ANTIGRIPPIN kapsulalar

Antigrippin aptekarskiy preparatining farmakokinetikasi bo'yicha ma'lumotlar taqdim etilmagan.

Majmuaviy preparat, isitma tushiruvchi, yallig‘lanishga qarshi, og‘riq qoldiruvchi, angioprotektor, antikongestiv ta’sirga ega. Preparatning farmakologik faolligi uning tarkibiga kiruvchi ta’sir etuvchi moddalarning xususiyatlari bilan bog‘liq.

Atsetilsalitsil kislotasi yallig‘lanishga qarshi omillarni, TsOG ni bostirish hisobiga yallig‘lanishning ekssudativ va proliferativ fazalarini bostiradi, yallig‘lanish mediatorlari sintezini tormozlaydi yoki faolsizlantiradi. Og‘riq qoldiruvchi, isitma tushiruvchi va yallig‘lanishga qarshi ta’sirga ega, trombotsitlar agregatsiyasini tormozlaydi.

Askorbin kislotasi organizmdagi oksidlanish-qaytarilish reaksiyalarining ko‘p turlarida ishtirok etadi, lipidlar, oqsillar va hujayraning boshqa komponentlari peroksidli oksidlanish jarayonlarini tormozlaydi, bu bilan uni shikastlanishdan himoya qiladi. Askorbin kislotasi qonda interferon kontsentratsiyasini oshiradi, uning membranani barqarorlashtiruvchi samarasi va immunomodulyatsiya qiluvchi ta’siri shuning bilan bog‘liq. Askorbin kislotasi leykotsitlarda to‘planish qobiliyatiga ega, ularning fagotsitar faolligini kuchaytiradi, bu mikroblarga qarshi va viruslarga qarshi himoyani oshiradi. Buyrak usti bezi po‘stlog‘ida kortikoid gormonlar biosintezini faollashtiradi va shu bilan stressda organizmning moslashuv jarayonlarini rag‘batlantiradi.

Rutozid - angioprotektor vosita. Hujayrada biologik muhim birikmalarni, xususan ubixinonni qurish uchun ishlatilishi mumkin bo‘lgan bioflavonoidlar guruhiga mansub. Virusli infeksiya vaqtida o‘tkazuvchanligi oshadigan qon tomirlari devorlarini mustahkamlash hisobiga kapillyar qon ketishini kamaytirishga qodir. Rutozid immun tizimining normal darajasini saqlab turishga ijobiy ta’sir ko‘rsatadi.

Metamizol natriy - narkotik bo‘lmagan analgetik vosita, pirazolon hosilasi, TsOG ni neselektiv bloklaydi va araxidon kislotasidan prostaglandinlar hosil bo‘lishini kamaytiradi. Og‘riq impulslari o‘tkazilishiga to‘sqinlik qiladi, og‘riq sezuvchanligining talamik markazlari qo‘zg‘aluvchanligi ostonasini oshiradi, issiqlik chiqarilishini oshiradi. Og‘riq qoldiruvchi, isitma tushiruvchi va biroz spazmolitik (siydik chiqarish va o‘t yo‘llari silliq mushaklariga nisbatan) ta’sir ko‘rsatadi.

Difengidramin - gistamin H_{-retseptorlarining raqobatli blokatori. Yaqqol antigistamin faollikka ega (endogen va ekzogen gistaminga organizm reaksiyasini susaytiradi). Bundan tashqari, mahalliy og‘riqsizlantiruvchi ta’sir ko‘rsatadi, bevosita spazmolitik ta’sir natijasida silliq mushaklarni bo‘shashtiradi, vegetativ nerv tugunlarining xolinoretseptorlarini o‘rtacha darajada bloklaydi. Kapillyarlar o‘tkazuvchanligini pasaytiradi, to‘qimalar shishi va gipotenziyaning oldini oladi, shu bilan tomirlar o‘tkazuvchanligini kamaytiradi, burun shilliq qavati shishi va giperemiyasini, tomoqdagi qirilishni, yuqori nafas yo‘llari tomonidan allergik reaksiyalarni bartaraf etadi. Difengidraminning muhim xususiyati uning sedativ ta’siri hisoblanadi.}

Kalsiy glyukonati kalsiy ionlari manbai hisoblanadi, ular nerv impulslarini uzatish jarayonini amalga oshirish, skelet va silliq mushaklarning qisqarishi, yurak mushagi faoliyati, suyak to‘qimasini shakllantirish, qon ivishi uchun zarurdir. Kalsiy ionlari hujayralar va tomir devori o‘tkazuvchanligini pasaytiradi, yallig‘lanish reaksiyalari rivojlanishining oldini oladi, organizmning infeksiyalarga chidamliligini oshiradi.

Allergik reaksiyalar: teri toshmasi, Kvinke shishi, bronxospazm.

Yurak-qon tomir tizimi tomonidan: AB oshishi, taxikardiya.

Ovqat hazm qilish tizimi tomonidan: anoreksiya, ko'ngil aynishi, qusish, gastralgiya, diareya, MIT eroziv-yarali shikastlanishlari, me'da-ichakdan qon ketishlar, jigar yetishmovchiligi.

Siydik chiqarish tizimi tomonidan: buyrak yetishmovchiligi.

Preparat uzoq muddat (7 kundan ortiq) qo'llanilganda qayd etiladigan nojo'ya ta'sirlar

MNT tomonidan: bosh aylanishi, bosh og'rig'i.

Sezgi organlari tomonidan: ko'rishning buzilishi, quloqlarda shovqin, karlik.

Qon yaratish tizimi tomonidan: leykopeniya, trombotsitopeniya, agranulotsitoz.

Nafas olish tizimi tomonidan: bronxospazmga moyillik bo'lganda xurujni qo'zg'atishi mumkin.

Qon ivish tizimi tomonidan: trombotsitlar agregatsiyasining pasayishi, gipokoagulyatsiya, gemorragik sindrom (shu jumladan burundan qon ketishi, milklarning qonashi, purpura).

Siydik chiqarish tizimi tomonidan: buyraklarning papillyar nekroz bilan shikastlanishi, buyrak faoliyatining buzilishi, oliguriya, anuriya, proteinuriya, interstitsial nefrit, metabolit ajralishi hisobiga siydikning qizil rangga bo'yalishi.

Allergik reaksiyalar: anafilaktik shok, Stivens-Jonson sindromi, toksik epidermal nekroliz (Layell sindromi).

Boshqalar: Reye sindromi (giperpireksiya, metabolik atsidoz, asab tizimi va ruhiyat tomonidan buzilishlar, qusish, jigar faoliyatining buzilishi).

Bemor barcha nojo'ya ta'sirlar, shu jumladan yuqorida ko'rsatilmaganlari haqida ham davolovchi shifokorga xabar berishi va preparat qabul qilishni to'xtatishi kerakligi haqida ogohlantirilishi kerak.

Atsetilsalitsil kislotasi antiagregant ta'sir ko'rsatishi sababli, agar bemorda jarrohlik aralashuvi rejalashtirilgan bo'lsa, u oldindan shifokorni preparat qabul qilinayotgani haqida ogohlantirishi kerak.

Atsetilsalitsil kislotasi past dozalarda siydik kislotasi chiqarilishini kamaytiradi, bu ba'zi hollarda podagra xurujini qo'zg'atishi mumkin.

Preparat qo'llanilishi fonida bemorlar oshqozon-ichakdan qon ketishi rivojlanish xavfi yuqoriligi sababli alkogol saqlovchi ichimliklarni iste'mol qilishdan saqlanishlari kerak.

Askorbin kislotasining kortikosteroid gormonlar sinteziga rag'batlantiruvchi ta'siri munosabati bilan buyrak funksiyasi va AB ni nazorat qilish zarur.

Tez proliferatsiyalanuvchi va intensiv metastazlanuvchi o'smalari bo'lgan bemorlarga askorbin kislotasini tayinlash jarayon kechishini og'irlashtirishi mumkin.

Askorbin kislotasi qaytaruvchi sifatida turli laborator testlar (qon plazmasida glyukoza, bilirubin miqdori, jigar transaminazalari, LDG faolligini aniqlash) natijalarini buzishi mumkin.

Bronxial astma va pollinozlari bo'lgan bemorlarda preparat qabul qilinganda yuqori sezuvchanlik reaksiyalari rivojlanishi mumkin.

Avtotransportni haydash va mexanizmlarni boshqarish qobiliyatiga ta'siri

Preparatni qo'llash davrida transportni boshqarishda va diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishda ehtiyotkorlikka rioya qilish kerak.

• MIO yo'llarining eroziv-yarali shikastlanishlari (zo'rayish bosqichida);
• me'da-ichakdan qon ketishi;
• qon ketishlarga yuqori moyillik;
• qon yaratishning susayishi (agranulotsitoz, neytropeniya, leykopeniya);
• irsiy gemolitik anemiya (shu jumladan glyukoza-6-fosfatdegidrogenaza tanqisligi bilan bog'liq);
• gemorragik diatеzlar (gemofiliya, Villebrand kasalligi, teleangiektaziya, trombotsitopenik purpura, gipoprotrombinemiya, trombotsitopeniya);
• K vitamini tanqisligi;
• bronxial astma va bronxospazm bilan kechuvchi kasalliklar (shu jumladan "aspirinli" astma);
• jigar funksiyasining og'ir buzilishlari;
• buyrak funksiyasining og'ir buzilishlari;
• giperkalsiemiya (kalsiy ionlari konsentratsiyasi 12 mg% yoki 6 mekv/l dan oshmasligi kerak);
• nefrolitiaz (kalsiyli);
• giperkalsiuriya;
• sarkoidoz;
• yurak glikozidlarini bir vaqtda qo'llash (aritmiya paydo bo'lish xavfi);
• aorta anevrizmasining qatlamlanishi;
• portal gipertenziya;
• glyukoza-6-fosfatdegidrogenaza tanqisligi;
• homiladorlik;
• laktatsiya davri (emizish);
• 18 yoshgacha bo'lgan bolalar va o'smirlar;
• preparat tarkibiy qismlariga yuqori sezuvchanlik.

Giperurikemiya, uratli nefrolitiaz, podagra, me'da va o'n ikki barmoqli ichak yarasi kasalligi (anamnezda), dekompensatsiyalangan yurak yetishmovchiligida preparatni ehtiyotkorlik bilan buyuradilar.

Bir vaqtda qo'llanilganda Antigrippin aptekarskiy geparin, peroral antikoagulyantlar, rezerpin, steroid gormonlar va gipoglikemik vositalar ta'sirini kuchaytiradi.

Bir vaqtda qo'llanilganda Antigrippin aptekarskiy spironolakton, furosemid, antigipertenziv va urikozurik vositalar samaradorligini kamaytiradi.

GKS, sulfonilmochil hosilalari, metotreksat, narkotik bo'lmagan analgetiklar va NYQVning nojo'ya reaktsiyalarini kuchaytiradi.

Preparat barbituratlar, tutqanoqqa qarshi vositalar, zidovudin, rifampitsin va etanol saqlovchi preparatlar bilan bir vaqtda qo'llanilganda gepatotoksik ta'sir xavfi ortadi. Ko'rsatilgan kombinatsiyalardan qochish kerak.

Askorbin kislotasi ichakda temir preparatlari so'rilishini yaxshilaydi.

Tritsiklik antidepressantlar, peroral kontratseptivlar va allopurinol jigarda metamizol metabolizmini buzadi va uning toksikligini oshiradi.

Natriy metamizol alkogol saqlovchi ichimliklar samaralarini kuchaytiradi.

Natriy metamizol siklosporin bilan bir vaqtda qo'llanilganda oxirgisining qon plazmasidagi darajasini pasaytiradi.

Natriy metamizol bilan bir vaqtda qo'llanilganda tiamazol va melfalan leykopeniya rivojlanish xavfini oshiradi.

Sedativ vositalar va trankvilizatorlar natriy metamizolning og'riq qoldiruvchi ta'sirini kuchaytiradi.

Rentgenokontrast moddalar, kolloid qon o'rnini bosuvchilar va penitsillinni natriy metamizol bilan terapiya vaqtida qo'llash kerak emas.

Preparat ichga, ovqatdan keyin, suv bilan, kasallik belgilari yo'qolguncha 3-5 kun davomida kuniga 2-3 marta qabul qilinadi.

Kattalarga har qabulda 2 kapsuladan buyuriladi: 1 ta yashil kapsula (A blisterdan) va 1 ta oq kapsula (B blisterdan).

Bemor ogohlantirilishi kerakki, agar 5 kunlik davolanishdan keyin ahvoli yaxshilanmasa, preparatni qabul qilishni to'xtatish va shifokorga murojaat qilish kerak.