Berodual

Ipratropiy bromidi va fenoterol kombinatsiyasining terapevtik ta'siri uning nafas yo'llaridagi mahalliy ta'siri natijasidir. Bronxodilatatsiyaning rivojlanishi faol moddalarning farmakokinetik ko'rsatkichlariga to'g'ri proportsional emas.

Ingalyatsiyadan so'ng odatda o'pkaga (dori shakli va ingalyatsiya usuliga qarab) yuborilgan doza preparatning 10–39% tushadi. Dozaning qolgan qismi mundshtukda, og'iz bo'shlig'ida va halqumda cho'kadi. Halqumda cho'kkan dozaning bir qismi yutiladi va MITYga tushadi.

O'pkaga tushgan preparat dozasining bir qismi tezda tizimli qon oqimiga yetib boradi (bir necha daqiqa ichida).

Kombinatsiyalangan preparat farmakokinetikasi har bir alohida komponentnikidan farq qilishiga dalillar yo'q.

Fenoterol

Dozaning yutilgan qismi sulfat konyugatlarigacha metabolizmga uchraydi. Ichga qabul qilinganda mutlaq biologik kira olishligi past (taxminan 1,5%).

V/i yuborilgandan so'ng erkin va konyugatsiyalangan fenoterol siydikning 24 soatlik tahlilida yuborilgan dozaning mos ravishda 15 va 27% ini tashkil qiladi. Fenoterolning ingalyatsiya qilingan dozasining umumiy tizimli biologik kira olishligi 7% deb baholanadi.

Fenoterol taqsimlanishini tavsiflovchi kinetik parametrlar v/i yuborilgandan keyin plazmadagi kontsentratsiya bo'yicha hisoblangan. V/i yuborilgandan so'ng plazma kontsentratsiyasi-vaqt profillari 3 kamerali farmakokinetik model bilan tavsiflanishi mumkin, unga ko'ra T_1/2 taxminan 3 soatni tashkil qiladi. Ushbu 3 kamerali modelda fenoterolning ko'rinadigan V_ss taxminan 189 l (»2,7 l/kg).

Fenoterolning taxminan 40% plazma oqsillari bilan bog'lanadi.

Klinikadan oldingi tadqiqotlar shuni ko'rsatdiki, fenoterol va uning metabolitlari GEB orqali o'tmaydi. Fenoterolning umumiy klirensi — 1,8 l/daq, buyrak klirensi — 0,27 l/daq. V/i yuborilgandan so'ng izotop bilan belgilangan dozaning (boshlang'ich birikma va barcha metabolitlarni o'z ichiga olgan holda) umumiy buyrak ekskretsiyasi (2 kun ichida) 65% ni tashkil etdi. V/i yuborilgandan so'ng ichak orqali ajralib chiqadigan izotop bilan belgilangan umumiy doza 14,8% ni, ichga qabul qilingandan keyin — 48 soat ichida 40,2% ni tashkil etdi. Ichga qabul qilingandan so'ng buyraklar orqali ajralib chiqadigan izotop bilan belgilangan umumiy doza taxminan 39% ni tashkil etdi.

Ipratropiy bromidi

Boshlang'ich birikmaning umumiy buyrak ekskretsiyasi (24 soat ichida) v/i yuborilgan doza qiymatining taxminan 46% ini, ichga qo'llaniladigan doza qiymatining 1% dan kamrog'ini va preparatning ingalyatsion doza qiymatining taxminan 3–13% ini tashkil qiladi. Ushbu ma'lumotlarga asoslanib, ichga va ingalyatsion qo'llaniladigan ipratropiy bromidining umumiy tizimli biologik kira olishligi mos ravishda 2 va 7–28% ni tashkil qilishi hisoblab chiqilgan. Shunday qilib, ipratropiy bromidining yutilgan qismining tizimli ta'sirga ta'siri arzimasdir.

Ipratropiy bromidi taqsimlanishini tavsiflovchi kinetik parametrlar v/i yuborilgandan keyin uning plazmadagi kontsentratsiyalari asosida hisoblanadi. Plazmadagi kontsentratsiyaning tez ikki fazali pasayishi kuzatiladi. Ko'rinadigan V_ss taxminan 176 l (»2,4 l/kg) ni tashkil qiladi. Preparat plazma oqsillari bilan minimal darajada (20% dan kamroq) bog'lanadi. Klinikadan oldingi tadqiqotlar shuni ko'rsatdiki, ammoniyning to'rtlamchi hosilasi bo'lgan ipratropiy bromidi GEB orqali o'tmaydi.

T_1/2 yakuniy fazada taxminan 1,6 soatni tashkil qiladi.

Ipratropiy bromidining umumiy klirensi 2,3 l/daq, buyrak klirensi esa — 0,9 l/daq ni tashkil qiladi. V/i yuborilgandan so'ng dozaning taxminan 60% asosan jigarda oksidlanish yo'li bilan metabolizmga uchraydi.

Izotop bilan belgilangan dozaning (boshlang'ich birikma va barcha metabolitlarni o'z ichiga olgan holda) umumiy buyrak ekskretsiyasi (6 kun ichida) v/i yuborilgandan so'ng 72,1% ni, ichga qabul qilingandan keyin — 9,3% ni, ingalyatsion qo'llanilgandan keyin esa — 3,2% ni tashkil etdi. V/i yuborilgandan so'ng ichak orqali ajralib chiqadigan izotop bilan belgilangan umumiy doza 6,3% ni, ichga qabul qilingandan keyin — 88,5% ni, ingalyatsion qo'llanilgandan keyin esa — 69,4% ni tashkil etdi. Shunday qilib, v/i yuborilgandan so'ng izotop bilan belgilangan dozaning ekskretsiyasi asosan buyraklar orqali amalga oshiriladi.

Boshlang'ich birikma va metabolitlarning T_1/2 3,6 soatni tashkil qiladi. Siydik bilan chiqariladigan asosiy metabolitlar muskarin retseptorlari bilan kuchsiz bog'lanadi va faol bo'lmagan hisoblanadi.

Sanab o'tilgan noxush ta'sirlarning ko'pchiligi preparatning antixolinergik va β-adrenerjik xususiyatlarining oqibati bo'lishi mumkin. Berodual^®, har qanday ingalyatsion terapiya kabi, mahalliy ta'sirlanishni keltirib chiqarishi mumkin. Preparatning noxush reaksiyalari klinik tadqiqotlarda va preparat ro'yxatdan o'tkazilgandan keyin uni qo'llash bo'yicha farmakologik nazorat davomida olingan ma'lumotlar asosida aniqlangan.

Klinik tadqiqotlarda xabar qilingan eng tez-tez uchraydigan nojo'ya ta'sirlar yo'tal, og'iz qurishi, bosh og'rig'i, tremor, faringit, ko'ngil aynishi, bosh aylanishi, disfoniya, taxikardiya, yurak urishini his qilish, qusish, sAQB oshishi va asabiylik bo'lgan.

Terapiya vaqtida yuzaga kelishi mumkin bo'lgan nojo'ya reaksiyalar tezligi quyidagi darajalar ko'rinishida keltirilgan: juda tez-tez (≥1/10); tez-tez (≥1/100,

Immun tizimi tomonidan: kam hollarda* — anafilaktik reaksiya, o'ta yuqori sezuvchanlik.

Moddalar almashinuvi va oziqlanish tomonidan: kam hollarda* — gipokaliemiya; juda kam hollarda — qon zardobida glyukoza oshishi.

Ruhiy buzilishlar: tez-tez emas — asabiylik; kam hollarda — qo'zg'alish, mental buzilishlar.

Asab tizimi tomonidan: tez-tez emas — bosh og'rig'i, tremor, bosh aylanishi; uchrash tezligi noma'lum — giperfaollik.

Ko'rish a'zosi tomonidan: kam hollarda* — glaukoma, KIB oshishi, akkomodatsiya buzilishi, midriaz, ko'rishning xiralashishi, ko'zlarda og'riq, shox parda shishi, kon'yunktiva giperemiyasi, narsalar atrofida oreol paydo bo'lishi.

YuQTT tomonidan: tez-tez emas — taxikardiya, yurak urishini his qilish; kam hollarda — aritmiya, bo'lmachalar fibrillatsiyasi, qorinchalar usti taxikardiyasi*, miokard ishemiyasi*.

Nafas olish a'zolari, ko'krak qafasi va ko'ks oralig'i tomonidan: tez-tez — yo'tal; tez-tez emas — faringit, disfoniya; kam hollarda — bronxospazm, halqumning ta'sirlanishi, halqum shishi, laringospazm*, paradoksal bronxospazm*, tomoq qurishi*.

OIT tomonidan: tez-tez emas — qusish, ko'ngil aynishi, og'iz qurishi; kam hollarda — stomatit, glossit, OIT motorikasining buzilishi, diareya, qabziyat*, og'iz bo'shlig'i shishi*, jig'ildon qaynashi.

Teri va teri osti to'qimalari tomonidan: kam hollarda — eshakemi, qichishish, angionevrotik shish*, gipergidroz*, toshma, petexiyalar.

Skelet-mushak tizimi va biriktiruvchi to'qima tomonidan: kam hollarda — mushak kuchsizligi, mushak spazmi, mialgiya.

Buyraklar va siydik yo'llari tomonidan: kam hollarda — siydik tutilishi.

Laboratoriya va instrumental ma'lumotlar: tez-tez emas — sAQB oshishi; kam hollarda — dAQB oshishi.

* Ushbu nojo'ya reaksiyalar Berodual^® preparatining klinik tadqiqotlari davomida aniqlanmagan. Baholash bemorlarning umumiy populyatsiyasi bo'yicha hisoblangan 95% II yuqori chegarasi asosida o'tkazilgan.

Hansirash. Hansirash (nafas olish qiyinlashishi) kutilmaganda tez kuchaygan taqdirda kechiktirmasdan shifokorga murojaat qilish kerak.

Yuqori sezuvchanlik. Berodual^® preparati qo'llanilganda o'ta yuqori sezuvchanlikning tezkor reaksiyalari yuzaga kelishi mumkin, ularning belgilari kamdan-kam hollarda eshakemi, angionevrotik shish, toshma, bronxospazm, og'iz-halqum shishi, anafilaktik shok bo'lishi mumkin.

Paradoksal bronxospazm. Berodual^® preparati, boshqa ingalyatsion preparatlar kabi, hayotga xavf solishi mumkin bo'lgan paradoksal bronxospazmni chaqirishga qodir. Paradoksal bronxospazm rivojlanganda Berodual^® preparatini qo'llashni darhol to'xtatish va muqobil terapiyaga o'tish kerak.

Uzoq muddat qo'llash. Bronxial astmadan aziyat chekuvchi bemorlarda Berodual^® preparati faqat zarurat tug'ilganda qo'llanilishi kerak. O'SOK ning yengil shakli bo'lgan bemorlarda simptomatik davolash muntazam qo'llashdan afzalroq bo'lishi mumkin. Bronxial astmasi bo'lgan bemorlarda nafas yo'llarining yallig'lanish jarayoni va kasallik kechishini nazorat qilish uchun yallig'lanishga qarshi terapiyani o'tkazish yoki kuchaytirish zarurligini yodda tutish kerak.

Berodual^® kabi β₂-adrenomimetiklarni saqlovchi preparatlarning ortib boruvchi dozalarini bronxial obstruksiyani bartaraf etish uchun muntazam ishlatish kasallik kechishining nazorat qilib bo'lmaydigan yomonlashuvini chaqirishi mumkin. Bronxial obstruksiya kuchaygan taqdirda β₂-agonistlar, sh.j. Berodual^® preparati dozasini tavsiya etilgandan oshirib uzoq vaqt davomida oshirish nafaqat oqlanmagan, balki xavflidir. Kasallik kechishining hayot uchun xavf soluvchi yomonlashuvini oldini olish uchun bemorni davolash rejasini qayta ko'rib chiqish va ingalyatsion kortikosteroidlar bilan adekvat yallig'lanishga qarshi terapiya masalasini ko'rib chiqish kerak.

Boshqa simpatomimetik bronxodilatatorlarni Berodual^® preparati bilan bir vaqtda faqat tibbiy kuzatuv ostida tayinlash kerak.

M-IT tomonidan buzilishlar. Anamnezida mukovitsidoz bo'lgan bemorlarda M-IT motorikasi buzilishlari mumkin.

Ko'rish a'zolari tomonidan buzilishlar. Preparatni ko'zga tushishidan saqlanish kerak. Berodual^® o'tkir burchakli glaukomaga moyilligi bo'lgan bemorlarda ehtiyotkorlik bilan ishlatilishi kerak. Ingalyatsion ipratropiy bromid (yoki ipratropiy bromid β₂-adrenoreseptorlar agonistlari bilan birgalikda) ko'zga tushishi natijasida rivojlangan ko'rish a'zosi tomonidan asoratlar (masalan, KIB oshishi, midriaz, yopiq burchakli glaukoma, ko'zda og'riq) haqida alohida xabarlar ma'lum. O'tkir yopiq burchakli glaukoma simptomlari ko'zda og'riq yoki diskomfort, ko'rishning xiralashishi, buyumlar atrofida halqa va ko'z oldida rangli dog'lar paydo bo'lishi tomirlarning kon'yunktival in'eksiyasi oqibatida shox parda shishi va ko'z qizarishi bilan birga bo'lishi mumkin. Agar ushbu simptomlarning har qanday kompozitsiyasi rivojlansa, KIB ni pasaytiruvchi ko'z tomchilarini qo'llash va mutaxassisning darhol maslahati ko'rsatilgan. Eritmani ko'zga tushishini oldini olish uchun nebulayzer yordamida ishlatiladigan eritma mushtuk orqali nafas olinishi tavsiya etiladi. Mushtuk bo'lmaganda yuzga zich yopishadigan niqobdan foydalanish kerak. Glaukoma rivojlanishiga moyilligi bo'lgan bemorlar ko'zni himoya qilish haqida ayniqsa puxta g'amxo'rlik qilishlari kerak.

Tizimli samaralar. Quyidagi kasalliklarda: yaqinda o'tkazilgan miokard infarkti, yetarli darajada nazorat qilinmaydigan qandli diabet, yurak va tomirlarning og'ir organik kasalliklari, gipertireoz, feoxromotsitoma, siydik chiqarish yo'llari obstruksiyasi (masalan, prostata bezi giperplaziyasi yoki qovuq bo'yni obstruksiyasi) Berodual^® faqat xavf/foydani sinchkovlik bilan baholagandan so'ng qo'llanilishi kerak, ayniqsa tavsiya etilgandan yuqori dozalar ishlatilganda.

YQTT ga ta'siri. Postmarketing tadqiqotlarda β-agonistlarni qabul qilishda miokard ishemiyasi yuzaga kelishining kamdan-kam hollari qayd etilgan. Jiddiy yondosh yurak kasalliklari, masalan YIK, aritmiyalar yoki yaqqol yurak yetishmovchiligi bo'lgan, Berodual^® preparatini olayotgan bemorlar yurakda og'riqlar yoki yurak kasalligi yomonlashganligini ko'rsatuvchi boshqa simptomlar paydo bo'lganda shifokorga murojaat qilishlari kerak. Hansirash va ko'krakda og'riq kabi simptomlarga e'tibor berish kerak, chunki ular yurak etioligiyali ham, o'pka etiologiyali ham bo'lishi mumkin.

Gipokaliemiya. β₂-agonistlar qo'llanilganda gipokaliemiya yuzaga kelishi mumkin («Dozani oshirib yuborish»ga qarang).

Sportchilarda Berodual^® preparatini qo'llash uning tarkibida fenoterol borligi sababli dopingga testlarning ijobiy natijalariga olib kelishi mumkin.

Yordamchi moddalar. Preparat benzalkoniy xlorid konservanti va dinatriy edetat digidrat stabilizatorini saqlaydi. Ingalyatsiya vaqtida ushbu komponentlar nafas yo'llari giperreaktivligi bo'lgan sezgir bemorlarda bronxospazmni chaqirishi mumkin.

Transport vositalarini va mexanizmlarni boshqarish qobiliyatiga ta'siri. Preparatning transport vositalarini va mexanizmlarni boshqarish qobiliyatiga ta'sirini o'rganish bo'yicha tadqiqotlar o'tkazilmagan. Ushbu faoliyat turlarini bajarishda ehtiyotkorlikka rioya qilish kerak, chunki bosh aylanishi, tremor, ko'z akkomodatsiyasi buzilishi, midriaz va ko'rishning xiralashishi rivojlanishi mumkin. Yuqorida ko'rsatilgan noxush sezgilar yuzaga kelganda transport vositalarini va mexanizmlarni boshqarish kabi potensial xavfli harakatlardan saqlanish kerak.

ipratropiy bromid va fenoterolga, atropinsimon moddalarga yoki preparatning har qanday boshqa komponentlariga yuqori sezuvchanlik;

gipertrofik obstruktiv kardiomiopatiya;

taxiaritmiya;

homiladorlik (I trimestr).

Ehtiyotkorlik bilan: yopiq burchakli glaukoma, arterial gipertenziya, yetarli darajada nazorat qilinmagan qandli diabet, yaqinda o'tkazilgan miokard infarkti, yurak va qon tomirlarining og'ir organik kasalliklari, yurak ishemik kasalligi, gipertireoz, feoxromotsitoma, siydik chiqarish yo'llari obstruksiyasi, mukovitsidoz, homiladorlik (II va III trimestrlar), emizish davri.

Ma'lumotlar yo'qligi sababli Berodual^® preparatini boshqa antixolinergik preparatlar bilan uzoq muddat bir vaqtda qo'llash tavsiya etilmaydi.

β-adrenergik va antixolinergik vositalar, ksantin hosilalari (masalan, teofillin) Berodual^® preparatining bronx kengaytiruvchi ta'sirini kuchaytirishi mumkin. Boshqa β-adrenomimetiklar, antixolinergik vositalar yoki ksantin hosilalarini (masalan, teofillin) bir vaqtda qo'llash nojo'ya samaralar kuchayishiga olib kelishi mumkin.

β-adrenomimetiklarni qo'llash bilan bog'liq gipokaliemiya ksantin hosilalari, GKS va diuretiklar bir vaqtda tayinlanganda kuchayishi mumkin. Bunga nafas yo'llari obstruktiv kasalliklarining og'ir shakllari bo'lgan bemorlarni davolashda alohida e'tibor qaratish kerak.

Gipokaliemiya digoksin qabul qilayotgan bemorlarda aritmiyalar yuzaga kelishi xavfini oshirishga olib kelishi mumkin. Bundan tashqari, gipoksiya gipokaliemiyaning yurak ritmiga salbiy ta'sirini kuchaytirishi mumkin. Bunday hollarda qon zardobida kaliy darajasini monitorlash o'tkazish tavsiya etiladi.

β₂-adrenergik vositalarni MAO ingibitorlari va tritsiklik antidepressantlar qabul qilgan bemorlarga ehtiyotkorlik bilan tayinlash kerak, chunki bu preparatlar β-adrenergik vositalar ta'sirini kuchaytirishi mumkin.

Galogenlangan uglevodorodli anestetiklar, masalan, galotan, trixloretilen yoki enfluran ingalyatsiyalari β-adrenergik vositalarning YaQTT ga ta'sirini kuchaytirishi mumkin.

Berodual^® preparatini kromoglitsin kislotasi va/yoki GKS bilan birga qo'llash terapiya samaradorligini oshiradi.

Ingalyasion.

Davolash tibbiy nazorat ostida (masalan, stasionar sharoitida) o'tkazilishi kerak. Uy sharoitida davolash faqat shifokor bilan maslahatlashgandan so'ng, tez ta'sir qiluvchi β-agonist past dozada yetarli darajada samara bermagan hollarda mumkin. Shuningdek, ingalyasiya uchun eritma, dozalangan aerozoldan foydalanish mumkin bo'lmagan hollarda yoki yuqoriroq dozalarni qo'llash zarurati bo'lganda tavsiya etilishi mumkin. Doza individual ravishda, xurujning o'tkirligiga qarab tanlanishi kerak. Davolash odatda eng kichik tavsiya etilgan dozadan boshlanishi va simptomlarning yetarli darajada kamayishiga erishilgandan so'ng to'xtatilishi kerak.

Quyidagi dozalar tavsiya etiladi.

Kattalar (shu jumladan keksa yoshdagilar) va 12 yoshdan katta o'smirlar

O'tkir bronxospazm xurujlari. Xurujning og'irligiga qarab, dozalar 1 ml (1 ml = 20 tomchi) dan 2,5 ml (2,5 ml = 50 tomchi) gacha o'zgarishi mumkin. O'ta og'ir holatlarda 4 ml (4 ml = 80 tomchi) gacha bo'lgan dozalarni qo'llash mumkin.

6–12 yoshli bolalar

Bronxial astmaning o'tkir xurujlari. Xurujning og'irligiga qarab, dozalar 0,5 ml (0,5 ml = 10 tomchi) dan 2 ml (2 ml = 40 tomchi) gacha o'zgarishi mumkin.

6 yoshdan kichik bolalar (tana vazni 22 kg dan kam bo'lgan)

Ushbu yosh guruhida preparatni qo'llash bo'yicha ma'lumotlar cheklanganligi sababli, quyidagi dozadan foydalanish tavsiya etiladi (faqat tibbiy nazorat ostida): tana vaznining har kg siga 0,1 ml (2 tomchi), lekin 0,5 ml (10 tomchi) dan ko'p bo'lmagan.

Ingalyasiya uchun eritmani faqat ingalyasiya uchun (mos keladigan nebulayzer bilan) ishlatish kerak va peroral qo'llash mumkin emas.

Davolashni odatda eng kichik tavsiya etilgan dozadan boshlash kerak.

Tavsiya etilgan doza 0,9% natriy xlorid eritmasi bilan 3-4 ml yakuniy hajmgacha suyultirilishi va nebulayzer yordamida (to'liq) qo'llanilishi kerak.

Berodual^® ingalyasiya uchun eritmasi distillangan suv bilan suyultirilmasligi kerak.

Eritmani suyultirish har safar qo'llashdan oldin amalga oshirilishi kerak; suyultirilgan eritmaning qoldiqlarini yo'q qilish kerak.

Suyultirilgan eritmani tayyorlangan zahoti ishlatish kerak. Ingalyasiya davomiyligi suyultirilgan eritmaning sarflanishiga qarab nazorat qilinishi mumkin.

Berodual^® ingalyasiya uchun eritmasi turli xil tijorat nebulayzerlari modellari yordamida qo'llanilishi mumkin. O'pkaga yetib boradigan doza va tizimli doza ishlatiladigan nebulayzer turiga bog'liq va Berodual^® N dozalangan aerozolini ishlatgandagi mos keladigan dozalardan yuqori bo'lishi mumkin (bu ingalyator turiga bog'liq). Markazlashtirilgan kislorod tizimidan foydalanilganda eritmani 6-8 l/daq oqim tezligida qo'llash yaxshiroqdir.

Nebulayzerni qo'llash, xizmat ko'rsatish va tozalash bo'yicha ko'rsatmalarga rioya qilish kerak.

Retsept bo'yicha.