Selevo analoglari

Nojo‘ya ta'sirlarining paydo bo‘lish chastotasi klassifikatsiyasi (JSST): juda tez-tez >1/10; tez-tez >1/100 dan <1/10 gacha; tez-tez emas >1/1000 dan <1/100 gacha; kam hollarda >1/10000 dan <1/1000 gacha; juda kam hollarda <1/10000, shu jumladan alohida habarlarni hisobga olganda.

Allergik reaktsiyalar: tez-tez emas – toshma, qichishish, eshakemi; kam hollarda – angionevrotik shish (Kvinke shishi);  chastotasi noma'lum (postmarketing ma'lumotlar) – toksik epidermal nekroliz (Layell sindromi), ko‘p shaklli ekssudativ eritema (shu jumladan havfli ekssudativ eritema yoki Stivens-Djonson sindromi), anafilaktik shok, anafilaktoid reaktsiyalar, yorug‘likka sezuvchanlik reaktsiyalari (quyosh va ulьtrabinafsha nurlariga yuqori sezuvchanlik), leykotsitoklastik vaskulit. Teri va shilliq qavatlar tomonidan kuzatiladigan reaktsiyalar hatto preparatning birinchi dozasini qabul qilgandan keyin ham rivojlanishi mumkin.

Nerv tizimi tomonidan: tez-tez – bosh og‘rig‘i, bosh aylanishi, uyqusizlik; tez-tez emas – uyquchanlik, tremor (qaltirash), disgevziya (ta'm bilishning buzilishi), bezovtalik hissi, ongning chalkashishi; kam hollarda – paresteziya, tirishishlar, ruhiy buzilishlar (masalan, gallyutsinatsiyalar bilan), depressiya, ajitatsiya (qo‘zg‘aluvchanlik), uyquni buzilishi, tungi qo‘rqinchli tushlar; tez-tezligi noma'lum (postmarketing ma'lumotlar) – periferik sensor neyropatiya, periferik sensor-motor neyropatiya, diskineziya, ekstrapiramid buzilishlar, ta'm bilishni yo‘qolishi, parosmiya (hid bilishni, ayniqsa ob'ektiv hid bilish mavjud bo‘lmagan, sub'ektiv hid bilishni buzilishi), jumladan, hid bilishni yo‘qolishi, o‘ziga zarar yetkazuvchi ruhiyat va hatti-harakatlarning buzilishi, jumladan o‘z joniga suiqasdlik g‘oyalari va harakatlari.

Yurak-qon tomir tizimi tomonidan: kam hollarda – AB (arterial qon bosimining) pasayishi, sinusli taxikardiya; chastotasi noma'lum (postmarketing ma'lumotlar) – QT intervalini uzayishi («Dorilar bilan o‘zaro ta'siri» va «Dozaning oshirib yuborilishi» bo‘limlariga qarang).

Nafas tizimi tomonidan: tez-tez emas – hansirash, chastotasi noma'lum (postmarketing ma'lumotlar) – bronxospazm, allergik pnevmonit.

Ovqat hazm qilish tizimi tomonidan: tez-tez – diareya (ich ketishi), qusish, ko‘ngil aynishi, qondagi «jigar» fermentlari (masalan, ALT, AST) faolligining oshishi; har doim ham – qorin og‘rig‘i, dispepsiya, anoreksiya, qonda bilirubin kontsentratsiyasining oshishi; kam hollarda – gipoglikemiya, ayniqsa qandli diabeti mavjud bo‘lgan bemorlarda (gipoglikemiyani kuzatiladigan belgilari: «bo‘ri» ishtahasi, asabiylik, ko‘p terlash, titrash); tez-tezligi noma'lum (postmarketing ma'lumotlar) – juda kam hollarda enterokolit, jumladan sohta membranoz kolitning belgilari bo‘lishi mumkin bo‘lgan gemorragik diareya, og‘ir jigar yetishmovchiligi, gepatit.

Siydik-tanosil a'zolari tomonidan: tez-tez emas – qon zardobidagi kreatinin kontsentratsiyasining oshishi; kam hollarda – o‘tkir buyrak yetishmovchiligi (masalan, interstitsial nefrit rivojlanishi oqibatida).

Tayanch-harakat tizimi tomonidan: tez-tez emas – artralgiya, mialgiya; kam hollarda – paylarning shikastlanishi, jumladan tendinit (masalan, axill payi), sohta paralitik miasteniyasi (myasthenia gravis) mavjud bo‘lgan bemorlarda ayniqsa havfli bo‘lishi mumkin mushaklar kuchsizligi, («Ehtiyotkorlik choralari» bo‘limiga qarang); tez-tezligi noma'lum (postmarketing ma'lumotlar) – rabdomioliz, payni uzilishi (masalan, axill payini). Bu nojo‘ya ta'sir davolash boshlangandan so‘ng 48 soat davomida kuzatilishi va ikki tomonlama xarakterga ega bo‘lishi mumkin («Ehtiyotkorlik choralari» bo‘limiga qarang).

Sezgi a'zolari tomonidan: tez-tez emas – vertigo (o‘z tanasi yoki atrofdagi jismlarni og‘ishi yoki aylanishi hissi); kam hollarda – quloqlarning shang‘illashi; tez-tezligi noma'lum (postmarketing ma'lumotlar) – eshitishning pasayishi; juda kam hollarda – ko‘rinayotgan tasvirni noaniqligi kabi, ko‘rishning buzilishi.

Laborator ko‘rsatkichlar tomonidan: tez-tez emas – leykopeniya (periferik qonda leykotsitlar miqdorining kamayishi), eozonofiliya (periferik qonda eozonofillar miqdorining oshishi); kam hollarda – neytropeniya (periferik qonda neytrofillar miqdorining kamayishi), trombotsitopeniya (periferik qonda trombotsitlar miqdorining kamayishi); chastotasi noma'lum (postmarketing ma'lumotlar) – pantsitopeniya (periferik qonda barcha shaklli elementlar miqdorining kamayishi), agranulotsitoz (periferik qonda granulotsitlar miqdorining keskin kamayishi yoki yo‘qligi), gemolitik anemiya.

Boshqalar: tez-tez emas – asteniya, zamburug‘li infektsiyalar, chidamli patogen mikroorganizmlarning rivojlanishi; kam hollarda – pireksiya (tana haroratini ko‘tarilishi).

Barcha ftorxinolonlarga tegishli bo‘lgan boshqa nojo‘ya ta'sirlar: juda kam hollarda – porfiriya kasalligi mavjud bemorlarda porfiriya hurujlari (moddalar almashinuvining juda kam uchraydigan kasalligi) kuzatilishi mumkin.