ALMAGEL suspenziya 10ml N10

Algeldrat

So'rilishi - preparatning oz miqdori rezorbsiyalanadi, bu qondagi alyuminiy tuzlari kontsentratsiyasini amalda o'zgartirmaydi.

Taqsimlanishi - yo'q.

Metabolizmi - yo'q.

Chiqarilishi - ichak orqali chiqariladi.

Magniy gidroksidi

So'rilishi - magniy ionlari qabul qilingan dozaning taxminan 10% da rezorbsiyalanadi va qondagi magniy ionlari kontsentratsiyasini o'zgartirmaydi.

Taqsimlanishi - odatda mahalliy.

Metabolizmi - yo'q.

Chiqarilishi - ichak orqali chiqariladi.

Almagel qabziyatni keltirib chiqarishi mumkin, bu dozani kamaytirgandan keyin o'tib ketadi.

Kam hollarda ko'ngil aynishi, qusish, oshqozon spazmi, ta'm sezgilarining o'zgarishi, allergik reaksiyalar va gipermagniemiya (qonda magniy darajasining oshishi) kuzatiladi. Buyrak yetishmovchiligi bo'lgan va dializdagi bemorlarda preparat uzoq vaqt qabul qilinganda kayfiyat va aqliy faollikning o'zgarishi mumkin; Yuqori dozalarda uzoq vaqt qabul qilinganda, ovqatda fosfor tanqisligi bilan bir qatorda osteomalyatsiya paydo bo'lishi mumkin.

Og'ir qabziyati bor bemorlarda; kelib chiqishi noma'lum bo'lgan me'da og'rig'ida va o'tkir appenditsitga shubha qilinganda; yarali kolit, divertikulyoz, kolostomiya yoki ileostomiya mavjud bo'lganda; surunkali diareya; o'tkir gemorroy; organizmda kislota-ishqor muvozanati o'zgarganda, shuningdek metabolik alkaloz mavjud bo'lganda; jigar sirrozida; og'ir yurak yetishmovchiligida; homiladorlik toksikozida; buyrak funksiyasi buzilishlarida (kreatinin klirensi
Preparat uzoq muddat (20 kundan ortiq) qabul qilinganda, buyrak yetishmovchiligi bo'lgan bemorlarni davolashda zardobdagi magniy darajasini muntazam shifokor nazorati zarur.

Preparat shakar saqlamaydi, bu uni qandli diabeti bo'lgan bemorlarga qabul qilish imkonini beradi. Preparat sorbitol saqlaydi, u tug'ma fruktozani o'zlashtira olmaslikda mumkin emas.

Preparatning transport vositalarini va boshqa mexanizmlarni boshqarish qobiliyatiga ta'siri:

Almagel avtomobilni boshqarish va mexanizmlar bilan ishlash qobiliyatiga ta'sir qilmaydi. Tavsiya etilgan sutkalik dozada qabul qilinganda preparat tarkibidagi etil spirti avtomobilni boshqarish va mexanizmlar bilan ishlash qobiliyatiga ta'sir qilmaydi.

- Ta'sir etuvchi yoki preparat tarkibiga kiruvchi har qanday yordamchi moddaga yuqori sezuvchanlik.

- Buyrak yetishmovchiligining og'ir shakli (gipermagniemiya va alyuminiy intoksikatsiyasi rivojlanish xavfi tufayli).

- Homiladorlik.

- Altsgeymer kasalligi.

- Gipofosfatemiya.

- 10 yoshgacha bo'lgan bolalar.

- Tug'ma fruktoza o'zlashtiraolmaslik (sorbitol saqlaydi).

Homiladorlik va laktatsiya:

Hayvonlarda o'tkazilgan tadqiqotlar shuni ko'rsatdiki, teratogen potentsial yoki embrion va/yoki homilaga boshqa noxush ta'sirlar mavjudligi to'g'risida ma'lumotlar yo'q. Homilador ayollar tomonidan Almagel qo'llanilishi haqida klinik ma'lumotlar yo'q. Homiladorlik vaqtida preparat tavsiya etilmaydi, lekin agar uni qo'llashdan kutilayotgan foyda homila uchun potentsial xavfdan ustun bo'lsa, preparatni shifokor nazorati ostida 5-6 kundan ortiq qabul qilmaslik kerak.

Preparatning faol moddalari ko'krak suti bilan ajralib chiqishi haqida ma'lumotlar yo'q. Almagelni emizish davrida faqat ona uchun foyda va yangi tug'ilgan chaqaloq uchun potentsial xavf nisbati sinchkovlik bilan baholangandan keyin qo'llash mumkin.

Emizish davrida shifokor nazorati ostida 5-6 kundan ortiq bo'lmagan muddatda qo'llash tavsiya etiladi.

Ba'zi dori vositalarini adsorbsiya qilishi mumkin, shu tariqa ularning so'rilishini kamaytiradi, shuning uchun boshqa dori vositalarini bir vaqtda qabul qilishda ularni Almagel qabul qilingandan 1-2 soat oldin yoki keyin qabul qilish kerak.

Almagel me'da shirasining kislotaliligini kamaytiradi va bu bir vaqtda qabul qilinganda ko'p sonli dori vositalarining ta'siriga ta'sir qilishi mumkin.

Almagel H2-gistamin retseptorlari blokatorlari (simetidin, ranitidin, famotidin), yurak glikozidlari, temir tuzlari, litiy preparatlari, xinidin, meksiletin, fenotiazin preparatlari, tetratsiklin qatori antibiotiklari, siprofloksatsin, izoniazid va ketokonazol samarasini kamaytiradi.

Ichakda eruvchan preparatlar bir vaqtda qabul qilinganda me'da shirasining yuqori pH i ularning qobig'i tez buzilishiga va me'da va o'n ikki barmoqli ichak ta'sirlanishini chaqirishga olib kelishi mumkin.

Almagel ba'zi laborator va funktsional tekshiruvlar va testlar natijalariga ta'sir qilishi mumkin: u kislotaliligini aniqlashda me'da sekretsiyasi darajasini pasaytiradi; texnetsiy (TS₉₉) ishlatiladigan testlar natijalarini o'zgartiradi, masalan suyaklar stsintigrafiyasi va qizilo'ngachni tekshirish uchun ba'zi testlar, zardobdagi fosfor darajasini, zardob va siydik pH qiymatlarini oshiradi.