisulfiti (Ye223), natriy gidrokarbonati, in’eksiya uchun suv.

Etamzilat gemostazning boshlang‘ich bosqichida ta’sir etuvchi (endoteliy va trombotsitlar o‘rtasida o‘zaro ta’sirlashuvi davrida) sintetik qon to‘htatuvchi va angioprotektor vositadir. Preparat trombotsitlar adgeziyasini yaxshilanishi va kapillyar qon tomirlar qarshiligini tiklanishi sababli, qon ketish vaqtini va qon yo‘qotish hajmini kamaytiradi.

Etamzilat qon tomirlarni torayturuvchi samaraga ega emas, fibrinolizga va plazmadagi qon ivishi omillariga ta’sir qilmaydi.

Farmakokinetikasi

So‘rilishi va taqsimlanishi: Preparat 500 mg dozada v/i yuborilgandan so‘ng Cmax 10 daqiqadan keyin erishiladi va 50 mkg/ml ni tashkil qiladi. Ichga qabul qilingandan so‘ng preparat tez va deyarli to‘liq so‘riladi. Preparat 50 mg dozada qabul qilingandan so‘ng Cmax 4 soatdan keyin erishiladi va 15 mkg/ml ni tashkil qiladi. Etamzilat yo‘ldosh to‘sig‘i orqali o‘tadi va ko‘krak suti bilan ajralib chiqadi. Chiqarilishi: Yuborilgan dozaning taxminan 72% dastlabki 24 soat ichida buyraklar orqali o‘zgarmagan holda chiqariladi. V/i yuborilgandan so‘ng T1/2 taxminan 2 soatni, ichga qabul qilingandan so‘ng T1/2 taxminan 8 soatni tashkil qiladi.

Farmakologik ta'siri

Gemostatik preparat. Preparat kapillyar devorlarida katta molekulyar og'irlikka ega mukopolisaxaridlar hosil bo'lishini oshiradi va kapillyarlar chidamliligini oshiradi, patologik jarayonlarda ularning o'tkazuvchanligini normallashtiradi, mikrosirkulyatsiyani yaxshilaydi. Gemostatik ta'sir ko'rsatadi, bu mayda tomirlar shikastlangan joyda tromboplastin shakllanishining faollashuvi bilan bog'liq. Preparat qon ivishining III omili hosil bo'lishini rag'batlantiradi, trombotsitlar adgeziyasini normallashtiradi. Preparat protrombin vaqtiga ta'sir qilmaydi, giperkoagulyatsion xususiyatlarga ega emas va tromblar hosil bo'lishiga hissa qo'shmaydi. V/i yuborilgandan so'ng preparat 5-15 daqiqadan keyin ta'sir qila boshlaydi; maksimal samara 1 soatdan keyin kuzatiladi, ta'sir davomiyligi 4-6 soatni tashkil qiladi.

Nojo'ya ta'sirlar

MNT va periferik asab tizimi tomonidan: bosh og'rig'i, bosh aylanishi, pastki oyoq-qo'llar paresteziyalari. Ovqat hazm qilish tizimi tomonidan: ko'ngil aynishi, jig'ildon qaynashi, epigastral sohada og'irlik. Boshqalar: allergik reaktsiyalar, yuz terisi giperemiyasi, sistolik AB pasayishi.

Bolalar uchun qo'llanilishi

Bolalarda preparatni tavsiya qilingan dozada qo‘llash mumkin.

Homiladorlik va laktatsiya davrida qo'llanishi

Preparatni homilador ayollarda qo‘llash to‘g‘risida klinik ma’lumotlar cheklangan.

Hayvonlarda o‘tqazilgan eksperimentlarda reproduktiv faoliyatiga ta’sir etuvchi har qanday bevosita yoki bilvosita toksiklik aniqlanmagan. Homiladorlik vaqtida ehtiyotkorlik choralari sifatida preparatni qo‘llashdan saqlanishi afzal.
Preparatni ko‘krak sutiga o‘tishi to‘g‘risida ma’lumotlar bo‘lmagani tufayli, davolanish vaqtida emizish tavsiya qilinmaydi. Agar emizish davom ettirilsa, u holda preparatni qo‘llashni to‘xtatish kerak.

Buyrak faoliyati buzilganida

Buyrak yetishmovchiligi bo‘lgan patsiyentlarda etamzilat bilan davolashni xavfsizligi va samaradorligi o‘rganilmagan. Etamzilatni buyrak orqali to‘liq chikarilishi tufayli buyrak yetishmovchiligida dozani kamaytirish talab qilinishi mumkin.

Dozirovkasi

125 mg/ml 250 mg

Dozani oshirib yuborilishi

Ditsinon preparatining dozasi oshirib yuborilishi bo‘yicha ma’lumotlar taqdim etilmagan.

Dori shaklining ta'rifi

Vena ichiga va mushak ichiga yuborish uchun eritma rangsiz, tiniq Tabletkalar

Maxsus ko‘rsatmalari

Terapevtik dozalarda qabul qilinayotgan etamzilat kreatininni fermentativ aniqlashni natijalarini kamaytirishi mumkin. Preparatni laborator ko‘rsatkichlariga mumkin bo‘lgan har qanday ta’sirini istisno qilish uchun Ditsinonni birinchi marta qo‘llashdan oldin davolash vaqtida talab qilinadigan boshlang‘ich tahlillarini (masalan, qon tahlili) o‘tkaziladi.
Preparat laktoza saqlaydi. Galaktozani o‘zlashtiraolmaslik, laktaza tanqisligi yoki glyukozo-galaktoza so‘rilishini buzilishlari kabi kam uchraydigan nasliy patologiyalari bo‘lgan patsiyentlarga ushbu preparatni qabul qilish mumkin emas.

Dori vositalarining o'zaro ta'siri

Tana vazniga 10 mg/kg dozada dekstranlar yuborilishidan 1 soat oldin yuborish ularning antiagregant ta’sirini oldini oladi. Ditsinon dekstranlar yuborilgandan so‘ng yuborilganda gemostatik ta’sir ko‘rsatmaydi. Aminokapron kislotasi va menadion natriy bisulfiti bilan kombinatsiya qilish mumkin. Farmatsevtik o‘zaro ta’sir. Boshqa dori vositalari bilan farmatsevtik jihatdan (bitta shprisda) mos kelmaydi. Inyeksiyalar uchun natriy bikarbonat eritmasi va natriy laktat eritmasi bilan mos kelmaydi.

Qo‘llash usuli va dozirovkasi

Operatsiyadan oldin: jarrohlik aralashuvidan 1 soat oldin 1-2 ampuladan v/i yoki m/i buyuriladi.

Operatsiya vaqtida: zarurat bo‘lganida 1-2 ampuladan v/i takroran yuboriladi.
Operatsiyadan keyin: qon ketish xavfi saqlangan butun vaqt davomida 1-2 ampuladan har 4-6 soatda takroran yuboriladi.
Shoshilinch vaziyatlarda va og‘irlik holatlariga qarab: 1-2 ampuladan v/i yoki m/i har 4-6 soatda qon ketish xavfi yo‘qolgunicha yuboriladi.
Mahalliy qo‘llanishi: bitta ampulani ichidagi eritma bilan salfetka namlanadi va qon ketish joyiga ko‘yiladi yoki tish olingandan keyin hosil bo‘lgan bo‘shliqqa qo‘yiladi.
Zarurat bo‘lganida applikatsiyani takrorlash mumkin. Parenteral yuborish yoki ichga qabul kilishni majmuada qo‘llash mumkin.
Bolalar
Kattalar uchun mo‘ljallangan dozaning yarmi buyuriladi.
Yangi tug‘ilgan bolalar
Tug‘ilgandan so‘ng birinchi 2 soatda so‘ngra har 6 soatda 4 kun davomida 1 kg tana vazniga
10 mg dan (0,1 ml = 12,5 mg) mushak ichiga in’eksiya holida buyuriladi.
Jigar yoki buyrak yetishmovchiligi bo‘lgan patsiyentlar
Jigar yoki buyrak yetishmovchiligi bo‘lgan patsiyentlarda klinik tadqiqotlar o‘tqazilmagan. Shuning uchun bunday patsiyentlarga Ditsinon in’eksiya uchun eritma buyurilganda ehtiyotkorlikka rioya qilish kerak.
In’eksiya uchun eritma natriy gidrokarbonati yoki laktat saqlovchi eritmalar bilan nomunatosib.
Ditsinon eritmasini boshqa dori vositalar bilan bitta shpritsda aralashtirish mumkin emas.
Agar preparat fiziologik eritma bilan aralashtirilsa, uni darhol ishlatish kerak.

Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Ditsinon preparatini qabul qilishdan oldin albatta shifokor bilan maslahatlashing

Manbalar ro‘yxati: