ELFUNAT inyeksiya uchun eritma 2ml 50mg/ml N10

5 мл дан рангсиз шишали 5 ампула контур уяли ўрамда. 1 контур уяли ўрам қўллаш бўйича йўриқномаси билан бирга картон қутига жойланади.

Бош миянинг метаболизми ва қон билан таъминланишини яхшилайди. Қон хужайраларининг мембрана тузилмаларини барқарорлаштириб, гемолиздан сақлайди. Гиполипидемик таъсирга эга, умумий холестерин ва паст зичликдаги липопротеидларнинг даражасини пасайтиради. Ўткир панкреатитда ферментатив токсемия ва эндоген интоксикацияни камайтиради.

Препаратнинг таъсир механизми унинг антиоксидантлик ва мембранапротектор фаоллиги билан ифодаланади. Липидларнинг пероксидли оксидланиш жараёнларини ингибиция қилади, супероксидазанинг фаоллигини оширади, липид-оқсил нисбатини кўпайтиради, хужайра мембранасининг структураси ва фаолиятини яхшилайди. Ҳужайра мембранасига боғланган ферментлар (кальцийга боғлиқ бўлмаган фосфодиэстераза, аденилатциклаза, ацетилхолинэстераза), рецептор комплекслари (бензодиазепин, гамма-аминомой кислотаси, ацетилхолин комплекслари) нинг фаоллигини модуллайди, бу уларнинг лигандалар билан боғланиш хусусиятини кучайтиради, биомембраналарнинг структур-функционал тузилмасини тикланишига ёрдам беради, натижада нейромедиаторларни ташилиши, ва мувофиқ равишда, синапслар орқали ўтказилиши яхшиланади.

Қон ҳафзасидан аъзо ва тўқималарга жадал ўтади ва организмдан тезда чиқарилади. Организмда препаратни ўртача ушланиб туриш вақти 0,7-1,3 соатни ташкил қилади.

Организмдан сийдик билан, асосан глюкурон конъюгатлари шаклида ҳамда оз миқдорларда – ўзгармаган ҳолда чиқарилади.

Овқат ҳазм қилиш тизими томонидан: учраш тезлиги номаълум – кўнгил айниши, оғизни қуриши.

Бошқалар: учраш тезлиги номаълум – аллергик реакциялар, уйқучанлик, уйқуга кетиш жараёнини бузилиши, бош оғриши, артериал босим (АБ) ни ошиши ёки пасайиши. 

Артериал босими (АБ) 180/100 мм сим. уст. дан юқори, гипертоник криз билан кечувчи артериал гипертензия ва яққол аффектив беқарорлиги бўлган пациентларга, даволаниш вақтида АБ ни синчиклаб назорат қилиш талаб этилади.

Ҳомиладорлик ва лактация даврида қўлланиши

Ҳомиладорлик ва эмизиш даврида препаратни қўллашга оид маълумотлар мавжуд эмас.

Педиатрияда қўлланиши

18 ёшгача бўлган болалар ва ўсмирларда препаратни қўллаш самарадорлиги ва ҳавфсизлиги аниқланмаган.

Автотранспортни ҳайдаш ва механизмларни бошқариш қобилиятига таъсири

Даволаниш вақтида автотранспортни бошқаришда ҳамда диққатни юқори даражада жамлаш ва психомотор реакциялар тезлигини талаб этувчи бошқа потенциал ҳавфли фаолият турларини бажаришда эҳтиёткорликка риоя қилиш керак.

Препаратни болалар ололмайдиган жойда сақлаш керак ва яроқлилик муддати тугаганидан сўнг ишлатилмасин. 

-       бош мия жароҳатлари, бош мия жароҳатларининг асоратлари;

-       дисциркулятор энцефалопатия;

-       вегето-томир (нейроциркулятор) дистонияси;

-       бош мия фаолиятини атеросклероз туфайли бузилишлари (енгил когнитив бузилишлар);

-       невроз ва неврозсимон ҳолатларда хавотирли бузилишлар;

-       ўткир миокард инфаркти (дастлабки суткаларда) мажмуавий даволаш таркибида;

-       клиник манзарасида невроз ва вегето-томир бузилишларининг устунлиги билан кечувчи алкоголизмда абстинент синдром;

-       нейролептиклар билан ўткир заҳарланиш;

-       қорин бўшлиғини ўткир йирингли-яллиғланиш жараёнларида (ўткир некротик панкреатит, перитонит) комплекс даволаш таркибида;

-       бирламчи очиқ бурчакли глаукоманинг турли босқичларини комплекс даволаш таркибида қўлланади.

-       ўткир жигар ва/ёки буйрак етишмовчилиги;

-       болалар ва 18 ёшгача бўлган ўсмирлар;

-       ҳомиладорлик;

-       лактация даврида қўллаш мумкин эмас.

Яроқлилик муддати

3 йил.

Препарат оқим билан секин 5-7 минут давомида, томчилаб юборилганда – минутига 40-60 томчи тезлик билан юборилади. Максимал суткалик дозаси 1200 мг дан ошмаслиги керак.

Бош мияда қон айланишини ўткир бузилишларида – дастлабки 10-14 кун давомида 200-500 мг дан суткада 2-4 марта вена ичига томчилаб, сўнгра – мушак ичига 200-250 мг дан суткада 2-3 марта 2 ҳафта мобайнида юборилади.

Бош мия жароҳатларида ва бош мия жароҳатларининг асоратларида – 200-500 мг дан суткада 2-4 марта 10-15 кун давомида вена ичига томчилаб юборилади.

Дисциркулятор энцефалопатиянинг декомпенсация босқичида – 200-500 мг дан суткада 1-2 марта 14 кун давомида вена ичига оқим билан ёки томчилаб, сўнгра эса – мушак ичига суткасига 100-250 мг дан навбатдаги 2 ҳафта давомида юборилади.

Дисциркулятор энцефалопатиянинг курсли профилактикаси учун – 200-250 мг дан суткада 2 марта 10-14 кун давомида мушак ичига юборилади.

Вегето-томир дистониясида ва невроз ҳамда неврозсимон ҳолатлардаги хавотирли бузилишларда – мушак ичига суткасига 50-400 мг дан 14 кун давомида юборилади.

Енгил когнитив бузилишларда – мушак ичига суткасига 100-300 мг дан 14-30 кун давомида юборилади.

Ўткир миокард инфарктида мажмуавий даволаш таркибида миокард инфарктини, нитратлар, бета-адреноблокаторлар, ангиотензинга айлантирувчи фермент ингибиторлари, тромболитиклар, антикоагулянтлар ва антиагрегант воситалар, шунингдек кўрсатмаларга қараб симптоматик воситаларни ўз ичига олувчи анъанавий даволаш фонида Элфунат препаратини вена ичига ёки мушак ичига 14 сутка давомида юборилади. Дастлабки 5 сутка давомида, максимал самарага эришиш учун, препаратни вена ичига юборган афзал, навбатдаги 9 сутка давомида мушак ичига юбориш мумкин.

Препаратни вена ичига юбориш (ножўя самаралардан сақланиш мақсадида) 0,9% ли натрий хлорид эритмаси ёки 5% ли декстроза (глюкоза) эритмасининг 100-150 мл ҳажмда суюлтириб, секин 30-90 минут давомида томчилаб инфузия йўли билан амалга оширилади. Зарурат бўлганида препаратни камида 5 минут давомида оқим билан секин юбориш ҳам мумкин.

Препаратни суткада 3 марта, ҳар 8 соатда (вена ичига ёки мушак ичига) юборилади. Суткалик терапевтик дозаси суткада тана вазнига 6-9 мг/кг, бир марталик дозаси тана вазнига 2-3 мг/кг ташкил этади. Максимал суткалик дозаси 800 мг дан, бир марталик дозаси – 250 мг дан ошмаслиги керак.

Алкоголли абстиненция синдромида – 200-500 мг дан суткада 2-3 марта 5-7 кун давомида вена ичига томчилаб ёки мушак ичига юборилади.

Антипсихотик воситалар билан ўткир захарланишларда – вена ичига суткасига 200-500 мг дан 7-14 кун давомида юборилади.

Қорин бўшлиғидаги ўткир йирингли-яллиғланиш жараёнларида (ўткир некротик панкреатит, перитонит) дастлабки суткаларда препаратни ҳам операциядан олдин, ҳам операциядан кейинги даврда буюрилади. Юбориладиган дозалари касалликни тури ва оғирлигига, жараённи тарқалганлигига, клиник кечишига боғлиқ бўлади. Препаратни, барқарор ижобий клиник-лаборатор самарага эришилганидан сўнг, аста-секин бекор қилиш мумкин.

Ўткир шишли (интерстициал) панкреатитда – 200-500 мг дан суткада 3 марта вена ичига томчилаб (0,9% натрий хлорид эритмасида) ва мушак ичига юборилади.

Енгил даражадаги некротик панкреатитда – 100-200 мг дан суткада 3 марта вена ичига томчилаб (0,9% натрий хлорид эритмасида) ва мушак ичига юборилади.

Ўртача даражадаги некротик панкреатитда – 200 мг дан суткада 3 марта вена ичига томчилаб (0,9% натрий хлорид эритмасида) юборилади.

Оғир даражадаги некротик панкреатитда – дастлабки суткаларда 800 мг дозада вена ичига томчилаб, икки марта юбориш режимида; сўнгра – 200-500 мг дан суткада 2 марта суткалик дозасини аста-секин пасайтириш йўли билан юборилади.

Жуда оғир даражадаги некротик панкреатитда панкреатоген шокнинг аломатларини барқарор даражагача бартараф этилгунига қадар бошланғич дозаси суткада 800 мг ни ташкил этади, беморнинг ҳолати барқарорлашгач –300-500 мг дан суткада 2 марта вена ичига (0,9% ли натрий хлорид эритмасида) томчилаб, суткалик дозасини аста-секин пасайтириш йўли билан юборилади.

Очиқ бурчакли глаукоманинг турли босқичларида комплекс даволаш таркибида – мушак ичига 100-300 мг дан суткада 1-3 марта 14 кун давомида юборилади.

Даволаш: одатда, талаб этилмайди – симптомлари сутка давомида ўз-ўзидан йўқолади. Оғир ҳолатларда уйқусизликда – 10 мг нитразепам, 10 мг оксазепам ёки 5 мг диазепам қабул қилинади. Артериал босим ҳаддан зиёд ошганида – артериал босимни назорати остида гипотензив дори воситалари юборилади ва/ёки даволаш нитропрепаратлар билан тўлдирилади.