BROMGEKSIN 8 BERLIN XEMI tabletkalari 8mg N25

25°Cdan yuqori boʼlmagan haroratda saqlansin!
Ushbu dori preparatini bolalar ololmaydigan joyda saqlang. 

Retseptsiz.

Tarkibi: 
Qobiq bilan qoplangan bir tabletkada quyidagilar saqlanadi:
faol modda: 8 mg bromgeksin gidroxloridi;
yordamchi moddalar: 
tabletka yadrosi: laktoza monogidrati, makkajoʼxori kraxmali, jelatin, suvsiz kolloid kremniy dioksidi, magniy stearati (Ph. Eur.) [oʼsimlik];
tabletka qobigʼi: saxaroza, kalьtsiy karbonati, asosiy yengil magniy karbonati, talk, xinolinli sariq (E 104), titan dioksidi (E 171), makrogol 6000, povidon K 25, glyukoza siropi (quruq modda), karnaub mumi.

Chiqarilish shakli
Qattiq alyumin folga payvandlangan qattiq shaffof PVX-plyonkali blister.
Qobiq bilan qoplangan 20 tabletkali asl qadoq.
Qobiq bilan qoplangan 25 tabletkali asl qadoq.
Qobiq bilan qoplangan 50 tabletkali asl qadoq.
Sotuvda barcha oʼlchamdagi qadoqlar boʼlmasligi mumkin.

Bromgeksin oʼsimlik tabiatli vazitsin moddasining sintetik hosilasi hisoblanadi. U sekrolitik taʼsirga ega va bronxlardan sekretni chiqarishga yordam beradi. Hayvonlarda oʼtkazilgan tajribalar ushbu preparat bronxial sekretda seroz komponentning ulushini oshirishini koʼrsatdi. Bu balgʼamning qovushqoqligini kamaytirish va hilpillovchi epiteliyning ishini kuchaytirish hisobiga balgʼamning chiqarilishini yengillashtiradi.
Bromgeksinni qoʼllash fonida balgʼamda va bronxial sekretda amoksitsillin, eritromitsin va oksitetratsiklin antibiotiklarining kontsentratsiyasini oshishi qayd etilgan. Bu samaraning klinik ahamiyati aniqlanmagan.

Bromgeksin, ichga qabul qilinganidan keyin deyarli toʼliq soʼriladi; uning yarim chiqarilish vaqti taxminan 0,4 soatni tashkil qiladi. Ichga qabul qilinganda Tmax 1 soatni tashkil qiladi. Jigar orqali birinchi oʼtish taʼsiri - taxminan 80%. Ushbu jarayonda biologik faol metabolitlar hosil boʼladi. Plazma oqsillari bilan bogʼlanishi 99% ni tashkil qiladi.
Plazmada kontsentratsiyaning pasayishi koʼp fazali jarayon hisoblanadi. Taʼsiri yakunlanishi kuzatiladigan yarim chiqarilish vaqti taxminan bir soatni tashkil qiladi. Bundan tashqari, yakuniy yarim chiqarilish vaqti taxminan 16 soatni tashkil qiladi. Bu, toʼqimalarda bromgeksinning katta boʼlmagan miqdorlarining qayta taqsimlanishi bilan bogʼliq. Taqsimlanish hajmi tana vaznining har kg iga taxminan 7 l ni tashkil qiladi. Bromgeksin organizmda toʼplanmaydi. Bromgeksin yoʼldosh toʼsigʼidan oʼtadi, hamda orqa miya suyuqligiga va koʼkrak sutiga kirib boradi.
Chiqarilishi asosan buyraklar orqali, chunki metabolitlar jigarda hosil boʼladi. Bromgeksinning oqsillar bilan bogʼlanish darajasining yuqoriligi va ahamiyatli taqsimlanish hajmi sababli, hamda uning toʼqimalardan qonga asta-sekin qayta taqsimlanishi sababli, preparatning dializ yoki jadalllashtirilgan diurez yordamida biron bir ahamiyatli qismining chiqarilish ehtimoli kam.
Jigarning ogʼir kasalliklarida dastlabki moddaning klirensini pasayishi ehtimoli bor. Ogʼir buyrak yetishmovchiligida bromgeksinning yarim chiqarilish vaqtining uzayish ehtimoli bor. Meʼdadagi fiziologik sharoitlarda bromgeksinning nitrozirlanish ehtimoli bor.

shamollash va yoʼtalning simptomlarini bartaraf qilish uchun preparatlar, mukolitiklar

Vujudga kelish tez-tezligi boʼyicha nojoʼya taʼsirlar quyidagi tarzda tavsiflanadi:
Juda tez-tez:    ≥1/10
Tez-tez:    ≥1/100 dan < 1/10 gacha
Baʼzida:    ≥1/1000 dan < 1/100 gacha
Kam hollarda:        ≥1/10000 dan < 1/1000 gacha
Juda kam hollarda:    <1/10000
Tez-tezligi nomaʼlum:    Mavjud boʼlgan maʼlumotlar boʼyicha baholash mumkin emas
Immun tizimi tomonidan buzilishlar
Kam hollarda: yuqori sezuvchanlik reaktsiyalari (masalan, respirator distress).
Tez-tezligi nomaʼlum: anafilaktik reaktsiyalar, jumladan anafilaktik shok, angionevrotik shish va qichishish. 
Meʼda-ichak yoʼllari tomonidan buzilishlar
Baʼzida: koʼngil aynishi, qorindagi ogʼriq, qusish, diareya.
Teri va teri osti yogʼ toʼqimalari tomonidan buzilishlar
Kam hollarda: toshma, eshakemi.
Tez-tezligi nomaʼlum: ogʼir nojoʼya teri reaktsiyalari (jumladan mulьtiform eritema, Stivens-Djonson sindromi/toksik epidermal nekroliz va oʼtkir tarqalgan ekzantematoz pustulez).
Umumiy xarakterdagi va yuborish joyidagi buzilishlar
Baʼzida: tana xaroratining koʼtarilishi.
Yuqori sezuvchanlik reaktsiyalari, anafilaktik reaktsiyalar yoki terining va shilliq qavatning biron bir oʼzgarishlari paydo boʼlgan vaqtda bromgeksin qabul qilinishini darhol toʼxtatish va shifokorga murojaat qilish kerak.
Boʼlishi mumkin boʼlgan nojoʼya reaktsiyalar haqida xabarlar 
Dori preparatini roʼyhatdan oʼtkazgandan keyin boʼlishi mumkin boʼlgan nojoʼya reaktsiyalar haqida xabarlar muhim rolь oʼynaydi va ushbu dori vositasiga nisbatan “foyda/xavf” nisbatini kuzatib borishni davom ettirishga imkon beradi. Sogʼliqni saqlash tizimi xodimlaridan har qanday boʼlishi mumkin boʼlgan nojoʼya reaktsiyalar haqida “Berlin-Xemi АG” Kompaniyasining Oʼzbekistondagi Vakolatxonasiga quyidagi manzil boʼyicha xabar berish talab etiladi: Toshkent sh., 100031, Аfrosiyob koʼch., 12a (biznes-markaz).

Teri reaktsiyalari
Bromgeksin qabul qilinishi bilan bogʼliq boʼlgan mulьtiform eritema, Stivens-Djonson sindromi (SDS)/toksik epidermal nekroliz (TEN)va oʼtkir tarqalgan ekzentematoz pustulez (OʼTEP) kabi ogʼir darajadagi teri reaktsiyalari haqida xabarlar mavjud. Kuchayib boruvchi teri toshmasi simptomlari yoki belgilari mavjudligida (baʼzida qavariqlar yoki shilliq qavatning shikastlanish bilan) bromgeksin bilan davolashni darhol toʼxtatish va tibbiy yordam olishga murojaat qilish kerak.
Meʼda va oʼnikki-barmoqli ichak yarasi
Аnamnezida meʼda yoki oʼnikkibarmoqli ichak yarasi boʼlgan patsientlarda Bromgeksin 8 Berlin-Xemini qoʼllab boʼlmaydi, chunki bromgeksin meʼda-ichak yoʼlining shilliq qavatini toʼsiq faoliyatiga taʼsir qilishi mumkin.
Oʼpka va nafas olish yoʼllari
Bromgeksin 8 Berlin-Xemi preparati sekret toʼplanishini kuchaytirish ehtimoli borligi sababli, bronxial motorika buzilishi va shilliq sekretsiyasi kuchaygan patsientlarga qoʼllashda (masalan, birlamchi siliar diskineziya kabi kam uchraydigan kasallikda) ehtiyotkorlikka rioya qilish zarur.
Jigar va buyraklar tomonidan buzilishlar
Buyraklar faoliyatini buzilishi yoki jigarning ogʼir darajadagi kasalliklarida Bromgeksin 8 Berlin-Xemi preparatini qoʼllashda alohida ehtiyotkorlikka rioya qilish zarur, yaʼni kamaytirilgan dozada yoki qabul oraliqlarini uzaytirib qabul qilish kerak.
Ogʼir darajadagi buyrak yetishmovchiligida jigarda hosil boʼladigan bromgeksin metabolitlarining toʼplanishi ehtimoli bor.
Jigar funktsiyasini, ayniqsa uzoq muddatli davolashda, vaqti-vaqti bilan nazorat qilish tavsiya etiladi.
Laktoza, glyukoza, saxaroza
Ushbu preparatda laktoza, glyukoza va saxaroza saqlanadi. Shu sababli, uni galaktoza yoki fruktozani koʼtaraolmaslik, laktaza tanqisligi, glyukoza-galaktoza malьabsorbatsiyasi sindromi kabi kam uchraydigan irsiy kasalliklari boʼlgan patsientlarga yoki saxaraza-izomalьtazaning organizmda yetishmovchiligi boʼlgan patsientlarga qabul qilib boʼlmaydi.
Fertillik, homiladorlik va laktatsiya
Homiladorlik
Hozirgi kungacha homilador ayollarda bromgeksinning qoʼllanilish tajribasi mavjud emas yoki u juda ham chegaralangan Bromgeksin 8 Berlin-Xemi preparatining homiladorlikda qoʼllanilishi faqat xavf va foydaning sinchkov baholanishidan keyin ruxsat etiladi; homiladorlikning birinchi trimestrida qoʼllanilishi tavsiya etilmaydi.
Emizish
Taʼsir qiluvchi modda ona suti bilan ajralib chiqishi sababli, Bromgeksin 8 Berlin-Xemi preparatini koʼkrak suti bilan emizish davrida qoʼllanilishiga ruxsat etilmaydi (“Qoʼllash mumkin boʼlmagan holatlar” boʼlimiga qarang).
Fertillik
Hayvonlardagi tadqiqotlarda bromgeksinning fertillikka salbiy taʼsiri aniqlanmagan (“Xavfsizlik boʼyicha klinik oldi qoʼllashgacha maʼlumotlar” boʼlimiga qarang).
Transport vositalarini boshqarish va mexanizmlarga xizmat koʼrsatish qobiliyatiga taʼsiri
Bromgeksin 8 Berlin-Xemi transport vositalarini boshqarish va mexanizmlarga xizmat koʼrsatishga taʼsir koʼrsatmaydi yoki ahamiyatsiz taʼsir koʼrsatadi.

Shilliq hosil boʼlishi va chiqarilishini buzilishi bilan kechuvchi bronxlar va oʼpkaning oʼtkir va surunkali kasalliklarida sekrolitik vosita sifatida qoʼllanadi.

- “Tarkibi” boʼlimida keltirib oʼtilgan taʼsir etuvchi moddaga yoki biron bir yordamchi moddalarga yuqori sezuvchanlik.
Bromgeksin 8 Berlin-Xemi preparatini koʼkrak bilan emizish vaqtida koʼllash mumkin emas.
Pediatrik profildagi patsientlar
Taʼsir qiluvchi moddaning yuqori kontsentratsiyasi sababli 6 yoshdan kichik bolalarga Bromgeksin 8 Berlin-Xemi preparatini qoʼllash kerak emas. Ushbu yosh guruhi uchun tarkibida kamroq taʼsir qiluvchi modda saqlovchi boshqa preparatlar ishlab chiqariladi.

Bromgeksin 8 Berlin-Xemi preparatini yoʼtalga qarshi preparatlar bilan majmuada qoʼllash vaqtida yoʼtal refleksini susaytirishi sababli sekretning xavfli toʼplanish ehtimoli bor, shuning uchun bunday majmuani buyurishda ayniqsa sinchkovlik bilan tekshirish zarur.
Meʼda-ichak yoʼllarini taʼsirlanish simptomlarini chaqiruvchi preparatlar bilan bir vaqtda qoʼllashda, MIY shilliq qavatini taʼsirlanishi kuchayishi ehtimoli bor.

deyarli oq yadroli sariqdan yashil-sargʼish ranggacha, ikkiyoqlama biroz qavariq, qobiq bilan qoplangan tabletkalar

Dozalash
Аgar boshqasi buyurilmagan boʼlsa, Bromgeksin 8 Berlin-Xemi preparatining quyidagicha dozalash tavsiya etiladi: 
Kattalarga va 14 yoshdan katta oʼsmirlarga sutkada uch marta Bromgeksin 8 Berlin-Xemi preparatining 1 - 2 tabletkasi (bu sutkada 24 - 48 mg bromgeksin gidroxloridiga ekvivalent).
6 yoshdan 14 yoshgacha bolalarga va oʼsmirlarga, hamda tana vazni 50 kg dan kam boʼlgan patsientlarga sutkada uch marta Bromgeksin 8 Berlin-Xemi preparatining 1 tabletkasi (bu sutkada 24 mg bromgeksin gidroxloridiga ekvivalent).
Patsientlarning aloxida maxsus guruhlari
Buyraklarning faoliyati buzilishida yoki jigarning ogʼir darajali kasalliklarida preparatning qoʼllanilishi yuqori ehtiyotkorlikni talab qiladi Bromgeksin preparatini oʼta ehtiyotkorlik bilan, yaʼni qabul oraliqlarini uzaytirib qoʼllash kerak) (“Qoʼllashda maxsus koʼrsatmalar” boʼlimiga qarang).
Qoʼllash usuli
Qobiq bilan qoplangan tabletkalarni ovqatdan keyin, yetarlicha miqdordagi suyuqlik (masalan, bir stakan suv bilan) bilan ichib qabul qilish kerak.
Davolashning davomiyligi koʼrsatmalar va kasallik ketishiga mos ravishda individual belgilanadi.Bromgeksin 8 Berlin-Xemi preparatini 4-5 kundan ortiq boʼlmagan muddatda shifokor maslahatisiz qabul qilishga ruxsat beriladi.
Аgar Siz Bromgeksin 8 Berlin-Xemi preparatini qabul qilishni unutgan boʼlsangiz
Oʼtkazib yuborilgan preparatni qoplash uchun ikkilangan dozani qabul qilmang.
Аgar Siz Bromgeksin 8 Berlin-Xemi preparatini qabul qilishni unutgan boʼlsangiz yoki zaruriy dozadan kam qabul qilgan boʼlsangiz, keyingi safar Bromgeksin 8 Berlin-Xemi preparatini dozalash boʼyicha qoʼllanmaga mos ravishda qabulni davom ettiring.
Аgar Siz Bromgeksin 8 Berlin-Xemi preparatini qabul qilishni bekor qilgan boʼlsangiz
Davolovchi shifokorning maslahatisiz Bromgeksin 8 Berlin-Xemi preparati bilan davolashni bekor qilmang. Bu Sizning kasalligingizni ogʼirlashtirishi mumkin.

Simptomlar
Odamda xavf tugʼdiruvchi, dozani oshirib yuborish holatlari hozirgi kungacha nomaʼlum. 
Dozani oshirib yuborish holatlarini tadqiqotlari nashr qilingan, ularga binoan bromgeksin bilan dozani oshirib yuborishning 25 ta holatidan 4 qusish kuzatilgan, maktab yoshigacha boʼlgan uchta bolada ongning xiralashishi, ataksiya, diplopiya, yengil ogʼirlik darajasidagi metabolik atsidoz va taxipnoe kabi alomatlar qayd qilingan. Bromgeksinni 40 mg gacha qabul qilgan bolalarda, garchi organizmdan ushbu moddani yoʼqotish boʼyicha choralarni oʼtkazilmagan boʼlsa ham, simptomlar kuzatilmagan.
Odamda preparatning surunkali toksik taʼsiri haqidagi maʼlumotlar mavjud emas.
Davolash tadbirlari
Dozani ahamiyatli oshirib yuborishdan keyin qon aylanishini nazorati va zarurat tugʼilganda, simptomatik davolash buyurilgan. Bromgeksinning toksikligi past boʼlgani sababli, soʼrilishni kamaytirish yoki uni organizmdan chiqarilishini tezlashtirish boʼyicha qoʼshimcha invaziv choralarga, odatda zarurat paydo boʼlmaydi. Bundan tashqari, farmakokinetik xususiyatlari sababli (taqsimlanishning katta hajmi, qayta taqsimlanishning sekin kechishi va oqsillar bilan ahamiyatli bogʼlanishi) dializ yoki jadallashtirilgan diurez organizmdan moddaning chiqarilishiga sezilarli taʼsir koʼrsatmaydi.
2 yoshdan katta bolalarda odatda faqat yengil simptomlar kuzatilishi mumkinligi sababli, hattoki katta dozani qabul qilishdan keyin, 80 mg gacha bromgeksin gidroxloridini qabul qilganda (yaʼni, 8 mg dan 10ta tabletka) uni organizmdan chiqarish boʼyicha choralarga zarurat tugʼilmagan; kichik yoshdagi bolalar uchun bu chegara 60 mg bromgeksin gidroxloridini (6 mg/kg tana vazni) tashkil qiladi.
Izoh
Аncha yuqori dozalarda preparatni qabul qilishda shu bilan birga yordamchi moddalarning taʼsirini ham inobatga olish kerak (“Qoʼllashda maxsus koʼrsatmalar” boʼlimiga qarang).

Homiladorlik
Hozirgi kungacha homilador ayollarda bromgeksinning qoʼllanilish tajribasi mavjud emas yoki u juda ham chegaralangan Bromgeksin 8 Berlin-Xemi preparatining homiladorlikda qoʼllanilishi faqat xavf va foydaning sinchkov baholanishidan keyin ruxsat etiladi; homiladorlikning birinchi trimestrida qoʼllanilishi tavsiya etilmaydi.
Emizish
Taʼsir qiluvchi modda ona suti bilan ajralib chiqishi sababli, Bromgeksin 8 Berlin-Xemi preparatini koʼkrak suti bilan emizish davrida qoʼllanilishiga ruxsat etilmaydi (“Qoʼllash mumkin boʼlmagan holatlar” boʼlimiga qarang).

Xavfsizlik boʼyicha klinik oldi maʼlumotlar
Farmakologik xavfsizlikning anʼanaviy tadqiqotlari natijasida olingan klinik qoʼllashgacha maʼlumotlar odam uchun oʼziga xos xavfning mavjudligi, hamda takroriy dozalarda toksiklikning, genotoksiklikning, kantserogenlikning, reproduktiv aʼzolarga va rivojlanishga nisbatan toksiklikning mavjudligi haqida dalolat bermaydi.
Surunkali toksiklik
Har xil hayvonlarda (kalamushlar, sichqonlar, kuchuklar) yuqori dozalar va uzoq muddat qoʼllash bilan oʼtkazilgan tadqiqotlar, oddiy terapevtik qoʼllanilishi doirasida odam uchun biron bir ahamiyatli toksik potentsialni aniqlab bermadi.
Mutagen va kantserogen potentsial
in vitro (Eyms sinovi) va in vivo/in vitro (vositachi-sut emizuvchi bilan sinov) tajribalari mutagen taʼsirini aniqlab bermadi. Kalamushlarda kantserogenlik tadqiqotlari bromgeksinning kantserogen potentsialini aniqlab bermadi.
Reproduktiv toksiklik
Bromgeksin yoʼldosh orqali oʼtadi. Hayvonlarda oʼtkazilgan tajribalar kalamushlarga, sichqonlarga va quyonlarga teratogen taʼsirning belgilarini koʼrsatmadi. Terapevtik dozalarda bromgeksin avlodning rivojlanishiga va feʼl-atvoriga taʼsir etmagan. Fertillikka bromgeksinning taʼsiri aniqlanmagan.

3 yil.
Ushbu dori vositasini “goden do” soʼzlaridan keyin blisterda va karton qutida koʼrsatilgan “yaroqlilik muddati” tugagandan keyin qoʼllash mumkin emas. Yaroqlilik muddatining yakuniy sanasi koʼrsatilgan oyning oxirgi kuni hisoblanadi.
Hech qanday dori preparatlarini kanalizatsiyaga yoki maishiy chiqindilar bilan birga tashlab yubormang. Kerak boʼlmagan dori preparatini qanday utilizatsiya qilish boʼyicha dorixona xodimi bilan maslahatlashing. Bu choralar atrof-muhit himoyasiga yordam beradi.