ALMAGEL NEO suspenziya 10ml N10
ALMAGEL NEO suspenziya 10ml N10 haqida qo'llanma
Farmakokinetikasi
Simetikon fiziologik va kimyoviy inertligi tufayli a'zo va to'qimalarga so'rilmaydi va me'da-ichak traktidan (MITY) o'tgandan so'ng o'zgarmagan holda chiqariladi. Ichakda alyuminiy va magniy ionlarining so'rilishi - past. Buyrak funktsiyasi normal bo'lganda qondagi alyuminiy va magniy kontsentratsiyasi o'zgarmaydi. Surunkali buyrak yetishmovchiligi bo'lgan bemorlarda alyuminiy va magniyning qondagi darajasi ularning chiqarilishi buzilishi natijasida toksik qiymatlargacha oshishi mumkin.
Nojo'ya samaralari
Allergik reaksiyalar, ko'ngil aynishi, qusish, ta'm sezgilarining o'zgarishi, qabziyat, diareya. Yuqori dozalarda uzoq vaqt qabul qilinganda - gipofosfatemiya, gipokaltsiemiya, giperkaltsiuriya, osteomalyatsiya, osteoporoz, gipermagniemiya, giperalyuminemiya, entsefalopatiya, nefrokalsinoz, buyrak funktsiyasining buzilishi. Hamroh buyrak yetishmovchiligi bo'lgan bemorlarda - chanqoq, qon bosimining pasayishi, giporefleksiya.
Maxsus saqlash sharoitlari
Almagel® Neo va boshqa dori vositalarini qabul qilish orasidagi oraliq 1-2 soatni tashkil qilishi kerak.
Uzoq muddat qabul qilganda ovqat bilan yetarli miqdorda fosfor tushishini ta'minlash lozim.
Nazorat qilinadigan klinik sinovlar ma'lumotlari yo'qligi sababli, emizikli ayollarga Almagel® Neoni faqat shifokor maslahatidan so'ng qabul qilish kerak.
Preparatning bitta o'lchov qoshig'i (5 ml) 0,113 g etil spirti saqlaydi. Preparatning bitta paketchasi (10 ml) 0,226 g etil spirti saqlaydi.
Natijada jigar va miya kasalliklari bo'lgan bemorlarda, alkogolizm va epilepsiya bilan og'riganlarda, homilador ayollar va 18 yoshgacha bo'lgan bolalarda asoratlar yuzaga kelishi mumkin.
Preparatning sutkalik dozasi (8 o'lchov qoshig'i yoki 4 paketcha) 0,904 g etil spirti saqlaydi, suspenziyaning maksimal sutkalik dozasi (12 o'lchov qoshig'i yoki 6 paketcha) 1,356 g etil spirti saqlaydi. Almagel® Neo preparatining bitta o'lchov qoshig'i (5 ml) 0,475 g sorbitol saqlaydi. Bitta paketcha (10 ml) suspenziya 0,950 g sorbitol saqlaydi. Sorbitol tug'ma fruktozani o'zlashtira olmaslikda mumkin emas va me'da ta'sirlanishi hamda diareyani chaqirishi mumkin.
Transport vositalarini va mexanizmlarni boshqarish qobiliyatiga ta'siri:
Almagel® Neo avtotransportni boshqarish va yuqori diqqatni jamlash hamda psixomotor reaksiyalar tezligini talab qiluvchi mexanizmlar bilan ishlash qobiliyatiga salbiy ta'sir ko'rsatmaydi.
Qo'llanilishi mumkin bo'lmagan holatlar
Yuqori sezuvchanlik, surunkali buyrak yetishmovchiligi, homiladorlik, Altsgeymer kasalligi, gipofosfatemiya, 10 yoshgacha bo'lgan bolalar, tug'ma fruktoza o'zlashtiraolmaslik.
Ehtiyotkorlik bilan:
Laktatsiya davri, jigar kasalliklari, alkogolizm, bosh miya jarohati, bosh miya kasalliklari, epilepsiya, 10 yoshdan 18 yoshgacha bo'lgan bolalar va o'smirlar.
Homiladorlik va laktatsiya:
Nazorat qilingan klinik sinovlar ma'lumotlari yo'qligi sababli, emizikli ayollarga Almagel® Neo ni faqat shifokor maslahatidan keyin qabul qilish kerak.
Dori vositalarining o'zaro ta'siri
Almagel® Neo digoksin, indometatsin, salitsilatlar, xlorpromazin, fenitoin, H2-gistamin retseptorlari blokatorlari, beta-adrenoblokatorlar, diflunizal, ketokonazol va itrakonazol, izoniazid, tetratsiklin qatori antibiotiklari va xinolonlar, azitromitsin, sefpodoksim, pivampitsillin, rifampitsin, bilvosita antikoagulyantlar, barbituratlar, feksofenadin, dipiridamol, zaltsitabin, xenodezoksixol va ursodezoksixol kislotalari, penitsillamin va lansoprazolning so'rilishini kamaytiradi va sekinlashtiradi.
M-xolinoblokatorlar me'da bo'shalishini sekinlashtirib, preparat ta'sirini kuchaytiradi va uzaytiradi.
Dozirovkasi
Ichga, 2 o'lchov qoshiqdan yoki apelsin ta'mli 1 paketchadan suspenziya sutkasiga 4 marta ovqatdan 1 soat keyin va kechqurun uyqudan oldin. Zarurat bo'lganda bir martalik dozani 3 o'lchov qoshiqqacha kuniga 4 martagacha oshirish mumkin.
Maksimal sutkalik doza 12 o'lchov qoshiqdan oshmasligi kerak.
10 yoshdan katta bolalar
Dozani davolovchi shifokor belgilaydi - odatda kattalar uchun dozaning 1/2 qismi.
Davolash kursi - 4 haftadan oshmasligi kerak. Qo'llashdan oldin suspenziyani flakonni silkitib yoki paketni uqalab va silkitib, yaxshilab gomogenizatsiya qilish kerak. Almagel® Neo ni suv bilan suyultirmasdan va ichmasdan qabul qilish maqsadga muvofiqdir. Preparatni qabul qilgandan keyin yarim soat davomida suyuqlik qabul qilish tavsiya etilmaydi.Dozani oshirib yuborishSimptomlari. Yuqori dozalarni uzoq muddat qo'llash gipermagniyemiya rivojlanishiga olib kelishi mumkin, bu tez charchash, yuzning qizarishi, oriqlash, mushak zaifligi va xulq-atvorning noadekvatligi bilan tavsiflanadi.
Metabolik alkaloz belgilari ham kuzatilishi mumkin: kayfiyatning o'zgarishi, aqliy faoliyatning buzilishi, mushaklarda uvishish yoki og'riq, asabiylashish va tez charchash, nafas olishning sekinlashishi, yoqimsiz ta'm sezgilari.
Shoshilinch choralar. Preparatni tez chiqarish bo'yicha darhol choralar ko'rish kerak - oshqozonni yuvish, qusishni stimulyatsiya qilish, faollashtirilgan ko'mir qabul qilish.
Hajm/og'irlik
ALMAGEL NEO suspenziya 10ml N10 o'xshash dorilari
ALMAGEL NEO suspenziya 10ml N10 xususiyatlari
Almagel boshqa chiqarish shakllari
ALMAGEL NEO suspenziya 10ml N10 analoglari
