DROTAVERIN 0,04 tabletkalari N100

Peroral qabul qilinganda so'rilishi - yuqori, yarim so'rilish davri - 12 daqiqa. Biokiraolishligi - 100 %. To'qimalarda bir tekis taqsimlanadi, silliq mushak hujayralariga kiradi. Qonda maksimal konsentratsiyaga erishish vaqti - 2 soat. Plazma oqsillari bilan bog'lanishi - 95-98%. Asosan buyraklar orqali, kamroq darajada - safro bilan chiqariladi. Gematoensefalik to'siq orqali o'tmaydi.

Bosh aylanishi, yurak urishi, issiqlik hissi, ko‘p terlash, qon bosimining pasayishi, allergik teri reaksiyalari.

Agar yo‘riqnomada ko‘rsatilgan har qanday nojo‘ya ta'sirlar kuchaysa yoki Siz yo‘riqnomada ko‘rsatilmagan har qanday boshqa nojo‘ya ta'sirlarni sezsangiz, bu haqda shifokorga xabar bering.

Me'da va 12 barmoqli ichak yara kasalligini davolashda boshqa yaraga qarshi dori vositalari bilan birgalikda qo'llaniladi.

Bolalarni davolash uchun ehtiyotkorlik bilan qo'llash kerak, chunki drotaverinning bolalarga ta'siri bo'yicha tadqiqotlar o'tkazilmagan. Tabletka tarkibiga laktoza kiradi, shuning uchun laktaza tanqisligi, galaktozemiya yoki glyukoza/galaktoza so'rilishi buzilishi sindromi bo'lgan bemorlarga tayinlanmasin.

Preparatning transport vositalarini va mexanizmlarni boshqarish qobiliyatiga ta'siri:

Davolash davrida avtotransportni boshqarish va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishdan saqlanish kerak.

Preparat komponentlariga yuqori sezuvchanlik, yaqqol jigar, buyrak, surunkali yurak yetishmovchiligi, II- III darajali atrioventikulyar blokada, kardiogen shok, arterial gipotenziya, laktatsiya davri. 3 yoshgacha bo'lgan bolalar.

Ehtiyotkorlik bilan:

Koronar arteriyalarning yaqqol aterosklerozi, prostata bezi giperplaziyasi, yopiq burchakli glaukoma; homiladorlik davrida.

Homiladorlik va laktatsiya:

Preparatni qo'llash faqat ona uchun foyda homila uchun potensial xavfdan yuqori bo'lsa tavsiya etiladi. Zarur klinik ma'lumotlar yo'qligi sababli, drotaverinni laktatsiya (emizish) davrida tayinlash tavsiya etilmaydi.

Bir vaqtda qo'llanilganda drotaverin levodopaning antiparkinsonik samarasini susaytirishi mumkin. Papaverin, bendazol va boshqa spazmolitiklar (shu jumladan m-xolinoblokatorlar) ta'sirini, tritsiklik antidepressantlar, xinidin va prokainamid chaqirgan arterial qon bosimining pasayishini kuchaytiradi. Fenobarbital drotaverinning spazmolitik ta'siri namoyon bo'lishini oshiradi. Morfinning spazmogen faolligini kamaytiradi.