KETOPROFEN eritma 2ml 0,05/ml N10

So'rilishi

Ketoprofen vena ichiga yuborilganda infuziya boshlanganidan 5 daqiqa o'tib va to'xtatilganidan 4 daqiqa o'tgach plazmadagi o'rtacha konsentratsiya 26,4 ±5,4 mkg/ml ni tashkil qiladi. Biokiraolishligi 90% ni tashkil qiladi. 100 mg ketoprofen bir marta mushak ichiga yuborilganda preparat qon plazmasida infuziya boshlanganidan 15 daqiqa o'tgach aniqlanadi, eng yuqori konsentratsiyaga (1,3 mkg/ml) esa 2 soatdan keyin erishiladi.

Preparatning biokiraolishligi doza oshishi bilan chiziqli ravishda ortadi.

Taqsimlanishi

Ketoprofen qon plazmasi oqsillari bilan, asosan albumin fraksiyasi bilan 99% ga bog'langan. To'qimalardagi taqsimlanish hajmi 0,1-0,2 l/kg ni tashkil qiladi. Ketoprofen sinovial suyuqlikka kirib boradi va 100 mg vena ichiga yuborilganda 3 soatdan keyin uning konsentratsiyasi 1,5 mkg/ml ga yetadi, bu qon plazmasidagi konsentratsiyaning (taxminan 3 mkg/ml) 50% ini tashkil qiladi. 9 soatdan keyin sinovial suyuqlikdagi konsentratsiya 0,8 mkg/ml ni, qon plazmasida esa 0,3 mkg/ml ni tashkil qiladi, bu ketoprofen sinovial suyuqlikka sekinroq kirib borishini va undan sekinroq chiqib ketishini anglatadi. Ketoprofenning statsionar plazma konsentratsiyalari qabul qilinganidan keyin hatto 24 soat o'tgach ham aniqlanadi. 100 mg ketoprofen bir marta mushak ichiga yuborilgandan so'ng preparat orqa miya suyuqligida, xuddi qon zardobida bo'lgani kabi, 15 daqiqadan so'ng aniqlanadi.

Metabolizmi

Ketoprofen jigar mikrosomal fermentlari ishtirokida jadal metabolizmga uchraydi. U glyukuron kislotasi bilan bog'lanadi va organizmdan glyukuronid ko'rinishida chiqariladi. Ketoprofenning faol metabolitlari yo'q.

Chiqarilishi

Ketoprofenning yarim chiqarilish davri (T1/2) 2 soatni tashkil qiladi. Ketoprofenning 80% gacha qismi buyraklar orqali 24 soat ichida, asosan (>90%) ketoprofen glyukuronidi shaklida va taxminan 10% - ichak orqali chiqariladi.

Buyrak yetishmovchiligi bo'lgan bemorlarda ketoprofen sekinroq chiqariladi, uning T1/2 1 soatga uzayadi.

Jigar yetishmovchiligi bo'lgan bemorlarda T1/2 uzayadi, shuning uchun to'qimalarda to'planishi mumkin.

Keksa yoshdagi bemorlarda ketoprofen metabolizmi va chiqarilishi sekinroq kechadi, bu faqat og'ir buyrak yetishmovchiligi bo'lgan bemorlar uchungina klinik ahamiyatga ega.

Og'riq qoldiruvchi Yallig'lanishga qarshi

Nojo‘ya reaksiyalar paydo bo‘lish tezligini baholashda quyidagi gradatsiya qo‘llanilgan: juda tez-tez (10% dan ko‘p yoki teng), tez-tez (1% dan ko‘p yoki teng, <10%), tez-tez emas (0,1% dan ko‘p yoki teng, <1%), kam hollarda (0,01% dan ko‘p yoki teng, <0,1%), juda kam hollarda (<0,01%), tez-tezligi noma'lum (mavjud ma'lumotlar bo‘yicha aniqlab bo‘lmaydi).

Qon yaratish tizimi va limfa tizimi tomonidan: kam hollarda - gemorragik anemiya, gemolitik anemiya, leykopeniya; tez-tezligi noma'lum - agranulotsitoz, trombositopeniya, suyak iligi funktsiyasining buzilishi.

Immun tizimi tomonidan: tez-tezligi noma'lum - anafilaktik reaksiyalar (shu jumladan anafilaktik shok).

Nerv tizimi tomonidan: tez-tez - depressiya, uyqusizlik, asteniya; tez-tez emas - bosh og‘rig‘i, bosh aylanishi, uyquchanlik; kam hollarda - paresteziyalar, ongning chalkashishi yoki yo‘qolishi, periferik polineyropatiya; tez-tezligi noma'lum - talvasalar, ta'm bilishning buzilishi, hissiy labillik.

Sezgi a'zolari tomonidan: kam hollarda - ko‘rishning xiralashishi, quloqlarda shovqin, kon'yunktivit, ko‘z shilliq qavatining qurishi, ko‘zlarda og‘riq, eshitishning pasayishi; tez-tezligi noma'lum - ko‘rish nervi nevriti.

Yurak-qon tomir tizimi tomonidan: tez-tez emas - taxikardiya; tez-tezligi noma'lum - yurak yetishmovchiligi, arterial gipertenziya, vazodilatatsiya.

Nafas olish tizimi tomonidan: kam hollarda - bronxial astmaning kuchayishi, burun qonashlari, hiqildoq shishi; tez-tezligi noma'lum - bronxospazm (ayniqsa NYQPga yuqori sezuvchanligi bo‘lgan bemorlarda), rinit.

Me'da-ichak yo‘llari tomonidan: tez-tez - ko‘ngil aynishi, qusish, dispepsiya, qorin sohasida og‘riq, NYQP-gastropatiya; tez-tez emas - qabziyat, diareya, qorin dam bo‘lishi, gastrit; kam hollarda - peptik yara, stomatit; juda kam hollarda - nospetsifik yarali kolit, Kron kasalligining kuchayishi, milkdan, me'da-ichakdan, gemorroidal qon ketishi, melena, me'da-ichak yo‘llari a'zolarining perforatsiyasi; tez-tezligi noma'lum - me'da-ichakda noqulaylik, me'dada og‘riq.

Jigar va o‘t chiqarish yo‘llari tomonidan: kam hollarda - gepatit, "jigar" fermentlari va bilirubin faolligining oshishi.

Teri qoplamalari tomonidan: tez-tez emas - teri toshmasi, teri qichishishi; tez-tezligi noma'lum - fotosensibilizatsiya, alopesiya, eshakemi, surunkali eshakemining kuchayishi, Kvinke shishi, eritema, bullyoz toshma, shu jumladan Stivens-Djonson sindromi, toksik epidermal nekroliz, purpura.



Siydik chiqarish tizimi tomonidan: kam hollarda - tsistit, uretrit, gematuriya; juda kam hollarda - o‘tkir buyrak yetishmovchiligi, interstitsial nefrit, nefrotik sindrom, buyrak funktsiyasi ko‘rsatkichlarining anomal qiymatlari; tez-tezligi noma'lum - organizmda suyuqlikning ushlanib qolishi va buning natijasida tana vaznining ortishi, giperkaliemiya.

Boshqa: tez-tez emas - periferik shishlar, toliqish; kam hollarda - qon tupurish, menometrorragiya, hansirash, chanqoq, mushaklarning tortishishi.

NYQP uzoq muddat qo'llanilganda klinik qon tahlilini vaqti-vaqti bilan baholash, shuningdek jigar va buyrak funktsiyasini nazorat qilish, ayniqsa keksa yoshdagi bemorlarda (65 yoshdan katta), axlatni yashirin qonga tahlilini o'tkazish zarur.

Arterial gipertenziya va/yoki dimlangan yurak yetishmovchiligi bo'lgan bemorlarni sinchkovlik bilan kuzatish zarur, chunki ketoprofen bilan terapiya vaqtida organizmda suyuqlik tutilishi rivojlanishi yoki kuchayishi haqida xabarlar mavjud.

Ketoprofen bilan davolash vaqtida arterial qon bosimini monitoring qilish tavsiya etiladi, ayniqsa yurak-qon tomir kasalliklari bo'lgan bemorlarda. Nazorat qilib bo'lmaydigan arterial gipertenziya, o'tkir va og'ir surunkali yurak yetishmovchiligi, yurak ishemik kasalligi, periferik arteriyalar kasalliklari va/yoki tserebrovaskulyar kasalliklari bo'lgan bemorlarga ketoprofen bilan davolashni ehtiyotkorlik bilan o'tkazish kerak. Ba'zi nosteroid yallig'lanishga qarshi preparatlarni qo'llash arterial trombozlar (miokard infarkti, insult) rivojlanish xavfi bilan bog'liq bo'lishi mumkin. Ketoprofen uchun bunday xavfni istisno qilish uchun ma'lumotlar yetarli emas.

Agar davolash vaqtida ko'rish buzilishlari kuzatilsa, davolashni to'xtatish kerak.

Astmasi, surunkali riniti, surunkali sinusiti va/yoki nazal polipozi bo'lgan bemorlarda boshqa bemorlarga qaraganda allergik reaktsiyalar tez-tez yuzaga kelishi mumkin.

Boshqa NYQP kabi, ketoprofen infektsion-yallig'lanish kasalliklari simptomlarini niqoblashi mumkin. Infektsiya belgilari aniqlanganda yoki preparatni qo'llash fonida ahvol yomonlashganda darhol shifokorga murojaat qilish zarur.

Anamnezida OIT tomonidan qarshi ko'rsatmalar (qon ketishlar, perforatsiya, yara kasalligi) mavjud bo'lganda, uzoq muddatli terapiya o'tkazilganda va ketoprofenning yuqori dozalari qo'llanilganda bemor shifokorning qat'iy nazorati ostida bo'lishi kerak.

Shuningdek gemostaz buzilishlari, gemofiliya, Villebrand-Yurgens kasalligi, og'ir trombotsitopeniya, buyrak yoki jigar yetishmovchiligi bo'lgan bemorlarda va antikoagulyantlar (kumarin va geparin hosilalari, birinchi navbatda past molekulyar og'irlikli geparinlar) qabul qilayotgan bemorlarda ehtiyotkorlikka rioya qilish kerak. Davolash boshida yurak yetishmovchiligi, tsirroz va nefrozi bo'lgan bemorlarda, diuretiklar qabul qilayotgan bemorlarda, surunkali buyrak yetishmovchiligi bo'lgan bemorlarda, ayniqsa bemor keksa yoshda bo'lsa, buyrak funktsiyasini puxta monitoringini o'tkazish kerak. Bunday bemorlarda ketoprofen qabul qilish prostaglandin ingibitsiya qilinishi natijasida buyrak qon oqimining pasayishini chaqirishi va buyrak dekompensatsiyasiga olib kelishi mumkin.

Ketoprofen bilan davolashni radikal jarrohlik amaliyotlarini o'tkazishdan oldin to'xtatish kerak.

Ketoprofen qabul qilish ayollar fertilligini yomonlashtirishi mumkin va homilador bo'lishni xohlaydigan ayollar uchun tavsiya etilmaydi.

Transport vositalarini va mexanizmlarni boshqarish qobiliyatiga ta'siri:

Preparatni qo'llash davrida transport vositalarini boshqarishda va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishda ehtiyotkorlikka rioya qilish zarur, chunki preparat ko'rsatilgan qobiliyatlarga ta'sir qilishi mumkin bo'lgan bosh aylanishi va boshqa nojo'ya ta'sirlarni chaqirishi mumkin.

Gipersezuvchanlik (shu jumladan boshqa NYaQVlarga), bronxial astma, burun polinozining qaytalanishi va burun yondosh bo'shliqlari va atsetilsalitsil kislotasi yoki boshqa NYaQVlarga toqat qilolmaslikning to'liq yoki to'liq bo'lmagan kombinatsiyasi (shu jumladan anamnezda), me'da va 12-barmoqli ichak yara kasalligi (zo'rayish), yarali kolit (zo'rayish), divertikulit, peptik yara, gemofiliya va qon ivishining boshqa buzilishlari, faol me'da-ichakdan qon ketishi; og'ir buyrak yetishmovchiligi (KK minutiga 30 ml dan kam), buyrakning progressiv kasalliklari, og'ir jigar yetishmovchiligi yoki faol jigar kasalligi, aortokoronar shuntlash o'tkazilgandan keyingi holat, tasdiqlangan giperkaliemiya, ichakning yallig'lanish kasalliklari, bolalar yoshi (18 yoshgacha), homiladorlik (III trimestr), emizish davri.

Ehtiyotkorlik bilan:

Anemiya, bronxial astma, alkogolizm, chekish, alkogolli jigar sirrozi, giperbilirubinemiya, jigar yetishmovchiligi, degidratatsiya, sepsis, surunkali yurak yetishmovchiligi (NYHA tasnifi bo'yicha II-IV funksional sinf), shishlar, arterial gipertenziya, qon kasalliklari (shu jumladan leykopeniya), stomatit, yurak ishemik kasalligi, serebrovaskulyar kasalliklar, dislipidemiya/giperlipidemiya, qandli diabet, periferik arteriya kasalliklari, surunkali buyrak yetishmovchiligi (KK 30-60 ml/min), anamnezda me'da-ichak trakti yara shikastlanishlari, Helicobacter pylori infeksiyasi mavjudligi, NYaQVni uzoq muddat qo'llash, og'ir somatik kasalliklar, peroral glyukokortikoid vositalarni (shu jumladan prednizolon), antikoagulyantlarni (shu jumladan varfarin), antiagregantlarni (shu jumladan klopidogrel), serotonin qayta qamrab olinishi selektiv ingibitorlarini (shu jumladan tsitalopram, fluoksetin, paroksetin, sertralin) bir vaqtda qabul qilish, keksa yosh, homiladorlik (I, II trimestr), tizimli qizil yuguruk va biriktiruvchi to'qimaning boshqa autoimmun kasalliklari.

Homiladorlik va laktatsiya:

Ketoprofenni homiladorlikning I va II trimestrlarida qo'llash faqat ona uchun potensial foyda homila uchun xavfdan yuqori bo'lgan hollarda mumkin.

Preparatni homiladorlikning III trimestrida qo'llash mumkin emas.

Agar laktatsiya davrida ketoprofenni qo'llash zarur bo'lsa, emizishni to'xtatish masalasini hal qilish kerak.

Istalmagan dori preparatlari kombinatsiyalari

Ketoprofenni boshqa NYQPV (shu jumladan siklooksigenaza-2 selektiv ingibitorlari), yuqori dozadagi salitsilatlar bilan birga qo'llash tavsiya etilmaydi, bu oshqozon-ichakdan qon ketish va OIT shilliq qavati yaralanishi xavfining oshishi oqibatida. Antikoagulyantlar (geparin, varfarin), antiagregatlar (tiklopidin, klopidogrel) bilan bir vaqtda qo'llash qon ketish rivojlanish xavfini oshiradi. Agar bunday kombinatsiyani qo'llash muqarrar bo'lsa, bemorning holatini diqqat bilan nazorat qilish kerak.

Litiy preparatlari bilan bir vaqtda qo'llanilganda qon plazmasida litiy kontsentratsiyasi toksik qiymatlargacha oshishi mumkin. Qon plazmasida litiy kontsentratsiyasini diqqat bilan nazorat qilish va NYQPV bilan davolash vaqtida va undan keyin litiy preparatlari dozasini o'z vaqtida to'g'irlash kerak.

Metotreksatning gematologik toksikligini oshiradi, ayniqsa u yuqori dozalarda (haftasiga 15 mg dan ortiq) qo'llanilganda. Ketoprofen bilan terapiyani to'xtatish yoki boshlash va metotreksat qabul qilish orasidagi vaqt oralig'i kamida 12 soatni tashkil qilishi kerak.

Ehtiyotkorlik bilan qo'llash kerak bo'lgan kombinatsiyalar

Ketoprofen bilan terapiya fonida diuretiklarni qabul qilayotgan bemorlarda, ayniqsa degidratatsiya rivojlanganda, prostaglandinlar sintezi ingibirlanishi oqibatida buyrak qon oqimi kamayishi tufayli buyrak yetishmovchiligi rivojlanish xavfi yuqori bo'ladi. Ketoprofen qo'llashni boshlashdan oldin bunday bemorlarda regidratatsion choralar o'tkazish kerak. Davolash boshlangandan keyin buyrak funktsiyasini nazorat qilish zarur.



Preparatni angiotenzin o'zgartiruvchi ferment ingibitorlari va angiotenzin II retseptorlari blokatorlari bilan buyrak funktsiyasi buzilgan bemorlarda (degidratatsiyada, keksa yoshdagi bemorlarda) birga qo'llash buyrak funktsiyasi yomonlashishining kuchayishiga, shu jumladan o'tkir buyrak yetishmovchiligi rivojlanishiga olib kelishi mumkin.

Ketoprofen va metotreksatni haftasiga 15 mg dan oshmaydigan dozada bir vaqtda qo'llashning birinchi haftalarida qon tahlilini har hafta nazorat qilish kerak. Keksa yoshdagi bemorlarda yoki buyrak funktsiyasi buzilishining har qanday belgilari paydo bo'lganda tekshiruvni tez-tez o'tkazish kerak.

E'tiborga olish kerak bo'lgan kombinatsiyalar

Ketoprofen gipotenziv vositalar (beta-blokatorlar, AO'F ingibitorlari, diuretiklar) ta'sirini susaytirishi mumkin.

Serotoninni qayta qamrab olish selektiv ingibitorlari (SIO'SI) bilan bir vaqtda qo'llash oshqozon-ichakdan qon ketishlar rivojlanish xavfini oshiradi.

Trombolitiklar bilan bir vaqtda qo'llash qon ketish rivojlanish xavfini oshiradi.

Kaliy tuzlari, kaliy tejovchi diuretiklar, AO'F ingibitorlari, angiotenzin II retseptorlari blokatorlari, NYQPV, past molekulyar og'irlikdagi geparinlar, siklosporin, takrolimus va trimetoprim bilan bir vaqtda qo'llash giperkaliemiya rivojlanish xavfini oshiradi.

Siklosporin, takrolimus bilan bir vaqtda qo'llanilganda, ayniqsa keksa yoshdagi bemorlarda additiv nefrotoksik ta'sir rivojlanish xavfi bo'lishi mumkin.

Bir nechta antiagregant preparatlarni (tirofiban, eptifibatid, abtsiksimab, iloprost) qo'llash qon ketish rivojlanish xavfini oshiradi.

Qon plazmasida yurak glikozidlari, "sekin" kaltsiy kanallari blokatorlari, siklosporin, metotreksat va digoksin kontsentratsiyasini oshiradi.

Ketoprofen peroral gipoglikemik va ba'zi tirishishga qarshi preparatlar (fenitoin) ta'sirini kuchaytirishi mumkin.

Probenetsid bilan bir vaqtda qo'llash qon plazmasida ketoprofen klirensini sezilarli darajada kamaytiradi.

Nosteroid yallig'lanishga qarshi preparatlar mifepriston samaradorligini kamaytirishi mumkin. NYQPV qabul qilishni mifepriston bekor qilingandan keyin 8-12 kundan oldin boshlamaslik kerak.

Cho'kma tushishi sababli tramadol eritmasi bilan farmatsevtik jihatdan nomutanosib.