AMBROKSOL sirop 100 ml 30 mg/5 ml
AMBROKSOL sirop 100 ml 30 mg/5 ml haqida qo'llanma
Farmakokinetikasi
So'rilishi - yuqori (har qanday yuborish yo'llarida), qonda maksimal kontsentratsiyaga erishish vaqti 2 soatni tashkil qiladi, plazma oqsillari bilan bog'lanishi - 85%. Gematoensefalik to'siq, yo'ldosh to'sig'i orqali o'tadi, ko'krak suti bilan ajralib chiqadi. Metabolizmi - jigarda, dibromantranil kislotasi va glyukuron konyugatlari hosil qiladi. Yarim chiqarilish davri Т1/2 - 7 - 12 soat. Buyraklar orqali: 90% suvda eruvchan metabolitlar ko'rinishida, o'zgarmagan holda - 10% chiqariladi. Т1/2 og'ir surunkali buyrak yetishmovchiligida (SBYe) 20 - 40% ga ortadi, jigar funktsiyasi buzilganda o'zgarmaydi.
Nojo'ya samaralari
Oshqozon-ichak trakti tomonidan: kam hollarda - ko'ngil aynishi, diareya, qabziyat, gastralgiya, qusish.
Allergik reaksiyalar: teri toshmasi, qichishish, eshakemi, kontakt dermatit, ayrim hollarda - anafilaktik shok, angionevrotik shish, ekzantema.
Nafas olish tizimi tomonidan: nafas yo'llarida quruqlik
Siydik chiqarish tizimi tomonidan: dizuriya.
Boshqalar: holsizlik, bosh og'rig'i, rinoreya.
Nojo'ya ta'sirlar paydo bo'lganda preparatni qabul qilishni to'xtatish va shifokorga murojaat qilish kerak.
Maxsus ko‘rsatmalari
Bronxial astmadan aziyat chekuvchi bemorlarda nafas yo'llarining nospetsifik ta'sirlanishi va ularning spazmi oldini olish uchun ambroksol ingalyatsiyasidan oldin bronxolitiklarni qo'llash mumkin.
Qo'llanilishi mumkin bo'lmagan holatlar
Ambroksolga yoki yordamchi moddalardan birortasiga yuqori sezuvchanlik; homiladorlik (I trimestr); laktatsiya davri. Fruktozani o'zlashtiraolmaslik, chunki preparat sorbitolni saqlaydi.
Dori vositalarining o'zaro ta'siri
Bronxial astmadan aziyat chekadigan bemorlarda nafas yo'llarining nospetsifik ta'sirlanishi va ularning spazmini oldini olish uchun ambroksol ingalyatsiyasidan oldin bronxolitiklarni qo'llash mumkin.
Dozirovkasi
Kattalar va 12 yoshdan katta bolalar: birinchi 2-3 kun davomida kuniga 3 marta 5 ml sirop qabul qiladilar, keyin dozani kuniga 2 marta 5 ml siropgacha kamaytirish kerak.
6 yoshdan 12 yoshgacha bo'lgan bolalar: 2,5 ml siropdan kuniga 2-3 marta.
2 yoshdan 6 yoshgacha bo'lgan bolalar: 1,25 ml siropdan kuniga 3 marta.
2 yoshgacha bo'lgan bolalar: 1,25 ml siropdan kuniga 2 marta.
Kattalar uchun maksimal sutkalik doza 120 mg ambroksol; 6 yoshdan 12 yoshgacha bo'lgan bolalar uchun maksimal sutkalik doza - 45 mg ambroksol, 2 yoshdan 6 yoshgacha bo'lgan bolalar uchun - 22,5 mg ambroksol, 2 yoshgacha bo'lgan bolalar uchun - 15 mg ambroksol.
Davolash davomiyligi kasallikning kechishiga qarab individual ravishda tanlanadi. Ambroksolni shifokor tayinlovisiz 4-5 kundan ortiq qabul qilish tavsiya etilmaydi.
Hajm/og'irlik
AMBROKSOL sirop 100 ml 30 mg/5 ml o'xshash dorilari
AMBROKSOL sirop 100 ml 30 mg/5 ml xususiyatlari
Ambroksol boshqa chiqarish shakllari
AMBROKSOL sirop 100 ml 30 mg/5 ml analoglari
