FLYUKOLD-N

Preparatning komponentlarga o'ta yuqori sezuvchanlik;
Homiladorlik, laktatsiya davri;
Bolalik yoshi (6 yoshgacha);
Ehtiyotkorlik bilan - glyukoza-6-fosfatdegidrogenaza tanqisligida, qon kasalliklarida, jigar va/yoki buyrak yetishmovchiligida, yopiqburchakli glaukomada, prostata bezining xavfsiz giperplaziyasida, arterial gipertenziyada, qalqonsimon bezining kasalliklarida, qandli diabetda, bronxial astmada qo'llanadi.

Paratsetamol ichga qabul qilinganida yaxshi va tez so'riladi. Plazmadagi cho'qqi kontsentratsiyasiga 30-90 minut o'tgach erishiladi. Organizmning deyarlik barcha to'qimalariga kiradi, yo'ldoshga orqali oson o'tadi va ko'krak suti bilan chiqariladi. Jigarda metabolizmga uchraydi, metabolitlari farmakologik faol emas, ammo to'planganida jigarni nekrozga olib kelishi mumkin. Asosan metabolitlari ko'rinishida buyraklar orqali chiqariladi. Yarimchiqarilish davri 1,5 soatdan 3 soatgacha o'zgaradi. Jigar faoliyati buzilganida preparatning organizmdan chiqarilishi sekinlashadi, bu metabolitlarini organizmda to'planishiga yordam beradi.
Ichga qabul qilinganida jigardan birinchi o'tish hisobiga va monoaminooksidaza bilan me'dada parchalanishi natijasida fenilefrin gidroxloridining biologik faolligi pasayadi. Biotransformatsiyasi me'da-ichak yo'llarida va jigarda yuz beradi. Buyraklar orqali chiqariladi.
Xlorfeniramin maleat uchun so'rilishi - ichga qabul qilinganida me'da-ichak yo'llaridan yaxshi so'riladi. Oqsillar bilan bog'lanishi - yuqori (72%). Biotransformatsiyasi jigarda, shuningdek buyrakda kechadi. Yarimchiqarilish davri - 14-25 soatni tashkil qiladi. Organizmdan buyraklar orqali metabolitlari ko'rinishida chiqariladi.
Kofein ichga qabul qilinganidan so'ng tez so'riladi va organizmga yaxshi taqsimlanadi. Plazmadagi maksimal kontsentratsiyaga bir soatdan so'ng erishiladi, yarimchiqarilish davri 3,5 soatni tashkil qiladi.

Paratsetamol og'riqni qoldiruvchi va isitmani tushiruvchi ta'sir ko'rsatadi. Og'riqni qoldiruvchi ta'sir mexanizmi, asosan gipotalamusdagi termoregulyatsiya markazida prostaglandinlar sintezini ingibirlashi bilan bog'liq. Paratsetamolning isitmani tushiruvchi ta'siri, termoregulyatsiyaning gipotalamik markazlariga to'g'ridan-to'g'ri ta'siri bilan bog'liq, buning natijasida tomirlarning kengayishi va ter ajralib chiqishini kuchayishi tufayli, issiqlikning chiqarilishi kuchayadi.
Fenilefrin gidroxloridi (sinonimi mezaton): simpatomimetik amin, tomirlarning -adrenoretseptorlari stimulyatori hisoblanadi, yurakni -adrenoretseptorlariga kam ta'sir ko'rsatadi. Arteriolalarning torayishini va arterial bosimni oshishini chaqiradi. Ko'z qorachig'ini kengaytiradi va glaukomada ko'z ichki bosimini pasaytirishi mumkin. Preparatning midriatik ta'siri atropin qo'llangandagiga nisbatan kam davom etadi. Nafas olish yo'llari shilliq qavatidagi -adrenergik retseptorlariga ta'sir qilib, tomirlarning torayishini chaqiradi. Bu esa yallig'lanish natijasidagi burun yo'llari shilliq qavati shishini vaqtinchalik kamaytiradi.
Xlorfeniramin maleati: gistaminning N1-retseptorlari antagonisti bo'lib, allergiyani davolashda qo'llanadi. Effektor hujayralarining N1-retseptorlari uchun gistamin bilan raqobatlashib, ular orqali amalga oshiriladigan gistamin ta'sirini (to'qima shishini va kapillyarlarning o'tkazuvchanligini oshishini) bartaraf qiladi, ammo ular rivojlangan bo'lsa uning ta'sir samarasini yo'qotmaydi. Preparat tarkibida u qo'shimcha burunning bitib qolishini, tumovni va aksirishni kamayishini ta'minlaydi.
Kofein charchoqlikni va uyquchanlikni kamaytirishga, aqliy va jismoniy ish qobiliyatini oshirishga olib keluvchi markaziy nerv tizimiga stimullovchi ta'sir ko'rsatadi.

Bolalarga: 6 yoshdan 12 yoshgacha 1 tabletkadan kuniga 1-2 marta buyuriladi. Kattalarga: 1 tabletkadan kuniga 3-4 marta buyuriladi.

Simptomlari: allergik reaktsiyalar, bosh og'rig'i, psixomotor qo'zg'alishlar, bosh aylanishi, ko'ngil aynishi, qusish.
Davolash: me'dani yuvish, simptomatik davolash.

Preparatni boshqa paratsetamol saqlovchi preparatlar bilan birga qabul qilish mumkin emas. Preparat bilan davolash davrida jigar, buyraklar faoliyatini va periferik qon manzarasini nazorat qilish kerak. Preparatni qo'llash vaqtida preparatning gepatotoksik ta'sirini kuchayishi mumkinligi tufayli, alkogolni iste'mol qilish mumkin emas.
Avtotransport va boshqa mexanizmlarni boshqarish qobiliyatiga ta'siri.
Nojo'ya samaralarini hisobga olib, transport vositalarini boshqarish va harakatlanuvchi mexanizmlarga xizmat qilishda ehtiyotkorlikka rioya qilish kerak.
Preparat bolalar olaolmaydigan joyda saqlansin va yaroqlilik muddati o'tgach ishlatilmasin.

Monoaminooksidaza (MAO) ingibitorlari, sedativ preparatlar, etanolning samarasini kuchaytiradi.
Antidepressantlar, parkinsonizmga qarshi vositalar, antipsixotik vositalar, fenotiazin hosilalari siydik tutilishi, og'izni qurishi, qabziyat rivojlanishi xavfini oshiradi.
Glyukokortikosteroidlar glaukoma rivojlanishi xavfini oshiradi. Paratsetamol diuretik preparatlarning samarasini pasaytiradi. Xlorfeniramin MAO ingibitorlari, furazolidon bilan birga gipertonik kriz, qo'zg'aluvchanlik, giperpireksiyaga olib kelishi mumkin. Tritsiklik antidepressantlar simptomatik ta'sirni kuchaytiradi, galotan bilan bir vaqtda qo'llash qorincha aritmiyasining rivojlanishi xavfini oshiradi. Guanitidinning gipotenziv ta'sirini pasaytiradi, u esa o'z navbatida alьfa-adrenostimullovchi faolligini kuchaytiradi.

Bir tabletka saqlaydi:
Faol moddalar:
Paratsetamol BF 500 mg
Fenilefrin gidroxloridi BF 5 mg
Xlorfeniramin maleati BF 2 mg
Kofein (suvsiz) BF 30 mg
Yordamchi moddalar: kraxmal, jelatin, natriy benzoati, talьk, magniy stearati, natriy kraxmal glikolyati, to'q-qizil bo'yog'i.

Kam holatlarda allergik reaktsiyalar (teri toshmasi, eritema, eshakemi), shuningdek bosh aylanishi, uyquning buzilishi, yuqori ta'sirchanlik, ko'ngil aynishi, og'iz qurishi kuzatilishi mumkin.

Tumov, burunni bitishi, bosh og'rig'i, isitma, qaltirash, bo'g'imlar va mushaklar og'rig'i bilan kechuvchi shamollash kasalliklari, gripp, O'RVIlarda qo'llanadi.