GALAVIT poroshok 50mg N5

Organizmdan asosan buyraklar orqali chiqariladi. m/i yuborilgandan so'ng T _{30-40 daqiqani tashkil qiladi.}

Asosiy farmakologik samaralar 72 soat davomida kuzatiladi.

Ta’sir mexanizmi fagotsitar hujayralarning (monotsitlar/makrofaglar, neytrofillar, tabiiy killerlar) funksional-metabolik faolligiga ta’sir qilish qobiliyati bilan bog‘liq. Bundan tashqari, Galavit^® antitanachalar hosil bo‘lishini normallashtiradi, bilvosita endogen interferonlar (IFN-α, IFN-γ) ishlab chiqarilishini rag‘batlantiradi.

Yallig‘lanish kasalliklarida giperfaollashgan makrofaglar tomonidan o‘sma nekrozi omili-α, interleykin-1, interleykin-6 va boshqa yallig‘lanishga olib keluvchi sitokinlar, kislorodning faol shakllari ortiqcha sintezini qaytuvchan (6-8 soatga) ingibitsiya qiladi, ularning darajasi yallig‘lanish reaksiyalari darajasini, ularning davriyligini, shuningdek intoksikatsiya yaqqolligi va oksidativ stress darajasini belgilaydi. Makrofaglar funksional holatining normallashuvi makrofaglarning antigenni taqdim etuvchi va boshqaruvchi funksiyasi tiklanishiga, autoagressiya darajasi pasayishiga olib keladi. Neytrofil granulotsitlarning bakteritsid faolligini rag‘batlantiradi, fagotsitozni kuchaytiradi va infeksion kasalliklarga organizmning nospetsifik rezistentligini oshiradi.

Kamdan-kam hollarda: allergik reaksiyalar bo'lishi mumkin.

Antibiotiklar bilan bir vaqtda qo'llanilganda oxirgilarining kurs dozalarini kamaytirish mumkin.

Avtotransportni haydash va mexanizmlarni boshqarish qobiliyatiga ta'siri

Ma'lumotlar yo'q.

• homiladorlik;
• laktatsiya davri;
• 6 yoshgacha bo'lgan bolalar (preparatni qo'llash bo'yicha klinik tajriba yo'q);
• individual o'zlashtira olmaslik.

Boshqa dori vositalari bilan nomutanosiblik holatlari qayd etilmagan.

Mushak orasiga. Yuborishdan oldin preparat 2 ml in'ektsiya uchun suvda yoki 0,9% natriy xlorid eritmasida suyultiriladi.

Qo'llash usullari, dozalari va davomiyligi shifokor tomonidan tashxis, kasallikning og'irligi, bemorning yoshiga qarab tanlanadi.

Oshqozon va o'n ikki barmoqli ichak yarasida o'tkir davrda - 2 kun davomida 200 mg dan kuniga 1 marta, keyin - 100 mg dan 72 soat oraliq bilan. Kurs 15-25 in'ektsiya. Surunkali davrda - 5 kun davomida 100 mg dan kuniga 1 marta, keyin - 100 mg dan har 72 soatda. Kurs - 20 in'ektsiya.

Virusli gepatitlarda boshlang'ich doza bir marta 200 mg, keyin - intoksikatsiya va yallig'lanish belgilari bartaraf etilguncha 100 mg dan kuniga 2 marta. Keyinchalik terapiya kursi 100 mg dozada 72 soat oraliq bilan davom ettiriladi. Kurs - 20-25 in'ektsiya.

Gerpes virusi keltirib chiqargan surunkali qaytalanuvchi kasalliklarda har kuni 100 mg dan 5 ta in'ektsiya, keyin - 100 mg dan kun ora 15 ta in'ektsiya buyuriladi.

Odam papillomasi virusi keltirib chiqargan kasalliklarda 5 kun davomida 100 mg dan kuniga 1 marta, keyin - 100 mg dan kun ora 15 ta in'ektsiya buyuriladi. Kurs - 20 in'ektsiya.

Urogenital infeksiyalarda (xlamidioz va trixomonadali uretrit, xlamidiozli prostatit) preparat 1-kuni 100 mg dan kuniga 2 marta, keyin - 100 mg dan kun ora buyuriladi. Kurs - patologik jarayonning og'irligiga qarab 10-15 in'ektsiya.

Salpingooforit, endometritda o'tkir davrda - 2 kun davomida 200 mg dan kuniga 1 marta, keyin - 100 mg dan 72 soat oraliq bilan, qo'llash davomiyligi kasallikning og'irligiga bog'liq. Kurs - 20 in'ektsiya. Surunkali davrda - 5 kun davomida 100 mg dan kuniga 1 marta, keyin - 100 mg dan har 72 soatda. Kurs - 20 in'ektsiya.

Kichik chanoq a'zolarining o'tkir va surunkali yiringli kasalliklarida o'tkir davrda 1-kuni bir marta 200 mg, keyin 3 kun davomida har kuni 100 mg dan, keyin - 100 mg dan kun ora 5 ta in'ektsiya buyuriladi. Kurs - 10 in'ektsiya. Surunkali davrda - 5 kun davomida 100 mg dan kuniga 1 marta, keyin - 100 mg dan har 72 soatda. Kurs - 20 in'ektsiya.

Bachadon miomasi bo'lgan bemorlarni operatsiyadan keyingi reabilitatsiyasi va reproduktiv yoshdagi ayollarda operatsiyadan keyingi davr asoratlarida 5 kun davomida 100 mg dan kuniga 1 marta, keyin - 100 mg dan kun ora buyuriladi. Kurs - 15 in'ektsiya.

Asoratlarni oldini olish va davolash operatsiyadan oldingi va keyingi davrda (shu jumladan onkologik bemorlarda) 100 mg dan kuniga 1 marta buyuriladi. Operatsiyadan oldin 5 ta in'ektsiya, operatsiyadan keyin 100 mg dan kun ora 5 ta in'ektsiya va 100 mg dan 72 soat oraliq bilan 5 ta in'ektsiya. Kasallikning og'ir kechishida boshlang'ich doza 200 mg dan kuniga 1 marta yoki 100 mg dan kuniga 2 marta. Kurs - 20 in'ektsiya.

Surunkali qaytalanuvchi furunkulyoz, saramasda preparat 5 kun davomida 100 mg dan kuniga 1 marta, keyin - 100 mg dan kun ora buyuriladi. Kurs - 20 in'ektsiya.

Astenik holatlar, nevrotik va somatoform buzilishlar, ruhiy, xulq-atvor va postabstinent buzilishlarda, alkogol va giyohvandlikka qaramligi bo'lgan bemorlarda 5 kun davomida 100 mg dan kuniga 1 marta, keyin - 100 mg dan har 72 soatda buyuriladi. Kurs - 15-20 in'ektsiya.

Jismoniy ishchanlikni oshirish uchun 100 mg dan kun ora 5 ta in'ektsiya, keyin - 100 mg dan har 72 soatda buyuriladi. Kurs - 20 in'ektsiyagacha.

Og'iz bo'shlig'i va halqum shilliq qavatining yallig'lanish kasalliklari, parodont kasalliklarida boshlang'ich doza har kuni 100 mg dan 5 ta in'ektsiya, keyin - 100 mg dan 72 soat oraliq bilan. Kurs - 15 in'ektsiya.

Kattalar va 12 yoshdan oshgan o'smirlar (monoterapiya sifatida)

Oshqozon-ichak traktining o'tkir va surunkali infeksion-yallig'lanish kasalliklarida, intoksikatsiya va/yoki diareya bilan kechganda, bir marta 200 mg, keyin intoksikatsiya belgilari bartaraf etilguncha 100 mg dan kuniga 2 marta buyuriladi. Kursni keyinchalik 100 mg dan 72 soat oraliq bilan davom ettirish mumkin. Kurs - 20-25 in'ektsiya.

Surunkali urogenital infeksiyalarda, shu jumladan klinik remissiyani saqlab qolish maqsadida qaytalanishlar orasidagi davrda immunoreabilitatsiya tadbirlarini o'tkazishda 100 mg dan kun ora buyuriladi. Kurs - 10 in'ektsiya.

6 yoshdan oshgan bolalar

Yiringli jarrohlik kasalliklarida (kuyish jarohatlari, qaytalanuvchi furunkulyoz, surunkali osteomiyelit, omentitli gangrenoz appenditsit, peritonit, yiringli plevrit) preparat 6 yoshdan 11 yoshgacha bo'lgan bolalarga - 5 kun davomida 50 mg dan 1 ta in'ektsiya kuniga 1 marta, keyin 10-15 kun davomida 50 mg dan 1 ta in'ektsiya kun ora buyuriladi. Kurs 10-15 in'ektsiyani tashkil qiladi. 12 yoshdan 18 yoshgacha bo'lgan bolalar va o'smirlarga davolash xuddi shu sxema bo'yicha 100 mg dan mushak orasiga in'ektsiya ko'rinishida o'tkaziladi.

Bog'lam qo'yishda Galavitni 1% li in'ektsiya uchun suvdagi eritmasi bilan namlangan steril salfetkalar ko'rinishida (boltushka yoki suvda eruvchan mazli bog'lamlarda) sirtqi qo'llash maqsadga muvofiqdir.

Nafas yo'llari va LOR-a'zolarining bakterial va virusli etiologiyali tez-tez qaytalanuvchi kasalliklarida (tez-tez O'RVI, bronxit, pnevmoniya, surunkali tonzillit, surunkali otit, surunkali adenoidit) 6 yoshdan 11 yoshgacha bo'lgan bolalarga 5 kun davomida har kuni 50 mg dan 1 ta in'ektsiya, keyin - 10-15 kun davomida 50 mg dan kuniga 1 marta kun ora buyuriladi. Kurs 10-15 in'ektsiyani tashkil qiladi. 12 yoshdan 18 yoshgacha bo'lgan bolalar va o'smirlarga davolash xuddi shu sxema bo'yicha 100 mg dan mushak orasiga in'ektsiya ko'rinishida o'tkaziladi.